شبكة همس الشوق - عرض مشاركة واحدة

2 - 8 - 2015, 06:35 PM

بـــــــــــــــــــــــــــــارت [23]

هتان : قلنا لك برى المدرسه نتفاهم معهم منت راضي تفهم تبينا ننطرد من المدرسه ؟
مشاري : خلاااص ابنتظر ... ( والله لا اوريك يا فيصل الكلب ) ..
هتان و شلته لازااالواا يناااظروهم بحقد و يتوعدون فيهم ...

عمار رجع بالفطور .......
حنان : تكفووون خلوونا نرجع الفصل ..
فيصل : ههههههه لسا خايف منهم !
حنان تصرف : لآ لآ مو خوف .. بس الجو شوي بارد ..
عمار : ليش ما جبت جاكيتك ؟
حنان : لبست من داخل لبس ثقيل ... يلااا خلووونا نروح ..
فيصل : هههه امش يا عمار لا يموت عليناا ..
عمار : مع ان الجو ما يتفوت بس يلااا ..

رجعوا للصف ..... وعند شلة هتان .....
مشاري بخبث : اش رايكم اعزمكم على فصلي ؟
هتان ابتسم : فهمتك يا موووشمووش ... شباااب وش رايكم ؟
الكل : قدااااااااااام ...

قعدوا على طاوﻻتهم بالصف يفطروا و يسولفوا ...
حنان : غريييييييييب ليش الفصل فاضي ؟
عمار : مافي شي غريب الكل راح يشتري له فطور ...
حنان بالنسبه لي غريب يمكن لان بمدرستي ما الاقي فصل وقت الفسحه فاضي االبنات يحبوا القعده بالفصل عكس الاولاد هناا ..
فيصل : ترى شلة هتان لسا ما حاسبتهم على اللي سووه بولد خالتي امس ...
عمار مستغرب : ليه وش سووا ؟!
فيصل : اﻻنذااال كانوا بياخذونه معهم غصبا عنه ...
عمار : أمااااااا ..احكي لي وش صار ؟
حنان : خلاااص انسوا الموضوع هذاني ما صار لي شي ...
فيصل : لو اني ايش ما اسكت عن اللي سواه .. اصلااا مواعديني بعد الدوام برى ...
حنان بخوف : و بترووووووووووح ؟؟!!
فيصل : اجل انحاش !
عمار : اذا انت رايح انا بجي معك ..
فيصل : كفووو والله ...
حنان : هيييييهه من جدكم !
فيصل : انت ﻻ تجي ارجع مع السواق ...
حنان : تكفى ﻻ تروووح ...
عمار : وش فيك خايف عليه ؟! .. تراه متعود يتهاوش معهم ...
حنان مصدومه : متعوووووود !!
فيصل : اييييييه ياما كفختهم ...
حنان : و و قدرت عليهم ؟!
فيصل : آفااا ععليك سدحتهم كلهم ..
عمار : ههه اي و انا معك ﻻ تنساني فقعنا وجيههم ...
فيصل : اييييه و انت معي ... و راجح بعد ...
حنان يعني يا فصيييل طلعت راعي مشاكل .. و انا اقول ليه احيانا ترجع البيت و ثوبك متشقق و كل ما سأالناك قلت طحت ... عن نفسي ما كنت مصدقه بس أسلك لك ..

كان باب الفصل مسكر شوي .. جا مشاري دفشه برجله بقوه .. و طراااااخ ع الجدار ...
حنان : بسم الله وش ذا ؟
فيصل & عمار لفواا ع الباب ... ثم لفت حنان ....
حنان هئئئئئئئئئئ يممممه وش جاااابهم اللحين ؟.!
واحد من شلة هتان : يااا شبااب رصوا الطاولات انا بنحاش من المدرسه بروح للفوال اللي جبنا اشتري فطور.. أي صح يدكم ع القطه ...
هتان : ياخي خلها على حسابك ...
: والله طفران ما عندي ...
مشاري : ههههههه خلااااص لا يهمك فطوركم اليوم علي ..
هتان : اوووووووخص ياا التاجر وش عندك !؟
مشاري : هههههه جدي جانا البيت امس و عطاني فلوووس ...
هتان : وووووه اجل الفطور و الغدا و العشا عليك ...
مشاري : اوووكيه بس بشرط الحلوين بس اللي نعزمهم ..
هتان & الشله : ههههههههههههههههههههههههههههههه ...
اللي من شلة هتان : يلااا انا رايح ...
واحد ثاني : اناا جاااي معك ...
راحوا الاثنين ..و الباقي ضبطوا الطاولات ع شكل طاوله كبيره ..

