شبكة همس الشوق - عرض مشاركة واحدة - ليه عمري مالقى لبرده دفى الا دفاكي للكاتبه ذكرى نجديه

4 - 1 - 2015, 10:02 AM

دورها بينهم لكن ماكانت موجوده نوره وسلمان ونوف .. وين ساره ؟؟؟
.. ساره تعبانه شوي وماقدرت تجي معنا ان شالله بكره تجي
.. ليش وش فيها ؟؟
.. مافيها شي بس مرهقه شوي
.. يمكن لان نايف سافر وتركها
اندهشت نوف ودار السؤال بسرعه معقوله هذا الي مضايقها ..ليه يبه هو سافر
.. أي مرني اليوم وقال انه راح يسافر يشوف شغله
.. وليش ماخذ ساره معه !!
.. يقول انه ماراح يطول
الف فكره دارت براسها وضع يثير الاستغراب اكيد صار بينهم شي قلب حالها

.................................................. ...........

قمراك والقمر لامن غرب ../..ينزاح نوره وانت بالظلما اختفيت

حست راسها ثقيل وعيونها متورمه تذكرت انها ماصلت وقفت على حيلها حذفت عبايتها على الاراض ودخلت توضت وصلت وغيرت ملابسها ورجعت سكرت الضو وتمددت من جديد قبل تجيها نوف وتحاول تطلع منها كل شي وهي تدري نوف راح تعرف الي وراها
سمعت اصواتهم داخلين برى في الصاله وبسرعه لفت جسمها للجهه الثانيه وغطت كامل جسمها باللحاف
حست الباب انفتح فتره وبعدين تسكر بهدؤ تنفست براحه وظلت مثل ماهي

.......................................

طلع من المطار يسحب شنطته ينقصه شي في حاجه بداخله تدورها تبحث عن تفاصيله عنادها عفويتها كلامها برائتها طهرها صبرها منظر الوجع بين اهدابها
ركب تاكسي ورجع للبيت وداخله صمتها يونس سكونه عزلتها تمتد بنواحيه غموضها واضح بين جدرانه
لااول مره يحس بالوحده لاول مره يبحث عن انسان محدد وليس مجرد موصفات يتمناها العيوب الي تعرف عليها من خلالها كانت مزايا تزيد رونقها بعيونه طلع على العتبات متوجه للدور العلوي اول غرفه طاحت عينه عليها الغرفه الي صار يتردد عليها بالفتره الاخيره ويمشي مجبر لها داخله شعور غريب سكنه يوم سكنها " تلفت بارجاءها "مده وش الحكمه وش الهدف مالقى لنفسه اجابه طلع بسرعه لغرفته واخذ ملابسه وطلع من البيت رركب سيارته وراح للشقه الي ماعرفها وهو فيها عله ينساها لكن هل راح ينسى نواف؟؟؟

..............................................

الصباح قامت من نومها تحس براحه ارتاحت شوي بعد مافرغت الكبت من داخلها بعد ماغسلت وصلت ولبست طلعت وتركت نوف نايمه توجهت للصاله مكان موجود الا ام فهد وامها .. صباح الخير
رفعت امها نظرها تتفحص وجهها .. صباح الخير تعالي يمه اجلسي معنا
قربت وجلست ورصت ظهرها على المسند وراها .. متعب ماهو في الغرفه وينه
.. متعب البارح نام عندي بغرفتي قلت للشغاله تجيبه عندي
.. وليش ماخليتيها تجيبه عندي اكيد راح يزعجك
.. لا اسم الله عليه نايم ماتحرك ابد
خزتها ام فهد .. اقول سويره ليه مارحتي مع زوجك وانا خالتك ترى الرجال يحب المره الي ترافقه بكل مكان
ماكانت تدري ان عندهم خبر بسفرته بس بعد سؤال ام فهد توقعت ان فهد الي قالها .. وين ؟؟
.. وين يعني لبيتك للرياض
.. ليه هو قايل لفهد انه بيسافر
.. مدري عنه اذا كان قاله فهد ماعلمني
.. اجل وش دراكم
ام سلمان كانت تراقب حوارها مع ام فهد لكن على هالسؤال هي جاوبت .. زار ابوك امس قبل يروحون له اخوانك وقال انه مسافر
كانت تناظر بغرابه حيرها هالانسان ..انا قلت اجلس هنا لين يطلع ابوي من المستشفى "
وطلعت هاربه من نظرات امها اوسئلة ام فهد
.................................................. .....

