شبكة همس الشوق - عرض مشاركة واحدة

2 - 8 - 2015, 07:31 PM

بـــــــــــــــــــــــــــــارت [28]

فيصل غرييييييييب معقول نسوا الباب مفتوح ؟! ..
راح للباب بيسكره بس سمع صوووووت قطع قلبه ..

كانت تتأمل عشقها القمر و تدندن و تشاهق ... فيصل عرف الصوت تردد يطل عليها و لا يتركها و يمشي .. قرر يدخل للبيت بهدوء حتى لا تسمعه و يسكر الباب وراه .. لكن ........... سميه لمحته ... صرخت باسمه ..
سميه : فـ فيييييييييييصل ..
فيصل وقف من صرختها : نعم !
سميه تبكي : لا ترووووح ..
فيصل انجنت هذي هي عارفه اش قاعده تطلب مني ؟! : وش بغيتي ؟
سميه : تكفى لا تروح ...
فيصل تنهد ثم تسند ع الجدارر و لف عنها ...
سميه انتبهت على نفسها حطت شيلتها ع راسها : ممكن تسمعني ؟
فيصل بدون ما يناظرها : يا بنت الناس اللي تسوينه غلط .. ودك تتكلمين معي و انا ما اصير لك .. لو ابوك اللحين و لا اخوك شافونا وش بيقولوا ؟
سميه : لا يهمك .. انت بس اسمعني ..
فيصل : قولي اللي عندك و بسرعه ...
سميه : انت لا تنخدع بحنان ... تراها وحده كذابه و خاينه و ماهي صادقه بشي ....
فيصل مستغرب كلامها بس مستنيها تخلص .....
سميه : انت ... انت .. انت لااااااازم تطلقها هي ما تصلح لك ...
فيصل صرخ : اسسسسسسسسسكتي ! محد طلب رايك فيها .. هي كانت اقرب صديقاتك كيف تتكلمين عنها كذا ؟
سميه : لانها كذابه وحده كذابه ضحكت علي و طعنتني من ظهري ..
فيصل وصل حده من العصبيه : اووووووص لااا تكملي .. ( قبض ايدينه بقوه من قهره ) انتي ما تعرفي شي خليك ساكته ... و على فكره انا احب حنان ....
قالها ذا الكلام و دخل للبيت .. و ما اهتم يسمع ردهااا ..
فيصل حقيره سميه هي ما تدري كيف ان حنان تعاني بسببها .. حنان اللي ما رضيت اني اكون زوج لها عشان سميه .. كل ما اقولها انتي زوجتي تقولي انت لسميه .. مين تكون سميه هذي اللي كلها حقد و كراهيه مستحيل احبها ... اللي يبيع اصحابه من اول مصيبه ما يصلح يحب ..

تنهد و هو مقهور .. ثم رجع لغرفته ....
فيصل البنت نايمه بسابع نومه و لا تدري عن اللي حصل .. ايييه و انا تعبان و منتهي و ابي انام مو لاقي مكان كله عشان حضرة الست حنان لا تزعل .. ( قام يفكر بعمق ) .. انا بنام جنبها و اللي فيها فيهاا ! ..
صار يقرب لهاا و يتراجع و يقرب و يتراجع متردد كثير ...
فيصل احس اني بنام بأرضي من كثر ما انا دايخ نوم .. خلااااااص بنام جنبها ما رح يصير شي انا ماني قاعد اغلط ... آآآآه متردد وش السواااااااة
برى بيتهم بالشارع المقابل لهم .. كاان قاعد بسيارته حتى ما حس على نفسه الا و هو هناك ....
نواف وش جابني هنا ؟! .. درت بالشوارع طول الليل و بالاخير جيت هنا ! .. صراااحه ما عدت افهم نفسي ... ( قام يتذكر اول مره جا لهالبيت ) .. ما انسى ذاك الوقت اول مره يركب معي بالسيارة كان مبسوط هههه و شكله يضحك .. مع ذلك حسيت فيه خوف .. وش خلاني اتذكر اللحين ! .. بس ودي اتطمن عليه ودي اشوفه لو دقيقه .. يعني يمكن تعبان مره .. لا لا حتى ولو مالي دخل .. و بعدين هذا مو وقت زيارات .. اوووووووه اصلا لييييييش جيت قدام بيت حمد !؟
دق جوااااااله ....
