شبكة همس الشوق - عرض مشاركة واحدة

21 - 1 - 2015, 09:28 PM

.. في فلة أبو سعود ..

كانت قاعده في الحديقة تتمرجح و ذكريات الماضي بدت ترجع كأنها حدث ما بين الأمس واليوم ..

×××××××

كانت طالعه من المحاضرة مع صديقتها وهي تسولف وتضحك ..

فاطمة (صديقة دلال) : دلول حبيبتي اليوم أنتي فاضية أو لاا

دلال وهي تحط يدها على ذقنها وترفع راسها تفكر: أممم إي فاضية .. ليش ؟!!

فاطمة بغرور: لأن حظرت جنابي عازمة نفسي عندكم في البيت

دلال وهي تبتسم بنعومه: حياج الله .. البيت بيتج ما تحتاجين عزيمـة .. بس بقول لج شغله

فاطمة بستغراب: شنوو ؟!!

دلاال وهي تكتم ضحكتها: لاا تصديقين روحج وايد ههههه

فاطمة وهي تمشي بغرور وتضحك: هـــه يحصل لج ههههههه

.. دخلوا الـ canteen ..

فاطمة وهي تصفق بوناســة : ما قلت لج

دلال وهي تعقد حواجبها: لااا شنو؟؟

فاطمة و هي تحط يدها على خدها: أحمدوووو أخوووي بعد بكرة بيرجـع البحريــن

دلال ببتسامه هادئه: زيـن زيـن مبرووك .. هاا خلص دراسته وله للحين ؟!

فاطمة بحسـرة: لااا للحيــن باقي له بعد سنة يعني بيقعد عندنا شهريــن أو ثلااث بالكثير و بيرجع يسافــر يكمل ..

دلاال وهي تطقطق في تلفونها: يالله هانت راح الكثير وما بقى إلاا القليل

فاطمة : إي وإنتي الصاجــه .. إنزين اليوم بأيي لج جي على الساعو أمممم جم يناسبج ؟!

دلال بـهدوء: عادي أي وقت

فاطمة وهي تقوم: خلااص صار الساعة 5 بكون عندج أوكي

دلاال: أوكي

فاطمة وهي تشيل أغراضها: أوكي أنا بروح الحيـن يلااا سي يووو

دلال: سي يو 2

~~ بعد أسبوع ~~

فاطمة وهي تكلم تلفون: دلول حلفتج بالله لاا ترديـني

دلال: على حسب

فاطمة بدلع: أوووه يالله عااد

دلال وهي تبتسم: خلااص ماشي .. بس شنوو آمري تدللي

فاطمة بفرحه: أمـي وأبـوي مسويـن عزيـمه بمناسبة أحمدووو .. والكل معزوم من الأهل .. فـ ياريـت إنتي بعد تيـن بلـــــيز

دلال: سوري قلبي بس إنتي تعرفيـن أنا ما أحب أكون في مكان ما أعرفه ولاا أعرف إلي فيه .. وبعديـن أنا شـلي خص علشان اكون موجوده

فاطمة بزعل: أفاا بس أفاا .. خلاااص براحتج .. باي

دلال: تعالــي فطووم

فاطمة بزعل: هاا

دلال ببتسامه: خلااص فرشي الزوليــة الحمرة وجهزي العود والورد والمشموم .. والفرقة الموسيقية

فاطمة بغباء: ليــش ؟!

دلال بضحكـة: لأنه حظرت جنابـــي راح أيي

فاطمة بوناســة: يـــــــــــــس .. من عيووني مو بس أفرش لج زولية حمره أفرش لج زرقه وخضرة وصفرة وكل لون يخطر على بالج أفاا عليـج بس

دلال: هههههههههه خلاااص بصدق رووحي

فاطمة: من حقج ههههههه .. يلاا قلبي أنتظرج بكرة .. باي بروح أبشر بنات خالااتي

دلال: هههههههههه باي

~ يوم العزيــمة ~

دخلت الفلـة إلي كانت مزيــنه
وقفت ورفعت عينها اطالع اللمبات الي مزينه البيت بالوانها
وبتسمت وهي اجوف فاطمه تركض لها كأنها طفله محصله لها حلاوه

لمتها دلال وهي تضحك على رفيجتها :هههههههههههههه اشفيج انهبلتي فشلتييني ..صنطتيني ((قفصتيني هع))..خنقتيني وخري عني النااس قاعده تطالعنا
أحم أحم ادري تحبيني بس مو لهدرجه ههههه

فاطمه وهي تبتعد عنها وهي ادزها على الخفيف على جتفها: ههههههه وااي عيج حدج ثقه

دلال بغرور:هههههههه من حقي الي تسوينيه ثبت لي

فااطمه وهي تسحبها من يدها :ههه اي طيب يلا امشي يا دبه وله عاجبتج الوقفه

دلال مشت وياها بكل نعوومه لي داخل فله وهيه توزع ابتسامات حق الرايح والراد

دخلت وجافت بنات قاعدين ملتميـين على شكل دائره وفي وسطهم بنتين قاعدين يرقصووون على الأغاني العااليه
اندمجت وياهم برقص فاطمه ودلال قعدت وياهم طالع اهبال رفيجتها والضحك والونااسه
..
بعد ماخلصوو رقص قامت فاطمه قصرت على صوت المسجل وقعدوا كلهم مع بعض ..وبدت تعرفهم على بعض

