شبكة همس الشوق - عرض مشاركة واحدة

4 - 8 - 2015, 03:07 PM

بـــــــــــــــــــــــــــــارت [30]

فيصل كتم الضحكه : لاا انا ما قلت كذا ..

حنان : اصلا عااادي ما يهمني رايك ... خل اروح ألبس بس ..

راحت غرفتها لبست و جهزت حالهاا ..

فيصل بصراخ : يلاااا يا بنت تأخرنااا ..

حنان : يلا هذاني جايه بس ألبس الساعه ..

فيصل يتلحطم : لااا حول حتى و هي ولد لازم تكشخ .. ما تدري ان الاولاد يصحون للدوام و انفسهم في خشهم لااا و بعد تبينا نكشخ !

حنان طلعت من الغرفه : هااااه قلت شي ؟!

فيصل : لا ابد سلامتك .. ( يناظرها من فوق لتحت ) خلصتي ؟ ..

حنان : ايييه يلااا ..

فيصل : حلوو اليوم شكلك كأي طالب ثانوي طبيعي ..

حنان : ليه قبل ما كنت طبيعيه ؟

فيصل : والله انتي ادرى ...

طبعا كانوا لابسين ثوب و غترة بدون عقال فيصل ما لبس غترة .. لبست جاكيت اسود من فوق الثوب و ساعه لونها اسود ما لبست كبكات و ثوبها كان مره عادي عشان تصرف الانظار عنها ..

هالمره راحوا للمدرسه مشي صحيح حنان تذمرت بس ما سمع لها فيصل .. و وصلوا للمدرسه ....

فيصل : اشوى ما تأخرنااا ..

حنان : وش مدريك ما اشوف طلاب ...

فيصل : دام الحارس واقف ع الباب معناته ما تأخرنا و الطلاب اكيد قاعدين بفصولهم من البرد ..

حنان : والله من كثر ما مشيت احس بالحر ..

فيصل : يمدحون الرياضه و خاصه المشي مع الصباح ..

حنان : ايييه سلك لنفسك بس ...

فيصل : ههههههههه خلنا ندخل يا وليد ..

حنان أي بندخل و قلبي مو مرتاح .. مو هتان قال يبيني اليوم اطلع معهم للرياض .. بس اكيد هو عارف اني بسحب مستحييييييل اروح معهم .. عشان كذا احس ماني مرتاحه اليوم بالذات و خايفه و الله يستر .......

وصلوا لفصلهم تفاجئوا .. مشاري و هتان و شلتهم قاعدين بفصلهم...

حنان لا اراديا مسكت ذراع فيصل بقوه من الخوف : و وش جابهم هنا ..؟

فيصل استغرب خوفها : معليك منهم خلنا نقعد اماكنا و انت طنشهم ..

قعدوا بأماكنهم .. و هتان و الشله كلهم انظارهم عليهم ...

حنان : فـ فيصل ليش يناظرونا كذا ؟ بديت اخاف ..

فيصل : عااادي هذي حركاتهم .. زي ما قلت لك طنش ..

و بدوا يتكلمووون بصوت عالي عشان فيصل و حنان يسمعوا .....

مشاري : هاا شباااب وش سوينا بـ عمار امس ؟

واحد من الشله : يا انه تكففففخ ..

واحد ثاني : تخيل ترجانا عشان نسامحه ...

مشاري & هتان : هههههههههههههههههههههههههههههههه ..

حنان : وش يتكلمون عنه ؟

فيصل : الظاهر انهم تهاوشوا مع عمار امس ..

حنان : لييييييش عمااار داوم ؟؟؟

فيصل : ايييه داووم ...

حنان حطت يدها ع فمها : نسيناااا نقوله اننا ما رح نداوم ...

فيصل : لااا قلت له بس هو أصر انه يداوم ..

حنان بخوف : يا ترى اش صار عليه ؟

فيصل : لا تصدقينهم هم يقولوا كذا عشان يخوفونا بس ..

حنان تتلفت : بس عمار ما جا للحين !

فيصل : تو بدري شوي و يجي ..

حنان ان شاء الله ما يكون صار له شي .. بطني من الخوف يوجعني .. فيه شي خايفه منه ماني مرتاحه ...

