كل ما تذكرتك جاتني همومي مسايير
وارفع اليد واقول يا الله ترده بالسلامه
ماهو هم(ن) فالسوق صدع كل الهوامير
يكره يشوف على الشاشه احمر العلامه
ولا هو هم تاجر جنى من تجارته مخاسير
وكل بضاعه من تجارته يلحقها الندامه
الهم عندي لاغابت عني سيد كل الغنادير
من الحزن ما تشوف على شفاتي ابتسامه
ان كان السبب مني ابي القي عليه المعاذير
في غيبته ياما اتعبني سهر الليل وظلامه
وياما دمع عيني شكى لربه حكم المقادير
دمعة من شافها كني طفل ما بلغ فطامه
اهلها على خدي لاسمعت نوال تجر المزامير
واجر وراها ونة من سمعها كنها القيامه
هذي حالتي في غيابك ارفعها لك بالتقارير
لعلك تحضر وتصدر على الهم حكم اعدامه
قلتها ياخلي وانا ازف لك المشاعر جماهير
شعور بداخل قلبي ما على عشقه ملامه
ولاتقول اني عاشق يمثل دور المشاهير
مثل مجنون ليلى بان جنونه في كلامه
ولأ مثل ابو زيد الهلالي في قول الاساطير
بعد ما فارق عليا طاح من وسطه حزامه
ولأ مثل عنترة يوم انه راح بضرب البواتير
وعبله تنثر الدمع على خدها من عزة مقامه
سلطان عاشق ينتظر مع ريح الشوق تباشير
تبشر بها قلبي بعودتك لدار العز والكرامه