وصلتها ريحة البخور لمكانها وقت رجعة عبدالله للبيت كانت تقارن بين هدى وبين نفسها انشغلت باحقادها عن زوجها وولدها لين اشغالتها همومها ونست الدنيا بكبرها ونست ان الله منتقم جبار يقتص لكل صاحب حق وانه حرم الظلم على نفسه ضاق فيها المكان وطلعت من الغرفه للمكان الي يجلوسون فيه لقت ريان جالس وومعه كراسه والوان جت وجلست جنبه من شافه زحف شوي وابعد عنها حست بحركة لكن ماعلقت .. وش قاعد تسوي
.. ارسم بيت
..ومن الي جاب لك الكراسه والالوان
.. هدى جابتها هي وبابا
لامت نفسها وعاتبتها الناس تتحسر على الطفل اذا انحرم من امه وهي ولدها صارت زوجة ابوه احن منها عليه.. ارسم معاك ؟؟
لف بعيونه عنها .. لا هدى رسمت لي وانا برسم مثله
خيب ظنها لكن ابدا مالامته طفل مايعرف يحقد مايعرف يتصنع طفل مايخفي بقلبه شي .. طيب نرسم شي ثاني
.. لا هدى قالت لي خلص عشان اذا جا بابا اتغدى معه
كان يردد اسمها بكل كلامه واضح انها سيطرت على عقله بحنانها لحظات دخلت مستعجله والصحن بيدها وقفت فجئه يوم شافتها
.. لطيفه كنت احسبك نايمه " زين قمتي عشان تتغدين معنا
سكتت لكن ريان ركض لها وكراسته بيده .. شوفي رسمت بيت
نزلت الصحن على الاراض وانزلت لها .. الله حلو" روح لماما تشوفه
ماقدر يرفض لها طلب توجه لامه الي جالسه تنتظر وصوله لها وحط الكراسه قدام عيونها بدون مايطلب رايها اخذتها من يديه وسحبته لحضنها .. رسمك يجنن حبيبي
كانت هدى تراقب تصرفاتها واضح انها تحاول تسترد شي من خسايرها اما ريان قام من بين يديها وطلع وضح الضيق عليها ..لطيفه لاتزعلين مني او تزعلين من ريان هو طفل وبعدك عنه سبب فجوه بينكم
.. مايحق لي ازعل منك بعد مامديتي يدك لي وسحبتيني من الغرق بس انا ودي على الاقل اكسب ولدي وارجعه لحضني بس مدري وشلون
.. حقك بس ودي انبهك لشي يالطيفه عبدالله شبع من حياة النكد وانا تقربت لك علشانه واذا تبين ترجعينا لحروب من جديد ترى اقدر احمي نفسي زين
كلامها كان واضح ماتبييها ترجع للاساليب الشر من جديد فهمت لطيفه مقصدها .. صدقيني حتى انا تعبت ومدام انتي صرتي صريحه انا بعد بصارحك انا مالي الحين بعد الله غيره وراح احرص على راحته بس انتي ساعديني
هزت كتفها .. مااظن فيه وحده بمكاني تسوي الي سويته وانتي شفتي ان جبروتك وقوتك طاحت وصرتي ضعيفه
.. تتشمتين فيني ؟؟
.. انا ماتشمت فيك انا اوعيك وانبهك عيشي حياتك واتركيني اعيش وريحي عبدالله عشان ترتاحين
..الله يقويني واقدر ارد شي من الي راح " خلينا نقوم نجهز الغدا
يالله
.................................................. ...................