فيصل يهمس : لحد يعطيهم وجه حتى نظره لا اطالعوهم ..
حنان : ليييش كل هذا خلنا نطلع من الصف ...
عمار : لأ ما نطلع محنا برجاجيل اذا طلعنا ..هم جوا هنا لانهم عارفين اننا هنا السالفه عناد ...
حنان ياااااا ربي الشباب الظاهر كل حياتهم هواش بهواش ...
فيصل : خلنا نسفهم بس ان تكلموا علينا والله ما يحصل خيييير ..
عمار : شكلهم ما بيعدوا اليوم على خير شوف كيف يناظروونا ..
حنان : تكفوووون طنشوهم والله كذا ينقهروووا ..
عمار : يااخي اسلوبك انت ما يعجبني .. خلك رجال ..
فيصل كتم ضحكته : خل وليد(حنان) في حاله شكله ما عمره تعرض لزي كذا موقف ...
عمار : ليش وين كان يدرس ...؟!
فيصل : ما كان يدرس بمدارس كان عنده مدرسين خصوصيين يجونه البيت ...
حنان ينعن ام الفقش وش ذي الصووووواريخ ...!
عمار : أماااا .. يعني ولد خالتك ابوه تاااجر ...
فيصل : اييييه ما تشوف لبسه كيف !
عمار : أي والله ... ( ناظرهاا) .. هيييييه يعني عندك واسطات و عندكم قصر و كييييييذا .....
حنان يلااا صرفني يا فصيييييييل : هاااااه .. هو ... بصراااحه ......
فيصل قاطعها : كان عنده بس اللحين ابوه تخلى عنه و سكن معنا اول بعدين حن عليه ابوه و استأجر له بالعمارة اللي تعرفهاا .. و صار يرسله فلوس كل شهر ...
عمار منسجم : اهاااا والله قصه ....!
حنان والله و تعرف تألف يا فيصل .. توني اكتشف مهاراتك ....

هتان : يااا شبااااب وش رايكم بالحلو اللي قاعد مقابيلنا ؟
واحد من الشله : هذا ؟! ... يااا سلاااااااام خققققه ...
هتان : احم احم ادرررري .. اعرف اختار ... هههههه ..
مشاري : سمعناا يا الزعيم شوي من قصايدك بمناسبة الحلو اللي قدامنا....
هتان : ابشر يا الخوووي ما طلبت شي ...

فيصل : ليكووون يقصدون وليد(حنان) ؟!
عمار : اشوفهم يطالعون هنا ..
حنان : لااا ما عليكم هم يستفزوكم اللحين .. طنشوا طنشوا ...
فيصل : ان كان يقصدك و الله ما اسكت له ..
حنان : هذا اللي يبيه اصلااا .. تكفى لا تعطيه وجه ...
عمار : فيصل هدي وطنشه زي ما قال وليد(حنان) ..

هتان عينه ع حنان : عندي قصيده و اقووول فيهااا ...
لباااك يا قلبي و قلبك خليله ..
الشباب : خلييييييله ..
لباااك يا بعد كل طوايف هلي ..
الشباب : هللللللي ...

فيصل ما تحمل وقف و ضرب ع الطاوله بقوووه : هيييييييييييييه انت .. من تقصد بذا الكلام ....؟
هتان ابتسم : مين يعني الحلو اللي جنبك ...
فيصل جا بيروح له مسكته حنان ...
حنان : لا تروح ما يستاهل تضيع مستقبلك عشانه ..
عمار وقف : بتروووح انا معك ..
حنان : وانت بعد بدال ما تهديه تزيده ... اقوووول اقعدوا ...
هتان : ياا شبااااب خوينا الشنب يبي يتهاوش (يقصد فيصل ) ..
مشاري باستهبال : ههههه مين تقصد وليد(حنان) ؟
واحد من الشله : كثر منهاا قال وليد ... شوفه بالاول ما عنده شنب ...
هتان & الشله : ههههههههههههههههههههههههههههاااااااي ...
مشاري : كفك يا الشنب ضربته في نص جبهته هههههههههه ...
اللي من الشله : هههههههه اعجبك يا الشنب ...

فيصل يناظر حنان : و تبيني اسكت لهم بعد ..؟
حنان : عادي خلهم يتكلمون ...
عمار ناظر حنان بعصبيه : وش تحس فيه انت ؟ انت منت رجال ؟ يتكلمون عليك و انت خايف منهم اذا ما بتدافع عن نفسك احنا بنقوم بالواجب ..
حنان : انا خايف عليكم ما ابي مشاكل ...
عمار : معليك ذي الامور تصير ..
فيصل : عمااار اتركك من وليد و خلنا نتصرف مع الزباله (يقصد شلة هتان) اللي هنا ..
عمار : يلااااا ...
حنان ياااااااا ربي وش اسوي معهم .... الله يستر .......

