شبكة همس الشوق - عرض مشاركة واحدة

2 - 8 - 2015, 07:38 PM

بـــــــــــــــــــــــــــــارت [29]

مسك يد حنان و وقفها معه ....

فيصل : يلااا خلينا نمشي حتى اغراضنا اللي هنا ما نبيهاا ...

حنان : لحظه .............

فيصل همس : اش فيك ؟ لتكون غيرت رايك !؟

حنان ما ردت عليه و ناظرت وليد : ودي اسألك .. انت ودك اني اكمل لان الوقت ضيق ما يمديك تجيب غيري ؟ و لا عندك سبب ثاني ؟

وليد تنهد : هذا سبب .. و اسباب غيره كثير .. لما طلعت لك اوراق على اسمي ما خذت مني وقت لانها كانت جاهزه اصلا ننتظر بس صورة اللي بياخذ اسمي عشان كذا طلعت بسرعه .. اما اذا بسوي اوراق ثانيه رح تاخذ مني اقل شي 3 اشهر ..

حنان يعني مالي امل اترك و امشي .. لو تركته و مشيت بكون وحده كذابه و بيكون وليد في مشكله .. بس ورى ما يدرس هو بنفسه ؟

حنان ناظرته بحده : طيب ادرس بنفسك انا ما رح اكمل ...

وليد عصب و انقهر و صرخ : انت مااااااااا تفهم .. ( ناظر ماجد ) .. انا اذا قعدت هنا بأنجن .. فهم الثيران اللي هنا ( يقصد حنان و فيصل ) ..

اخذ وليد جواله و طلع من الشقه نزل ع الكآفي اللي تحت .....

فيصل : الثور هو و اشكاله ...

ماجد : هدواا يا شباااب .. انتوا مو عارفين اش قاعدين تطلبوا لا تلومونه اذا عصب ... حرام عليكم بالبدايه وافقتوا انه يدرس باسم وليد و اللحين بتنسحبوا ..؟

حنان تتذكر اللي صار لها مع هتان و شلته حست بقشعريره بجسمها ..

فيصل ناظرها كان باين عليها الخوف : ماجد قول لخويك انا مستعد اشتغل عنده و ارجع دينه بس حمد لا يدرس ...

ماجد تنهد بتعب : اقعدوا بس افهمكم كل شي ....

حنان & فيصل مستغربين بيفهمهم ايش ؟!

ماجد : ااسمعوني زين ... وليد عنده مشاكل مع اعمامه .. القصه تبدا من لما توفى ابوه قبل 5 سنوات ..قبل لا يموت ابوه كان كاتب بوصيته ان ابوي اللي هو صديق ابوه و شريك مع ابو وليد يتصرف بكل امواله في الشركه لغاية ما يصير عمر وليد 16 ينكتب كل شي باسم وليد يصير هو المتصرف الوحيد ...

حنان : بس وليد صغير على هالامور ..

ماجد : اييه صغير بس لو ابوه ما كتب بوصيته كذا كان اعمامه ما خلوا له شي ... و الى اللحين يحاولوا يطلعوا أي شي على وليد حتى يقدروا ياخذوا منه كل شي .. أي خطأ لو بسيط من وليد ممكن يروح فيها و يخسر كل شي و يبقى وحيد ..

حنان كسر خاطرهاا ..

فيصل خايف لا تغير رايها : ما يهمنا كل اللي تقوله ...

ماجد عصب : كيف ما يهمك ! انتوا اللحين بتسوو لوليد مشاكل .. وليد لانه مستلم شغل ابوه ما يقدر يدرس .. عمه هدده اذا درجاته ما كانت عاليه رح ياخذ منه كل شي .. و في نفس الوقت يبيه يشتغل لانه المتصرف الوحيد باموال ابوه .. وليد احتار يدرس و لا يشتغل اثنينهم مهمين ... اختار انه يشتغل و في نفس الوقت يجيب احد يدرس بداله ..

حنان : يعني ما كان قاصد انه يرتاح من الدراسه و يعيش حياته و يستانس .. هو في البدايه قالنا كذا ..

