شبكة همس الشوق - عرض مشاركة واحدة

2 - 8 - 2015, 06:28 PM

بـــــــــــــــــــــــــــــارت [20]

فيصل : تدلين الشقه بعدين صح ؟

حنان : اييييه اكيد ...

نزلوا للدور الارضي و طلعوا من بوابة العمارة ..... هتان & عساف يراقبوا باهتمام و تركيز ..

هتان يأشر ع العمارة : شفهم هذاهم طلعوااااا...

عساف : وين وين ؟

هتان : شوف من هنا على يميني قدام بوابة العمارة الثلاثة اللي يمشون .. فيصل و تعرفه اللي جننبه هو وليد(حنان) ...

عساف يتفحص بدقه : اشوفه من بعيد مبين خقه ... كيف شكله من قريب ؟

هتان : لا يكثر بس.. مو لازم تعرف شكله من قريب ...

عساف : تفكاا تفكاا خلناا نقرب شوي ..

هتان : مهبوووول انت فيصل معه ما ابيه يشوفنا ...

عساف : يااا ذا الفيصل ...

هتان : اللحين دامك شفته حرك و خلنا نمشي ...

عساف : دقيقه الى دخلوا المسجد حركنا ...

المسجد كان مقابل للعمارة بالضبط ......

هتان : يا لييييل الليل ...

عساف : وراك خااايف عليه مني ؟

هتان : لأ ما تقدر تسوي له شي اصلااا .. انا قلت لك من الاول انه لي ..

عساف لا تتحدى لو بغيت لا اسوي : خليناااه لك بس خله بالاول يقبل يدخل شلتكم ...

هتان : بيقبل و تشوف ..

عساف : ينعن ام الثقه ... دامه مع فيصل ما اظن يقبل ...

هتان : ما تدري وش يصير .. و اللحين يلا امش ...

عساف : دقيقه بس ..

هتان : لا تخاف بتشوفه من قريب ناسي اننا بنخطفه يوم الاربعاء و نطلع للرياض ...

عساف : عاادي اشوفه اللحين و بعدين زيادة الخير خيرين ههههه ..

هتان : كااااااك ما تضحك تراك ...

عساف كان يطالع بوابة المسجد باهتمام : هيييييييييييييه ...

هتان : وش فيه ؟

عساف : خويكم ما دخل للمسجد ...

هتان باستغراب : اماااااااااا ... ( و يطالع باب المسجد ) ..وش عنده ذا ؟

عند بوابة المسجد .....

فيصل : اسمعي ارجعي من نفس الطريق ...

حنان عصبت : طيب طيب تراي ادل البيت لا تقلقني ازيد ما انا قلقانه ..

فيصل : اهم شي جوالك معك ؟

حنان : ايييه اكيد ..

فيصل : اول ما اخلص صلاه ابدق اتطمن عليك على طول ...

حنان ابفهم هو ليش قلقان ؟! : اووووكيه ...

واحد شايب : يااا شبااب لو سمحتوا بعدوا عن الطريق نبي ندخل نصلي ..

فيصل : ان شاء الله اسفين يا عم ...

حنان احس اني متفشله يااا ربيييييه ..

فيصل انا قلقان من هتان ان كان يراقب زي امس يا الله : يلااا روحي ..

حنان : هذاني رايحه ..

فيصل ما انتبه على سيارة عساف اللي كانت تراقب بالظلام ...

عند هتان & عساف ...

هتان : وش تكلم فيه مع فيصل ؟

عساف يهز كتوفه : مدري ...

هتان : فيصل دخل للمسجد بس وليد(حنان) لأ ..

عساف : غرييييييييب صح ؟!

هتان : بقوووووووووه ...

عساف : شف شكله بيرجع للعمارة ...

هتان ابتسم بخبث : جتني فكره ...

عساف : ما ورى ذي الابتسامه الا شر ... قوووول يا الذيب ...

هتان : ..............

نروح لخالد شوي .. وصل هو و سامي لمواقف السيارات تبع المجمع ... كلموا السكرتيه يدوروا على السياره و عطوهم المواصفات و رقم اللوحه ... تقريبا البحث استمر نص ساعه ... و ما لقوا السيارة ...

