شبكة همس الشوق - عرض مشاركة واحدة

2 - 8 - 2015, 07:36 PM

تابع.......

نرجع لفيصل ... قعد شوي بالصاله و زهق و هو قاعد .. ثم راح للمطبخ يشوف حنان اش تسوي من فطور ... وقف ع الباب و تسند ......
فيصل : هممممم ريحه حلوه .. ورى ما تسوين لنا زي هالفطور بالشقه ؟
حنان : عشان ما ألفت الانتباه يا غبي ..
فيصل : اووووه توني ادري اني غبي ..
حنان : لانك غبي .. ليه جيت اقعد برى الى ان اخلص .. ما احب اشتغل و احد واقف ع راسي ...
فيصل : حاب اشوف اش تطبخي ...
حنان هذا الولد جنني مفكر اني راح احبه ؟! : فيصل لا تصير بزر و اطلع من المطبخ و ترى حركاتك هذي ما احبها ..
فيصل : أي حركااات ؟
حنان بهمس : انا فاهمتك زين تحاول تتقرب مني ...
فيصل : و اذا ؟
حنان : فيييييييييييييصل .. ما ابي احبك ابي فيصل القديم ..
فيصل بزعل : و ليش ما تحبيني ؟ اش ناقصني ؟
حنان : ما احب اتكلم بذا الموضوع بعدين ما ودي احد يسمعنا المهم اني .... ( همست ) مستحيل احبك ... و لازم تكون عارف ...
فيصل نزل راسه للارض .. ما رد عليها .. و طلع من المطبخ ...

بعد عدة دقايق جهزت الفطور و فطروا مع سعد و سعود ثم وداهم فيصل للمدرسه ... قعدت شوي بالصاله الى ان جا فيصل .....
فيصل : انا بدخل انام ....
المسكين ما نام زين لان حنان كانت جنبه .....
حنان : نوم العوافي ..
فيصل : الله يعافيك ...
جااا بيروووح .....
حنان : آ آفيصل ...
فيصل : عيـــ ( كان بيقول عيونه بس سكت ) هلااا ..
حنان : بعد ما تصحى لازم نرجع الشقه ...
فيصل : ليييه نرجع ؟
حنان تنهدت : انا قررت ما عاد بكمل .. نروح نجيب اغراضنا و بكلم وليد عن قراري ...
فيصل كان واقف جا قعد جنبها : هذا احسن قرار اخذتيه ما رح تندمين ..
حنان ابتسمت : ان شاء الله ما بندم .. بس لازم اكلم وليد بالاول ..
فيصل : لا لا اتركي وليد و الاغراض علي انتي خليك بالبيت ..
حنان : لااا ما اقدر لااازم بنفسي اكلمه هذا شرطي الوحيد اذا تبيني اترك المدرسه ...
فيصل بقلة حيله : اووكيه مو مشكله .. متى ودك نروح ؟
فيصل : اول ما تصحى ع طووول ..
فيصل تحمس : خلاااص ما رح انام خلينا نروح اللحين ..
حنان : لا لا حتى لو انت ما نمت يمكن هو يكون نايم خلهاا ع الظهر ..
فيصل : اممم معك حق .. اوك خلاص الظهر الظهر ..