نواف ابتسم : دقيت في وقتك والله ...
خالد : ههه ليه وش فيك ؟
نواف تنهد : تعبااااااان يا خالد ..
خالد : سلامتك و انا اخوك وش اللي متعبك ؟
نواف اقوله و لا لا .. لو قلت له رح يفهمني غلط بس محتاج اكلم احد ودي افهم نفسي ما عندي احد غير خالد .. لا لا بطيح من عينه بعدين و يفكرني ............
خالد اش فيه سكت ؟! : الووووووو نووووواف وينك ؟
نواف : هـ هلااا معك ..
خالد : طيب وينك اللحين بجيك ...
نواف : لا انا برى البيت ..
خالد : قول لي وين ابي اشوفك ...
نواف اكيد ما رح اقوله اني قدام بيت حمد : انت وين و انا بجيك ...
خالد : انا بالبيت ...
نواف : خلاص ربع ساعه و اكون عندك ..
خالد : اوك استناك
في الشقه ........
ماجد : يلا يا الخوي تأخر الوقت و انا لازم امشي ...
وليد : ورى ما تنام عندي .. غرفة حمد و فيصل فاضيه ...
ماجد : لا لا ما يصلح بعدين ما قلت لأهلي ...
وليد : اترك الموضوع علي انا بقولهم بس وافق تنام هنا ...
ماجد متردد : لكن غرفتهم .......
وليد قاطعه : عندي فرش جديد .. و ملابس تقدر تاخذ من عندي و أي شي تحتاجه موجود لا تتعذر ...
ماجد : و انت عطيتني فرصه اطلع اعذار .. خلاص اذا اهلي وافقوا بنام هنا ...
وليد استانس : اكييييييد بيوافقوا ..
ماجد : هههه اموووت ع الثقه اللي انت فيهاا ..
وليد : اسمع الى وافقوا نبي نسهر ...
ماجد : وراي دوام بكره ...
وليد : غيب يا الدافور ..
ماجد : ههههههههه احب ذي الكلمه لايقه علي ...
وليد : هههه ادري .. وش قلت بتغيب ؟
ماجد : لعيووونك بغيب ..
وليد : يا لبببببه انت يا مجووووود ... دقيقه اروح اكلم اهلك و ارجع ..
ماجد على قولته اكيد رح يوافقوا : خذ راحتك
نرجع لفيصل المحتااااار .....
فيصل قررت و انتهى الموضوع ......
تشجع وراح لها و بكل خطوه يخطيها قلبه يدق اقوى و اقوى ...شال اللحاف بهدووووء ثم تمدد جنبها بهدوووووء حط ذراعه تحت راسه و يناظر السقف .......
فيصل هدي يا فيصل هدي لا تناظرها هي جنبك لا تناظرهاا والله ما غير اروح فيها لا ناظرتها ... توني كنت داااااايخ نووووم بس جيت جنبها طاااار ابو النووووم .. ما لازم ألف عليها ابدا ابدااا ....
حنان نايمه مو حااااسه بشي .. تقلبت و حطت يدهاا ع صدره زي كنها تضمه ....
فيصل انااااا انتهيييييييييييييييييت ... متأكد لو كانت صاحيه كانت سمعت قلبي مو يدق إلا يرفص رفص .. الله يخليك شيلي ايدك .. مستحييييييل اقدر انام على هالحاله مع ذلك ما لازم ابدا ألف و اشوفها ... بس هي ..........
ترك كل افكاره و حط يده على يدهااا ....
فيصل يااا حبيبتي يدك بارده ...(قام يتذكر ايام الطفوله ) ههه كنتي دايما تقولي لي بايام البرد " فيصل امسك يدي لا تتركها يدي مره بااارده " ... ما انسى هاذيك الايام
بنفس البيت بس بالغرفه الثانيه ......