خالد : معناته اصايل طلعت بالسيارة ... طيب وين راحت ؟

سامي : تبي نبلغ الشرطه ؟

خالد : أي تكفى كلمهم .. انا ماني مرتاح ...

جا سكرتي يكلم خالد ...

السكرتي : انت خالد ؟

خالد : ايه انا ...

السكرتي : قبل تقريبا ساعه لقوا سواق هندي مربوط و مرمي بواحد من مخازن احد المحلات .. الادارة لما سمعت بقصتك توقعوا ان السواق ممكن تعرفه او يفيدك بشي ..

خالد بقلة صبر : وينه وينه ؟!

السكرتي : تعااال معي ...

سامي اش المصيبه هذي لو طلع هذا السواق سواقنا معناه الموضوع اختطاف .. يا رب استر عليها و احميها يا رب ...

خالد و هو يمشي تكلم بصراخ : سااااااااااااامي لا تنسى بلغ الشرطه ..

سامي : لا تخاف بكلمهم ...

وصل خالد لأدارة المجمع .. كان السواق عندهم بالغرفه ... اول ما دخل خالد تفاجئ بوجوده ....

خالد : اييييييه هذاااا سوااااقنااا ...

المدير : احنا لقيناه و قلنا له نكلم الشرطه هو رفض قال نستدعي كفيله ...

خالد ما اهتم لكلام المدير و راح للسواق على طول : وووووش صاااااار ؟! بسرررررررعه قل لي ... اصااايل وينهاا ؟

المدير : اهدا يا استاذ احنا حققنا معه و بقولك كل شي ...

خالد بخوف : بسرررعه قول ...

المدير : السواق قال ان فيه واحد جا و قال ان هو بيوصل الحرمه .. السواق رفض .. دق الشخص على اصحابه جوا اخذوا السواق ضربوه ثم ربطوه و روموه ..

خالد : كييييييييييف صاار كذا ..؟ و من هاذول و ليش ؟!

المدير : بصراحه ما ندري ... انتوا لكم اعداء ؟

خالد : مالي أي اعداء.. يعني اللحين اختي مخطوفه ..؟!

المدير : رح ندق على الشرطه ..

خالد : لا ماله داعي صديقي بيدق عليهم ... يلا انت امش معي ( يقصد السواق )..

اخذ السواق و راح لسامي اللي كاان يستناه بالمواقف ...

سامي : بشر وش صار ؟

خالد معصب مقهور و خايف على اخته : اختتتتتتتتتتتي انخطفت مافيه أي خير ابشر فيه ...

سامي شهق مصدوووم : كييييييييييييف ؟! .. من الحقير اللي يتجرأ ..

خالد : ما ادري ... شكلي لازم اكلم ابوي ...

سامي بقلق : أي كلمه اهم شي ننقذهااا ..

خالد : لحظه بنت عمي يمكن لسا هنا .. خل ادق عليهاا ..

في الحقيقه االعنود رجعت للبيت على طول ما تحملت تقعد ... و كانت تستنى أي مكالمه تطمنها على اصايل ... رن جوالهااا ...

العنود : الوووووو ...

خالد : العنود انتي وين ؟

العنود : انا رجعت البيت .. طمني في أي خبر عن اصايل ؟

خالد ما رح اقولها ما ابي الموضوع ينتشر : تطمني ان شاء الله ما فيها الا الخير .. اهم شي انك رجعتي البيت ...

العنود صوته ما يبشر بخير اكيد اصايل صاير لها شي : تكفى لا تخبي عني و قولي اصايل وين ؟

خالد : ما خبيت شي اللحين انا لازم اقفل كثير مشغول .. انتي تطمني .. مع السلامه ...

قفل من العنود و هي مييييييته قلق و تحااتي اصايل كثير .... اول ما قفل رن جوالها .... ردت بسرعه بدون حتى ما تشوف مين ..

العنود : الوووو اصااااااايل هذا انتي ...

شهد : وش فيك ؟ ماني اصايل انا شهد ...

العنود : معليش كنت استنى أي اتصال منهاا ..

شهد : يعني ما جاك خبر عنهاا ؟!

العنود : لأ .. توني مقفله من خالد قال لي اتطمن بس ماني مرتاحه ..