مشاري يهمس : هتان منت خايف لا يروح وليد(حنان) و يقول لعادل عن محادثاتكم بالبي بي ...

هتان : عادي و اذا ..

مشاري : ما شاء الله و لا هاامك ..

هتان : ايه مصيره بيعرف انه انا ...

دقااايق و دخل الاستاذ و طلعوا هتان و شلته من الصف و بدت الحصه ... و في نص الحصه دخل المدير ... الكل تفاجئ الاستاذ خاف على باله في مصيبه ..

المدير : السلام عليكم ..

الكل : عليكم السلام ..

الاستاذ : هلا بحضرة المدير ..

المدير : هلا فيك استاذ فواز >> استاذ مادة الاحياء ..

الاستاذ بقلق : عسى ما شر ؟

المدير : ما شر يا استاذ فواز .. بس حبيت اقدم لكم طالب جديد انتقل لمدرستنا عن قريب ..

الاستاذ غريب وش عنده جاي بنفسه عشان طالب ؟! : الله يحيه .. وينه ؟

المدير ناداه من ورى الباب : يا نواف حياك تعال ...

دخل نواف شاق الحلق مبتسم و فرحان ....

حنان هئئئئئئئئئئئئئئئ نووووووووووواف في مدرستنا !

فيصل ليش جا هنا ؟.. فوق ما انا ماني بطايقه ... لااا و انتقل لمدرستنا بعد ..

نواف : السلام عليكم ...

الكل رد السلام ...

المدير : اختار لك مكان يا نواف و اقعد فيه ...

نواف شاف المكان اللي ورى حنان فاضي اللي هو مكان عمار اصلا .. و عمار كان غايب .... راح بكل ثقه و قعد فيه .. فيصل كان بيكلمه و يهاوشه بس لان المدير و الاستاذ موجودين ما يقدر ... ثم كملوا الحصه و بعد ما انتهت .. فيصل لف على نواف ...

فيصل : وش مفكر نفسك تسوي ؟

نواف : ليه وش سويت ؟؟؟!

فيصل : اش جابك مدرستنا ؟ لا و قعدت مكان صديقي ..

نواف : انا انتقلت هنا ليش حمد ما قالك ؟

فيصل : آآآآش اسمه وليد ...

حنان استغربت : ايش اقوله ؟؟

نواف : آوه سوري وليد .. انا ارسلت لك بالبي بي ليه جيت مدرستكم قبل امس و قلت لك اني بنقل ...

حنان : هههه معليش ما فتحت رسايل البي بي ...

نواف يطنشني بالبي بي كعادته : مدرستكم ماهي بشينه .. و حتى مديركم حليو ...

حنان : غريب محد مدحه الا انت ..

فيصل بحده : جاوبني ليه نقلت لمدرستنا ؟

نواف : و انت اش دخلك !

حنان : شباااب ماله داعي تتهاوشون ....

طبعا مشاري كان قاط اذنه عليهم حاب يسمع و يعرف مين نواف ...

قطع عليهم هواشهم دخول معلم الحصه الثانيه ..... استمرت الاوضاع طبيعيه لغاية وقت الفسحه ....

فيصل : وليد يلا امش نروح نشتري فطور ...

نواف : و انا بجي معكم ..

فيصل : خيييييير تجي .. ما نبيك .. إلا بتنشب لنا يعني ...

نواف : والله انا بروح مع وليد ..

فيصل عصب : قووول انك نقلت لمدرستنا عشانه ...

نواف : أي عشانه فيهاا شي ...

حنان صرخت : تكفوووووون بلاااا هوااااش .. و فطوركم ما ابيه ...

مشاري يراقب الوضع و عرف ان بينهم مشاكل ... ثم طلع يقابل شلته بالحوش الخارجي للمدرسه كان عندهم اجتماع ...... و وصل مشاري كان كل الشله حاضرين .......

هتان : تأخرت يا الورع ...

مشاري : عندي لكم اخبااااار ناااااار ..

هتان : قول قول بسرعه ..