مرميه على السرير و وجهها مدفون بالمخده تشاااهق بكي .... صحت سوسن من النوم .....
سوسن : سميييييه والله تعبت معك .. الى متى بتقعدي على ذا الحال ؟
سميه : خـ .......... خليني ....... ابـ .... ابكي ..
سوسن ربتت ع ظهرها : ﻻاا تبكي خلاااص .. اش صار لك حتى تبكي كذا ؟
طبعا سوسن و سميه يناموا ع سرير واحد اللي هو سرير حنان سابقا .. عشان كذا سوسن انزعجت ما قدرت تنام من بكيها ...
قعدت تقريبا ربع ساعه تشاهق و تبكي و سوسن تنتظرها ايمت تخلص .. و اخيرااا هديت ....
سوسن متكتفه : هديتي اللحين ؟؟
سميه تهز راسها بمعنى اي ...
سوسن تتثاوب : اجل اللحين يمديني انام بهدوء ...
سميه مسكتها من كمها : ما رح تسأليني اش صار ؟!
سوسن : ما يحتاج اسألك اكيد متضايقه و مقهوره و غيرانه ﻻن فيصل مع حنان ...
سميه بزعل : ﻻ مو كذا .. انا .. انا شفت فيصل و كلمته ...
سوسن فتحت عيونها ع وسعهم و طار النوم : من جدددددددك و ﻻ كنتي تحلمين ؟!
سميه من بين اسنانها : يا ليته كان حلم ...
سوسن تربعت : اللحين احكي لي بالتفصيل ..
سميه بقهر : قالي انه يحب حنان ...
سوسن : يا بنت قولي لي كييف شفتيه و وين و متى ؟
حكت لهااا كل شي بالتفصيل ... تتكلم و دموعها ع خده تمسح دموعها ترجع تنزل ...
سوسن بحده : انتي غلطانه ... ما كان المفروض ابدا انك تكلمينه .. اش صار في حالك يا اختي ... ما كنتي بهالجراءاة .. حسك ما كان يطلع من الحيا .. كيف تناديه و تكلمينه....
سميه غطت وجهها بايدينها : ماا .. ما قدرت اتحمل .. كانت فرصتي خفت اندم اذا ما كلمته .. انا قلت له اللي عندي و بس ....
سوسن تنهدت بتعب : ﻻا عااد تعديننهاا .. و بعدين خلاص انسيه .. هو يحب حنان اش لك فيه .. يعني ﻻ ترمي حالك عليه ..
سميه سكتت ......
سوسن : اللحين تكفين خليني انام .. اي و ﻻ تطلعي من الغرفه فهمتي ..
سميه : اييه فهمنا
وصل نواف بيت خالد ... كان مستنيه بحديقة بيتهم .. سلم عليه و قعدوا بالحديقه يسولفوا .....
خالد : ما ودك تعلمني ليش كنت متضايق لما دقيت عليك ؟؟
نواف لف وجه لبعيد : ﻻاا خلاااص انسى ..
خالد حط يده ع كتفه : اذا ما علمتني باللي يضايقك بتعلم مين ؟!
نواف تنهد ثم نزل وجهه للارض : ما ادري اش اقولك ...
خالد : بس فهمتك ... نفس الموضوع القديم ...
نواف رفع راسه و ناظره باهتمام : يعني فهمتني يعني تقصد .........(سكت كان بيقول حمد بس خاف ﻻ يكون خالد يقصد شي ثاني)
خالد : ليه سكتت ؟ .. اي انا فاهمك و اقصد حمد اللي ماخذ عقلك ..
نواف : ﻻ ﻻ .. ﻻ يروح فكرك بعيد .. هو ولد و انا ولد ( قام يضحك بهستره ).... يعني مستحيل احبه ...
خالد : بس انا ما قلت انك تحبه !
نواف ارتبك : هاااه ... انت قلت ماخذ عقلي .. انا كذا فهمتك ...