شهد : ياااا ربي انا ميته خووووف ...

العنود : انا اكثر منك .. بس زي ما اتفقنا انتبهي احد يدري من اهلك ..

شهد : لا تخااافين ما قلت لأحد ... الخوف من جود ..
العنود : ان شاء الله ما تكتشف شي .. احنا قلنا لها ان اصايل راحت مع خالد .. و الله يستر لو يرجع خالد البيت و اصايل مو معه بتموت رعبه ..

شهد : ان شااء الله اصايل ترجع ... احس انه كابوس ...

العنود : اسوء كابوس .. يلا حبيبتي انا لازم اسكر يمكن تدق علي ..

شهد : اوكيه و لا جاك خبر دقي علي على طول ..

العنود : اوك ...

نرجع لاصايل شوي ... الوقت صار ليل و رائد يفر فيها بالشوارع .. اصايل تطالع من الشباك ...

اصايل بخوف : انت وين موديني ..؟ طلعتنا برى الدمام ! وش تفكر فيه ؟

رائد : بوديك مكاااان حلوووو .. مفوووواجأه ...

اصايل : تكفى رجعني بيتنااا .. ترضاااهاا لأختك ...

رائد طنش : اقول حبيبتي سولفي معي .. و دلعيني ترااي محتاج حب و حنان ...

اصايل تشاهق : انقلع يا الكلب ما بقى الا انت والله لا اوريك و الله ما اسكت لك خلني ارجع بيتنا بس ...

رائد : لااااا ما اتفقنا كذا .. هههههههه هذا اذا رجعتي ...

اصايل : هئئئئئئئئ ما بترجعني ؟!

رائد : متى قلت اني برجعك اصلا ؟!

اصايل : الله يخلييييييييييييك ..

رائد : اللحين تترجين توك تسبين فيني ...

اصايل : خلاااص ما اسب بس رجعني .. او او اتركني هناا بالشارع انا بتصرف .. بس افتح لي الباب ..

رائد : نو نو نو يااا قلبي انتي بعد ما لقيتي تبيني اتركك .. تصدقين بزواج اخوي كنتي مرررررررره خقه طاح قلبي يوم شفتك ...

اصايل بصدمه : وين شفتني ؟

رائد : بالقصر شفتك .. اه يا قلبي ع الفستان القصير الفوشي اللي كنتي لابسته و لا ع الرووووج الصااارخ اللي ع شفاتك ... وقتهاا ذبت ...

اصايل : جعلك تذوب في جهنم ما تستحي على وجهك ..

رائد كالعاده طنش : صح بسألك ليه الصبايا الحلوات اللي كانوا معك ما ركبوا بالسيارة ؟.. لو البنات كثير الجو يصير احلى ... الغريب ان انتي لحالك اللي قررتي تمشي ...

اصايل : مالك دخل ...

رائد : اووووكيه عاااادي يا روووحي .. ما هي شينه انا و انتي لحالناا .. يطلع مننا صح ...

اصايل : جعلك الماااحي ...

رائد برضو طنش : عندي فكره حلووووه .. اذا ما تبين يصير لك شي اش رايك تكلمين خوياتك يجوا معناا ..؟

اصايل : لو على جثتي ما اخليهم يقابلوا اشكالك و اضيعهم ..

رائد : اووووه يااا حرااااااام يعني انتي عادي تضيعي بس هم لأ ..

اصايل : ............لا رد ..

رائد : انااا مبسووووط اني عرفت من تكوني .. لما شفتك بزواج اخوي ما كنت عارف انتي مين ... بس يوم رقمتيني بالظهران عرفتك على طول و لحقتك للبيت .. و عرفت انك اكيد اخت زوجة اخوي ...

اصايل : ...........لا رد ..

رائد : و باليوم الثاني ظليت قدام باب بيتكم استناك تطلعي .. و لحقتكم لما صديقتك مرتك للبيت ..

اصايل متفاجئه : ...........لا رد ..

رائد : كلمت اخويايي عشان نراقبكم ... و واحد سمع اسمك و عرفت اسمك اخيرااااا ياا اصولة قلبي ...

اصايل الله لا يوفقك جعلك البلا كرهت اسمي بسبتك : ...........لا رد ..

