شبكة همس الشوق - عرض مشاركة واحدة

4 - 8 - 2015, 03:05 PM

تابع......

عند خالد & سامي ....

خالد : هذا وليد و اتفقنا معه .. خلني ادق ع نواف ..

سامي : يلااا ( غمز له ) و سبيكر ...

خالد : هههه طيب ..

دق على نواف اللي كان توه صحى من النوم >> امس بالليل ما نام يفكر بحنان وده يتطمن عليها ...

اول رنه ثم الثانيه ثم الثالثه .....

خالد : غريب ما رد ..

سامي : يمكن نايم ...

خالد : بذا الوقت اللحين عصر ...

سامي : دق مره ثانيه ...

دق خالد و رد مع ثاني رنه ......

خالد : الووووو ...

نواف : خالد هذا انت ؟

خالد : من صوتك كنك توك صاحي من النوم ..

نواف : أي توني صحيت ..

خالد : اسمع اش رايك نطلع للبحر مع بعض ..

نواف تثاوب : والله و انا اخوك مالي خلق أي شي اليوم ..

خالد ناظر سامي : اهاا .. حساااافه كان ودنا نروح نسهر مع الشباب بشقة وليد ...

نواف اصلا حمد ما رح يكون موجود : عاادي روحوا ..

خالد : انت ما تدري انه بيسافر ؟

نواف : إلا ادري يومين و بيرجع ..

خالد : طيب لزوووم نودعه و لا ؟

نواف : اقولك يومين وراجع ماله داعي نودعه ..

خالد : كيفك انا قلت ترى كل الشباب بيجتمعوا عنده .. حمد و فيصل و عبدالرحمن ....

نواف : حمد بيجي ؟!

خالد ابتسم لسامي : أي اكيد هو عايش هناك اصلا ..

نواف غريب كان في بيت اهله : اهاا طيب طيب ..

خالد : طيب ايش ؟ رح تجي ؟

نواف : بشوووف اذا كان لي خلق جيت ..

خالد : اوووكيه نشوفك هناك ...

ثم قفل من نواف و رجع لسامي .....

خالد : شفت قلت لك اذا حمد موجود بمكان اكيد رح يروح له ..

سامي : لحظه الى اللحين ما اثبتنا شي .. اذا رحنا شقة وليد و هو جا رح اصدقك .. و ببدا أقلق زيك ..

خالد : رح تشوف ...

ألتقت الجوهره بالجوري بمطعم يطل ع البحر .... بعد السؤال عن الاحوال ......

الجوري : حبيبتي عطيني موضوعك انتي و خالد من الآخر ..

الجوهره تنهدت : اكتشفت اني ...... ( سكتت )

الجوري : بدينااا بالدراما اللحين قولي الزبدة ..

الجوهره : ان كان صمتي و غيرتي تفسر بعشق و حب مكنون انشهد اني احبه و احبه و احبه بجنون ....

الجوري تستوعب : الله الله الله ! وش ذا الحكي .. قمنا نقول اشعااار يا جوجو هاااه ... طلعتي رومانسيه ..

الجوهره خجلت : عن الكلام الزايد .. ما ادري كيف بس هذا الكلام كان على لساني و قلته بدون شعور ...

الجوري : الله ع الرومانسيه يا نااس .. اصلا كنت عااارفه انك تحبينه ..

الجوهره مستغربه : عاااارفه ؟!!

الجوري : أي طبعا عارفه .. أي احد يحب يبين عليه ..

الجوهره : تكفييييييييييين .. انتي ما حبيتي احد ؟

الجوري : خليك مني اللحين .. اش بتسوي مع اختك ؟

الجوهره : تعبت و انا افكر بأختي .. و ماعندي أي جواب مو عارف اش بسوي معها ..

الجوري : مو مشكله المهم انك لقيت جواب على سؤالي ..

الجوهره : لا والله مشكله و مشكله كبيره بعد .. انا احبه أي بس ما رح اتجرأ و اعترف له بالعكس رح احاول ابعد عنه ...

الجوري رفعت حاجب : وش الفايده من حبك اجل ؟!

الجوهره : انتي قلتي تبين جواب و انا جاوبتك .. و الباقي بخليه للأيام ..

الجوري : آآآه بس .. حكايتك أليمه ..

الجوهره : انتي اللي قلبتيها دراما اللحين ..

الجوري : ههههههه انعديت منك ..

الجوهره : كااااك احلفي !

طلبوا أي سكريم و اكلوا و تفرجوا ع البحر ....