في المدرسه ..... عمار ما سمع الكلام و داوم ... اللحين الحصه الثالثه كانت فراغ ما جاهم احد استاذهم غايب ...
مشاري : هيييييه كيف كانت الكفوف اللي امس ؟
عمار : ..............لا رد
مشاري : عماااروه عسى جسمك ما يعورك .. اخاف اخويانا شدوا عليك امس ههههههههههههههههههههه ...
عمار وقف و هو معصب : احترم نفسك يا حيوان و لا ترى .......
مشاري : كااااااااااااااك وش بتسوي يا ماما .. كمل تكفى ..
عمار ضبط اعصابه و قعد : ما بنزل نفسي لمستوى حقير زيك و ارد عليك ...
مشاري : اييييييه من الخوف يا روح ماما من الخوف ...
عمار ما تحمل و قام راح له مسكه من ياقته : من اللي خايف يا كلب مين ؟
مشاري دفشه بقوه و عطاه كف : انت يا الجبااان اخوياك سحبوا عليك خايفين مننا من حقهم و انت مسوي محد قدك و داومت ...
عمار رد له الكف : كل تبن يا التبن انت ما يحق لك تتكلم عن اخوياي ..
قاموا كل اللي بالصف يفرقوا بينهم ... هدوا شوي ...
مشاري : الظاهر تبي تتكفخ زي امس ..
عمار : اعلى ما بخيلك اركبه ..
مشاري : اوريك ...
عمار : جبااان اذا فيك خير قابلني برى لحالك .. لا تتخشش ورى اخوياك ..
مشاري : انا اتخشش ورى اخوياي .. قابلني برى و نشوف ..
عمار و كني بقابله النذل ما شفت اجبن منه هو و شلته .. ما فيهم ذرة رجوله .. مالي خلق اتكفخ زي امس بنحاش منهم ...

صحى وليد على صوت الباب يندق بقوووووه ....
وليد : من ذا اللي ما عنده دم جاي من صباح الله ؟
ماجد طلع من غرفته مفجوع : وش صاااار ؟
وليد : واحد ما يستحي ع وجهه يدق كذا ع ابواب الناس ...
ماجد : طيب روح شوف مين كسر الباب هذا !
راح وليد فتح الباب تفاااججئ ....
وليد : انت ؟
صقر : ماني عاجبك ؟ ساااعه عشان تفتح الباب !
ماجد من بعيد : مين يا وليد ؟
صقر دفش الباب و دخل : مااا شاء الله هذا ( يأشر ع ماجد ) صاير عايش معك بالشقه ؟
ماجد : لأ مو عايش هنا بس جيت اليوم ؟ و اصلا كنت ماشي ...
جا بيدخل غرفته عشان يبدل و يطلع .. ناداه وليد ..
وليد : مالك طلعه من هنا .. رح تقعد و نتغدا مع بعض .. اللحين رح غرفتك و انا بشوف صقر وش يبي ...
ماجد : بس ......
وليد قاطعه بنظره حاااده .. فهم منها ماجد انه لازم يسمع الكلام و راح لغرفته ......
صقر قعد ع الكنبه و حط رجل ع رجل : حنا نكرف بالشركه و انت قاعد تتسلى مع مجووود ..
وليد تكتف : هذي حياتي و انت مالك شغل .. اللحين قولي وش بغيت.. ليه جاي ؟
صقر : ابي اشوف الاوراق ..
وليد : أي اوراق ؟
صقر : يعني أي اوراق اوراق الصفقه حقت دبي .. لازم اشوفها و اراجعها قبل لا تروح ...
وليد : ليه مو واثقين مني ؟!
صقر : اقول لا تكثر حكي .. انت على بالك اني جاي و مبسوط .. لولا ابوي ما كان لا جيت و لا راجعت ... اخلص علي و جيبها وراي شغل لفوق راسي ..
وليد : ما رح اجيبها .. لان عمي ما دق علي و قالي .. و انا ما اسوي أي شي الا بعلم عمي ...
صقر : يااا هوووه انا ولد عمك ما تفرق ...
وليد : ولوو .. بصراحه ما اثق فيك ...
صقر : كيفك اذا مو مصدقني دق و تأكد ..
وليد : و هذا اللي بسويه ...
دق على عمه و أكد له ان كلام صقر صحيح .. رجع وليد و معه الاوراق .. رماهم ع الطاوله اللي قدام صقر ....
وليد : و هذي الاوراق ...
صقر ابتسم : تأكدت هااااه ...
وليد : اخلص بس ...
صقر : كأني ميت عشان بس اقعد هنا .. لا تخاف بخلص بسرعه ...
وليد جا بيمشي ...
صقر : هيييه على وين ؟
وليد : بروح غرفتي ...
صقر : وين الفلوس اللي عطيتك اياها جيبها ...
وليد : وش تبي فيهاا ؟
صقر : بشوف كاملين و لا صرفتهم ...
وليد : الى هنا و بس .. ما تحس انك زودتهاا .. يكفي انك ذاك اليوم رميت الفلوس بوجهي ع السرير .. كأنك تتصدق علي .. معليش هذي الفلوس حقي صرفتها او ما صرفتها شي راجع لي ...
صقر : هههههاااي و صار عندك لسان ..
وليد : اضحك قد ما تبي .. ما عدت وليد الغبي .. اللي تضحك عليه بكلمتين ...
صقر : تكفى مقطعك الذكاء تقطع ..
وليد طنشه و راح غرفته .......
راجع الاوراق و اخذ نسخ منها و خلص شغله ثم راح .. وليد اعتذر من ماجد بالنيابه عن صقر و قعدوا مع بعض لوقت الغدا ....

