انا باعمل الكيكة دى وكل مرة بتطلع لذيذة وسهلة
جربيها وح تعجبك ان شاء الله
المقادير
ملحوظة:
كل العيارات تكون بنفس الكوب
2 كوب دقيق
كوب وربع سكر
1 كوب زبدة او سمن
1 كوب زبادى
3 بيض بلدى او 2 بيض كبير
فانيليا
باكو بيكنج بودر
نصف ملعقة صغيرة بيكربونات صودا (كربونات)
ربع ملعقة صغيرة ملح
للحشو
نصف كوب اى نوع مكسرات او سودانى ( مدقوق)
3 ملعقة كبيرة سكر
2 ملعقة كبيرة قرفة
لو ماعندك مكسرات ممكن الاستغناء عنها بس زودى القرفة والسكر
ولو تحبى المكسرات ممكن استخدام كوب بدل نصف كوب
الطريقة
اولا نسخن الفرن
ثم نبطن صينية بالسمن والدقيق
يضرب السمن والسكر فى الخلاط او بمضرب كهربائى حتى يصبحوا متجانسين
يضاف البيض والفانيليا مع الضرب
ثم يصب الخليط فى وعاء ويضاف الزبادى ويخلط مع بعض
فى وعاء اخر اخلطى المواد الجافة مع بعض
( الدقيق والبيكنج صودا والبكنج بودر والملح)
بمضرب يد تقلب المواد الجافة فى المواد السائلة
(رح تلاحظى ان العجينة ليست سايلة مثل عجينة الكيكات اللى نعملها)
تضعى نصف العجينة فى الصينية ثم نصف خليط الحشو (مكسرات وقرفة وسكر)
ثم تضعى نصف الخليط الاخر وعلى الوجه باقى الحشو
تدخل فى فرن متوسط الحرارة حوالى 40 دقيقة
لحد ما تستوى بان تضعى خلة اسنان فى نصف الصينية
لو طلعت نظيفة تكون الكيكة استوت.......
وبالهناء والعافية