قبل نشوف هواشهم نروح للعنود .. كانت قاعده بغرفتها تبكي و تفكر بكل اللي صار .....
العنود يعني كل هذا حب للجوهره ... ما بسمح له و لا بسمح لها تاخذه مني ... غصباً عنه لازم يحبني لاااازم .... ( هدت حالها شوي ) ... لازم اكلم الجوهره ( تناظر ساعتها ) اللحين الساعه 9 و عشر معقول تكون صحيت !... اروح غرفتهاا و اشوف ....

راحت غرفة اختهاا .. كانت الجوهره توهاا طالعه من الحمام -الله يكرمكم- ...قاعده قدااام تسريحتها تجفف شعرهااا .... دقت الباب و دخلت ...
الجوهره لفت ع الباب : اووووه عنوووده هذا انتي ...
العنود بدون نفس : لاااا ظلي ..
الجوهوره مستغربه : وش فيك نفسك بخشمك ؟!
العنود : قعدت ع السرير : جوجو انا تعبت ...
الجوهره تركت اللي بيدها و قعدت جنبها : بسم الله عليك وش اللي متعبك ؟ وريني وجهك ...
العنود لفت عليهااا ...
الجوهره : انتي كنتي تبكي صح ؟
العنود : و اذا ؟
الجوهره : مين مبكي دلوعتي !؟
العنود : مييييييين غيره !
الجوهره اكيد خالد اه بس : وش صار هالمره ؟
العنود عيونها ع الارض : تكفيييييييييين ساعديني انا ابييييييه ..
الجوهره : لعيوووونك آمريني وش ودك اسوي ...؟
العنود ابتسمت بخبث : اعزميه ع الغدا اليوم بمطعم ...
الجوهره : آ بس ....
العنود قاطعتهاا : تكفيييييييين و كلميه عشاني ... انتي زي اخته الكبيره و هو يسمع منك .. اكيد اذا كلمتيه رح يفكر فيني و ما رح يرفض لك طلب .. فهميه اش قد انا احبه ...
الجوهره بقلة حيله : ط طيب اللي تشوفينه ...
العنود : أي .. و اذا كلمتيه عني اقعدي شوي ثم صرفي نفسك و اتركينا لحالنا و روحي ...
الجوهره : إن شاء الله ..
العنود ضمتها ضمة خبث : مشكوووووووووووره ي جوج بدونك مدري كيف كنت رح اتصرف ...
الجوهره : ولا ولا يهمك ي قلبي ...

وصل نواف المدرسه ... راح للمدير على طول .....قدم ملفه و قعد يستنى الاجراءات .....
نواف : عفوا يا حضرة المدير باقي 5 دقايق و تنتهي الفسحه و دي اشوف طلاب اعرفهم ..
المدير : طيب يا نواف تقدر تروح بعد الفسحه تعال ...
نواف : مشكووور و يعطيك العافيه ...
المدير : الله يعافيك يا ولدي ...
بعد ماا رااااااح ......
المدير ما شاء الله الولد ولد عايلة .. وش له بمدرسه حكوميه ! .. بس والله يا ان خيره بيعم على مدرستنا ... لازم اجتمع مع المعلمين ع اساس يعاملونه معامله خاصه مو ناقصين مشاكل .....

نواف قعد يدووور بالساحه ما شاف لا فيصل و لا حنان ... فجأه جا واحد من الطلاب يصارخ بالساحه ........
الطالب : ياااااااااا شباااااااااااااااااااااااااب اسمعوووووووووووا لااااا تفوووووووتكم فيييييييه هووووووشه بصف 3/2 اللحين ....
نواف متفاجئ ... هوووووووشه ؟!
واحد مع خويه جنب نواف يتكلمون : اكييييد شلة هتان ...
خويه : هههه ومين فيه غيرهم .. امش خل نشوف لا تفوتنا ...
نواف وقفهم : لووو سمحتوا وينه الفصل ؟
الطالب : شكلك جديد ..
نواف : أيييه جديد ...
الطالب : اجل ألحقناااا ...
نواف مشى معهم لغاية ما وصلوا الصف كان زحمه قدام الباب الكل قاعد يطالع ...و كانت الطاولات طايره في كل مكان ... هتان قاعد بعيد و حاط رجل على رجل و يضحك ... و مشاري ماسك فيصل و نازل فيه ضرب .. و واحد ثاني من الشله ماسك عمار و يضرب فيه ... حنان منحشره بالزاويه و خايفه ......
نواف : ياا شباااب عطوني مجال ابدخل .....
مر من بينهم و دخل للصف .. هتان انتبه فيه و عرفه ....
نواف : وش صااااااير ؟!
فيصل دفش مشاري و بعد عنه : نوووووووووووواف ! وش جابك ؟
نواف : مو مهم وش جابني اللحين انت ليش متهاوش مع ذي الاشكال ؟
هتان وقف : هييييييه يا انت الاشكال هذي اللي مو بعاجبتك تراها أطلق منك و ان بغيت تتصفق ترانا كريمين و عندي حبايب (يقصد شلته) يعينوا و يعاونوا ...
نواف : نعم نعم نعم ! من انت عشان تكلمني كذا ...
هتان : ههههههههه شف وش يقول يااا شباب هذا الزلابه يسأل مين انا .. بالله علموووه ....
مشاري : هذا الزعيم محد يتجرأ يكلمه كذا ... شكلك ناوي على نفسك يا النعومي ...
نواف عصب : من تقصد بالنعومي يا كلب ... !
فيصل : نواااااااف لا تدخل نفسك ...
نواف : لحظه لحظه خل نتفاهم مع ذا الحيوان .. يغلط علي و اسكت له ؟!
عمار يهمس لفيصل : مين هذا ؟
فيصل : بعدين اقولك ...