رائد : و نفس الشخص كلمني و قال لي انك رح تطلعي من المول ... ما تعبت نفسي ادور سواقكم كان واقف قدام البوابه .. ههههههههههههههه والله اني ذكي ..

اصايل : الله يبتليك بخواتك ... الله يبتليك ....

رائد : يااا لبببه اصوووووله يااا لبببه ياااا ناااس تدعي علي ... هههههه صبرك علي بس لين نوصل ...

اصايل انا اوريك اذا وصلنا و فتحت الباب بحط رجولي و انحاش .. و انت والله ما اسكت لك لا اوديك السجن مكان صلاح ... و الله صلااح مسكين ما يستاهل اللي سويته فيه قسم بالله انه اشرف من ذا الحيوان .. يااا ربي وش جاب طاري صلاح اللحين ؟!.. لااااازم اتصرف ..

نرجع لـ هتان و خويه ...

عساف : وش هي فكرتك ؟!

هتان : هتان : اللحين هو يمشي انت خلك ماشي جنبه .. يعني ﻻ تسمح له يقطع الشارع ..

عساف : اوكيه تم و بعدين ؟

هتان : هههه انت امش جنبه و انا بكلمه بحاول اقنعه يركب معنا ...

عساف : هههههاااي واالله انك خطييييير ..

هتان : لك مني اللي تبيه لا ركب ...

عساف : والله ؟!

هتان ابتسم : والله ..

عساف : ما اكون عساااف ولد ابوي ان ما خليته يركب ..

هتان : بس يركب و هو مقتنع ...

عساف : ياخي خلها بالغصب انا ما اعرف اقنع الناس ..

هتان : معلييييييش هذا شرطي ..

عساف : قسم انك ....... ( سكت )

هتان : هههههه كمل و لا خفت تقولها بوجهي ..

عساف : لا خلني ساكت احسن ...

و سووهااا ... جت بتقطع الشارع .. إلا تجي سيارتهم جنبهاا ...

حنان يممممه من هاااذول ؟! ..

هتان من الشباك : يااااا حلوووو يااا عسسسسل .. تعاااال معنااا ..

حنان بدت تتوتر و تخاف ... هذا الصوت مو غريب علي !

هتان : يا الحبيييييييب نكلمك ...

حنان تمشي كل ما تحاول تقطع الشارع يوقفون بالسيارة قدامهااا ..

عساف : وقف يا ولد نبي نكلمك بس .. و ربي بس نكلمك ...

حنان تكلمت بخوف : انقلع عن وجهي انت واياه ...

هتان : لااااه لااااه ما توقعتهاا منك يا وليد(حنان) ...

حنان هئئئئئئئئئئئئئئ أي والله انه هو هذااا هتاااان الكلب ...

عساف : يااا حلوووو تعاااال اركب و بعطيك اللي تبيه ...

حنان و من هذا اللي معه و اش يبغووووون ؟!

هتان : ولييييييييييييد (حنان) ما تسمع ؟!

حنان : هذااا انت يااا هتان ! لاحقني حتى بيتي .. يااخي انت وش تبي مني ؟

هتان : ابيييييييييييك تخاااويني ..

حنان اخاااويه ؟! : فااااااارق بس .. خلووووني أمر ..

عساف : هتان اسكت انا بتفاهم معه ... يااا الحلووو كم تبي فلوس و تركب معنااا ؟

هتان ضربه ع كتفه : يا الغبي هذا مو ناقصه فلووووس ما شفت العماره اللي هو فيهاا ؟!..

عساف : وش مدريني عنك انت تقولي تبيني اقنعه .. ما عرفت كيف اقنعه ..

هتان : اجل خلك ساكت ما منك فايده ...

و هم يتهااوشون حنان استغلت الموقف و نقزت من قدام السيارة و قطعت الشارع ...

هتان لف بيكلمها : هئئئئئ وين رااااااح ؟!

عساف يطالع العمارة : الكللللب شوفه هناااااك دخل العماره ..

هتان : اوووووووف يا الدبي كله منك ...

عساف : وش دخلني انت اللي كنت تهاوشني ...

هتان : خلص الموضوع يلاا امش رجعني البيت ...

عساف : والله ما كنت ادري متى طب الحيوان ..