في بيت حنان .. بعد صلاة الظهر راح فيصل يجيب اخوانه من مدارسهم .. و قعدوا ع الغدا كلهم ...
حنان : يمه احنا بنرجع الشقه بعد الغدا ...
ام حنان : ليه اقعدوا الى الليل ...
حنان : لا لازم نرجع .. بناخذ كذا غرض و بنرجع للبيت ..
ام حنان : آه دام انكم بترجعون مافي مشكله ...
فيصل : اممم الاكل رووووعه .. يسلم يد من سواه ...
ام فيصل ابتسمت : حنووو سوته ..
فيصل : وااااو مره لذيذه يسلموو حنوو ..
حنان : عن الكلام اللي ماله داعي .. طول عمري كنت اطبخ ما تذكرت انه لذيذ الا يوم تزوجتني ..
فيصل : لا قبل ما كنت اهتم مين طبخه !
ام حنان : حنااان لا تصيري قاسيه على رجلك ...
حنان كل ما تقول امي ذي الكلمه احس اني برَجع : الله يخليك يمه معليك منه كلوا بس ...
ام فيصل : الله يهنيكم مع بعض يا عيالي ..
فيصل رفع يده : آميييييييييين ..
قام الكل يضحك .. الا حنان مقهوره و معصبه .. حتى ما كملت اكلها قعدت شوي ثم راحت تجهز حالها للطلعه ..