الجوري : صح و منار ؟

الجوهره : منار يا منار اشتقت لهاا ..

الجوري : طيب و بعدين ..

الجوهره : ابد ما رح اطلع من عزيمة الخميس الا و عنوانها معي ..

الجوري : وش بتسوين ؟

الجوهره : يومها رح تشوفي .. بس الاكيد ما رح اسأل عمي ..

الجوري : اصلا كل ما سألناه يصرف ..

الجوهره : السالفه فيها إنّ و احنا لازم نعرف ..

الجوري : اكيييد و انا معك ..

الجوهره تنهدت : متى يجي الخمييييييييس بس ...

الجوري غمزت لها : ههههه عشان تشوفي حبيب القلب ...!

الجوهره : لا والله عشان منار ..

الجوري : يب يب مصدقتك ..

الجوهره : إلا تسلكي لي ..

الجوري : هههههههههههههههه دامك دريتي ....

تمشوا الى الليل و كل وحده رجعت لبيتهاا ....

بس قبل يجي الليل نروح لأصايل وصلت بيت العنود .... سلمت على عمها و الموجودين ثم صعدت ع غرفة العنود ع طول ....

اصايل : سلاااااااااااامووو ..

العنود تركت اللي بيدها و راحت ركض سلمت عليها : يا الدووووبه ..

اصايل : هههههههه ردي السلام طيب ...

العنود : سلمي زي الناس مو " سلاااامو " ...

اصايل : طيب آنستي .. السلام عليكم و رحمة الله و بركاته ...

العنود : كذا انتي اوكيه ... و عليكم السلام و رحمة الله و بركاته ...

اصايل قعدت ع السرير : تعااالي هنااا يا بنت تعااالي ..

العنود : همممم اش في ؟

اصايل : ليش امس طلعتي من بيتنا بدون ما تعلميني ؟ انا قلت لك بتسبح و اطلع .. يوم طلعت لقيتك اختفيتي !!!

العنود : سااامحيني بس طلع لي ظرف ..

اصايل : ظرف هااااه ! تراي دريت انك قابلتي خالد ... عشان كذا طلعتي زعلانه من البيت ...

العنود نزلت راسها باحراج : انا .. ما .. ادري ليه رحت اشوفه ..

اصايل تنهدت بقوه : عااااادي ياختي هذا الحب ...

العنود تناظرهاا باستغراب : اصوووول ما ورى هالتنهيده الا حب مخبى ..

اصايل : وييييييييييييين انا احب ..

العنود : و ليه وش ناقصك ألف واحد يتمناك ...

اصايل حسافه صلاح مو من الألف : المهم لا تزعلي من خالد .. ما ادري اش صار له ما كان يجرح الناس كذا ..

العنود : لااا عادي مهما سوى ما ازعل منه ..

اصايل : يااا عيني ع الحب يا عيني ...

العنود بخجل : ههههههه اسكتي بس ....

و ظلت معها لـ الليل ثم رجعت بيتهم .....

نجي لهذا الليل .. بالتحديد بعد صلاة العشاء ... وصل الجميع للشقه عدا نواف ..... وليد كان مجهز بوفييييه عشى ..

حنان الى اللحين ما تعودت على الجمعه معهم احس بضيق لا صاروا حولي ...

فيصل لاحظ عليها الضيقه : حمد اذا ما ودك تقعد عادي ترى نطلع نتمشى اش رايك ...؟

حنان والله فكره حلوه : اوكيه ليش لأ ..

فيصل استانس : يلااا ..

عبدالرحمن : على وين ؟؟؟؟

فيصل بدون نفس : نتمشى ...

عبدالرحمن : اللحين ؟

فيصل : لااا بعدين ... وش شايف انت ؟

وليد : اوووه كني سمعت في احد بيترك السهره ..

عبدالرحمن : خويك فيصل مو حاب يقعد معنا مدري يمكن ما نعجبه ..

فيصل طنش : انا و حمد ودنا نطلع شوي نتمشى ...

وليد : سلااااااماااات .. ممنوع .. السهره هذي لنا كلنا و حسبتكم ع البوفيه كيف تسحبون ؟!

فيصل : عااادي نص ساعه او ساعه بالكثير و بنرجع ..

وليد : عن الدلع الماصخ خلكم بس ... آخر يوم لي هنا بقعد معكم قد ما اقدر ...

حنان ايييه صح ما عاد بشوفه رح يطول .. بس سنه مره سفرته بتطول ..

