شبكة همس الشوق - عرض مشاركة واحدة

#1 12 - 2 - 2015, 08:00 PM

ناديت وأنفاسي بها صدق وأحساس
وكتبت شعري صادق الشوق كّله

دام المحبه مآ لهآ عندي قياس
قلبي مكآنك وأنت جالس محلّه

آهـ من حبّك مثل صبّة الكآس
تنصب في قلبي بفنجآل دلّه

على فرآش القلب تآخذ لك نعاس
وتشفي بها روحي من أيآت علّه

لا والله الا داخل القلب نبراس
نورت قلبي يابعد كل من له

يامتعب الخطوات في سرع الانفاس
أرفق بحالي قبل دمعك تهلّه

الشوق دمّرني وأنآ دوم منحاس
أبيك تقرب وأنت ظرفك تدلّه

لا ياحياتي يابعد كل هالناس
مسامحك من قلب مآخآن خلّه

حبّي لها محروس في خمس حرّآس
شوق ووله وأسلوب مأحدن يملّه

راضي بها وثنين باقي وجلاّس
حبّ ومعزّه سآكنه وسط فلّه

بعيش معك وحالتي مابها ياس
يكفي عيونك لو تناظر بطلّه

يامسكني ياتاج حبّي على الراس
قله ياقلبي وش مكانتك .. قلّه

يدري بها قلبي ولاني على أفلآس
رآبح بهآ حبّي ولافيه زلّه

حنيت وأبآ أحطهآ بين الاقوآس
مشتاق لك وأنت الهوى مستحلّه

باين عليك أن الخجل فيك من ساس
مال الخجل عطني من القلب يالله

هذآ فوأدي لك والارياق يبّاس
ريقي يبس وأنت بحنانك تبله

أنت الهوى وأنت الغلا وأنت الالبآس
ثوب الغلا والصدق رمشك يظلّه

مال الهوى عندي أكآذيب وأدناس
صدق المشآعر في حياتي وأدله

أنآ معي بالشعر عشرين هوجآس
أكتب بكيفي شعر والسيف أسلّه

هذآ شعوري فوق شاشه وقرطآس
مايساوي اللي في حياتي مآأمله

رديت وأنفاسي بها صدق وأحسآس
وكتبت شعري صآدق الشوق كلّه

[/QUOTE]

الموضوع الأصلي : ريقي يبس وانت بحنانك تبله || الكاتب : ياقلبي اكتفيت || المصدر : شبكة همس الشوق