دخلت وولدها بيدها لقت نوف واقفه قدام المريه وتمشط شعرها دخلت من غير ماتتكلم ولا كلمه نزلت المشط من يدها ولمت شعرها واستدارت لها بعد ماحطت ولدها على الاراض وجلست عنده وهي تحرك اللعبه قدامه رمقتها بعين غضبا نه .. الحين صرنا لحالنا تكلمي
مازالت تناظر لولدها .. وش اقول ؟؟
بعد ماكانت جالسه نص جلسه .. ساره لاتسوين نفسك غبيه لاني اعرفك اكثر من نفسي قولي وش الي صار بينك وبين نايف خلاك بهالحاله
تكلمت بحزم علها تتركها بحالها ,, ماصار شي واظن اذا صار يحق لي احتفظ فيه لنفسي
.. لا مايحق لك
مطت شفتها وخزتها بحراره .. وليش ان شالله
او مئت باصبعها .. لانك ماانتي راضيه تشيليني من تفكيرك وحاطتني عقبه بينك وبين زوجك
صارت عيونها على استعداد تنهمر منها الدموع بسرعه .. لاتقولين زوجك ماحب اسمع هالكلمه
.. بس هذي الحقيقه نايــــــ ــــف زوجــــ ك رضيتي ولا مارضيتي
.. نوف انا ماقدر اتكلم اتركيني ساكته على الي بقلبي
رحمتها وحست فيها ..طيب قولي لي هو زعلك
تتابعت شهقاتها .. لااااا
..طيب ليش البارح متضايقه ؟؟
حطت ظهرها على السرير الي وراها وقعدت تاكل باظافرها ولاردت لكن نوف حاولت تلمس الجرح .. متضايقه لانه سافر ؟؟؟؟؟؟؟؟؟؟؟؟
ابعدت اصبعهاعن شفايفها ..ليش تقولين كذا ؟؟
.. لان حالتك البارح تقول ان وراك شي
..ومالقيتي الا هالتفسير
.. مافي غيره
.. نوف انا ماعاد اقدر افكر احس روحي بتطلع ودي ارتاح من هالعذاب
..طيب ارتاحي ن ماسكك انتي الي معذبه نفسك
..انا ماقدر اعيش مع واحد كنتي تفكرين فيه وبعدين لاتنسين انه اخو نواف
.. ياساره فكري بعقلك نواف الله يرحمه وانتي ماراح تقعدين من غير زواج وانا الف مره قلت لك انا ماعدت افكر فيه نايف ذكرى راحت بحالها واذا انتي ماانتي متاكده من هالشي ماانتي اختي الي اعرفها
بيحت سدها بعد كلام نوف وبدت تسرد الي داخلها كانها تنقش شوك من صدرها .. قالي لازام نشوف حل لحياتنا وطلب مني افكر
.. معاه حق الرجال طلع يفهم اكثر منك
نزلت يديها بحضنها وقعدت تفركهم ببعض .. واعتذر مني
بصدق فرحت لانها هالمره ماغطت محاسنه بعيوب مختلقتها عليه .. معناه انه يبي يبدا حياه جديده
.. بس انا متصاعبه الموضوع
.. صدقيني ماانتي احسن من ظروفه لايغرك انه رجال انتي اكثر وحده تعرفين وش كثر يحب اخوه لكن هذا النصيب لا ارادتك ولا ارادته هذي مشيئة رب العالمين وانتي مؤمنه وتعرفين ان الانسان ماله الانصيبه
هزت راسها بتأمل ..النصيب الي فرق بينك وبينه النصيب الي جمعني فيه النصيب الي خل زوج لطيفه يتزوج حبيبة ناصر
..طبعا موكل شي نتمناه ناخذه المهم وش ربي يكتب لنا انا لو كنت ادري ان ناصر راح يكون بيوم من الايام كل شي بحياتي ماكنت بكيت يوم تزوجته وانتي ياساره وفقي هالعذاب وافتحي يدك للحياه وعيشي وارضي بالي انكتب لك صدقيني راح ترتاحين احنا دايم اكثر شي يعذبنا اعترضنا
..آآآآآآآآآآه يانوف تعبت تعبت
حطت يدها على راسها .. سلامتك من التعب ارمي كل شي ورا ظهري واهتمي بنفسك وبولدك
..تظنين اقدر اعيش معاه
.. ساره انتي تشوفين انه ماينعاش معاه
حطت راسها بالاراض .. ببداية حياتي معاه لكن الحين بجد حسيته تغير مع اني احسه يتصرف بطبيعته
.. هذا المطلوب واعتبري الي شفتوه بدايه زي أي بدايه تكون صعبه لكن مع الوقت كل شي يصير سهل

لمست نوف الجرح الملتهب وضغطت عليه لين اوقفت النزف ساره صارت تفكر بشئ من الجديه بحياتها معاه ونهاية عذابهم
.................................................. .

بعد ثلاث ايام

سافر فهد وامه وبقت نوف وساره
نايف من بعد لقاءه بساره قطع أي اتصال
ابو سلمان اليوم اوبكره راح يطلع من المستشفى ناصر يومين ويرجع ياخذ نوف

جاهزين للزياره ونوف متمدده جنب امها وهي تحس بألم بظهرها
..اخ يمه ظهري يعورني
..سلامات وش فيك يايمه
.. مدري من قمت الصبح احسه بينكسر
.. اجل لاتروحين لابوك اذا كنتي تعبانه واذا ارجعوا خلي سلمان يوديك للمستشفى
..من هنا لين رجعتهم اذا ماخف راح اروح
طلعت ساره للصاله لقتها متمدده .. نايمه انتي ووجهك وسلمان برى يستنانا
.. اتركيها اختك تعبانه وماتقدر تروح
تغيرت ملامحها .. خير وش فيها ؟؟
..بلا كثر اسئله مو تقولين سلمان برى روحي له قبل يمشي ويخليك
مشت بسرعه ..اوه الواحد مايقدر يسئل
حركت نوف يدها ..اقول روحي بس بلا هذره زايده

.................................................. ............

قربت لباب غرفته حست بشي من الخوف ونفضه بجسمها في شي اربكها وغيرها تنفست بعمق قبل يفتح سلمان الباب ويلتفت بسرعه لها هي ونوره .. خليك يانوره نايف هنا ؟؟؟؟؟؟

نهاية البارت