ماجد : لأ ما كان هذا قصده و ما كان يقدر يقولكم اسبابه .. لانه ما يعرفكم زين .. بس اللحين انتوا صرتوا قراب من وليد .. لازم تعرفوا الحقيقه .. اذا تخليتوا عنه اللحين رح تبينوا لاهله انه فاشل .. و بكذا يكون عندهم سبب انهم ياخذوا كل املاك ابوه منه ..

فيصل : اسبابكم غير مقنعه اذا بغيت الصراحه ..

ماجد : هذا الشي راجع لك كانك بغيت تقتنع او لا .. ما اقدر اقولكم غير انكم صرتوا مع وليد في نفس اللعبه و لازم تكملوا للأخير .. احنا ما نبي احد يطلع خسران ..

فيصل : اللعبه هذي بين وليد و اهله .. انتوا دخلتونا فيها بدون علمنا ..

ماجد : بعد هذا اللي صار .. اذا بتتخلون عنه اللحين براحتكم .. بس ما اضمن لكم اش رح يسوي وليد الى عصب ...

حنان تنهدت و قعدت تفكر ...

لا زال فيصل خايف انها تتراجع عن قرارها .....

هتان و مشاري طلعوا من البوفيه ... و هم بالسيارة ....

مشاري : هييييه وين رايح هذا مو طريق بيتي ؟

هتان : اسكت و بتعرف ...

مشاري : ابفهم وش تخطط له !؟

هتان : يا الورع ما فيك صبر ! خلك ساكت و بتشوف ..

مشاري : ايييه نشوووف ..

وقف مقابل صيدليه ......

هتان : يلا انزل و جيب العجرا >>(عصا) معك ...

مشاري : وين انزل ؟ بعدين ليه العجرا بندخل مضاربه و لا ايش ؟!

هتان : ياا الهي اسئلتك وااجد اسمع الكلام و يلا ..

نزل مشاري مع عجرته ..... دخلواا ع الصيدليه .. الصيدلي خاف من اشكالهم ...

هتان : لو سمحت جيب حبوب منومه ...

الصيدلي : معليش بس لازم وصفه طبيه ...

هتان : مشاري هات اللي بيدك ( يقصد العصا ) ...

مشاري : سم طال عمرك .. ( و عطاه )

هتان حاط العجرا ع كتفه : بتعطينا و لا كيف ؟

الصيدلي : و انا مالي .. مش عاوز مشاكل .. حديكو طبعا ..

عطاهم طلبهم .....

هتان : أد ايه حسابك ياا واد .. >> يتكلم بالمصري يمكن يتمصخر عليه ~

الصيدلي : 50 ريال ...

هتان انصدم : الله ! .. 50 ريال على كم من حبه ..؟!

الصيدلي : هي كدا سعرها بالسوء (سوق) ..

هتان : اقول بنعطيك 20 ريال و تخب عليك يا الصعيدي ..

الصيدلي : لأ بس كدا حتخسروني ..

هتان يلوح بالعجرا : أولت ايه مش سامع >> ( قلت ايش مش سامع) ؟؟

الصيدلي : ما أولتش حاقه .. اديني اللي انت عاوزو >> ( ما قلت شي عطيني اللي ودك فيه ) ..

هتان : مشموش طلع 20 ريال بسرعه و ألحقني ع السيارة ..

مشى هتان للسيارة و مشاري يصارخ عليه ...

مشاري : اييييه كل شي على حساب مشاري .. اوريك يا هتانوه ..

عطى الصيدلي الفلوس و مشى ..... لما رجع للسيارة كان هتان في قمة سعادته ..

مشاري فتح الباب و سكره بقوه .......

هتان : شوي شوي على محبوبتي ( يقصد السيارة ) .. وراك معصب ؟

مشاري : و ليه ما اعصب ياخي كان عندي اخر 20 ريال و خلصت .. بح ما عندي و لا ريال !

هتان : ههههههه و لا يهمك بكره ادبر مبلغ محترم ..

مشاري : ما يهمني .. المهم لا عاد تخلي كل شي على حسابي .. حتى بكت سجاير ما عندي اشتري اللحين ...

هتان فتح درج السيارة و طلع بكت : لعيوووونك خذ هذا ..

مشاري هدا : اوووه يا البخيل من اليوم عندك بكت و لا تعطينا صدق بخيل ...

هتان : بخيل بعينك .. كنت بخليه الى طلعنا للرياض بس يلا كله و لا زعل مشموش ..