واحد من برى الفصل تكلم : يااا شبااااااااااب هجوااا المدير و الوكيل جاايين بالطريييييييق ..
هتان : أمااا جووووا .. وش عندهم اول مره يهتمون بهوشاتنا ...
مشاري : ما ادري عنهم .. المهم اللحين خل نحط رجولنا و ننحاش ..
نواف يناادي : ياا هييييه يا جبنااااء .. تعاالوااا هنا اوريكم ...
حنان اخيرااا وقفواا هوااش ....
فيصل : لا تتعب نفسك ما رح يرجعوا .. المدير اللحين جاي و اكيد بيسوي لنا سالفه ...
عمار : لازم نصرفه ... خل نقوله ان اللي تهاوشوا انحاشوا و احنا ما نعرفهم ...
فيصل : اوووكيه هذا انسب حل ...
حنان : لحظه ليه ما تعلمون عليهم ...
عمار يناظرها بنص عين : حنا رجاجيل نحل امورنا بأنفسنا ما ندخل الادارة بسوالفناا ..
حنان ازعج اهلي هذا رجاجيل و رجاجيل .. تكفووووون يا الرجاجيل هذا انتم تكفختوا اكثر من ما كفختوهم ... اه بس ودي اقولهم ذا الكلام بوجيهم بس اخاف انا اللي اتكفخ ......
نواف : خلاص يا شباب لا تاكلوا هم انا بتصرف مع المدير ...
جاا المدير و معه الوكيل .. و الوكيل جاي بعصا معه ^^..
المدير : وينهم هاذول اللي تهاشوا بسرعه يطلعون اللحين ...
نواف تقدم يكلمه : عفوا يا حضرة المدير .. انا سألت الموجودين و قالوا لي ان كان فيه هنا طلاب من برى الصف تهاوشوا مع بعضهم و محد يدري مين هم ...
المدير : همممم دامك قلت كذا ... اعذرنا يا ولدي الهوشات تصير بمدرستنا .. بس معليك ان شاء الله نطلعم و نحاسبهم ...
نواف : لااا عادي الهوشات تصير بكل مكان حتى بمدرستي القديمه لا تقلق نفسك ...
المدير تنهد براحه : اجل منت متضايق من مدرستنا ...؟
نواف : لااا ابد ..
المدير : اجل تعال معي اجراءات نقلك خلصت بس ابيك بكم من شغله ...
نواف : اوك ...

وراح نواف مع المدير .... و بعد ما رااااااح ...
فيصل & حنان & عمار & المتجمهرين مستغربين معاملة المدير الطيبه لنواف ....
فيصل : دقيقه ما كأن المدير قال اجراءات نقل ؟
حنان : بما انك قلت أي والله قال ....
فيصل & حنان مصدوومين : ليكوووووووووووون بينقل لهذي المدرسة ؟؟؟!
عمار : فهموني طيب مين هذااا؟
فيصل : بعدين اقولك بيني و بينك ما ابي احد يسمع ...
عمار : وش ذا؟ ..الموضوع خطير يعني ؟
فيصل : خلهاا بعدين قلنا لك ..
عمار : طيب طيب ...
حنان وووو هذااااا اللي كان ناقصني نواف ...!
رن الجرس انتهت الفسحه و بدت الحصص .... نواف كمل اجراءاته و رجع البيت ....