انتهى اليوم الدراسي بالثانويه ... عمار لازال يتنحش منهم و قدر يفلت من هتان و شلته .. هالمره كانوا مستنينه بالعصيان قدام البوابة .. بطريقته قدر يهرب منهم .... هتان قاعد على سيارته و جنبه مشاري ...
هتان : شكله انحاااااااش ..
مشاري : ايييه ادري عنه حيوااان خووويف اكيد بينحاش ...
هتان : اجل خلنا نمشي ..
مشاري : يلاا ..
و هم بالسيارة .......
هتان : اليووووووم المدرسه تجيب الهم ...
مشاري : ايييييييييه مررررره لا فيصل موجود و لا وليد(حنان) ...
هتان ابتسم : ما يهمني فيصل .. كان ودي اشوف وليد(حنان) ..
مشاري مستغرب : جد فيصل ما عاد يهمك ...؟
هتان : لااا عم كااااااااااااك ..
مشاري : وش هالسماجه ..! انا اتكلم بجديه و انت تتمصخر ..
هتان : ههههههههههههه أماا جديه من متى مشموش يصير جاد ؟
مشاري : لااااا حووووول لو افهم بالجدار فهم لا تناديني كذا يالدب ..
هتان : ههههه حرااام عليك كل هذي الرشاقه و تقول لي دب ..
مشاري : و ثوووور بعد ...
هتان : هييييييه الزعيم انا احترمني ...
مشاري : مناااك بس زعيم ع الشله مو علي .. المهم وقف بهذي البوفيه خلنا ناكل شي ميت جوع ...
هتان : اوووووووكيه و انا بعد جوعان بس على حسابك ترى ...
مشاري : أي كل شي على حساب مشاري ما طفرني غيركم .. شلة الطفرة ...
هتان : ههههه الى صرت رجل اعمال برجع لك حق سندويتش الكبده و الفلافل بالبيض ....
مشاري : ههههههههههههههههه قابلني الى صرت ...
وقفوا بالبوفيه و اكلوا و بعد ما خلصوا هتان طلع البي بي ..
هتان : ما خلصت اكل ...؟
مشاري : اصبر علي شوي ... صح انت جبت جوالك للمدرسه اليوم ؟
هتان : مجنون انا اجيبه .. اذا تصادر ما بلقى غيره جوااالي حبيبي ..
مشاري : ههههههه انت و الجوال و لا اقول انت و البي بي عشق لا ينتهي ...
هتان : ههههههههههههه ايه تقدر تقول ... تركت الجوال بالسيارة .. و بعد الدوام اخذته ..
مشاري : انتبه تتركه بالسيارة مره ثانيه يقولون سرقة السيارات صارت واجد هاليومين .. واحد اعرفه انسرق كل شي من سيارته قبل يومين ..
هتان : لااا معليك انا مخبي جوالي زين بالسيارة ابن امه يطلعه ..
مشاري : الى انسرق لا تجي عندي تصييييح ..
هتان عطاه نظره : اصغر عيالك انا اصيح ..
رجع يشوف المضافين عنده بالبي بي ..
هتان : هيييه كم عندك مضاف في البي بي ..؟
مشاري : عندي على ما اظن 520 مضاف ..
هتان : بسسسسسس !
مشاري : ليه كم عندك ؟
هتان : عند 1045 مضاف ..
مشاري تفاجئ : أمااا... ما شاء الله واااجد .. تكفى انشر بني ..
هتان : ايه طيب ... ( لمح صورة عرض واحد بالبي بي حس كأنه مألوف .. كبر الصورة ) .. هئئئئئئئئ ...
مشاري : خير وش فيك ؟
هتان يوريه الجوال : شوووووووف ...
مشاري يناظر بتفحص : هئئئئئئئئئ هذااا مو كأنه وليييييييييييد (حنان)..
هتان : لا مو كأنه الا هووو بنفسه ...
مشاري : أماا مضاااف عندك و انت ما تدري ...
هتان استانس : ووااااه احس اني مبسووط كنت ابي أي طريقه بس عشان اتواصل معه ما كنت عارف كيف .. والله وطلع للبي بي فوائد ...
مشاري : ارسل له ارسل له خل نتأكد اذا هو و لا لا ...
هتان : و انا استناك يعني .. ارسلت له اول ما انتبهت انه هو ..

وليد و ماجد كانوا قاعدين على طاولة الاكل يتغدوا ...
ماجد : جوالك ازعجنا ياخي كل هذي رسايل ...
وليد بشوفة حال : وش اسوي المعجبين فيني كثار ..
ماجد : معجبين هااه ؟ .. مو معجبين بخشتك معجبين بالصوره ...
وليد : ههههههه كانت فكره حلوه اني احط صورة حمد .. يلا انا شبعت ..
راح للمغاسل .. غسل ورجع طيران للجوال ...
وليد غريب من هذا يعرفني بعد ؟! : " هلا أي انا وليد .. انت مين ؟ "

هتان : مشاااري رد علي و قال انه وليد شفت قلت لك انه هو ..
مشاري : طيب طيب اسأله ليه ما داوم اليوم ..
هتان : لحظه هو سألني انا مين ايش اقوله ؟
مشاري : لا تقوله انك هتان بيحذفك .. قوله انك واحد من زملائه بالصف ..
هتان : عطني اسم يعني مين ؟
مشاري يفكر : لقيتهااا .. قول له انك عادل ..
هتان : ما شفت الا هذا ؟
مشاري : حسيته يمون معه .. عشان كذا ما اظنه رح يحذفك اذا قلت له انك عادل ..
هتان : اوك نجرب و نشوف ....

