شبكة همس الشوق - عرض مشاركة واحدة - ليه عمري مالقى لبرده دفى الا دفاكي للكاتبه ذكرى نجديه

2 - 1 - 2015, 11:06 AM

جيت أبحث عن حطام الضلوع المهدفات العوج
لمحت الدرب قدامي ضلام طافيٍ سراجه
لمحت الغصن متكسر وحمام فاقدله بروج
يلف الكون مايدري طريقه وين مخراج

انتهى الكلام بهالموضوع مسالةوقت وتكون زوجه للانسان الي كرهته بسبب حبها لاختها تمر الايام عليهم طويله كئيبه مافي احد منهم فرحان بزواجهم ...
نوف ماعاد تقدر تبعد عن بيتها صارت تلقى فيه الهدؤ النفسي والاستقرار ورغم اتصالات ناصر المتكرره ماعندها الجراءه عشان ترد عليه

ناصر انشغل فيها فكر انه يرجع لكن بما انه وصل وبدا دراسه قرر يترك كل شي لرجوعه

ساره ايامها متشابهه ليلها مثل النهار بس حياه وايام تتوالى عليها بدون طعم الاالمراره

نايف صاركل شي عادي عنده يحس انه تبلد وصار بدون احساس انطوى على نفسه واعتزل الحياه

...............................................

..طيب ليش ماتروحين تجهزين لنفسك

ملت فمها هوا وتاففت منهم ..نوف ترى ذبحتوني ماسكيني بالدور ان راحت امي جت نوره وان راحت نوره جيتي انتي مـ ا بـ ي اروح ماتفهمون يكفي سويت التحليل لان ابو هو الي وداني
..طيب ليش ؟؟
..خزتها بنظره معناها انتي فاهمه..انتي الي تسئليني
..ياساره ياحبيبتي مانتي خسرانه اذا رحتي واشتريتي لنفسك انتي حتى لبس زي الناس ماعندك
..انا ماشكيت ولا ابي وفلوسه رجعوها له مابي منه شي
ردت بملل من عنادها..اذا انتي وافقتي خلاص جهزي نفسك
..نوف خليني انسى شوي احس جسمي يتكهرب من هالسيره
..خلاص براحتك << سمعت صوت جوالها الي على طاوله بنص الغرفه مشت له تغيرت تعابيرها وفضلت يكون صامت
قامت لها ساره الي كانت جالسه بالاراض وولدها قدامها بعد مالمعت براسها فكره وجرفتها رغبتها بتفيذها انها توافق على شي كانت رافضته تماما ..من الي متصل ؟؟
نزلت راسها وبصوت هادي ..ناصر
..ردي عليه
..ماني راده
..ليش
مطت شفتها وهزت كتفها ماعندها رد واحساس يتعدى حدود الكلام ..مدري خلينا كذا احسن
ضيقت عيونها تستعد تسمع ردها وتكلمت ..نوف بروح معك بس بشرط
ناظرت لها بابتسامه .. تتشرطين بعد !!
..وش قلتي بتوافقين ولا لا ؟؟
..اعرف الشرط اول !!
..اممممم تتصلين بناصر الحين
فتحت عيونها وقلبت شفتها ..وانتي وش بتستفيدين ارد ولا مارد
وقفت قدامها وحطت يدها على كتفها .. يمكن ارتاح شوي >>مسكت كتوفها الاثنين ..انا احترق يانوف كل شي قلب على راسي
..وكل هذا لاني مارد على ناصر
..نوف لاتستغبين انتي تدرين بكل شي
كتفت يديها وميلت رقبتها ..واذا كلمته بترتاحين
نزلت يدها وراسها ..يمكن
رفعت راسها وعلى شفتها ابتسامه وهي تسمع ردها ..اتفقنا
رفعت كفوفها بيديها ..كلميه الحين وانا بروح اتجهز
ابتسمت علامة القبول طلعت من عندها ساره وقبل تسكر الباب ..لاتلعبين على كلميه الحين
..خلاص بس اجهزي
من فرحتها ان ساره شوي ارتاحت رفعت جهازها و؟؟؟؟؟؟؟؟؟؟؟؟؟؟؟؟؟

.................................................. ........