فيصل : لااا ياا شيييخ ! اخر يوم ؟ و اذا ؟! كلها يومين وراجع ..

حنان ما انتبهت لكلمة فيصل كانت تفكر فيه كيف انه ما عاد رح تشوفه .. وليد ناظرها لقاها سرحانه .. ابتسم على شكلهاا ...

وليد ههه حمد ما انتبه ان سفرتي يومين بس : اذا حمد وده يقعد خله انت بتروح مع السلامه ...

فيصل : اصلاا هو ....

حنان قاطعته : خلاااص فيصل خلنا نقعد ..

فيصل انصدم : اييييييييش ؟! بس انت .....

حنان : خلااااص اخر يوم له ليه حتى ما نقعد ...

فيصل مو انتي متضايقه .. اليوم حنان ماهي طبيعيه .. احس اني معصب منها حيييييييييييل .. الوعد بالغرفه يا حنان ...

عبدالرحمن جا و قعد جنبهاا احاطها بذراعه .. طلع جواله .. و فتح الكام ....

حنان لسا تحاول تستوعب الموقف : خييييييييييييييير !

عبدالرحمن : بناخذ صوره مع بعض ...

حنان تناظر فيصل اللي بالكاد ماسك نفسه ...

حنان : ماله داعي الصور ..

عبدالرحمن : تكفى تكفى طلبتك .. اش معنى وليد و نواف ...؟

فيصل فتح عيونه ع وسعهم .. متى اخذت صوره مع نواف و وليد ؟!!!!

حنان فيصل اكيد بيقتلني الليله : وش تبي بصورتي ..؟

وليد : هههههه يقول صورك حلوه ...

عبدالرحمن : يلا ابتسم بسرعه ...

حنان ابتسمت غصب بس عشان تتخلص منه : و هذي ابتسامه ...

عبدالرحمن : وش ذي الابتسامه حسستني كأن احد مكفخك و قايلك ابتسم ..

خالد & سامي & وليد : ههههههههههههههههههه ...

خالد : عليك تشبيه يا خي ..

سامي : من جد هههه ...

وليد : وينه نواف الى اللحين ما جا ؟

سامي : يمكن ما يجي ..

خالد : لا بيجي صدقني ...

فيصل ما كان ناقصنا الا نواف .. يكفي هذا عبدالرحمن لازق بحنان ما تركها في حالها .. آه لو كنت اقدر كان ذبحته اللحين ...

ما مر وقت كثير حتى اندق الباب ....

خالد لف ع سامي و همس : شفت قلت لك هذا اكيد نواف ...

سامي : لا تكون واثق يمكن مو هو ...

راح وليد يفتح الباب و بالفعل طلع نواف ....

خالد : و اللحين صدقتني بالاخير جا ..

سامي : براقب نظراته و حركاته و بشوف ...

دخل نواف للصاله سلم عليهم واحد واحد سلام باليد الا حنان سلم عليها خد بخد .. محد كان منتبه له الا فيصل و سامي اللي يراقبه ....

حنان تحط يدها ع خدها .. من جد مو وقته .. خل اطلع من صدمة هتان عشان ادخل بصدمه غيرهاا ..

فيصل قعد جنب حنان بالضبط : خلينا نطلع من هنا بسرعه ..

حنان همست : ليه طيب ؟ رح يشكوا ..

فيصل ماسك نفسه : ما يهمني .. نواف من قعد ما شاال عينه عنك اكلك اكل بنظراته ... و الشي هذا مزعجني ...

حنان : ما يهمني يناظر قد ما يبي ..

فيصل مسك يدها و ضغط بقوه و قرب لاذنها و همس : قلت قووووووومي احسن لك ....

حنان خافت : ط طيب بقوم ...

نواف شاف فيصل لما مسك يدها و همسه لها صار عنده فضول يعرف اش فيهم .. سامي لازالت نظراته تتابع نواف و يحلل تصرفاته ... كانوا مشغلين موسيقى عاليه بالشقه و وليد و عبدالرحمن يلعبوا مباراة مع بعض .. خالد يتناقش مع سامي بخصوص نواف .. و نواف مشغول باله في حمد بهذي اللحظه وين رايح مع فيصل ؟

وليد : هييييييييه وين رايحين ؟

فيصل : بنطلع شوي و نرجع ما رح نتأخر ...

طلعوا من الشقه .. نزلوا ع تحت و قعدوا قدام بوابة العمارة ..

حنان : ليه جبتني هنا ؟

فيصل : بس كذا ..

حنان : انت صرت مو معقول ... و انا صراحه تعبت معك ..