وليد صحى الساعه 10 الصباااح اخذ شاور ثم قعد بالصاله .....
وليد احسني تأخرت اليوم ما صحيت بدري و المشكله وراي شغل ... اول شي لازم اكلم عبدالله ( المحامي و السكرتير الخاص ) ...
وليد : السلام عليكم ...
عبدالله : و عليكم السلام .. هلا طالع عمرك ...
وليد : عبدالله ابيك بشغل لازم تسويه اليوم ...
عبدالله : ابشر طالع عمرك آمرني ...
وليد : تذكر البيت اللي ارسلتك الجمعه اللي فاتت تحل مشكلتهم .. بيت فيصل ذكرته..؟
عبدالله : ايييه طالع عمرك اذكره ...
وليد : ابيك تروح لهم اليوم في عندهم مشكله ابيك تحلها بأسرع وقت ...
عبدالله : ابشر طالع عمرك ..
وليد : يلا .. الله يعطيك العافيه ...
عبدالله : الله يعافيك طالع عمرك ....
قفل منه ثم تمدد ع الكنبه ....
وليد هذي اول شغله و خلصت منه .. باقي اراجع اوراق الشغل اللي بسافر له بعد بكره .. آآه الله يعيني ....
جاااااه مسج بالبي بي .........
وليد ابتسم ... هذا نوااااف ... ثم فتح المسج ......
نواف : " ابشرك توني طالع من مدرسة حمد و خلصت اجراءات نقلي و من بكره بصير اداوم بمدرسته -فيس يضحك- "
وليد : " ههههه سويت اللي براسك هااا "
نواف : "ما براسي شي حبيت اغير وضعي و بس "
وليد : " علينااا ذا الكلام -فيس عيون قلوب- "
نواف : " اقووول وليد ما وراك احد غيري تطقطق عليه ؟ "
وليد : " هههههههههههه لا ما عندي الا انت للأسف "
نواف : " مناااك بس .. يلا انا رايح "
وليد : " لحظه ويييييين رايح "
نواف : " قصدي بقفل الجوال .. يعني حس لا تراسلني "
وليد : " هههه احب صراحتك .. طيب بس سؤال .. ما شفت الحب بالمدرسه ؟ "
نواف : " تقصد حمد ؟ "
وليد طحت والله يا نواف ههه : " الدردشة تشهد انا ما قلت اسم حمد و لا جبت طاريه ههههه "
نواف يضرب ع جبهته ... حيووووان سحبني بالكلام : " وش تبي انت اللحين ؟ "
وليد : " خلاااص و لا تزعل حمد شفته ؟ "
نواف : " ايييه شفته "
وليد : " بالله كيف كان شكله مو خقه اليوم طالع شكله مره جميل "
نواف يتذكر شكلها و هي محشوره بالزاويه : " اييييه صح مررررره يخقق "
وليد شكله كتب ذا الكلام و هو ما يحس ههه : " عجبك شكله صح ؟ "
نواف : " هو اصلا من الاول حلو و يخقق "
وليد : " هممممم "
نواف وش قصده بـ هممممم .. لحظه ( يرجع فوق يشوف المحادثه من جديد ) ووووووش ذا اللي انا كتبته ... والله انك نذل يا وليد كلك خبث ... اللحين بيمسكها علي و انا لازم اصرفه : " ولييييييييد مع السلامه "
وليد ههههه حس على نفسه ههههه : " الله معك "

اصايل قاعده بغرفتها تفكر بكل المصايب اللي جتهااا ...
اصايل اووووووف معقول كل اللي صار لي حوبة صلاااح ؟! والله بصراحه صلاح مسكين احس كاسر خاطري ... اللي يستاهل يتأدب هو رائد ... الحيوان ما يعرف هو طاح بيد من ! ....خل اكلم تركي ... يووووه صح نسيت ما عندي جوال ... بسيييييطه اخذ جوال جود ...
راحت غرفة جود و اخذت جوالها .. جود كانت نايمه ...
اصايل ان شاء الله الاقي رقم تركي بجوالهااا ... ( قعدت تدور و تدور بالاسماء ) ما شاء الله كل هاذيل صديقات جود ! ... ايواااا هذا تركي لقيته ...... ( ثم دقت عليه ) ........
اصايل : الووو .. تركي ... هذا انا اصايل ..
تركي : هلا طالع عمرك ...
اصايل : بغيت اطلب منك طلب ...
تركي : سمّي ....
اصايل : لازم اشوفك ضروري اليوم في مشكله لازم نحلها ..
تركي : اوكيه بس بأي وقت ؟
اصايل : خلها اليوم العصر ...
تركي : ان شاء الله ..

كان ابو صلاح يتجدد لصلاة الظهر قرب الاذان ... اندق باب البيت .. الحريم كانوا قاعدين بالصاله سوالف ....
ام فيصل : مين جاي بذا الوقت ...؟
ام حنان : غريييييييب محد قال انه بيجينا ...
ام صلاح : اروح اقول لأبو صلاح يشووف ؟
ام حنان : أي والله يا ليت اذا ما عليكم امر ..
ام صلاح : صبر اللحين اقوله ....