دخلت باكياسها مع اختها سلمت على امها الي تشوفها وقلبها يتفطر عليها وعلى شبابها الي كفنته ودفنته وتتحسر انها ماجبرتها على واحد من الي خطبوها .. شفتي وش شريت لك يمه
التفت لها .. كثر الله خيرك
قامت توريها قطعة اللذهب والجلابيه الي شرتها لها ..شوفي يمه ابيك تكشخين يوم عرسي ابي كل الناس تأشر عليك ويقولون هذي ام العروس
ابعدت الاغراض بيدها ولفت براسها للجه الثانيه .. مابي شي منك
..ليش يمه ليش تبين تكسرين فرحتي
..لانك كسرتي قلبي ولوعتيه عليك
ضحكت لامها بعدم مبالاه ..انتي الي تغيرتي غريب يعني تزوجي تزوجي ويوم تزوجت قلبيتيها عزا
.. تدرين جبتيها" عزا
..بكره بتشوفين وشلون بصير مليونيره
اومت بيدها ..صدق مخك صغير
..افا يمه انا مخي صغير مقبوله منك معذوره ماتعرفين بنتك >>وهو تأشر على راسها ..وهالراس وش يفكر فيه
..ياخوفي انك تشبين النار تحتك
..هههههههههههههه اقول يمه ماشفتي زوجي العزيز وش جاب لي
سكتت وماسئلتها .. جاب لي طقم الماس بمبلغ خيالي
.. نوال يابنيتي الالماس مايعوضك عن عمرك وعن شبابك ولاهو هذا ثمنهم لان مالهم ثمن >>والتفت للتلفزيون
نفضت يدها باستهزاء وقامت وهي ناقمه من قلبها على كل الناس ولاواحد من الي حولها حسسها انها كسبانه لكن هي ناويه انها تخيب ظنهم واثقه من قدراتها

.................................................. ............

حط اصابعه بعيونه السبابه والابهام وطخي راسه ويسمع كلام ابوه ..وش اجهز يبه البيت مافيه شي يمشي الحال
..انا ماتكلم اذا كان يمشي الحال ولا لا انا اقول غير الاثاث حرام خل البنت تنسى ولا ناوي تقعدها بشقة العزوبيه الي انت عايش فيها
ثار هالمره وتكلم بعصبيه .. عمرها مانست ماهي اكبر همي حس فيني انا يبه انت شايل همها وناسيني ترى انا ولدك
فتح عيونه على وسعها اول مره نايف يتكلم معه بهالطريقه ورد بطريقه بارده ..انت متاكد انه هالكلام تقوله لي انا
هدا شوي بعد فتره من السكوت .. يبه انت تبيني افرح وانبسط وكل شي صار على يدك
..انا قلت لك يانايف بزوجها بدر وانت رفضت
..يعني اذا بغيت احافظ على مستقبل اخوي اكون مبسوط لاني اخذتها
اوما باصبعه ..لا السالفه اكبر من كذا انت وراك شي
تلخبط من معرفة ابوه له .. لا سالفه ولاشي بس المفروض تحس فيني مثل مانت حاس فيها
... ترى زودتها يانايف بتمسكها علي زله انك وافقت خلاص انتهى كل شي
..طيب وش المطلوب مني
..لا الي جا منك كفايه الي ابيه انا بسويه انا للحين بقوتي >>قال كلامه بغضب وهو يحاول يقرص عليه شوي
.. الله يعطيك القوه والعافيه بس قدرني يبه
لانت ملامحه وهو يشوف الشتات بعيونه وسر بنظراته ماهو قادر يفهمه .. ياوليدي البنت ضعيفه ومكسوره بعد هي مثلك تنازلت وتزوجت وهي ما التم جرحها من موت زوجها تحسب انه سهل عليها ترمل وهي بعز شبابها وتصير ام لطفل انولد من غير ابو هذا لحاله يقصر العمر>>
ماعرف وش يقول ولا ايش يرد عليه نايف كان السهل الممتنع الموافق على المبدء المرفوض مامانع على قربها لانه يبي بعدها وقبلها بحياته لانه رافض وجودها بحياة اخوه

.............................................
عجزت احكي لك احساسي
واترجم لهفتي بالبوح
عجزت اني اعيش بصمت الى من طال يذبحني
حبيبي شفت هالدنيا بها ناس تجي وتروح
اقسم بالي ليا من مت وصرت عظام يجمعني
احبك والغلا صادق وماهو لعب وسلا مزوح
نزل دمعي نزف جرحي وذاك الشوق عذبني
احس الكون في عيني فنى وماعاد له مصلوح
مادام اللي احبه حيل مااجيه ولايجي عندي
انا لامن كتبت وهمت حكي حب غدى مذبوح
صرخ دمه بدون شعوريكفى بالله افهمني