مشاري : أي ألعب علي بكلمتين يا النصاب .. الزبدة ليش شريت ذا المنوم وش تبي فيه ..؟

هتان : ياخي ليش مخك مسكر كذا .. انا شريته عشان وليد(حنان) .. على بالك انه بيجي معنا !

مشاري : إلا بيجي .. و التسجيل ؟

هتان : لازم لازم اشرح يعني .. احنا بنخطفه هو مستحيييل يجي معنا .. ذاك اليوم وافق بس عشان ارجعه البيت .. التسجيل بنحتاجه في حاله وحده ااذا اشتكى علينا ...

مشاري : اهاااااا .. والله انك مخ ..

هتان : احم احم مشاء الله علي ...

مشاري : هههههههه اقووول وصلني البيت و لا يكثر تراي تأخرت ..

هتان : يلااا قربناا ..

نرجع لحنان و البقيه في الشقه ....

حنان مو بكيفي غصبا عني لازم اكمل .. انا اللي طيحت نفسي بهذي المصيبه ...

فيصل : حمد اش قرارك ؟

حنان : قراري بقوله لوليد .. بس وين راح ؟

ماجد : اعتقد انه بالكافي اللي تحت ...

حنان : بروح اشوفه ..

فيصل : بجي معك ..

حنان بسرعه : لا لا .. لا تجي ابروح لحالي ..

فيصل بقق عيونه : انهبلت !

ماجد مستغرب ردة فعل فيصل ...

حنان ناظرت فيصل بحده : انا بروووح لحااالي ماني بزر و لاااا بنت (شددت على بنت) ..

فيصل قبض ايدينه بقهر .. ثم تراجع و قعد ع الكنبه ..

حنان طلعت من الشقه .. تدور وليد هنا و هناك .. الى ان لقته ......

سحبت كرسي و قعدت قباله .... وليد يشرب شاي الحليب الدافي اللي بكوبه .. ما اعطى أي اهميه لحنان اللي قاعده مقابليه ..

حنان : و .. وليييد ..

وليد نظره ع الكوب : همممم ..

حنان : انا ما اقدر اخذلك مو بعد ما ساعدتني ...

وليد : قرارك ؟

حنان نزلت راسه للارض : رح اكمل .. بس بشرط ..

وليد : ساعدتك و تتشرط ؟!

حنان : ارجوووك لاني ماني مرتاح بالمدرسه .. خايف يجيني شي ..

وليد بدون اهتمام : اخلص ايش شرطك ؟

حنان : متى ما صرت فاضي و عندك امكانيه تجيب احد غيري يكمل سويها ..

وليد تنهد : ما أظن بلقى .. بس ابشر اذا لقيت ...

حنان : خلاص كذا اتفقنا ..

وليد : يعني بكره رح تداوم صح ؟

حنان : ان شاء الله ... ( ودي اسأله ذا السؤال بس منحرجه و اخاف اتفشل .. آه ودي اسأله ذا السؤال عشان اداوم بكره ع الاقل و انا متطمنه ..و المشكله صعبه اسأل فيصل والله ما غير تقتله الغيره )

وليد ناظرها : اش فيك ؟ متردد ما ودك تداوم ؟

حنان : هاااه لا لا ...

وليد : اجل امش نرجع للشقه ..

حنان : يلااا ..

صعدوا بالاصنصير ....

حنان : يوم كنا بالشقه كنت مره معصب .. كان شكلك يخوف ...

وليد : ههههههههههههااي ذكرتني باخر بنت قالت لي شكلك يخوف ..

حنان بسرعه : بنت ؟؟؟؟؟؟!!!!!

وليد : ليه منصدم ههههه ...؟

حنان : اقصد يعني انت تكلم بنات او طلعت مع بنات ..

وليد : يؤؤؤؤؤؤه كثير و كلهم عن طريق الدحمي و لا نواف ....

حنان عبست : اهااا فهمت ...

وليد : هههههههههه للحظه حسستني كنك بنت و تغار علي ..

حنان ارتبكت : هههههههه ادري ادري تمزح ههههههههه ...

دخلوا الشقه و هم يضحكوا .... انرسم ع وجه فيصل استفهامات ... وليد اللي طلع من الشقه معصب .. و حنان اللي طلعت و هي زعلانه .. اش صار !