خالد : ﻻ انت مو كذا فهمتني .. فكرة الحب كانت تدور في بالك .. ﻻ اراديا قلتها .. ﻻنك مفكر فيهاا من قبل ...
نواف : بتسوي لي فيها اللحين محلل نفسي و ﻻ اش وضعك بالضبط ؟!
خالد : ههه و ﻻ محلل نفسي و ﻻ شي .. الموضوع و ما فيه اني فاهمك زين ...
نواف : و اش فهمت ؟؟
خالد : اممممم .. انك .......
قاطعهم فهد بدخوله للبيت كان معه اصدقاه مهند و طﻻل ....
خالد لف عليهم : هلااا فهد ... ( ناظر اصحابه ).. مين اللي معك عرفنا ..
فهد ﻻ حووول وش يبي ذا ما ودي يتعرف على اخوياي ...
مهند يهمس : هذا اخوك صح ؟
فهد هز راسه اي ...
طﻻل : هييييه فهيييد وش فيك اخوك يقولك عرفنا !
فهد بدون نفس : طيييب .... شباب هذا خالد اخوي و هذا ولد عمي نواف ... خالد هذا صديقي و زميلي بالمدرسه مهند و هذا طﻻل من معارف مهند ....
خالد : مهند طلال هلاااا فيكم ...
مهند : هلااا بك زود ..
طﻻل : يا هلااا فيك ..
فهد : عن اذنكم بنروح للملحق ...
وهم ماشيين كان فهد معصب .....
فهد : عشان كذا قلت لكم مو ﻻزم تجوا بيتي ..
مهند باستغراب : عااادي و اذا قابلنا اخوك !
طﻻل : والله حسيته طيب و يدخل القلب بسرعه ...
فهد انقهر : اذا انت تشوفه طيب ليه قاعد معي رح اقعد معه ...
طﻻل & مهند مستغربين نرفزته ....
طﻻل : خلاااص خلااااص ما عاد نتكلم عن اخوك ﻻ تموووووت علينا بس ...!
فهد : كل تبن ...
طﻻل : و انت تاكل معي ...
مهند : بديناا اللحين !
طﻻل : ﻻا انتهيناا كااااك ...
فهد : اهجدواا انت و ايااه .. وصلنا الملحق بس ترى اخر مره استضيفكم ﻻ تحنون علي مره ثانيه ...
طﻻل : شف بيذلنا اللحين .. خلاااص ماني بجاي بيتكم مره ثانيه حتى لو ترجيتني ...
مهند : و انا زيه ماني بجاي مره ثانيه .. هذا احنا مره تجون بيتي و مره نروح بيت طﻻل و الوضع عادي امااا انت ......
فهد : اقووول اقووول شب انت و اياه .. تستاهلون هذي آخرة الحنة ..
طﻻل بملل : الزبدة فيه شي يونس و ﻻ نرجع لبيوتنا ؟
فهد : اقعد بس بروح اكلم الشغاله تجيب الضيافه ... و بجيب ألعاب الفيديو اللي عندي ...
مهند : يلااا بسرعه ...
نرجع لنواف و خالد .....
نواف يحاول يغير موضوع حمد : تصدق اول مره اشوف اصحاب اخوك ..
خالد : انا بعد اول مره اشوفهم ..
نواف : أماا اول مره !!
خالد : اي والله اول مره و بيني و بينك ما ارتحت لهم ...
نواف : انا اشوفهم عادي ما فيهم شي ..
خالد : ما ادري بس كذا ما ارتحت .. ان شاء الله ما يكونوا اصحاب سوء ..
نواف : اذا حاب تتعرف عليهم اكثر عشان تتطمن رح اقعد معهم ...
خالد : ﻻ ﻻ ﻻ فهد يتضاااايق ...
نواف : لسا اخوك على نفس حاله ...!
خالد : ايييه ما يحب يكلمني كثير ودي اعرف بس ليش ؟!
نواف : اسأله طيب مره و مرتين و تلااااث ...
خالد : سألت الى ان مليت ما يعطيني وجه و انا تعبت و انا احاول معه فخليته ع راحته ..