الغرفه مظلمه وبارده مكركبه اوراق مبعثره ملابس بكل مكان مو متعود على خدمة نفسه انها شغله اتصل على نوف لكن مثل ماتوقع لارد دخل فراشه وتلحف وهو يحس ببرد ماتعود عليه ماكان باين منه الاراسه نورت الغرفه بنور الجوال قبل يسمع صوته مد يده وهو متغطي فز بدون وعي وحذف الغطا بعيد ومايدري كيف وصل عند طاولته الي بنص الغرفه استعدل كأن المتصل يشوفه ..الو
عادتها الشوق له يلجم لسانها ويصعب عليها الكلام .. الو الو
انحلت عقدة لسانها وردت ..السلام عليكم
ابتسامه على شفايفه وفرحه بعيونه وضحكه عاليه بقلبه ..وعليكم السلام
ماعرفت منين تبدا ظلت ساكته بس تكلم قبل ينقطع الخط وناداها ندا دافي بأسمها الي يستعذب ترديده ..نــــوف
رفعت راسها فوق تظن دمعتها تخاف من النزول من مكان عالي ماتدري ان الدموع ماتخاف من السقوط مهما علت المسافه وبهمس يمكن ماتبيه يسمع ..ســـ م
تنهد وطلع من صدره هوا بارد ..سم الله عدوك وش اخبارك
باصبعها خطفت عيونها ومسحتها .. الحمدلله بخير انـ تـ وشـ اخبـ اركـ
كم من الشوق لها اكتسحه وغلبه والعبارات بهاللحظه خانته ..انا عايش الدراسه ماخذه وقتي كله >>كان يطق بالقلم على الطاوله
..اللـه يوفقك انت اتصلت فيني قبل شوي ؟؟
يستمتع و فرحه عارمه وهي تكلمه كان يتمناها ترد ماحلم انها تتصل بنفسها .. أي من كم يوم وانا اتصل وماتردين انتي وينك الحين
..انا ببيت ابوي
..ليش مارحوا!!
..لا صار عندهم شغل واجلو سفرتهم
وصل للسؤال الي تعدى كل هالحواجز عشان يسمع جوابه منها ..وانتي
هي عارفه زين وش يرمي بسؤاله ..وش فيني ؟؟
..للحين مصره تروحين معهم
.. ماقدر اروح الابعد نهايةالدراسه مابي اضيع ترم يكفي الي ضاع مني
ضربته بالصميم تمنى انه ماسئلها ولاحاول يستفسر .. يعني بعد ماتنهي الدراسه بتروحين
سكتت ماتقدر تقول شي ..تسمعيني ؟؟
ابتسم وهو يتذكر سكوتها اذا شردت بشي "ردت ..اسمعك" اظن
قعد يرسم دوائر على الورقه الي قدامه تشبه الدوامه الي هو عايش فيها .. يعني بجي ولا اشوفك
ونة ونه بسيطه طلعت غصبا عنها .. عادي انت رحت وماشفتني
حذف القلم من يده الغرفه ظلمه زياده عن الظلام الي داخله .. مابي اضايقك بشوفتي وماحب اودعك
..نــــــــــــاصر
كانت حروف اسمه تطلع من فمها مثل الشهد بصوت هادي .. هــلا
تكلمت بهمس وبنبره خافته عساه مايلاحظ التفاصيل الباقيه .. لا تعذبني
عقد حواجبه وهزه لحن الالم الي تسرب لمسامعه وبصوت هــــــــــادي جدا ..انا اعذبك يانوف انا اتعذب لانك انتي تبيني اتعذب
كأن البرد الي يعيشه وصلها مع الجوال ارتعشت اوصالها .. ودي ارتاح واريحك بس ماني قادره سامحني
فهم مقصدها وانها تظن انها تنساه اذا ماصار بينهم اتصال ..انتي تبين تنسيني يانوف ؟؟
.. اتمنى" اتمنى انسى الجرح الي بقلبي يمكن لو انسى تلاقيني استناك
حس ببذرة امل انغرست بقلبه او شي يثبت حبها له .. استنيني يانوف وانا بعد الايام لين اشوفك انا شاريك وبايع الدنيا كلها
الى هنا وصلت اقصاها ماتحب تتكلم او ماتعرف توصف احساسها .. ارجوك خلاص ماعاد اقدر اتكلم اكثر
ابتسمت لخيبته فيها تعذبه بلطف وتعذب نفسها اكثر خلوقه حتى بتعذيبك يانوف .. على قد مايضايقك الكلام على قد مايريحني خصوصا وانا بعيد عن الناس الي افتح قلبي لهم على العموم ماحب اشوفك ضايقك بسكر الحين
.. تصبح على خير
وانتي بخير