ماجد ابتسم : شكل الامور انحلت ....

وليد : ايييه كله تمام ..

حنان : لحظه يا وليد .. سريري انقله لغرفتي ...

وليد : ابشر اذا هذا اللي تبيه ..

حنان : مشكووووور ..

فيصل يعني قررت ترجع ؟! : خلاااص رح تكمل بالدراسه ؟

حنان نزلت راسها للارض : ما عندي حل ....

فيصل : قلت لك انا بتصرف ...

وليد : فيصل خلااص انا و اياه اتفقنا .. ما رح يغير رايه ...

فيصل طنشه : تعال معي شوي ..

سحبهاا من يدها و اخذها لغرفتهم ...

حنان : قبل لا تتكلم اللي قاله وليد صحيح احنا اتفقنا ..

فيصل بعصبيه : وش صار على كلامك يومك تقولي بتتركي ..

حنان : اللحين ما اقدر .. كيف تبيني اترك وليد و هو محتاجني .. ما تذكر كيف ساعدنا ... انت لا تخاف هو وعدني اذا لقى لي بديل رح يحطه ..

فيصل تنهد : انا خاااايف عليك ..

حنان انا خايفه على نفسي اكثر منك : لا تخاااف من اول قلت لك و اللحين ارجع اقولك أي شي بيحصل على مسؤوليتي ..

فيصل : ان شاء الله ما يصير شي ..

حنان : ...........

بعد صلاة العصر ..... رجع خالد من الشركه ....

خالد : مساء الخير ..

ام خالد : هلااا يمه مساء النور ..

خالد : اشوفك قاعده لحالك !

ام خالد : هههه الكل نايم ..

شوي و جت اصايل توهاا صحت ...

اصايل : سلاااااااام ..

خالد : عليكم ..

اصايل : مختصر ما شاء الله ..

خالد : هههه زي اختصارك ..

اصايل : الزبدة ابي اطلع اليوم اش صار ع الحراس ؟

خالد : اممممم صراحه كلمنا شركة حراسات امنيه .. بس اجراءاتهم تاخذ وقت ...

اصايل : يعني ؟

خالد : يعني انتظري الى ان تخلص الاجراءات ..

اصايل : كم يوم بالضبط ؟

خالد : نقول من شهر الى شهرين و يمكن اكثر ..

اصايل بققت عيونها : ايييييييييييييش ! عز الله وقعدت بالبيت ..

ام خالد : كثيييييير يا خالد .. و اختك ما تقعد بالبيت ..

خالد : والله كنت عارف ان هذي بتكون ردة فعلها .. فكلمت تركي يحرسكم لغاية ما نجيب حارس وش رايكم ؟

اصايل احسن حل والله عندي شغل كثير مع تركي : انا مووووووافقه اهم شي اطلع ...

ام خالد : تركي من زمان يشتغل معنا و ابوك يثق فيه كثير .. دامك اخترته فأكيد رح نوافق ..

اصايل : طيب طيب كلمته و لا لسا ؟

خالد : اييه كلمته هو ما عنده مانع ...

اصايل : اكييييد ما رح يمانع هو حيا الله واحد شغال عند ابوي ...

خالد : هييييه لا تقولي عن الناس كذا شوفة الناس من فوق ماهي زينه ..

اصايل : المهم المهم ابي اطلع اللحين ...

خالد : لحظه بدق عليه يجي ياخذك ..

اصايل بدلع : انا بروح اجهز حالي ... وناااااااااااسه ...

خالد تنهد : ما تتغير هذي البنت ..

ام خالد : هههه خلها مسستانسه تعشق الطلعات ...

خالد كلم تركي و قال رح يجي بعد نص ساعه ..

ام خالد : دريت عن العزيمه اللي يوم الخميس ؟

خالد : اييه قال لي ابوي ..

ام خالد : أي و تقدر تعزم اللي تبيهم ..

خالد : والله ؟

ام خالد : ايييه اكيد ..

خالد : اجل بعزم كل اخوياي ... ( من زمان ما شفت وليد و ماجد و عبدالرحمن و حمد اللي شاغل بال نواف ..)

ام خالد : الله يحيهم و لا تنسى تعزم سامي انا كلمت امه بس الظاهر ما رح يجوا اعتقد بيسافروا او شي زي كذا ...

