اخطاء فنية تاريخية ترسخت في ذاكرة الشعوب
يعنى مثلا :
- الرسول ما كانش له اخت مغنية اسمها الشيماء
- زعماء الكفار ماكانش شكلهم وحش و ريحتهم وحشة ده كانوا اغنى تجار فى العالم، دا أبو لهب اتسمي الإسم دا عشان كان شديد الجمال.
- هارون الرشيد ما مكانش مقضيها خمرة و نسوان
ده كان بيحج عام و يغزو عام و لما يزوره ملك او حد مهم كان يعطيه هدية اختراع جديد لم يرى العالم مثيل له
- عيسي العوام مش مسيحي
- قراقوش ما كانش حاكم مفترى و غبى
ده كان قائد عظيم بنى قلعة صلاح الدين و القناطر الخيرية باوامر صلاح الدين الايوبى
- محمد على و اسرته ما كانوش بيتكلموا تركى و لا عربى مكسر و لا بيقولو حظرتونا و لا افنظم
ده سفير انجلترا الحالى بقاله خمس سنين فى مصر لما قناة بتستضيفه بيتكلم عربى مصرى بلهجة الزاوية الحمرا و الصاروخ صافيناز بتتكلم مصرى زى اللبلب يبقى ولاد و احفاد محمد على اللى اتولدوا و عاشوا فى مصر مش بيعرفوا يتكلموا مصرى
- الوالى محمد سعيد باشا ما كانش اهطل و ديليسبس ضحك عليه بطبق مكرونة و خد قناة السويس
ده كان حاكم عظيم اول من جعل المصريين ظباط فى الجيش و عمل المشروع اللى مصر عايشة فى خيره لحد النهاردة مشروع قناة السويس و طبعا ما كانش اسمه الخديوى سعيد لان قبل الخديوى اسماعيل ماكانش فيه لقب خديوى
- الخديوى اسماعيل ما كانش مفرغ حياته للنسوان و لا كان بيريل على المظ و عايز ياخدها من عبده الحامولى و عبده الحامولى عمل ثورة عليه ( فيلم المظ و عبد الحامولى ) لان عبده الحامولى كان من حاشية الخديوى اسماعيل و كان مقرب منه جدا لدرجة ان بعد عزل الخديوى اسماعيل اعتزل عبد الحامولى الغناء و انسحب من حاشية الخديوى توفيق وفاء للخديوى اسماعيل
الخديوى توفيق ما قالش لاحمد عرابى انتم عبيد احساناتنا و لا احمد عرابى كلمه من فوق الحصان و الخديوى واقف على الارض زى ما بيجيبوا فى الصورة العبيطة المرسومة للواقعة دى
- الخديوى عباس حلمى الثانى ما حكمش مصر ساعتين و بعدين شالوه
ده حكم مصر 22 سنة و كانت كلها انجازات بس لان الانجليز عزلوه و الشعب كان بيعشقه فمش هايعرفوا يشوهوه فقرروا انهم ما يجيبوش سيرته خالص و ممكن تراجعوا صفحة التاريخ بالصور
- الملك فؤاد ما كانش شحات و مديون و خامورجى و الهبل ده و لا كان حاكم طرطور الانجليز بيحركوه
لانه كان عنده قصور و اراضى و كان مسئول ملف التعليم فى عهد عباس حلمى الثانى و المشرف العام على الجامعة المصرية فى عهد السلطان حسين و كان حاكم عظيم سدد كل ديون مصر و بنى الجيش المصرى باحدث الاسلحة و توسع فى التعليم اللى هو لعبته و عمل قفزة اقتصادية و فى عهده كانت القاهرة اجمل مدينة فى العالم تابعوا مركز كنوز لحماية التراث الثقافى و اتفرج على مصر فى عهده
- مفيش حاجة اسمها الاسلحة الفاسدة
لان الموضوع بشهادة سعد الدين الشاذلى كانت اسلحة حديثة و متطورة و لم يدرب عليها الجيش المصرى و دى كانت القضية و المحاكمات اللى عليها لانهم ما دربوش الظباط و الجنود على الاسلحة مش لانها بايظة و لا بتضرب لورا زى ما جابوا فى الافلام
منقول بالكامل طبعا وأنا واثق فى كل ما ذكر
.
ولى تعليق مهم جدا إن الملك فؤاد سدد كل ديون مصر سنة 1935 وبعدها بدأ يقرض أوروبا وأصبحت قناة السويس ملكا خالصا لمصر وتم تعيين 6000 موظف من الجاليات الأوروبية كملاحيين فى القناة بعقود عمل
ثم أتى جمال عبد الناصر بعدها بـ 21 سنة وضحك على شعب بأكلمه بترتيب مع الإعلام كما هو المعتاد وأوهم الشعب أن قناة السويس غير مصرية وإنه أممها
وفى الحقيقة هو لم يؤمم شئ لإنها كانت ملكا خالصا لمصر
وكل ما فعله هو طرد لعدد 6000 موظف أجنبى وبدون إعطائهم حقوقهم
وبعدها كل ديوننا على أوروبا لم نستطع تحصيلها ولم يستطع ناصر فعل أى شئ ولن يعلن إعلام محمد حسنين هيكل شئ ( أحمد موسى حاليا )..
قام بعملية اغتيال الرئيس السادات خمسة أشخاص .. هم:-
*المقدم عبود الزمر وهو ضابطا بالمخابرات الحربية
*الملازم أول خالد الإسلامبولي ضابط عامل باللواء 333 مدفعية
*عبد الحميد عبد السلام وهو ضابط سابق بالدفاع الجوي
*عطا طايل، وهو ملازم أول مهندس احتياط
*وحسين عباس وهو رقيب متطوع بالدفاع الشعبي وهو صاحب الرصاصات الأولى القاتلة
كلهم ضباط وضباط صف فى الجيش
ومع ذلك الاعلام صدر لنا ان اللى قتل السادات الجماعات الاسلامية وفى ناس صدقت ولسة لحد دلوقتى مصدقة
يارب نشغل مخنا ونفهم