قالت لابو صلاح و طلع للباب يشوف مين ...
ابو صلاح : هلا يا الاخو ... مين معي ؟
عبدالله : هلا فيك انا عبدالله المحامي ...
ابو صلاح اكيد هذا اللي قالت لي عنه ام صلاح ان فيصل بيجيبه : ياا هلااا والله حياك حياك تفضل ...
عبدالله : زاد فضلك ...
قلطه للملحق ... ام صلاح تستنى ابو صلاح تعرف منه مين ...جاها و هو مبسوط ...
ابو صلاح : هذا المحامي يا ام صلاح المحامي ...
ام صلاح استانست و رفعت يدهاا للسماء : الله يجزاك خير يا ولدي يا فيصل و يرزقك باللي تبيه ...
ابو صلاح : آمين يارب كلهم ما قصروا معنا .. جهزي للضيف القهوه ...
ام صلاح : ابشر اللحين اجهزهاا ..
دخلت للصاله تبشر الحريم .....
ام فيصل بتفاخر : والله ولدي مو سهل رجاال و عند كلمته ... >> ما درت ان حنان هي اللي جايبتلهم المحامي ~
ام صلاح : أي والله و انا اشهد .... معليش بستخدم مطبخكم عشان اسوي قهوه للرجال ...
ام حنان : خذي راحتك يا ام صلاح البيت بيتك ....
نادت البنات و راحوا يشتغلوا بالمطبخ ...

عند الرجال بالملحق ....
عبدالله : عفوا بأيش اناديك ؟
ابو صلاح : معك ابو صلاح ...
عبدالله : و النعم فيك و بولدك ...
ابو صلاح : ينعم بحالك ما عليك زووود ...
عبدالله : انا جاي اساعدكم بس محد حكى لي ايش المشكله بالضبط يا ليت تقول لي اياها و باختصار ..
ابو صلاح : هذا الله يسلمك ولدي صلاح انمسك بقضية مخدرات و انا متأكد انه مظلوم ...
عبدالله : هممم يعني كذا .. طيب احكي لي كيف انمسك و متى ؟
و قعد ابو صلاح يحكي له القصه كامله ..........
عبدالله : طيب ... انا لازم اشوف ولدك ...
ابو صلاح : ابشر بعد صلاة الظهر نروح وش قلت ؟
عبدالله : اوكيه تم ..لازم اخلص قضيتكم بسرعه و ان شاء بثبت براءة ولدكم بعد ما اشوفه ...
ابو صلاح : الله يوفقك يا ولدي دنيا و اخره ..
عبدالله : اجمعين وياك ..

نرجع للمدرسه ... حاليا الحصه الاخيره و كان عندهم جويولوجيا المدرس طيوووب و على نياته فكان الكل سوالف اثناء الدرس ...
حنان بهمس : وش ذي الماده ؟ ما عندنا زيهاا ..! ( تقصد البنات )
فيصل : أمااا تووني ادري ان فيه فرق بين موادنا و موادكم ..
حنان : والله ما عندنا اياها .. طيب وش سالفتها ذي الماده ؟
فيصل : هذي علم ارض .. عن الارض و الصخور و كييييذا ...
حنان : اهاااا ... وش له تدرسونهاا ؟
فيصل : والله مدري عن اللي حط المناهج ...
حنان ابتسمت : بس عرفت ليش تدرسونهاا !
فيصل : ليش يا الفالح ؟!
حنان : عشااااااان تستخرجون النفط ....
فيصل ضحك بصوت عالي : هههههههههههههههههههههههههههههههه ..
كل الفصل سكتوا و لفوا عليه ... حتى المدرس وقف شرح ...
حنان تهمس : اوووص فضحتنا ما اظن اني قلت نكته ...
المدرس : يا اللي تضحك ممكن تضحكنا معك !
فيصل و عيونه تدمع من الضحك : هههه استااذ ههههه خويي هههه هذاا ههههههه يقول ..........
المدرس قاطعه : وقف ضحك و تكلم زي الناس ...
حنان وش فيه ذا فيصل احس اني منحرجه اكيد وجهي اللحين منقلب طماط ... فشلتني يا فيصل يا جعلك ........
فيصل : ط هههههه ط هههههه طيب اللحين اوقف ...
مشاري طالعهم بتقرف ثم رجع حط راسه ع الطاوله الاخ كان نايم ~_~ ...
المدرس : أخلص عليناااا ... اول شي وشسمك ؟
فيصل هدا اخيرا : اسمي فيصل ...
المدرس : ليش تضحك ؟
فيصل : استاذ ... خويي وليد ( يأشر عليها ) يقول احنا ندرس هذي الماده اللي كلها صخور عشان نستخرج النفط ..
كل الفصل : هههههههههههههههههههههههههههههههههههههههه ...
المدرس : هههههههههههههههه .. على كذا كان حتى انا استخرجت نفط اللحين و ما تعبت نفسي ادرس...
حنان وجهها طاااايح بالارض من الفشله ...
واحد يقول : من جده ذا كان كلنا تجار ...
ثاني يقول : وش عرفه ذا شكله ولد بطرى ...
و ثالث يقول : شكله دلخ هههه ......
حنان احس اني ببكي اول مره اتفشل كذا ... الله لا يبارك فيك يا فيصل فشلتني و احرجتني قدام العالم ....
المدرس : خلااااص اسكتوا خلوناا نكمل درسنااا ...