خالد : أي صح سامي قالي اهله بيسافروا جده يومين و يرجعوا .. هو ما رح يسافر معهم .. ( وقف ) يلا انا بمشي ...

ام خالد : خلك يا يمه اقعد ..

خالد : سامي رح يجيني بعد شوي ..

ام خالد : اهاا .. و بتطلعوا ؟ و لا بتقعدوا بالملحق ؟

خالد : ما ادري بنشوف ...

نرجع للشقه .......

ماجد : يلا شبااب مع السلامه ....

وليد : مع السلامه ..

ثم مشى لبيتهم ...

حنان : غريب ليه ما قعد ..؟

وليد : مو غريب و لا شي هو عندي من امس ..

حنان : اهااا ..

فيصل : حمد امش نروح البيت ع الاقل نقعد معهم شوي و نقول لهم اننا رجعنا الشقه ...

حنان : لازم اروح يعني ؟

فيصل مستغرب .. اجل تقعدين معه لحالكم ؟! : أي اكيد لازم ..

حنان : بس انا تعبان مالي خلق صراحه اروح لأي مكان ..

فيصل : خلااص و انا بقعد مو لازم اروح ..

حنان : إلا روح عشان تجيب مفتاح الشقه ..

وليد : لازم تاخذ حمد معك يعني ؟ ودي افهم ليش ؟ خايف عليه من ايش ؟

فيصل اذا ودها تقعد خلاص كيفها مالي دخل فيها : انا رايح ..

وليد : الله معك ...

بعد ما راح فيصل ....

حنان : بالاذن ..

وليد : وين ؟

حنان : بروح غرفتي انام لي شوي .. و شكرا لانك رجعت سريري هناك ..

وليد : العفو ما سويت شي .. بس اقعد سولف معي شوي .. انا ازهق اذا ما عندي احد اسولف معه ..

حنان قعدت : اوكيه بقعد ..

وليد : انت عارف اني بسافر بكره الساعة 3 الفجر ..

حنان : انا عارف انه بكره بس ما كنت ادري انه الصباح ..

وليد : أي عشان كذا خلنا نسولف اليوم ما يندرى اذا رح نلتقي بعدين ..

حنان : ليش تقول كذا و كنك ما رح ترجع ..

وليد : لانه محد يدري بالمكتوب ..

حنان تتذكر : انت صح قلت لي انك رح تغيب سنه .. يعني رح اكمل بدالك للنهايه ؟

وليد ابتسم .. اكيد كنت ناوي امقلبه : كمل للنهايه اش بيصير عليك ؟

حنان : بس انت وعدتني اذا لقيت فرصه رح تجيب احد بدالي ...

وليد : ايييييه اذا و الـ (اذا) مو دايم تحصل ...

حنان كنت عارفه ان مالي امل اطلع من هالمصيبه ... بس لازم اسأله عن اللي في بالي

وصل سامي لبيت خالد .... راح خالد يستقبله برى ...

سامي : حاب تركب نتمشى و لا ودك نقعد ...

خالد : الصراحه ودي اقعد لاني توني جيت من الشركه ما فيني حيل اتمشى ..

سامي : اوكيه و لا يهمك نقعد بالملحق ..

خالد : يلااا حياك ...

جت سيارة تركي و وقف ورى سيارة سامي ... و شوي و طلعت اصايل ..

سامي يحاول يناظرها بدون ما يشوفه خالد .... و تردد كثير بس سأل ..

سامي : هذي مو اصايل ؟

خالد : هاااه .. إلااا ..

سامي : غريبه طالعه ما تخافون من اللي خطفها ..

خالد : لا الموضوع انحل ما رح تطلع لحالها .. تركي بيحرسها الى ان نجيب حارس ..

سامي آه يا ليتك تخليني انا اللي احرسها : بس تركي غريب عنهاا ..

خالد : ينوثق فيه انت لا تخاف ...

سامي اش هالبرود اللي بعايلتهم ...

دخلوا للملحق ضيفه خالد ثم قعدوا سوالف ..

خالد : على فكره انت معزوم يوم الخميس ..

سامي : و لا يهمك اول الحاضرين ..

خالد : ههههه حياااك والله ... باقي الشله لسا بكلمهم ..