هتان : خلااااص انتهى .. اوريه بكره بالمدرسه ...

عساف : ياخي ودي اجي مدرستكم و اساعدك بس الكلاب طردوني ..

هتان : والله من كثر المشاكل اللي كنت تسويها ..

عساف : هههه وش اسوي اعشق المشاااكل ...

هتان : حرك و انت سااااكت لا اسوي لك مشكله اللحين ...

عساف : فصلت عشانه ..!

هتان : بتنطم و لا اشلون ؟

عساف ههه شكله من جد عصب عشانه : خلااااص بنطم ..

ثم حركوا و مشواا للبيت ......

وصلت حنان الشقه و صوت انفاسهاا تتسارع من كثر ما ركضت ......

حنان الله لا يوفقه نشب لي نشبه .. قسم بالله مت رعبببببه .. خـ خل ارتاااح ... اوووووف يا الله بالكاد اتنفس ... الله لا يوفقكم من شله .. اه يا قلبي اه يا رجولي تعبت اركض ... لآلآزم فيصل ما يدري .. من غير شي هو قلقان لو درى اتوقع ما عاد يخلينا نقعد هنا و لا دقيقه ... الله يستر بس ..

نمر على بيت ام حنان شوي ... كان وقت العشى ... البنات كانوا بغرفتهم ..

سوسن : امشي نحضر الاكل ...

سميه : بنتعشى بالملحق صح ؟

سوسن : لااا لان ابوي مو موجود راح يشوف صلاح .. بنتعشى كلنا مع بعض ..

سميه : اوووووووف انا ما ابي عشى خلاص ..

سوسن عصبت : سمييييييه وش ذا التكبر ..!

سميه : ما تكبرت .. بس ما ودي اسمع سوالفهم ...

سوسن : اقوول امي ترى ما عندها اعذار ان ما طلعتي بتسمعي شي ما يعجبك و تراي قلت لك ...

سميه : يااااااا ربي يعني لازم ؟!

سوسن : على فكره ترى حالك مو عاجبني ..

سميه : اكيد ما بيعجبك .. كيف تبين حالي يصير و انا بنام بغرفة اللي خدعتني و طعنتني ...

سوسن : اقول لا تكثري حكي و امشي معي ...

سميه بدون نفس : طيب ...

حضروااا الاكل و طلعواا ع العشى ... و هم قاعدين كانوا سوالف ...

ام حنان : أي يا ام صلاح متى قال ابو صلاح بيرجع من المركز ؟

ام صلاح : والله ما ادري .. يقول انه بيحاول يطلع صلاح لو بكفاله ..

ام حنان : الله يقدم اللي فيه الخير ...

ام صلاح : امين يا رب ...

بعد لحظات هدوء الكل كان ياكل ... بس لازم تطلع سالفه وقت الاكل ..

ام صلاح : بشري يا ام فيصل اخبار العرسان ؟

سميه لااااااا يا يمممممه جيتي ع الجرح ليتك ما سألتي ..

ام فيصل : والله الحمد لله بخير .. احسهم مبسوطين مع بعض الصراحه يليقون على بعض ...

سميه شوي و بتبكي بالغصب ماسكه نفسهاا .. و سوسن تناظرهاا ..

ام صلاح : الله يوفقهم ان شاء الله .. فيصل ولد حلال و يستاهل و حنان بعد بنت طيبه و تستاهل كل خير ..

ام حنان : و ابشرك كلمتهاا اليوم .. والله اني اشتقت لها بس دامها مرتاحه مع فيصل فالامور ان شاء الله بخير ...

ام صلاح : اكيد بتشتاقي لهاا بس هذي سنة الحياة ..

ام فيصل : شكلنا يا ناديه بنصير جدات ههههه ...

سميه غصت : كح كح ...

سوسن : بسم الله عليك ...

ام صلاح : بالهدااااوه يا بنتي الاكل ما بيطير ...

ام حنان : صار لك شي يا سميه ...

ام صلاح : لااا ما بها شي .. بس تاكل بدفاشه ...

سميه تحترق من جواتها : اناا شبعت ...

ثم قامت ركض للغرفه .....

سوسن ترقع : هي تعبانه اشوي بعد مشاكلنا اعذروهاا ..