مشاري : تذكر الولد اللي جا يوم تهاوشنا بالفصل قبل امس و اللي جا ذاك اليوم و اخذ وليد منا يوم كنا بناخذه معنا ...

هتان : أي و اللي شفناه بالمطعم ؟

مشاري : ايوووا هو .. انتقل لمدرستنا و هو بفصلي اللحين ..

هتان : أمااا وش يبي ..؟

مشاري : سمعت فيصل يهاوشه .. يقوله انت جيت للمدرسه عشان وليد ..

هتان باهتمام : و هو اش قال ؟

مشاري : قال أي عشانه جيت ..

هتان : شف ابن ما ادري مين جاي بياخذه بسهوله ..

مشاري : هههههه ورينا يا عم وش بتسسوي فيه ..

هتان : اللحين خلنا نخطط كيف بنجيب راس وليد .. و بعدين نشوف لذا الغبي حل ...

مشاري : أي يلا قول لنا وش هي الخطه ؟

هتان : اسمعوا ..............

نرجع لفيصل و البقيه لازالوا بالصف .....

فيصل : اخلصوا علينا الفسحه بتخلص و احنا ما فطرنا ..

نواف : انا ما ادل بالمدرسه و لا كان رحت ...

فيصل : انت خلك ساكت ...

نواف : محد كلمك ..

حنان بنرفزه : اووووووووه و بعديييييين !

فيصل : انت اترك الدلع و يلا خلنا نروح نشتري فطور .. و لا حاب تقعد لحالك ..

نواف : ما رح يكون لحاله بكون معه ...

فيصل ما الخوف الا منك : يا سلااااام !

نواف : مو عاجبك انا ؟

فيصل : اكييييييد منت عاااجبني ..

نواف : ما يهمني رايك فيني ..

فيصل : اجل ليه تسأل ... ( هذا زودها و انا ميت جوع ) .. هييه انا بروح افطر اذا ودك تجي تعال .. ما ودك كيفك تحمل اللي بيصير لك ..

حنان ما نسيت اللي سواه نواف امس .. مستحيل اقعد مع نواف لحالنا و هو شاك فيني اصلا من جد من جد الموضوع تعقد اكثر و اكثر ..

نواف مستغرب : وش قصدك ؟ وش بيصير له يعني ؟

فيصل طنشه و عطاه مقفاه و مشى ....

حنان : دقيقه فصيييييل ابجي معك ...

فيصل ابتسم بنصر : يلا بسرعه ...

طلعوا فيصل & حنان من الصف ظل نواف لحاله .....

نواف : سلاااامات تركوني لحالي ... والله ما غير ألحقهم ....

نرجع لأجتماع شلة هتان .....

هتان : اول شي لازم نستدرجه ... يلا عطوني افكاركم ...

واحد من الشله : انا اقول نسوي زي امس نكفخ فيصل و انتم تاخذوا وليد من عند البوابة ...

هتان : لا لا انا ابي اخذه بدون ما يدري فيصل بيسوي لنا مشكله اذا درى ..

مشاري : يااخي صعبه ما تجي ...

هتان : إلا تجي فكروووا بس ..

مشاري : اممممم وش رايك قبل نهاية الحصه السابعه بـ 5 دقايق واحد من شلتنا يطلع و ينادي وليد على اساس ان الوكيل يبيه ضروري .. بس لازم يكون اللي بيروح يناديه ما قد شافه وليد معنا عشان يتطمن و يطلع ..

هتان : ووه والله انك خطيييييير .. احلى فكره صراحه ..

مشاري ابتسم بفخر : هههه ادري ان افكاري خطيره مو بس انت ...

هتان عطاه نظره : صدقت حالك هاااه .. المهم نبي واحد ينفذ .. المشكله ان كلكم ياللي قاعدين شافكم وليد و فيصل معي ...

واحد من الشله اسمه نادر : انا بقول لخويي متعرف عليه بداية السنه و ما قد طلع معك او مع مشاري ...

هتان : اوووكيه اجل تم ...

مشاري : لحظه وش اللي تم ؟ .. اذا ناديناه وش بتسوي بعدين ؟

هتان : اللحين هذي فكرتك وش دراني وش بنسوي انت قلت نناديه قبل لا تنتهي الحصه .. علمنا وش بنسوي بعدين ؟

مشاري : ما ادري عنك انت الزعيم و لا انا .. خلني افكر شوي ...