انتهت الحصه و جا الثلاثي بيطلعوا ناداهم مشااااري ...
مشاري : ياا هيييييييه لا تنسووون موعدنا برى ...
فيصل : كانكم رجاجيل قابلونا ان ما خليتكم تندمون ...
مشاري : ههههههاااي ... اقول انتبه على خويتكم بس هههههه ...
عمار : وش تقصد يا الحيوان ...؟
مشاري : الحلوو اللي معكم ...
عمار : كل تبن وان كان فيك خير ورني وجهك برى ...
فيصل : اتركه لا تحرق دمك ع الفاضي بنوريه بعدين ....
ثم طلعووووا و اثناء ما هم يمشوووا ......
عمار معصب : انت وش نوع قلبك ؟
حنان باستغباء : أنا ؟!
عمار : لا اللي وراك ...
حنان تكمل استهبال و تلف ورى : محد وراي !
عمار ضرب ع الجدار بقوه : هذا مو برجال يقول له بنت قدامنا و هو ساااكت .. يا ليتك تعلمه المرجله يا فيصل ...
فيصل هههه طيب هي بنت فعادي ما يهمها : معليك منه اذا هو راضي ..
عمار مقهووور : وش اللي راضي ؟! اول مره اشوف واحد دمه بارد كذا .. عطه من مرجلتك شوي ...
فيصل : ههه اييييه هين ....
حنان برضو تستغبي : اللحين انتوا تتكلمون عني ؟!
عمار بعصبيه : اوووووووه انا بسبقكم و انتوا ألحقوني ...
فيصل : اوووووكيه ..
بعد ما رااااااااح ......
حنان : وش يحس فيه ذا ؟
فيصل : مقهووور عليك ...
حنان : وش خصه .. اذا انا راضي كيفي ...
فيصل : لا والله صادق كيف يقولون عنك بنت و تسكت الرجال يدافع عن رجولته ...
حنان : هذااااك قلتهاا الرجال ...
فيصل : ههههه الى هنا انتهى النقاش .. بس سؤال محيرني وش تعني البنت المسترجله ؟
حنان : امممم القويه الشديده اللي تصرفاتها تصرفات رجال ...
فيصل همس لها : اجل انتي كنتي مسترجله ع الفاضي و لا وحده من الصفات اللي قلتيها فيك ...
حنان : ههههههههااااي كنت من جنبها مجرد لقب ملقبته نفسي و كان لي بالهوشات ... بس هنا الوضع غير ... أخطر يعني ...
فيصل : اجل اللحين اول ما نطلع تركض للسيارة و ترجع البيت ...
حنان : و هذا اللي بسويه اكيد ما بتهاوش ...
فيصل همس : جبااااااانه ...
حنان عصبت : انت الجبان ... لحظه انت ليش فشلتني اليوم بحصة الجيولوجيا ؟
فيصل رجع يتذكر ثم : هههههههههههههههههههه .. حق النفط ههههه ..
حنان : و تضحك بعد ... عجبك الفصل و حتى المدرس كلهم قاموا يضحكون علي ...
فيصل : ههههههه أي صح حتى اني دورت وجهك ما لقيته ... ( يقصد طاح وجهها من الفشله )
حنان تقرصه : اه يااا النذل ... هيييين ان ما رديتهاا لك ...
فيصل : هههه اذا قدرت .. يا .. الـ .. جبـ ..ـااااااان ..
حنان طنشيه طنشيه وروحي البيت معليك منه يستفزك ...اوريك يا فصييييل ... نسى يوم يترجاني اسامحه ...
ثم قامت تركض .....
فيصل : هيييييه لحظه وين رايح ؟
حنان : برووووووح بيتنا يعني وين ...
فيصل : طيب لا تركض خلني اوصلك للسيارة عشا اتطمن ...
حنان : ماله داعي ما بيصير لي شي ... يلااا مع السلااااااااااامه ...
فيصل خل اركض ورى ذي المجنونه اللحين شلة هتان مستنين عند الباب ما تفكر ابد .......