سامي : صح اشتقت اسولف معهم ..

خالد : وش رايك نمرهم ؟

سامي : عاادي بأي وقت انا جاهز ..

خالد : خلاااص اكلم نواف و نمرهم بعد العشاء ..

سامي : اوووكيه ..

خالد : بس ما رح نطول شغلة ساعه و نرجع تعرف وراهم دوامات ..

سامي : ايييه صح .. انت ارسل مسج لوليد خله يعزمنا ع العشى ..

خالد ابتسم : ما تحس انها نذاله ...

سامي : ههههههههههه و ليه .. خله يعزمنا وش وراه ..

خالد : خلنا اللحين نقعد نسولف لنا شوي .. ( ثم بدا القلق على وجهه )

سامي ناظره : عسى ما شر ..

خالد تنهد : تكفى شوف لي حل مع نواف ..

سامي : رجعنا لنواف ...

خالد : ما تذكر قبل لا يشوف حمد كيف كان ؟

سامي : كيف كان يعني ؟

خالد : ما يمر يوم الا ينزل المجمعات يروح الكورنيش يطلع الواجهه أي مكان فيه بنات يروحه و يرقم و يفل امها هو و ليد و احيانا عبدالرحمن معهم ..

سامي : و اللحين ؟!

خالد : اللحين ! هه هه هه ما يطلع من البيت ابد و ان طلع مرني و لا راح الشقه .. و اذا قعدت معه تفكيره بمكان ثاني .. مو نواف اللي اعرفه تغير 180 درجه ....

سامي : انت تبالغ ..

خالد : والله هذا اللي اشوفه .. و الصدمه تدري باله مشغول بمين !؟

سامي : لااا تقول لي حمد !

خالد : اييييه هووو.. و في غيره ! ..

سامي يناظر باهتمام : كيف مشغول باله بحمد فسر لي !

خالد : خلني ألاقي تفسير لنفسي بعدين افسر لك .. شوف اللحين بدق عليه و بقوله اش رايك نطلع للـ اممم ( يفكر ) الكونيش مثلا .. انا متأكد رح يقول لي مالي خلق .. بس تعال شوف اذا قلت له نروح شقة وليد ..

سامي : ما رح اصدق الى ان اسمعه بإذني ..

خالد : اوكيه اللحين اكلم وليد و اقوله بنجيه و بعدها بدق ع نواف و احط سبيكر و اسمع بنفسك ...

سامي : اوووكي ..

وصلت اصايل لمكان بعيد شوي عن المدينه بالتحديد حول البحر .. طلعت من السيارة و طلع معها تركي ..

اصايل : تركي بدخل بالموضوع ع طول ..

تركي : بس بهذا المكان ؟؟!

اصايل : ما عليك من المكان .. المهم اش اخر اخبار صلاح ؟

تركي : في الحقيقه طلع من السجن ...

اصايل تنهدت براحه : زييين انه طلع .. كنت افكر كيف بطلعه ...

تركي مستغرب : انتي مو كنتي تبينه يظل في السجن ؟

اصايل : كنت بس اللحين لأ .. قول لي كيف طلع ؟

تركي : طلع بكفاله .. فيه محامي كبير طلعه .. و احتمال يطلع براءة ..

اصايل : حلو حلو انت لا تتدخل بالموضوع خلاص اتركه بما انه بيطلع .. بس مين هالمحامي اصلا من وين لهم فلوس يدفعوا للمحامي ؟

تركي : عندي معلومات عنه اذا ودك تشوفيها ..

اصايل : عطني كل شي جمعته انا بشوفهم اليوم بالبيت ..

تركي : ان شاء الله طال عمرك ..

اصايل : انا بغيتك في موضوع ثاني ..

تركي : سمّي طال عمرك ..

اصايل : ابيك تعرف لي كل شي عن عائلة معاذ زوج اختي و بالذات ابيك تعرف لي عن رائد اخوه لا تخلي تفصيل و لو بسيط إلا و تعرف لي اياه ..

تركي : أمرك .. رح ابدأ من اليوم ..

اصايل : اييه و جهز المكان اللي تعودنا نأدب فيه الناس اللي تشوف نفسها علينا .. رائد هذا ان ما خليته يبوس رجولي بس عشان اسامحه ما اكون انا اصايل بنت ابوي ..