خلصت المكالمه الي دارت بينهم والي طيرت النوم من عينه نتيجه مبهمه ماهي رافضته وواضح بكلامها حبها له وهالحب ماغفر له ذنب الي سواه
معادله معقده صعب حلها

............................................

خلص فهد شغله وهو بسيارته راجع لبيته يفكر بكلام نايف والصوره الجديده الي ظهر فيها مايحق له يعترض او يتكلم ويقول لعمه ومثل ماهو صعبه عليه الفكره اكيد صعب عل ساره هي بنت وضعيفه وامكانية رفضها اقل منه بكثير فتح تلفونه الي دق وهو بافكاره .. السلا عليكم
..وعليكم السلام هلا والله ياعمي
..فهد ياولدي بدون مقدمات انت حسبة ولدي وبغيتك بخدمه
انتخى ورد عليه بثقه ..ابشر طال عمرك امرني انا بخدمتك
..تسلم ياولدي هذا العشم فيك ابيك اليوم العصر تكون عندي ببيت نواف الله يرحمه
..خير طال عمرك عسى ماشر
..ماشر ياولدي بس يمكن نايف قالك عن زواجه وودي اغير اثاث البيت وابيك تتكفل بالموضوع
انلجم من الي سمعه هذا دليل واضح على رفض نايف للزواج ماحب يسئله عن نايف "اولا" لانه عارف الاجابه "ثانيا "لانه مايبي ابو نايف يفهم انه مايبي يخدمه .. ابشر متى تبي نبدا
..مافي وقت من اليوم ودي اغير الي اقدر عليه
..ان شالله اليوم العصر اجيك ونتفاهم
..على خير

........................................

رجعن من السوق بمده قصيره لان ساره ترفض حتى تدخل المحل مجرد تنفيذ لوعدها لنوف خصوصا هذي اول مره تطلع من البيت من ولاتها ونوف بعد مكالمتها لناصر تغير مزاجها ولانها ماتبي تتاخر على البيت دخلوا باشياء بسيطه مافي شي يساعد على التسوق والاختيار
كان ابو سلمان وام سلمان ونوره جالسين
.. ليش مارحتي معهم يانوره
.. ماقدر اخليكم بالبيت لحالكم انتي وعمي وميلاف ومتعب
..لورايحه معهم الشغاله بتهتم فينا انتي ماتطلعين من البيت يابنيتي
.. عادي ياخاله ان شالله اذا جا سلمان بروح
.. الله يرضى عليك يابنتي ويوفقك
..تسلمين ياخاله
ناظر لهم ابو سلمان الي كان سارح بوادي ثاني
.. ماقالك سلمان متى يجي
..قال اذا قدر باقرب وقت يجي
.. يجي بالسلامه ان شالله
.. انت قلت له عن زواج اخته
..اي شوارته هذي اخته ومن حقه يكون عنده علم وله كلمه
وخلال سوالفهم دخلن الاثنين وعلى وجه كل وحده منهم لوحه ارنسمت من الحزن وتلونت بالالم
..السلام عليكم
..وعليكم السلام مامداكم بسرعه رجعتوا
ساره وهي تنزل الشيله وتتوجه للغرفه .. وشلون يعني ننام هناك >> وقفت لغرفتها
جلست نوف .. ابد يمه بالغصب اخذت لها كم غرض وبعدين اصرت نرجع >>مدت يدها بشنطتها وطلعت باقي الفلوس.. وهذي فلوسها خليها معك
..وليش ماعطيتيها اياها بيدها
..لا يمه خليهم معك ساره متهوره ممكن تسوي أي شي والمبلغ ماهو بسيط
..نوف معها حق يام سلمان خليهم معك بتحتاجهم اكيد
..الله يهديها
قامت نوف تعدل عباتها الي مازالت لابستها سئلتها نوره ..وين يانوف تعشي معنا
..لا مالي نفس السواق برى بكره وراي جامعه
..ورى ماتقعدين عندنا دامنا هنا وزوجك مسافر
ابتسمت لامها .. ارتاح هناك اكثر
.. براحتك يمه
.. يالله تصبحون على خير
..وانتي بخير
.................................................. ...........