ام صلاح بعصبيه : علمي اختك السنع و الذرابه ...

سوسن : ان شاء الله يمه ...

بعد مااا راحت .....

ام فيصل : لا تضغطي عليهم يا ام صلاح ...

ام حنان : ترى مو قليل اللي صار معكم خليهم على راحتهم ...

ام صلاح : الله يعين بس .....

صلواا و خلصواا صلاه و رجعوااا للشقه ..... حنان قاعده تشوف التلفزيون و مسويه نفسهاا طبيعيه ... اول ما دخلواا ...

فيصل معصب : حممممممد ليه ما ترد على جوالك ؟

حنان : يا الله نسييييييته صامت من بعد ما كلمت امي ...

وليد مستغرب : انت متى رجعت البيت ؟ و اصلا وين كنت ما شفتك بالمسجد !

حنان : هاااه .. لااا توني رجعت ...

وليد ههههه و صرفت نفسك قايل انك منت بهين : بعد اشوي بيوصل العشى ..

حنان تنهدت .. الحمدلله ما دقق على سالفة المسجد ...

فيصل قعد جنبهاا و همس : ما صارت لك أي مشاكل و انتي جايه صح ؟

حنان ارتبكت : يـ يعني اش بيصير ! .. لااا الحمد لله ما صار شي ...

وليد : شباااااااب خلونااا نلعب بلاستيشن ...

حنان : اووووووووكيه ...

فيصل ناظرها بحده ...

حنان : وش فيك ؟

فيصل يهمس : مو انتي وعدتيني ما عاد تكلمينه ...

حنان : ياااخي خف علي شوي تراك ذبحتني ..انا .. اللحين .. ولد ... ما بيصير شي ...

وليد : وش تتهامسون فيه ... يلااا واحد منكم يجي يباريني ...

فيصل بدون نفس : انا ما بلعب ...

وليد : عادي مو لازم ...

فيصل مقهوووور منه ....

وليد : حمد يلاااا تعااال جنبي ...

حنان : يلااا جاااي ..

فيصل شكله في النهايه بنصير يا ذاااابح يا مذبوووح و كله بسبب هذي البنت ...

نرووووح لخالد .. دق على ابوه و علمه بالقصه ... و اتفقوا يتقابلوا بمركز للشرطه ...

ابو خالد : كيف يصير مع اختك كذا ؟ و انت وين كنت ؟

خالد : يباا والله ما كنت ادري عن شي مو ذنبي ...

ابو خالد : ان صار لأختك شي والله لا اذبح اللي خطفهاا ...

خالد : ان شاء الله مو بصاير لها شي ...

ابو خالد : امك تدري ؟

خالد : لأ محد يدري ...

ابو خالد : اجل انتبه تقول لأحد مو ناقصنا فضايح ... يكفي اختك منار ..

خالد مستغرب : مناااار ؟! .. ليه وش سوت ؟

ابو خالد : مو وقته اللحين ...

سامي راح يجيب لهم شي يشربونه ....

سامي : بشرواا صار شي ؟

خالد : لا للحين ما اعطانا الضابط أي خبر ...

طلع الضابط من غرفته ....

ابو خالد : وش صار يا حضرة الضابط ؟

الضابط : السيارة اللي اعطيتونا مواصفاتهاا لقينااها على خط الدمام السريع .. و اللحين الدوريات اللي هناك تلاحقها ...

خالد تنهد : الحمدلله لقينااها ..

ابو خالد : مو وقت راحتك اللحين .. ادعي ان اختك ما صار لها شي ..

الضابط : انا بروح بنفسي أشرف على الموضوع ..

سامي للضابط : احنا بنجي معك ...

الضابط : لااا خليكم .. الوضع خطير .. احنا ان شاء الله اذا لقينا بنتكم بنجيبها الى هناا ..

ابو خالد : خلاااص يا عيااال خلوناا نستنى هناا ..

خالد : بنقعد على اعصابنا اللحين ...

سامي ياااااارب ما يصير لهاا شي ...

نروح لـ اصااايل ...

اصايل تصارخ و تبكي : وين بتوديني تكلم ؟

رائد كان مشغل صوت المسجل على اعلى صوت و يرقص و يتمايل بالسيارة .....