فيصل : تبيني اشوفهم يناظرونك و اسكت ..

حنان : عاااااااااااااااااااااااااادي انا ولد !

فيصل : ما اقدر ..

حنان : خلنا نرجع ..

فيصل : اصبري الى ان كل واحد يروح بيته ..

حنان : من جدك انت ؟ و بنقعد في الشارع !

فيصل : خلينا نروح بيتنا نقعد مع الاهل شوي ...

حنان : مستحيل ما ابي اشوف سميه .. بعدين انت كنت عندهم العصر ..

فيصل : طيب انسي نرجع الشقه اللحين ..

حنان وش اسوي مع هالانسان : خلاص اسمع خلنا نطلع الشقه و انا بقولهم اني تعبانه ابي انام و اعتذر منهم و اروح غرفتي ..

فيصل يفكر : اممم ممكن .. بس خلينا نقعد ع الاقل ربع ساعه ..

حنان : اوووكيه ....

بالشقه ....

وليد : يلااا نواف دورك ...

نواف : هونت ما عاد ودي ألعب ...

وليد باحباط : لييييييييييش ! كان ودي اهزمك ..

نواف : اتخسي تهزمني ..

وليد : طيب تعال و احنا بنشوف مين اللي يخسي ..

نواف : جد جد مالي خلق ...

سامي : خالد روح انت ألعب مع وليد ..

خالد : ليش لأ .. بهزم وليد لعيون نواف ..

نواف ابتسم : تسلم عيونك ..

خالد رد له بابتسامه ... سامي راح و قعد جنب نواف ..

سامي : انت تضايقت لان حمد طلع ؟

نواف تفاجئ من السؤال : و ليش اتضايق ؟

سامي : انسى ما كان له داعي اسأل ..

نواف مستغرب وش قصة سامي ...

عبدالرحمن يتلفت حوله : هئئئئئئئئئئئئ وين الحب حموووودي ..؟

وليد : هههههههههههههه صباح الخير .. ما شفتهم طلعوا و احنا نلعب ..؟ حتى اني سألت فيصل وين رايحين ..

عبدالرحمن : أمااا ما انتبهت .. وين راحوا طيب ؟

وليد : بيتمشوا شوي و راجعين ...

عبدالرحمن يضرب بيده ع فخذه بقهر : حساااافه كان ودي اروح معهم ..

وليد : هههههههه اه يا النذل ما ودك تقعد معنا ..؟

عبدالرحمن : لااا وجيهكم شينه مافي ازين من حمد ...

وليد : شف شف و يقولها قدامي .. اقول طس بس مافي احلى و لا اوسم مني ...

خالد : اقول سوي ستارت بس ..

وليد : هههههه نسيت اللعبه ...

نواف وش يبي بحمد ذا .. ما شاف الا حمد ؟! .. اوووف وانا ليش مهتم ..

مرت الربع ساعه و رجعوااا ... فيصل قعد معهم .. حنان استأذنت و راحت غرفتهاا ....

وليد : فيصل ادري انك غثه و ما تنطاق بس ودي اباريك مباراة وحده و اهزمك شر الهزيمه عشان تعرف ان الله حق ...

فيصل : و انا ما اطيقك و لا ابي ألعب معك و شكرا ...

خالد : هههههههههههه انت اهزمني بالاول ...

وليد : والله خاطري اهزم فيصل .. انت يا خالد لاحقين عليك ...

نواف حمد كان متضايق انا متأكد .. ما حصلت لي فرصه اقعد معه او حتى اسأله عن حاله .. اكيد تعبان زي ما قال وليد امس .. كان ودي اسولف معه بس المشكله فيصل من جد غثه لزق بالولد كنه متقصد حتى لا احد يسولف معه .... معليه انا اعرف كيف اكلمه ...

نواف وقف بيمشي .......

سامي : وين ؟؟؟

نواف : بروح للحمام -الله يكرمكم- ...

سامي : اهاا اوك ..

طلع من الصاله .. الى ان اختفى عن انظار الجميع ...

نواف حاط اصبعه على ذقنه .. هذي غرفة حمد اروح له و لا ما اروح .. دام اني وصلت الى هنا ليش ما اروح ....

مشى بهدوء للغرفه .......

فيصل لاحظ ان نواف اختفى سأل سامي عنه ...

فيصل : وين راح نواف ...؟

سامي : يقول يبي الحمام -الله يكرمكم- ..

فيصل تطمن : آها ..