فعلاً كانوا حول البوابة يستنونهم ... متكيين على سيارة هتان ينتظرون احد منهم يطلع .... طلع عمار اول واحد ....
هتان : ياا شبااااب اول ضحايانا وصل استلموووه ...
الشباب : أمرك يا الزعيم ....
طبعا كان عدد الشله 10 اشخاص مع هتان و مشاري 12 .. كان مقسمهم هتان 5 يضربون عمار و 5 يضربون فيصل ....>> نذل ~ ... راحوا الـ 5 على عمار و ظل الـ 5 تبع فيصل ...
عمار توه طلع الا و جوووه اثنين ماسكينه و الباقي يضربون فيه لدرجة ما قدر يدافع عن نفسه و طاحوا فيه سب ...
هتان : تستاهل يا عماااروه الكلب الدور الباقي على فصيييل .. شدو حيلكم يا قروووب فيصل ...
الشباب : بنعجبك يا الزعييييم ...
هتان : بس لا تشدون على فيصل كثير ...
الشباب ضحكواا ....
هتان : إلا وين مشاري تأخر ....؟
واحد من الشله : أي والله تأخر ... تبي اروح اشوفه ...
هتان : لا ما يحتاج ما رح يفوت ذي الهوشه اكيد اللحين جاي بالطريق ..

في الحقيقه مشاري كان يمشي ورى فيصل & حنان .... ثم اخذ طريق مختصر و وصل للبوابه قبل حنان ...
مشاري ... اجل بتنحاش يا وليد(حنان) .. ابن امه يقدر ينحاش من شلتنا .. تسوي سواتك و تحط رجولك انا مستنيك اذا قدرت اهرب مني ذي المره ..
هتان انتبه في مشاري واقف جنب البوابه : شباااااب مو ذاك مشاري ؟
واحد من الشله : إلا هووو ....
هتان : غرييييييب وش عنده كنه مستني احد !
رد : ما ادري والله ...
هتان : اكييييييد برااااسه شي ... خلوناا نشوف ونستانس ...
الشباب مستانسين : ايييييييييييييييييييييييه ..

وصلت حنان للبوابه الخارجيه .. كانت بتطلع خلاص ... ما تدري ان مشاري متخبي جنب البوابه ... فيصل كان وراها بس بعيد عنهاا شوي ... فنااداهاا ما يبيهاا تطلع لحالهاا ...
فيصل : ولييييييييييييييييييييييد (حنان) ....
حنان لفت عليه : وش فيييييييييييييييييييييييييك ؟!
بدون ما تنتبه جا مشاري و هي تناظر فيصل ... مسكها و لوى ذراعهاا على ورى ... و هتان كان يشوف .. سحبهاا معه على برى المدرسه ...
فيصل عصب و ركض بكل قوته : ياااا الخسييييييييس اتركه اناا اوريك يا حيوان ....

عند هتاااااااان ....
هتان : مجموعة فيصل استعدوا فيصل وصل روحوا استقبلوه .. و هالله هالله نبي احسن استقبال ...
الشباب : ابشر يا الزعييييييييم ...
هتان ههههههه و الله وسواااها مشاري اجل يبي وليد(حنان) هااا .. خل اروح له ..
توه فيصل طلع الا جوه شلة هتان احاطوه ...
واحد منهم : على وين يا الحلووو ؟
فيصل : اقوووول وخر انت واياااااه ...
واحد ثاني : و اذا ما وخرنا وش بتسوي ...
فيصل ما عنده وقت و قام ضربه ... فتجمعوا كلهم عليه و ضربوه .. هو يحاول يضربهم قد ما يقدر بس عشان يروح لحنان يساعدها ....

مشاري و هو ماسكهااا .... جاااه هتاااان ..
مشاري ابتسم : وش رايك فيني يا الزعيم ؟ ترى هذا كان بينحاش ...
هتان : ههههه ينحاااش ؟! شكله ما يعرف هو طاح بيد مين ...
حنان : اتركني يا الحيوااااان يا النذل فك يدي ...
مشاري يقرب لأذنها و يهمس : و ان ما تركتك ؟
حنان بتبكي بس ماسكه نفسه .. المفروض انها رجال ما تبكي ...
مشاري : ياا الزعيم وليد(حنان) صار بين ايدينا وش نسوي فيه اللحين ؟
هتان يفكر : هممممممم .. صراحه فرصه اننا مسكناه بعد عناء .. انت وش رايك ؟
مشاري : انا من رايي ناخذه معنااا ... يمكن يقتنع و يدخل شلتناا ...
حنان بعصبيه : لو اموووووت ما ادخل شلتكم المخيسه ... ( ثم انتبهت على نفسها ... هئئئئئ انا كيف قلت ذا الكلام الله يستر لا يعصب مني ويسوي لي شي ) ......
مشاري رجع همس بإذنهاا : حبيبي ممكن تسكت !
حنان خافت و حاطه أملها على الله ثم على فيصل ....
هتان لا زال يفكر : مشاري ما كأنه يتحدانا ؟ (يقصد حنان )
مشاري : اييييييه يقووول ما بيدخل شلتناا ...
هتان : و انا تحمست اخليه يدخل للشله ...
مشاري ابتسم : كووووويس .. يلااا وش رايك وش نسوي فيه ؟
هتان : ...............
البارت الجاي ان شاء الله اعلمكم وش مصير حنان ^_^

انتـــــــهى البـــــــــــارت