تركي : حاضر طال عمرك ..

اصايل : يلااا خلنا نمشي .. و ابيك توديني بيت العنود ..

تركي : ان شاء الله ..

حنان لازالت متردده تسأل وليد السؤال اللي في بالها و لا ...

وليد ترك جواله و ناظرها : من لما كنا تحت و انا حاسس ان ودك تقول شي ..

حنان : هو بصراحه ...... ( سكتت )

وليد : قوووووول ..

حنان : ودي اسألك سؤال بس منحرج شوي ...

وليد ابتسم : عااادي اسأل ..

حنان : انا .. انا .. تعرضت لموقف في المدرسه ...

وليد زاد اهتمامه : ايش صار قول !

حنان : يعني واحد .. جا .. و .. ( قسم بالله منحرجه ما اقدر اقولهاا )

وليد بفضول : ليه سكت ؟ قول وش سوى لك ..؟

حنان لفت عنه و تذكرت يوم كانت مع هتان بسيارته و اللي سواه ثم قالت بصوت اقرب للهمس : بـ باسني مع خدي ...

وليد بقق عيونه : اييييييييييييييييييييييييييييييييييييييييييش !!

حنان يعني سمعني كان ودي لو ما سمعني : ا ا اللي سمـ .. سمعته ...

وليد شكله واحد يتحرش ما لازم ابين ان الموضوع خطير لازم يكمل يدرس بدالي : و ايش هو سؤالك بالضبط ؟

حنان : يعني اللي صار شي عادي و لا لازم انتبه ؟

وليد وش اقوله اللحين .. انا ما ابيه يخافف عشان يكمل : لا يعني هو عادي يمكن يسلم عليك .. او يمون معك او يمزح ..

حنان ما كان لا يسلم و لا هو يمون اصلا و لا كان يمزح .. اجل اش ممكن يكون : ط طيب ...

وليد واضح انه ما اقتنع بجوابي : انت خلك مع فيصل لا تتركه و ما بيصير لك شي ..

حنان اصلك ما تدري ان هتان و شلته لا بغوا ياخذوا احد بياخذونه لو من وسط الناس ... تنهدت : ان شاء الله ...

دق جوال وليد ...

وليد : اوووه هذا خااالد والله زمان عنه .. دقيقه بس ارد ..

حنان : خذ راحتك ..

وليد : هلااا خااالد هلا بالصوت هلا بالقاطع ..

خالد : ههههه اللحين انا قاطع !؟ يكفيك نواف يزورك كل يوم بالنيابه عني ..

وليد : هههههههههه لا لا .. لازم تجي ..

خالد : الحمد لله طلعت منك .. تعزمني ع العشى بجي مانت بعازمني ماني بجاي ..

وليد : آفااا بس .. يلا يلا تعال و اكيد عازمك .. انا بكره مسافر تعال منها تودعني منها نقعد شوي مع بعض ...

خالد : أماا بتسافر ؟! محد قال لي ...

وليد : اييه عندي شغل ... مع ان نواف يدري غريب ما قال لك ..

خالد نواف مخه مو بفاضي : خلاااص يا وليد بعد صلاة العشاء بنجي انا و سامي ..

وليد : و جيبوا نواف معكم ...

خالد : ابشر ما طلبت شي .. بس مين رح يكون موجود من الشباب ..

وليد : الكل تقريبا .. الدحمي و الغثه فيصل و حمد و انتوا و نواف اذا حب يجي إلا ماجد ما رح يجي لانه من امس و هو عندي توه رجع لأهله ..

خالد : اهااا .. اهم شي حمد موجود عشان نواف يجي ..

وليد : هههههههههههههه ايييه موجود ..

خالد ابتسم : اوووكي رح نجي ..

وليد : بانتظاركم ..

قفل منه و ألتفت لحنان ...

وليد : اليوم بنسوي سهرررره ...

حنان : ورانا دوامات بكره ...

وليد : عاادي انا بسافر و الكل بيجي يودعني ..

حنان : اوكي اللي تشوفه ..

رجع يطقطق ع جواله و حنان انتهزت الفرصه تتأمله تدقق في ملامحه حرقته بنظراتهاا .. هو كان ملاحظ بس ساكت ...

يتبع............