فاطمه وهي تأشر على دلال حقهم كلهم :هذي رفيجتي دلوووله الهبووله ههه

دلال وهي ادز جتف فاطمه على الخفيف :ههههههه الهبله انتي يا دبه

الكل :ههههههههههههههه
فاطمه على حركتها :احم طالعه عليج هع.انزين وهذي
((وهي تأشر على بنت الي قاعده يمها))هذي بنت عمي سحر

((واهيه تكمل وتأشر على الي القاعدين))
و هذيله بنات خاالي ..هذي الكبيره موضي عندها ولد ..وهي تأشر على الي يمها ..وهذي شوق كبرنا والي يمها وهذي اصغر عنا بسنتين منيره

قعدت تعرفها على الموجوودين ..لي ماخلصت

دلال ببتسامه: تشرفت بمعرفتكم

بعد السوالف وضحك والغشمره..

وقفت فاطمه وبيدها التلفون وبصووت عاالي :وصــــــــــــل أحمد بسلامه

الكل فرح وبينهم سحر الي صرخت بصوت عالي :آآيه حموووووودي وصل

دلال ابتسمت على فرحتهم برجوع أحمد

ردووا يكملوون سوالفهم ..لي مارجع أحمد الكل قاام يتحمد له بسلامه بس دلال اهني استأذنت من فاطمه كونها انها تأخرت وانها تبي تمشي ..

فاطمه وهي تتوسلها :بليــــــــــــــــــــــــز توو النااس دلوول عفيه قعديي اشوي القل تعشي ورووحي

دلال وهي اطالع السااعه :والله حدي تأخرت .. بليـــز فاتي لاا تحرجيـــني

فاطمه ببتسامه: أوكي أمشي أوصلج

دلال ببتسامه: يلااا

لبست عباتها وشيلتها وطلعت ..

وفي طلعتها عند البااب جافت الكل وااقف يسلم على شخص ..وستنتجت انه هو أحمد

احمد وهو يطالع اخته فاطمه ويمها وحده اول مره يجوفها ..استغرب وجودها ..

رااح صووبهم وهو يمد يده لإخته يسلم عليها بس هي فاجأته و حضنته بقوه من فرحتها

فاطمه بكل ونااسه :الحمدالله على سلامه ..وحشتنـــــــــــــي يا دب والله

اهني دلال طالعتهم وابتسمت وجافت أحمد الي كان مجابلها ويبتسم لها بإحراج من حركة أخته

دلال وهي تبعد عيونها عنه وتناظر فاطمة .. وبهدوء وركاده: فاتي حبيبتي أنا بروح .. مع السلاامه

رفعت نظرها له : الحمد الله على السلاامة

وعلى طول مشت من دون ما تلف وتناظر وراها

×××××××

صحت من سرحانـها وذكرياتـها على صوت سعود وهو يقعد يمها ..

سعود ببتسامه: شفيه الحلو سرحان

دلاال وهي تطالع فيه وتبتسم بإنكسار: أبد سلاامتك

سعود وهو يناظر الشمس إلي بدت بالغروب : أمي خبرتني عن أحمد وأمه

دلال:.................

سعود على نفس وضعه: دلاال إنتي إنسانه كبيـرة و واعيـه .. بس هم بعد بالنسبة لي ولأمي ما زلتي صغيـرة وما تعرفيـن مصلحتج عدل ..

دلال وهي تحس العبرة خانقتها: أبوي شنو رايه ؟!

ابتسم سعود بسخرية: أبوي هـــه .. هذا ما يدري عن أحد حتى شغله مو مركز عليه ولاا يدري شنو يصير من وراه .. الله يهديـه

دلال و الدموع بدت تغرق عيونها: أحمد هو السبب

سعود بصرامه: لااا مو هو السبب وانتي تعرفين هذا الشي

دلال وهي تمسح الدموع إلي تحس إنها مو راضيه توقف: أنا ما أنكر بس ..ليش بعد كل الي صاار رااجع
خلاص انا ماابيه

سعود وهو يطالعها ببتساامه وحنيه : لاتحكمين نفسج على قراار انتي مو متأكده منه عطي نفسج فرصه ..هذي الفرصه ماتتعوض ..راجعي حساباتج فكري وستخيري لربج وان شااء الله كل الخير
واحنى مابنرد عليه حاليا ..عندج وقت كافي تفكريين فيه انزيين

دلال وهي حاطه يدها على ويها تحاول تخفف من هيجان مشاعرها :بس ياسعوود اهوا حطمني ..كسر قلبي ..حتى ماوثق فيني ولا سمع مني ..اشلوون ارضى مره ثاانيه فيه
رفعت رااسها وهي اطالعه بعيوونها الحمره من كثرت الدمووع الي ماتوقفت ..

وهي تشهق .. دلال: ..شــ ـ ــ ـلي شـ ــ ـلي ظملي ياا سـ ـ ـعوود ..

اهني سعوود ماقدر يستحمل وضعيت اخته الي كسرت خااطره ..حاوطها وضمها بصدره يعله يخفف عليها من الحزن