نواف : الله يهديه بس ..
خالد : امين يا رب و يهدي الجميع ...
نواف وقف : يلاا انا ﻻزم امشي ...
خالد : وين توك جاي ما قعدت .. بعدين موضوعك (يقصد سالفة حمد ) ما خلصناه ...
نواف اصلا انا ابنحاش منك عشان ذا الموضوع : ﻻ معليه خلها وقت ثاني ﻻني اليوم داومت الصباح و مانمت زين ودي ارجع البيت انام ..
خالد : هممم اوكيه االلي يريحك ...
نواف : يلااا مع السلامه ..
خالد : مع السلامه ..
بس طلع من باب فلتهم تنهد براحه ...
نواف آه كنت بروح فيهاا ما احب لما يتكلم عن حمد .. يمكن ﻻني عارف الكلام اللي بيقوله .. صح عارف و ما ودي اسمعه ..... خل اروح البيت بس ......
ركب سيارته ثم حرك للبيت
في الشقه .......
وليد : اهلك ما عندهم مانع دامك عندي بتنام ...
ماجد : ادري اهلي ما يرفضون لك طلب .. بس لو انا اللي قايل لهم ما كانوا سمحوا لي ..
وليد : ما ادري ليه اهلك شااادين عليك ...
ماجد : ايييه مرررره .. ﻻني اكبر اخواني يبوني اطلع شي كبير في المستقبل و اعتمد على نفسي و ادرس و اتفوق ... على قولتهم يخافوا علي من اصدقاء السوء ...
وليد : هههه اهم شي انا ماني من اصدقاء السوء ...
ماجد بمزح : انت اسسسسوء صدييييق ....
وليد : احم احم ادري هههههه ... بروح اطلب لنا فشار و حلويات للسهره ... و انت جهز لنا قيم مباراة و حط لي برشلونه يا المدريدي ...
ماجد : ادري انك برشلوني صميم ﻻ تخاف بنحطه لك ...
وليد ابتسم له ثم راح دق و طلب بعدين رجع .....
ماجد : يلااا بسرعه المباراة جاهزة ...
وليد : دقيقه اضبط التشكيله ...
ماجد : تكفى يا تاتا مارتينو >> مدرب برشلونة ..
وليد : ههههههه انا احسن منه ...
ماجد : بدينا بشوفة الحال ....
وليد : اقووول تدري ان الدحمي مرني اليوم ؟
ماجد : ﻻ وش بيدريني ...
وليد : قلت يمكن قالك .. المهم جا و تغدينا مع بعض .. كان منتظر حمد يرجع من المدرسة بس تحطم ﻻنهم رجعوا و ماكانوا لهم خلق ...
ماجد : احسن يستااااهل ابعرف وش سر اﻻهتمام فيه ؟!
وليد : ههههه الولد خقه و عبدالرحمن كان يبي ياخذ له صور ..
ماجد : ايييه صور صدقته .. !
وليد : دقيقه ( قام طلع جواله من مخباه ) بوريك صورة العرض في البي بي ..
ماجد : وش فيها صورة العرض ؟
وليد : ابي رايك بس !
وراه الصورة ......
ماجد : هذا مو حمد ؟
وليد : أي هو .. كنت متصور جنبه بس ضبطتها بالفوتوشوب وحذفت نفسي من الصورة ... اللحين كل اللي بالبي يحسبوني هو ...
ماجد : ووووه ليش سويت كل هذا ؟
وليد : بس حبيت صورته و حطيتها عرض ..
ماجد : ما شاء الله كلكم تحبون صوره ..
وليد : هههههه ايييه وش نسوي ..
ماجد لف للشاشه : يلااا خلنا نكمل لعب ..
وليد : يلا يلا انا خلصت التشكيله رح نبدا اللحين.....
ثم قعدوا يلعبوا مع بعض بلاستيشن و تفرجوا ع افلام لغاية صلاة الفجر ... صلوا و رجعوا ناموا ...