رائد : ويلو..ويلو ياسواد ليلو..لو معي يلعب بذيلو

ويلو لو تزوغ عيونه مره .. او غلط غلطة صغيره

ويلو الله لايوريه ناري .. وكيف انا مجنون غيره

ويلو توه مايدري بجنوني ........................ هااااااااااه قلتي شي يا قلبي ؟!

اصايل : ياااا حيووووووووان وين موديني ....؟

رائد : ويلووووووو ... حبيبي بنروح الجبيل ... يمدحون فنادقهاا ... و المدينه كلهاا هدوء و رومانسيه رح نستانس كثير ...

اصايل تشاهق : ياااااا كلب رجعني بيتنااا ...

رائد : هههه فديت قلبك ماااا اسمع .... ( و يكمل يغني ) ويلووووووو ..

اصايل : حقير ولد حقير والله لا انتقم منك ....

في الشقه .... حنان و وليد منسجمين باللعب مع بعض ... و فيصل قاعد حاط رجل على رجل يتفرج لهم و مقهوووور و غيراااان ...

حنان : لا تكسسرررر لاعبي جعلك الكسر ...

وليد : لااا تدعي علي تراهاا لعبه .. و انت ما تعرف تلعب ههههههه ..

حنان : أي ما اعرف ما كان عندنا بالبيت بلاستيشن ... كنت احيانا ألعب مع بـنـ ( كانت بتقول بنت جيرانا بس انتبهت في اللحظه الأخيرة ) اقصد مع ولد جيرانااا ...

وليد انتبه بس ما حب يطقطق عليهاا : تقصد ولد جيرانكم اللي تبيني اكلم محامي عشانه ؟ و لا واحد ثاني ؟

حنان : هاااه .. أيـ ايييه هووو ...

وليد : يييييييييييييييييس جبت القووووول الرابع ....

حنان : اووووف وش ذا الاحباط ...

وليد : هههههههه محد يهزم البرشااا ..
حنان : اصلااا فريقي انت اخذته مني ...

وليد : لاااا يااا قلبي احلف .. من الاول قايل ان البرشا لي و انا ما ألعب بغيره ...

حنان : طيب خلني ع الأقل اجيب قووول وااااحد ...

وليد : ههههههههههااااي مستحيييل انت جيب ...

اندق الباب ......

حنان : غريبه مين ؟

وليد : اكيد المطعم ... فيصل روح شوف ...

فيصل بدون نفس : ماني خداااام عندك ..

وليد : ترى الأكل مو بس لي .. لي و للكل ...

حنان : فيصل تكفى رح شف الباب .. مانبي نوقف اللعبه باقي 5 دقايق و تنتهي ...

فيصل : عشانك بس بروح ...

وليد : اخووووص يا الحبي به ...

فيصل : تعرف تسكت و لا ......

وليد : يممممه خوفتني ... وش بتسوي يا الحبيب ...

حنان : ياااخي كأن هوشاتكم صارت واجد ... تكفووون هدوووا ..

فيصل : انت مالك دخل ...

حنان زعلت : خلاص وقف اللعبه انا بروح افتح الباب ...

فيصل : لا اقعد كمل لعبتك انا قايم اصلا ...

بعد ماااا راااااااح ...

حنان : ول عليكم كل هذا عشاااان باب ؟!

وليد : لا مو عشان الباب بس فييييصل صار ما ينطاااق ...

حنان : اقولك ألعب بسكاااات ...

وليد : هذاني ألعب و عناااد أللحين بجيب الخامس على الصفارة ..

حنان : ههههه اتحدااااااك ...

وليد : اووووكيه تشووووووف ...

ولييييييييييييد جااااااب القووووول بآخر ثانيه من المباراة و من فرحته ضم حنان بقوه لصدره ... حناااااااان ذااااااابت ع الآخيييييييير اصلا ما استوعبت ...

فيصل جاب الأكل و شاف وضعيتهم .. وقف منصدم في مكانه ...

وليد يبعد عنهاا : ييييييييييييس قلت لك اني بجيبهااا و جبتهااا هههههه ..

حنان لساا ما استوعبت و بعاااالم ثاني .. يااا ربي انا احلم و لا من جد احس اني بدوخ و اطيح بأرضي ... كنه حلم و ربي انا يضمني لصدره !...