مرت هالكم يوم بدون أي تغيير ماعاد التعديل الي اتمه ابو نايف بالبيت طبعا بمساعة فهد الي ماكان راضي ابدا عن تصرفات نايف الي كان معتكف بشقته مايفارقها وقطع علاقته بكل الي حوله ماعدى ابوه لانه مجبر لان ماحد راح يهتم فيه غيره <<ماكان احد يدري بتعديل البيت الا ابو نايف وفهد >>

..انت وين تغط كل ماكلمك تقول لي مشغول
..صحيح انا مشغول
..بايش ؟؟
..سؤال وجيه بصراحه" اكيد بشغلي
فهد ضايق وصاير بين نارين xxxxx ولاهو عارف كيف يتصرف ومها كانت ملاحظه تغييره عليها بس ماتبي تستبق الامور ..طيب كلمت نايف ؟؟
بملل .. كلمتـــــه
.. وش قالك وش قلت له
.. مها ماتلاحظين ان اسئلتك سخيفه ومالها معنى وش بقوله يعني رجال ماهو عارف ياخذ قراره صح وبعدين انتي ماتتصلين الاعشان تتطمنين عليه عن طريقي
يمكن كلام فيه شي من المنطق لكن ماهو هذا الاسلوب الي يكلمها فيه ..............
..وش فيك ساكته ؟؟
دمعت عينها وتفشلت من نفسها ومن رده عليها .. وش اقول ؟؟
..مدري عنك ردي
..ماعندي شي اقوله
عصب وثاير وضايق من نفسه لانه كان سلبي وماصار عنده جراءه يوجه عمه ويقول له .. عندك بس اسئله تستجوبيني فيها
بكت ولاردت عليه .. مـــها
...........

توه لاحظ جفافه معها يوم حس انها تبكي .. مـــــــــها
اخيرا قدرت تردعليه ..نـــ عــــ ــــم
..وش فيــــــــــك انا ماقصدت ازعلك بســ ..
..خلاص فهد مع السلامه
..اسمعيني طيب
..مابي اسمع شي مع السلامه >> سكرت الجوال بوجهه
حك راسه بخيبه .. يالله انا وش سويت المفروض اذا عندي كلام اكلم الي يخصهم الموضوع مها مالها دخل

..................................................

قلت المطر . . قالت من اليـوم ديمـه
ما به رعد . . لا برق . . ما غير هتان
عشقٍ جمع مـا بيـن قـاعٍ وغيمـه
ينثر على صدر الثرى دمـع الأمـزان

يــــــــــــــــــــوم الاربــــــــعـــــــــــاء قبل العــــــــــــــصر

قبل موعدهم بيوم

دخل البيت فاضي ضحك .. الظاهر ماخذين قيلوله
تعدى الصاله لغرفته وفعلا مثل ماتوقع نايمه مثل الملاك ببراءه
.. صدقت اني مارجع للمغرب ولا ماكان نامت
قرب لسرير بنته وشافها ماده يدينها ونايمه بامان حبها وتركها ماحب ينكد عليها نومتها رجع لنوره وجلس بشويش على طرف السرير وطلع من جيبه ورد حمرا لعب فيها على شعرها لكن ماحست قرب ونزل راسه لها وحط فمه عند اذنها وهمس ..نوره
بسرعه بدت علامات على وجهها يوم حست بانفاسه قريبه منها حركت راسها شوي للجهه الثانيه وفتحت عيونها ولفت لجهته وشافته قدامها وعلى وجهه ابتسامة شوق .. مساء الخير >> ردت له الابتسامه باحلى منها وهي على وضعها
.. مساء النور الحمدلله على سلامتك >> كانت تبي ترفع جسمها لكن مسك كتفها ومد لها الورده
..الله يسلمك اشتقت لك
اخذتها من يده وشمتها .. وانا اكثـــر
مد جسمه جنبها وركي يده على الوساده الي تبعثر عليها شعرها .. اشــــوف الحلو مكسل<< وهو يداعب شعرها
.. البارح ميلاف تعبت شوي وخفت عليها ماقدرت انام
التفت بسرعه وراه ..ليش وش فيها ؟؟
مسكت كتفه بحنان .. لاتخاف صارت زينه بس الظاهر اشتاقت لابوها بس انت ماقلت بتجي المغرب!!
غمز بعينه لها ..بس هي الي اشتاقت لي
حمر وجهها وهي تشوف نظراته.. ماقلت لي ليش جاي من بدري
..عارف لو قلت لكم باجي بهالوقت ماراح تقرون قلت خلهم يرتاحون لين اطب عليهم
عظت طرف شفتها يوم حب خدها .. اقوم اجهز لك ملابس عشان تتسبح
.. لا اجلسي نظيف الا اذا انتي قرفانه مني
ولع وجهها ولاردت عليه قرب لها اكثر ,,,,,,,,,,,,,,,,,,,,,,