هتان : على بال ما تفكر .. انت قووووم ( يقصد نادر ) روح شوف خويك و قوله على اللي اتفقنا عليه عشان اذا ما وافق ندور غيره ..

نادر : ابشر اللحين اروح .......

هتان : و انت كمل وش نسوي بعدين ؟

مشاري : شوف انت متى ودك تستخدم المنوم ؟

هتان : انا قلت نستخدمه اذا صرنا على طريق الرياض لانه اكيد ما رح يسكت و بيزعجنا ...

مشاري : همممم وش رايك اذا ناديناه نخليه يشرب المنوم و بتاخذه بعدين للسيارة بهدوء وش قلت ...؟

هتان : صح علييييييييييك هذي هي .. خلاص اتفقنا ..؟

رجع نادر و معه خويه .....

نادر : ابشركم يا عيال خويي مواااافق و بيسوي اللي تبونه ..

هتان : كفووو والله كفووو يا الذيب ...

الولد شاف حاله هههه ..

مشاري : يعني خلصنا اجتماعنا و خطتنا جاهزه صح ؟

هتان : أي خلاص كل واحد عارف وش يسوي ...

مشاري : طيب مين بيروح معنا للرياض ...؟

هتان : من اللي قاعدين بس نادر و عزوز و باسل و حمزه و احمد و عبدالرحيم ..

مشاري يناظر الشله : و الباقي ليه ما بتجوووون ؟

هتان : سألتهم اللي ابوه مو راضي و اللي ما عنده سيارة و اللي و اللي إلخ ............

مشاري : بس احنا قليل ...

هتان : معليك لسا فيه من برى الشله بيخاوونا بالطريق عندك عساف و خويه طلال ..

مشاري : اوووه اذا كذا كويس ...

حنان و فيصل طلعوا يشتروا فطور .. نواف لحقهم ....

فيصل بهمس : هذا ليش لاحقناا ؟

حنان : فيصل لا تدقق اعتبره عمار ..

فيصل : يخسي يكون عمار ..

حنان : يا إلهي قلنا اعتبره .. وش فيك اليوم ابد ما تنطاق !

فيصل : ما ادري قلقان على عمار ...

حنان : ايييه صح تتوقع كلام مشاري صدق و ضربوه امس ..

فيصل : علمي علمك .. ودي ادق عليه اتطمن .. مع اني قلت له امس لا يداوم ما سمع كلامي ...

حنان : الصراحه غباااء لييييييه دوام و هو لحاله !؟

فيصل : عشان ماا يقولون عنه جبان ..

حنان : خويك ذا عنده عقده اسمها المرجله ..

فيصل : ههه و هذا اللي يعجبني فيه ... ( ألتفت وراه ) .. الى متى بتلحقنا ؟

نواف : انا خويكم ليش تعاملوني كذا ؟

فيصل : من متى ان شاء الله صرت خوينا ؟

نواف : كيف ماني خويكم و احنا نسهر مع بعض بالشقه ...

فيصل : لا تفهم غلط انت تسهر مع وليد مو معنا ...

نواف : حمـ قصدي وليد قول لك كلمه .. لا تحقروني كذا والله ما سويت لكم شي ...

حنان : فيصل خلاص خله .. يعني شي حلو ان شلتنا تكبر شوي عشان نقدر نتصرف مع هتان و شلته و لا !

فيصل تنهد : انت دايم تبسط الامور ...

نواف : اسمعوا .. قبل شوي كنتوا تتكلموا عن عمار مبين انكم قلقانين عليه ..

فيصل : و بعد تتسمع علينا ؟؟!

نواف : لا مو القصد بس انا امشي وراكم و سمعت سوالفكم ...

حنان : خله يا فيصل يقول اللي عنده ..

نواف : بس كنت بقولكم ان عندي جوال اذا حابين تكلمونه تتطمنوا ..

فيصل : أمااا جايب جوالك !

نواف : أي عادي ليه هو ممنوع ؟

حنان : ههههه يحسب زي مدارس الاهليه ...