في نفس الوقت و قبل الفجر ... كان فهد مع اصحابه سوالف و ضحك و لعب .... خالد راح جنب باب الملحق متردد يدخل و ﻻ ﻻ ...
خالد كلام نواف صحيح لو بغيت اعرف نوعية اصحاب فهد ﻻزم ادخل .. ﻻزم عشان فهد ....
دق الباب و دخل ....... فهد تفاجئ و في نفس الوقت تضايق ....
خالد : تسمحوا لي اقعد معكم ...
طلال & مهند : حياااااك ..
فهد ساكت ما تكلم بس عطى اخوياه نظره عتب ...
خالد دخل و قعد ع الكنبه بعيد شوي .. و اخوه و اصحابه قاعدين ع اﻻرض قدام الشاشة يلعبوا ....
للحظه الجو كان هادي و الكل سااااكت ....
خالد : ما ادري احسكم مستحيين مني سولفوا عادي ما بخرب عليكم ...
مهند كان بيتكلم قاطعه فهد ......
فهد : محد مستحي بس ما عندنا سوالف نقولها ...
مهند & طلال ﻻزالوا مستغربين ردود فعل فهد اتجاه اخوه ....
خالد و يكذب بعد توني قبل ﻻ ادخل كنت اسمع سوالفهم و ضحكهم شكلهم ما يبوني اقعد معهم و انا احس اني متفشل ﻻني دخلت : طيب انا بطلع و اخليكم تاخذوا راحتكم ...
فهد بهمس ما سمعه اﻻ مهند : ابركهاا ساعه .....
مهند ما ادري اش فيه على اخوه و مع ذلك ما يهمني لو سألته اللحين رح ينفجر فيني ....
بعدين راح خالد غرفته و اخوه ظل مع اصحابه الى الفجر .....

في بيت حنان ... طلعت ام حنان من الغرفه تتوضأ لصلاة الفجر .. شافت ام فيصل كانت توها مخلصه صلاتهاا ..
ام حنان بفرح : تتوقعين العرسان صلوا ؟
ام فيصل : ههه والله مدري ...
ام حنان : اش رايك نصحيهم ...
ام فيصل : يا اختي خليهم ع راحتهم .. انا عارفه ان ودك تدخلين تتطمنين عليهم صدقيني مبسوطين بس انتي ارتاحي ..
ام حنان هزت راسه ومشت تتوضا ...
بغرفة حنان او بالاصح غرفة فيصل ......
حنان صحت و انفجت : هئئئئئئئئئئئئئئئئئئئئئئئئئئئئئئئئئئئئئ (خذت اللحاف و لزقة بالجدار ) ...
فيصل صحى ع صراخها و هو لسا نص نايم : وش فييييييييك !؟
حنان دفشته برجلها بقوه الى ان طاااااح ع الارض : وش جابك هنا ..؟
فيصل : آآآآآآي ليش سويتي كذا ؟ هذا سريري .. انتي اللي جيتيه !
حنان تتذكر : أي والله صح انا كنت نايمه بالارض وش جابني هنا ..؟
فيصل : ما ادري اسألي نفسك وش جابك ؟!
حنان : هئئئئئئ مـ معقول اكون تحركت وانا نايمه !؟
فيصل عجبته الفكره و قام يكذب عليها : ايييه صح يمكن تحركتي و انتي نايمه .. انا اخر شي اذكره اني نمت و انتي ع الارض ..
حنان يؤؤوه من جدي انا رحت و سويتها و نمت جنبه .. تشد بشعرهاا : وش سوووووووووووويت انا !؟
فيصل كتم الضحكه وتربع ع الارض : عااادي حبيبتي ما صار شي ..
حنان ناظرته بحده : اشووووف فيه تطورات نمت جنبك ليله صرت حبيبتك !؟ .. فيييييييييييصل انت تعرف وش تقول ؟
فيصل تثاوب : اعوذ بالله من الشيطان الرجيم .. يا الله صباح خير شكله اذن الفجر انا بقوم اصلي ...
حنان تناظره باستغراب ليش طنشها : : اناا اكلمك ...