تأخر بالرد على وليد .. و وليد تحمس يعرف مين هذا اللي يعرفه ..
وليد : " الوووو وين رحت ؟ "
هتان : " معك .. انا زميلك بالصف انا عادل تذكرني .."
وليد زميلي بالصف ؟ وش يقصد ما اذكر احد اسمه عادل .. اييييييييييييييييه صح شكله شاف صورة حمد و عرفه .. و حمد اسمه وليد بالمدرسه .. شكل هذا مع حمد بنفس الصف .. ههه والله و لقيت شي اتسلى فيه .. : " أي تذكرتك هلا فيك "
هتان ابتسم : " هلا بك زووود .. ليش غبت اليوم ؟ "
وليد اللحين تأكدت انه يقصد حمد .. والله شي يونس بتشقق من الحماس : " كنت تعبان .. و اكيد المدرسة بدوني مو حلوه -فيس ساخر- "

هتان : يا حليله و ينكت بعد ..
مشاري : تكفى خلني اشوف المحادثه ..
هتان : الى خلصت منه بوريك ..
مشاري : اقولك عطني رقم بنه ..
هتان : امعصي .. ما ابي احد يكلمه غيري ..
مشاري بترجي : تكككككفى !
هتان : اسكت بس خلني اعرف اكلم الولد ..
هتان : " سلامتك ما تشوف شر .. و اذا وددك الحقيقه .. صدق المدرسه بدونك مو حلوه "
وليد : " الله يسلمك .. احم احم ادري -فيس محرج- .. لتكون انت بعد خاق علي -فيس قهقه-"