.................................................. .

في بيت نــــــاصر

.مقابلها ابو زوجها وامه على الطاوله ومنزله راسها وماسكه قطعة الخبز بيدها حس فيها ابو ناصر
..ليش ماتاكلين يابوك ؟؟
رفعت راسها له .. قاعده اكل ياعمي
.. والله يابو ناصر عجزتني وانا اقول لها بس الله يصلحها ماترد مضيعه عمرها بين الدراسه وبين زواج اختها وناسيه نفسها
.. لايابوك لازام تاكلين وتهتمين بصحتك وكل شي يجي بعدين
..المفروض تشوفين نفسك عشان اذا جا زوجك يشوف زوجته احلى من هالشقر الي يشوفهن كل يوم
ضحكت ...هههههههههه بس عشان كذا
..لا والله يابنتي انتي تهميني مثله واشوفك ناحفه ووجهك متغير " اقول نوف << قربت لها وكلمتها بصوت واطي .. ما في شي بالطريق
طاح الي بيدها وتكركبت .. هـاه لا ياخاله وشلون
حركت يدها باستفهام ..وش الي وشلون ؟؟
تلخبطت زياده كانت راح تنفظح ..اايعني ناصر مسافر
ضحكت عليها وهزت راسها وطت صوتها زياده .. الحمل مايبان من البدايه يبي له شهر وزياه عشان يبين
.. لا لا ياخاله انا متاكده
رفعت يديها فوق ..يارب تبلغني بعيال وليدي واشيلهم مثل ماشلته
كسرت قلبها اللهفه والرجا الصادق الي بصوتها ونظراتها مسكت يدها ..الله كريم
..تدرين يانوف ناصر يحب الاطفال حيل وكان يتمنى الله يرزقه باخو او اخت لكن يوم كبرت كان دايم يقول اتمنى يصير عندي عيال مليت من حياة الهدوءو كان دايم ينبسط وهو يلعب مع عيال عمامه الصغار ويستمتع بالوقت وهو يشيلهم ويلاعبهم
جازت لها السوالف عنه اشياء اول مره تكتشفها عنه .. مع اني عمري ماحسيت انه يهتم بهالاشياء
استرسلت بحماس .. أي يايمه ناصر كتوم صعب تعرفين وش يحب او يكره يعني اذا انتي ماحاولتي تستكشفينه ماراح تفهمينه

.. لكم ساعه تتساسرون وناسين اني موجود
.. اسفين ياعمي بس نسيت نفسي سوالف خالتي ماتنمل
..وه يابو ناصر سوالف حريم
.. وسوالف الحريم ماتخلص مليت وانا استناكم تخلصون
.. اقول عمي وش رايك بكاس عصير انا مسويته
.. ماقدر اعارض مادامه من هاليدين الحلوه
..يحلي ايامك انا رايحه اجيبه
قامت تجيب العصير ناظر ابوناصر لزوجته ..بصراحه عرفتي تختارين
..عشان تعرف قيمتي وان نظرتي بالناس ماتخيب
.. اقول كنك صدقتي عمرك مو انتي الي كنتي تبين بنت اختك
بجديه ..لا يابو ناصر هو الي كان يبيها ومابغيت ازعله وصدقني فرحت يوم تزوجت " بس ياخوفي تضيع نوف من يده
..ليش انتي شايفه على حياتهم خطر
..حياتهم بتدمرها المكابره هو عنيد وهي اعند منه
..بس لو الله يرزقهم وتحمل
..الله يسمع منك يمكن يقرون وتطيح هالشياطين الي بروسهم
..ههههههه اسكتي البنت جت لاتسمعك