سامي باستغراب : بغيت منه شي ؟

فيصل : لا بس سؤااال ..

سامي غريب سأل عنه و انا احس انه ما يطيقه .. وش سر العداوه بينهم يا ترى مع انهم حسب ما اعرف توهم قبل اسبوع تعرفوا ع بعض ..

أما حنان كانت قاعده على سريرها ماسكه الجوال تتصفح صور سعد و سعود اخذتها يوم نامت عندهم امس بالبيت .. تشوف الصور و تضحك .. اندق باب غرفتهاا ...

حنان اكيد هذا فيصل و رح يهزأني .. آه يااا ربي زهقت منه و من تصرفاته ...

قاممت فتحت الباب .. تجمدت بمكانها من الصدمه ....

حنان : أ أ أنت ...

نواف : ممكن ادخل ؟

حنان وش اقوله اكيد لو كنت بنت بقول لأ بس انا ولد .. وش اسوي لو شافه فيصل بالغرفه بيذبحني و يذبحه معي ... اصلا شكل الروايه ما رح تخلص الا و انا ميته على يد فيصل ...

نواف مستغرب عدم ردها : يعني ما ادخل ؟

حنان : اذا قلت لك اييه بتروح ؟

نواف دفش الباب و دخل : اكيد ماني برايح ...

حنان تركت الباب مفتوح شوي : وش بغيت ؟

نواف يناظر الغرفه : احس الغرفه متغيره شوي ...

حنان لازالت واقفه ع الباب .. تكتفت : جاي تتأمل الغرفه يعني ...؟

نواف ابتسم : لااا جااي اتأملك انت ...

حنان اللحين هو يمزح و لا ايش الوضع بالضبط ؟ : لا جد وش بغيت مني ؟

نواف : انت كنت تعبان امس و انا حبيت اتطمن عليك ..

حنان : من قالك اني تعبان ..؟

نواف رح حاجب : وليد قالي .. انت مو رحت بيت اهلك و غبت عن المدرسه لانك تعبان ؟؟؟

حنان : مو ذاك التعب ارهاق عادي .. ما كان فيني شي ..

نواف حقيييييير وليد شكله يتمصخر علي : و اللحين كيف صرت ؟

حنان : الحمدلله ما فيني شي .. بس ودي انام ...

نواف : يعني زي حس على دمك و اطلع ...

حنان الله ع الذكاء هههه ! : افهمها باللي ودك فيه ...

نواف : لا تكلمني كذا .. احنا مو اتفقنا نصير اصحاب ..؟

حنان : انا اكلمك عادي زي ما اكلم الكل .. انت كيف تبيني اكلمك ؟

نواف : ع الاقل حسسني انك مبسوط لاني جيت اتطمن عليك ..

حنان ضحكت غصب : هههههههه يعني ارقص مثلا !

نواف : ياا شين مزحك لا مزحت ...

حنان : هههههههههههههههه ...

نواف ناظرها بتفحص : بس يا زين ضحكتك لا ضحكت ..

حنان سكتت : ممكن تطلع ابي انام ..

نواف : بطلع بس ودي اطلبك شي ..

حنان : وشو ؟

نواف : ممكن اشوف بطاقة الاحوال حقتك ؟ ودي اشوف صورتك فيهاا ..

حنان هئئئئ وش ذي المصيبه اللي ما خطرت على بالي انا بنت و ما معي بطاقة احوال .. اصلا حتى اسم حمد اسم وهمي .. ما خطر لي ابدا ان احد يسألني عنهاا ...

نواف اذا ما شفت بطاقته رح اتأكد انه بنت : وين شردت يا حلووو ؟

حنان : آ ممم بطاقتي تركته بالبيت عند امي ..

نواف تنهد : حسااافه كان ودي اشوفهاا .. لازم اشوفها ..

حنان : و ليه مصر ؟

نواف ابتسم بخبث : ودي اتأكد من شي ..

حنان خافت .. اكيد عرف اني بنت و بيتأكد ...

مشى باتجاهها بخطوات واثقه قرب منها و هي تبعد يقرب و هي تبعد الى ان لزقت بالباب اللي وراهااا .. نواف مد ذراعه للباب على يمينها حجزها من ناحيه وحده .. قرب وجهه من اذنها و همس .........

نواف : اذا ما شفت بطاقتك بتأكد اخيرا انك بنت .. تراي للحين شاك ...

حنان ما تدري بذيك اللحظه تخاف و ترجف و لا تعصب و تدفشه و لا تسكت و تطنشه .. اختارت الاخيره ....

