شبكة همس الشوق - عرض مشاركة واحدة

21 - 1 - 2015, 09:30 PM

.. في فلة بدر ..

كانت حابسه نفسها في الغرفة وقافله الباب عليها .. وبدر عجز معاها وفي الأخير أستسلم و نام في الصالة على الكنبــة

نجوى وهي منسدحه على السرير وتتذكر شنو سوت لما وصلت الفلة

وتتذكر الكلاام إلي كان مثل السم على بدر إلي ما خلت كلمــة مجرحة ما قالتها له

وبدر عصب و كان بيمد يده عليها بس في الأخيــر مشى عنها وهي إستقلت هالشـي لصالحها وأستولت على الغرفة

وهو عصب بس بالأخيــر إستسلم ..

في الليل على الساعة 1 ونص .. حست بـجوع من الصبح وهي على لحم بطنها

فتحت الباب بشويش تناظر إذا كان موجود .. بس ما لقت له أي أثــر

طلعت وسكرت الباب بنفس الطريقة .. مشت على أصابعها كأنها حراميــه ..

نزلت من الدري و لمحت بدر وهو نايم على الكنبة ..

على طول راحت للمطبخ .. وفتحت الثلااجة

نجوى وهي تلعب في حواجبها: يا عيــني ما خلى شي في السوبر ماركة ما شراه .. وه وهو يا لبي الأكل بــس

.. و بسطت عند الثلااجة وصارت تاكل من كل شي موجود ..

بعد ما شبعت .. طلعت وهي تنشف يدها .. ناظرت بـ بدر وخطرت على بالها فكــرة

ابتسمت بخبث ورجعت المطبخ وصارت تدور بالأغراض .. لين ما حصلت كم شغله وخذتها و طلعت متوجهه له

بكل هدوء .. سحبت يده اليميــن إلي كانت على بطنه بكل رقة و دقه .. ونثرت طحيـــن في يده

.. واليد الثانية اليسرى كانت فوق راسه .. حطت رغوة لين ما فضت تقريباً العلبــة

.. بعدها خذت عصارة الجوكليـت وكتبت على جبهته .. "أنا حمـــــار"

نجوى في نفسها ميتة ضحـــــــك

.. بعدها رجعت أدراجها للمطبع يات تبي تفتح النور .. بس الأغراض إلي في يدها ما خلتها

دخلت بحذر لأنه النور مطفي وتوها بتنزل الأغراض على الطاولة ..

لمحــــت شي يلمع مثل العيون .. وصوت يهمس : بـدر

والصوت بدى يعلى ويعلى تدريجيــاً بأسم "بــــــــــدر"

لااا إرادياً تركت الأغراض من يدها وصرخـــــــــــــت ...................................

نهــــــــــــــــــــــــــــــــايــــــــــــــ ــــة البارت