فيصل بصرااخ : خييييييييير ان شاء الله وش فيكم ؟

حنان صحت من غيبوبة الحب تبعهاا على صوت فيصل ... ياا ويلي ليكون شاف وليد و هو حاضني ..! .. ( تناظر عيونه اللي تقدح شراار ) .. يممممه من عيونه وااااضح ..

وليد : الخير بوجهك ... هههههههه هزمت حمووووود بخمسه ...

فيصل واضح معصب : ماله داعي تحضنه ...

وليد : ليه عادي هو ولد و انا ولد وين الغلط ...

فيصل سكت و ناظر حنان بحده .....

حنان انا اليوم بنذبح..قامت تصرف : جبت العشى صح ؟ يلا خلونا نتعشى ...

فيصل : انا بدخل انام ما ابي عشى ...

وليد بلا مباله : الله معك ...

حنان اه يااا ربي تعبت معه اللحين اكييييييد زعل ...

وليد ابتسم : اقوووول حمد لا تفكر فيه كثير احس تصرفاته صاارت تجيب الهم .. امش خل نتعشى ...

حنان : اوكيه ..

قعدوا يتعشوا و يسولفوا في نفس الوقت ....

وليد : على فكره اليوم لاااااااااازم تنام بغرفتي .. خويك فيصل احس انه مو طبيعي ...

حنان انت تبينا نموت احنا الاثنين : لاااا يا انام بغرفتي يا بنام بالصاله ...

وليد : اقنعني بالسبب طيب !

حنان وكيف بقنعه اللحين : بس كذا ما في أي سبب ..

وليد : مااافي تروووح إلا اعرف ليش ...

حنان اوووف منه : قلنا لك مافي سبب .. اقولك خلنا نتعشى بعدين يصير خير ...

وليد ما بخليك اليوم الا و تنام بغرفتي و اشوف يا انا يا انت يا فيصل هههههههههههه و بصورك بعد و انت بغرفتي و برسل الصوره للشباب بالبي بي وش احسن من كذاااا ونااااااااااااااااسه هههههههههههههه ..

رائد قرب يوصل للجبيل ... انتبه بدوريه وراهم ...

رائد عااادي عااادي اكيد فيه حادث قدام : يا الغلا اشوفك ساكته لا تكوني نمتي ....؟!

اصايل : ...............لارد

رائد : اقووول افتحي اذانك و اسمعيني زين .. اذا اذا اذا فكرت اني ارجعك بيتكم انتبهي احد يدري عني ...

اصايل : على بالك بسكت لك ... اعدام ان شاء الله...

رائد : ههههههههههههههههه احب البنات الشرسات ... شوفي حبيبي لو احد درى اني انا ورى موضوع خطفك .. صدقيني الدور الجاي على اختك و صديقاتك اللي كانوا معك اليوم ... اخوياي ينتظرون اشارة مني عشان يخطفونهم ...

اصايل : هئئئئئئئئئئئئئ يا النذل ...

رائد : ههههههههههههه احبك يا بنت ...

اصايل تبكي بقهر ... يعني اللحين ما اقدر انتقم منه .. والله ما اعديهاا له .. عسااني بس اطلع من هالمصيبه على خير ... يااااااا رب سااااعدني ...

رائد والله شكل الدوريه ذي تلاحقني ... لا لا يتهيء لي ....

صاحب الدوريه تكلم بالمايك : ياااااااا راااااااعي السيارة البانوراما الاسود وقف على جنب ....

رائد هئئئئئئئ هذا اناااااااااا والله يلاحقوني ...

اصايل لفت تشوف ابتسمت بفرح الحمدلله انقذوني .....

رائد يدعس بالسيارة ... ما سمع كلام الشرطه ...

الدوريه : وقف بسررررعه و لا بنوقفك غصب ...

رائد مطنش ... و يمشي بأقصى سرعه ...

اصايل بخووووووف : هيييييييه انت بتموتنا ... وقف عمى ...

رائد : انتي و لا كلمه لا أحذفك من الباب اخليك تموتين هناا ..

اصايل خاااافت و سكتت ...

انتــــــــــهى البـــــــــــارت