نواف عطاها ذيك الابتسامه و طلع من الغرفه شاق الحلق .. يحس انه منتصر و يحس انهااا صدق بنت .. و بيجيه الاثبات عن قريب ...

حنان والله ما اقعد افكر فيك يا نواف الزفت راسي مصدع و مليان مشاكل طلعت لي انت بعد .. كل ماله الموضوع يتعقد .. احسن حل اني اغير ثيابي و اقفل الغرفه و احط راسي وانام وراي دوام و ماني مرتاحه خلقه الله يستر من بكره ......

طلع للصاله و هو مبسووط عكس يوم راح ...

نواف : وليد يلااا انا موافق اتحدااااك .. و من اللحين اقولك تراي بكسر راسك ...

وليد : هههههههه ايييييه كذاا الناااس .. يلااا نشوف مين يكسر راس مين ..

خالد خلص لعب مع وليد و قام و جا نواف مكانه ...

خالد : ما تحس انه مره مبسوط عكس يوم جا ؟

سامي : أي والله صدق وش عنده ..

خالد : اندري مو انت كنت تراقبه ..؟

سامي : بس ما صار شي غريب اللهم انه راح الحمام -الله يكرمكم- ..

خالد : انت شفته يوم دخل للحمام -الله يكرمكم- ؟

سامي : لأ الحمام -الله يكرمكم- بعيد شوي عن الصاله و ما نقدر نشوف من هنا ؟ .. وش قصدك من السؤال وش تفكر فيه ؟

خالد : يمكن قابل حمد ..

سامي : ههههه و حمد بيخليه مبسووووط ؟!

خالد : اييييه بيخليه مبسوط في حاله وحده اذا كان ........

سامي قاطعه : قلت لك لا تبااالغ ..

خالد : بس اقول ....

و بكذا انتهت السهره الساعة 12 و نص .. و ودعوا وليد ثم كل واحد راح لبيته .. فيصل المسكين قعد ساعه يدق باب الغرفه و حنان بسابع نومه بس في الاخير صحت و فتحت له الباب هزأها بس ما كانت معه كانت مع المخده ههه ..

الساعه 1:30 بعد منتصف الليل .. وليد يجهز اغراضه للسفر باقي ساعه و نص عن موعد الطياره .. لازم يطلع للمطار .. لانه رح ياخذ ساعه من بيته للمطار ...

حنان كان ودها تصحى تودعه .. عدلت منبه ع الساعه 2 حتى تودعه بس هو مشى قبل هالوقت .... طبعا صحت تحسرت لانها ما شافته ...

اذن الفجر و طلع الصباح ... راح فيصل للمسجد صلى ثم رجع .. حنان جهزت فطور خفيف ... فطروا ثم بدأو يستعدوا للدوام .....

فيصل : اليوم وليد مو موجود .. و اليوم ما ابيك تكشخين فهمتي ؟

حنان : ايييه فهمت .. كرهت الكشخه و ابو الكشخه ..

فيصل : احسن .. ما احب احد يناظرك ..

حنان بعصبيه : يااا ربي انا ولد .. حتى انت يناظروك ...

فيصل : هههههه ادري لانهم خاقين علي ...

حنان : أي عادي انت بس انا لأ ..

فيصل : انتي غير انتي بنت ..

حنان : بس بس النقاش معك مستحيل خلني اروح ألبس احسن ما نتأخر ..

فيصل : ايييه و يا شينه لو كان استاذ حسن بأول حصه ...

حنان شهقت : هئئئئئئ والله ما يدخلني .. هذا حاقد علي مع اني مسكينه ما سويت شي ..

فيصل : ههههه مسكينه هااه ... انا سمعت اشاعه عن استاذ حسن بس ما ادري هي صدق و لا لا ...

حنان : اتحفنا وش تقول هالاشاعه ؟

فيصل : يقولون انه يكره الشباب الحلوين و اللي يهتمون باشكالهم ..

حنان : خير ان شاء الله و ليه يعني ؟

فيصل : ما ادري عنه ..

حنان : يمكن لانه شين و يغار مننا ..

فيصل : ههههههههههههه اخوووص يا الخقه محد قدك اللحين .. انتي خقه لانك بالاصل بنت ...

حنان : وش قصدك ؟ يعني لو لبست بنت ما بكون خقه ؟

فيصل كتم الضحكه : لاا انا ما قلت كذا ..

حنان : اصلا عااادي ما يهمني رايك ... خل اروح ألبس بس ..

انــــــــتهى البــــــــــارت