فيصل وقف و عطاها ظهره ثم مشى للباب و هو يأشر لها بباي ..
حنان متنرفزه لآخر حد : آآآآآآآآآآآآآآآآآآآآآآآه حقيييييييييييير فيصل ..
قامت هي بعد توضت و صلت و ما عاد نامت ... قعدت بالصاله ...
ام حنان : اوووه حناان ما ودك تنامي ؟
حنان : لا لا بقعد هنا ...
ام حنان : همم اكيد تستنين فيصل يرجع من المسجد .. يا حبيبتي الله يهنيكم ..
حنان هئئئئئئ امي عليهاا سوااالف خل أسلك لها : ايه ايه يمه ...
ام حنان : يلااا انا برجع انام .. بعد شوي خالتك بتصحى عشان تحضر فطور لعيالها بيداوموا مدارسهم ...
حنان : ماله داعي تصحيها خلااص انا اسوي لهم فطور واسوي لفيصل معهم ..
ام حنان ابتسمت : اييه كذا المره لازم تكون تهتم بزوجها بأكله و شربه ..
حنان متضايقه من كلام امها بس تسلك : أي يا يمه فاهمه انتي روحي نامي و لا تآكلي هم ...
ام حنان : ان شاء الله ....
بس راااحت غرفتهاا .. وصل فيصل من المسجد .....
حنان : تأخرت كل هذا صلااااه ؟!
فيصل ابتسم : يعني اشتقتي لي !
حنان تقلده بسخريه : " يعني اشتقتي لي " (عدلت صوتها) من انت عشان اشتاق لك !
فيصل : انا .. زو.....
حنان قاطعته : تعرف تسكت ؟ .. الشرهه على اللي سألك ..
فيصل : على مهلك لا تعصبي .. تأخرت لاني كنت قاعد اسولف مع صلاااح .. واضح انه مظلوم ..
حنان : والله الله العااالم ...
فيصل : المهم وش عندك قاعده هنا ؟ .. ما ودك ننام ( غمز لها ) ..
حنان عصبت : الظاهر ان شغلتكم اليوم بالبيت تنرفزوني انت و امي و الكل ..
فيصل : هههههه ليه معصبه كذا ؟ ( همس لها ) لحد يسمعك بعدين يفكروا ان بينا مشاكل و يقلقوا علينا ....
حنان : اوووووه الحكي ضايع معك ..
ثم قامت للمطبخ تحضر للفطور ........
فيصل ههههههههههههههههه اليوم كان احلى يوم في حياتي .. لو بس توافق و تترك المدرسه و نعيش ببيت اهلنا هنا كان الوضع كله اووووووكيه ... بقعد وراها ليييييين توافق ...

فتح جواله و ارسل مسج بي بي لعمار .....
فيصل : " صباح الخير ... ترى انا ما رح اداوم اليوم .. و اتمنى انت بعد ما تداوم .."
بهاذاك الوقت كان عمار صاحي بعد ما صلى و نوى يجهز حاله للمدرسه الا و وصله المسج ......
عمار هذا فيصل : " صباح النور .. ليه ما ودك تداوم -فيس يستفهم- .. ليكون عشان هتان و شلته ؟ "
فيصل : " لا مو عشانهم بس قررنا انا و حمد ما نداوم اليوم يعني ع المزاج "
عمار : " فيصل قولي الصدق .. انتوا خايفين منهم ؟ "
فيصل : " وش فيك ما تصدقني والله هذا الصدق .. انت لا تداوم عشان ما تصير لحالك اوكيه "
عمار : " لا معليش تبيهم يقولون عني جبان و خفت منهم و ما داومت ؟َ! "
فيصل : " اذا ودك تداوم كيفك .. بس تحمل اللي بيجيك منهم "
عمار عصب : " احد شكى لك ...! "
فيصل : " انا قلت لك و انت كيفك يلاا سلام "
عمار وش فيه فيصل قلب كذا .. معقول صار جبااان .. ما هقيتها من فيصل يخاف من هتان و شلته .. مدري اش صار بالعالم ! ..

يتبع.......