.. ((البارت الرابــع عشـــــــر)) ..







.. في فلة بدر ..



كانت حابسه نفسها في الغرفة وقافله الباب عليها .. وبدر عجز معاها وفي الأخير أستسلم و نام في الصالة على الكنبــة

نجوى وهي منسدحه على السرير وتتذكر شنو سوت لما وصلت الفلة

وتتذكر الكلاام إلي كان مثل السم على بدر إلي ما خلت كلمــة مجرحة ما قالتها له

وبدر عصب و كان بيمد يده عليها بس في الأخيــر مشى عنها وهي إستقلت هالشـي لصالحها وأستولت على الغرفة

وهو عصب بس بالأخيــر إستسلم ..


في الليل على الساعة 1 ونص .. حست بـجوع من الصبح وهي على لحم بطنها

فتحت الباب بشويش تناظر إذا كان موجود .. بس ما لقت له أي أثــر

طلعت وسكرت الباب بنفس الطريقة .. مشت على أصابعها كأنــها حراميــه ..

نزلت من الدري و لمحت بدر وهو نايم على الكنبة ..

على طول راحت للمطبخ .. وفتحت الثلااجة

نجوى وهي تلعب في حواجبها: يا عيــني ما خلى شي في السوبر ماركة ما شراه .. وه وهو يا لبي الأكل بــس

.. و بسطت عند الثلااجة وصارت تاكل من كل شي موجود ..

بعد ما شبعت .. طلعت وهي تنشف يدها .. ناظرت بـ بدر وخطرت على بالها فكــرة

ابتسمت بخبث ورجعت المطبخ وصارت تدور بالأغراض .. لين ما حصلت كم شغله وخذتـها و طلعت متوجهه له

بكل هدوء .. سحبت يده اليميــن إلي كانت على بطنه بكل رقة و دقه .. ونثرت طحيـــن في يده

.. واليد الثانية اليسرى كانت فوق راسه .. حطت رغوة لين ما فضت تقريباً العلبــة

.. بعدها خذت عصارة الجوكليـت وكتبت على جبهته .. "أنا حمـــــار"

نجوى في نفسها ميتة ضحـــــــك

.. بعدها رجعت أدراجها للمطبع يات تبي تفتح النور .. بس الأغراض إلي في يدها ما خلتها

دخلت بحذر لأنه النور مطفي وتوها بتنزل الأغراض على الطاولة ..


لمحــــت شي يلمع مثل العيون .. وصوت يهمس : بـدر
والصوت بدى يعلى ويعلى تدريجيــاً بأسم "بــــــــــدر"

لااا إرادياً تركت الأغراض من يدها وصرخـــــــــــــت
نجوى بصوت عااالي..: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآه

من الخووف ردت على ورى وتحنقلت وطاحت على ظهرها والاغرااض الي بيدها كلها انكبت عليها

سمعت صوت خطوات متوجه صوب المطبخ وهي شوي وقلبها يووقف من الخووف ..

في لحظه جافت ظل على باب المطبخ وانعكاس نور الصااله عليه يبين شكله على الخفييف ..((غرييب))

صرخت اعلى من الصرخه الأوليه و الدمووع نزلت من عينها من كثر الخووف الي خيم عليها ..

انفتح ليت المطبخ .. احتالت ملامح ويه نجوى من الخووف إلى ارتيااح

نجوى :هه .. ها .. هيي .. ههه .. بـ.. بـ.. بــ.. بــدر .. ههههههههههههههههههههههه

و دخلت في حالة هستيريه من الضحك

بدر وهو يناظر فيها وهو في حالة استغراب من شكلها وتصرفاتـها ..

بدر ابتسم من ضحكها :شــفــيج ؟!!

نجوى على وضعيتهـا قاعده تضحك

بدر ماستحمل ضحكها وشكلها الي متلعوز بالطحين والشوكالااته وقعد على الارض وسند ظهره على البااب وقعد يضحكك بدوون توقف :هههههههههههههههههههههههه


فجأه نجوى كل شي فيها وقف وكأنـهـا تذكرت شي ..لفت بنظرها على المطبخ بشكل عشوائي ..كأنـها مضييعه
شي


بدر وهو مستغرب من حركتها :هههه شفييج شنو قاعده تدورين


نجوى و رجع قلبها يدق بقوة وهي تحاول تستوعب هل إلي سمعته أو إلي جافته كان حقيقة أو خيــال؟!


نجوى برتبــاك :انا .. انا سمعت في احد ناداك على اسمك


بدر بستغراب:شفييج حلمانه من إلي نادني؟!!


نجوى وهي تقووم :والله في احد في المطبخ ناد....

((قطع كلاامها نفس الصوت إلي كان يتردد بـ اسم بدر))


....: بدر ..بــدر ..بــــدر


تملكها الخووف وركضت بسرعه واحتمت ورى بدر بخووف
كانت مشربصه ((متمسكــه)) فيه وهي ترتجف من الخووف والهلع والدموع بدت تغرق عيونـها

نجوى والإرتباك بـ صوتـها :ســ .. ســمــ .. ســمــعت!!


أما بدر مو مستوعب ولا شي من الي قاعد يصير !!!!!!


صارت تطقه على ظهره .. نجوى :قلــــت لك البيت مسكوون في أصواات ..وفيه حركاات


بدر صار يناظرها والبسمه بدت تعتلي شفايفه وسرعان ما اطلق ضحكه من قلبه لي درجه مسك بطنه وقعد يضحك بـهستيريه :ههههههههههههههههههههههههههههههههههههههههههههههههه ههه


منصدمه منه ومقهوره في نفس الوقت رفعت يدها بتعطيه كــــــــــــــف !!!


نجوى :شنووووووووو يضحك الحين قاايلت لك نكته انا


بدر على وضعيته يود يدها وهو يكمل ضحك .. حست بالقهر أكثـــــــر منه


بدر وفي نفسه ميت ضحك:احم اي هذوول من يومهم موجودين اهني من اول ماسكنت في البيت ..تعودوا علي وانا بعد تعودت عليهم


لصقت فيه زياده لي درجه صار ويها على صدره من الخووف


نجوى :والله ؟؟!!


بدر عجبااه الوضع بس كسرت خاطره لانـها خايفه .. حط يده على جتوفها كأنه يضمها ويحسسها بالامان :لاتخاافين مافي شي يخرع تطمني يا قلبي


رفعت راسها و تلاقت عيونـها بعيونه وكأنـها مو مستوعبه او مصدقه


بدر :قلبي والله مافي شي .. ههه بس هذا صوت الكاسكو

((وهو يأشر بسبابه يده على القفص الي على زاويت المطبخ فوق))













.. وهو يحط يده على يدها وببتسامه حب .. سعود :لا يا قلبي مو مشغول ولا شي وحتى لو مشغوول راح افضى لعيوونج يا عيوني


رنيم وهي تنزل راسها بخجل :تسلم عيونك


وقعدو يكملون فطارهم




.. في فلة بــــــدر ..