هتان : والله و يتكلم بجرأه ..
مشاري : ليه وش قال ؟
هتان : برد عليه بعدين اوريك المحادثه ...
هتان : " ههههه دمك خفيف .. بس يمكن تكون صادق الفرق اني مو انا اللي خاق عليك ..واحد اعرفه هو اللي خق عليك "
وليد ابتسم : " -فيسات خجوله- مين هو علمني ؟ "
هتان : " مع الوقت انت بتعرفه "
وليد والله مدرستهم فله : " تكفى علمني -فيس غمزة- "
هتان : " -فيس لا احد يسمع- بتداوم بكره ؟ "
وليد : " ما ادري يمكن - فيس لا يتكلم- "
هتان : " إلا تعاال "
وليد بمووت من الوناااسه : " لهالدرجه مشتاقين لي -فيس ملاك- "
هتان لا والله جريء بقوه ما كنه وليد اللي بالمدرسه : " ايييه مشتاقين لك كثير .. "
وليد : " -فيس منحرج- عن اذنك بطلع اللحين "
هتان : " اوك اذنك معك "
مشاري : خلصتواا سوالف ؟
هتان : أي خلصنا .. انت خلصت اكل ؟
مشاري : أي يلا خلنا نقوم ...
هتان فرحان : ماني مصدق اني كلمته ماني مصدق انه اصلا مضاف عندي في البي بي ...
مشاري : ههههه افرح يااا عم خويك و معك في البي بي .. اشك انك رح تنام اليوم .. الظاهر بتقعد سهران معه ...
هتان : ههه ما تدري ....
مشاري : لا تنسى ابي اشوف المحادثه ...
هتان : بصورها و ارسلها لك ..
مشاري : اوك ..
عند وليد بالشقه .....
ماجد : وش فيك متشقق حمااااس ؟
وليد : ههههههه شي يونس واحد من مدرسة حمد يحسبني هو ...
ماجد : لحست مخي يعني كيف ؟
وليد : يعني واحد زميل لحمد بالمدرسه و انت تعرف حمد يدواوم على انه وليد .. شاف الصورة و عرفه و يقول لي انت وليد انا زميلك بالمدرسه ...
ماجد : اهااا .. و انا اقول اش عندك مبسوووط .. ياا خوفي من مقالبك في حمد المسكيين ..
وليد : هههههههههههههه لا تظلمني ما بسوي شي .. اسلكك له بس ..
ماجد : انتبه لا تورط حمد باي مشاكل تراااه والله مسكين ...
اندق باب الشقه ....
وليد يناظر ماجد : مين جاينا بعد اللحين ؟
ماجد يهز كتوفه : هذي شقتك وانت ادرى ...
وليد فتح الباب : هذا انتوا .. وين مفاتيحكم ؟
فيصل : حمد ضاع مفتاحه و انا نسيت مفتاحي بالبيت ...
وليد : حيااكم تفضلوا ...
حنان : الله يحييك ..
دخلوا سلموا ع ماجد و بعد السؤال عن الحال ....
وليد : اش فيكم سكتوا ؟.. كأن ودكم تقولون شي ..
حنان بتردد : بصراحه انا قررت ما عاد ودي اكمل بالمدرسه .. و انت صاحب نفوذ اكيد تقدر تدبر لك شخص ثاني يكمل بدالي ...
وليد عصب : انت وش تقول ؟ ليش بهذا الوقت بالذات ؟ انت ما تدري اني بسافر بكره ...؟
حنان : إلا بس .....
وليد قاطعها : كيف تقدر تخون الثقه ؟ .. احنا اتفقنا من البدايه .. دامك مو قد الاتفاق ليه تتفق من اصله ؟
حنان : لأنوو ..
وليد تنهد : اللحين هذا جزاء ثقتي فيك ؟ .. ساعدتك يوم كنت محتاج و وقفت معك و عطيتك اللي تبي و مستعد اعطيك .. و انت بكل بساطه جاي تقول لي ما ابي اكمل !
حنان منزله راسها للأرض : بس اناا .. ما ...
فيصل قاطعها : لا تضغط عليه انت ما تعرف شي .. ما تدري اش قاعد يصير بالمدرسه ..
وليد تنرفز : و ما يهمني .. انا اللي اعرفه ان هذا اتفاقنا من البدايه .. انا ما ضربته على يده و قلت له يوقع ع الموافقه .. و لا اجبرته على شي .. اذا ما كان قد كلامه ليش يوافق من البدايه ...
ماجد : وليد هدي حالك ...
حنان ليش يكلمني كذا .. يعني انا ما اهمه اهم شي اسمه .. اهم شي اني اسمع كلامه قاعد يجرح فيني من اليوم ... طاحت دمعه ع خدها لمحها فيصل .. دمعه حاولت تخبيها بشعرها .. ثم مسحتها بسرعه لحد يشوف ..
فيصل انقهر لما شاف دمعتها : وليييييييييييد لا تقعد تصارخ عليه .. تكلم بهدوء ...
وليد : و انتوا خليتوا فيها هدوء .. ؟ انا اللي عندي قلته .. و من بكره لازم يرجع يداوم ..
فيصل بعصبيه : ما رح يداوم ..
وليد : اسمع يا انت .. انا ودي اسافر و انا متطمن .. لا تخليني اتصرف معكم تصرف ما يعجبكم ...
فيصل : اطلع على حقيقتك يا وليد .. تشوف الناس من فوق هذا طبعكم يا عيال الهاي ..
وليد : لا تغلط احسن لك ...
فيصل : ماني خايف منك ... و حمد ما رح يداوم .. و سوي اللي بتسويه ..
مسك يد حنان و وقفها معه ....
فيصل : يلااا خلينا نمشي حتى اغراضنا اللي هنا ما نبيهاا ...
حنان : لحظه .............

انتـــــــهى البــــــــــارت