فيصل : هههههه من جد أي يا ماما ممنوع ...

نواف : ماما بعينك وش شايفني ...

حنان : لا تتهاااااوشون زهقتوني ... فيصل هو يقول معه جوال انت حافظ رقم عمار ؟

فيصل : أي حافظه من كثر ما دقيت عليه ...

حنان تناظر ساعة يدها : بااقي تقريبا 10 دقايق على نهاية الفسحه يمدي نفطر ثم تكلمه ؟

فيصل : اكيد يمدي ..

نواف يدخل يده بمخباااه .....

فيصل بخوف : وش تسوي ؟

نواف : بعطيك الجوال ...

فيصل : ياااا غبي ناوي تنكبنا انت و تكتبنا تعهد .. الجواااااااال هنا ممنووووووع ..

نواف : طيب اشلون بتكلمه ؟

فيصل : ما لنا إلا الحمامات -الله يكرمكم- ....

حنان : اجل خلونا نفطر بعدين تروح تكلمه ..

فيصل : يلا خلنا نروح الفصل نفطر ..

نواف : ورى ما نقعد بالشمس الجو حلو ...!

فيصل : اقعد لحالك مع نفسك ...

مشوا و خلوووه .. و هو لحقهم ...

حنان بهمس : ما لاحظت ان شلة هتان مو موجودين ؟

فيصل : عادي تلقاهم ورى المدرسه يدخنون ..

حنان شهقت : هئئئئئئ تدخيييييييين !!!!

فيصل : وليه مصدوم ! .. تصير بالمدارس .. خاصه الناس اللي زي هتان هم اكثر نوعيه تدخن ...

حنان : و وين المدرسين عنكم ؟

فيصل : ههههه اللحين يفطرون محد فاضي .. و بعدين المدرسين صاروا يخافوا من الطلاب ...

حنان : وش ذي الحياه ... الله يعين مدرسينكم ..

فيصل : ههههههههه لسا ما شفت شي ..

حنان : و لا ابي اشوف .. المهم لما ما شفت لا هتان و لا شلته بالساحه حسيته شي غريب ...

فيصل : لا لا تشغل بالك ...

حنان يا الله ما ادري اقوله على ان هتان يبني اروح معهم الرياض و لا اسكت و بلاها المشاكل ! .. خل اسكت اصلا هتان ما يقدر ياخذني غصب و اليوم نواف موجود احس اني بأمان اكثر .. و اصلا لما وصلني للعمارة قلت له اني ما بروح معه .. ان شاء الله ما يصير شي ..

اجتماع شلة هتان قرب يخلص .....

مشاري : وش باقي ما خططنا له ؟

هتان : باااقي يا شباب توزيعكم بالسيارات .. كم واحد بيطلع بسيارته ؟

حمزه : انا سيارتي جاهزه بطلع فيها ...

عزيز : و انا بعد بطلع بسيارتي ..

هتان : حلوو .. مشاري انت بتجي معي و ابي واحد منكم بعد يجي معي ..

نادر : اوكيه ما عندك مشكله انا اجي ..

هتان : تمااام .. حمزه مين بيروح معك ..؟

حمزه : عبد الرحيم و احمد ...

هتان : و انت يا عزوووز ؟

عزيز : بيجي معي باسل و ولد عمي قال بيقابلني بعد الدوام و يطلع معي ..

هتان : بس انتبه ولد عمك لا يدري عن وليد ..

عزيز : لا تخاف محد بيدري ..

هتان : كووويييس امورنا عااااال العاااال ..

مشاري : يعني اذا جا عساف بنطلع بـ 4 سيارات ..

هتان : اييييه كذا زيييين ..

مشاري : يااخي والله اني متحمس .. اول مره نطلع كذا كثير ..

هتان : ههههههه انا متحمس اكثر منك .. استناني يا وليد رح نستاااااانس..

مشاري : يلااا يا شباااب اجتماعنا خلص كل واحد عارف وش يسوي ..

هتان : يلااا خلوناا نمشي نشوف وليد نطقطق عليه شوي ...

قاموااا من مكانهم و صاروا يمشوا ...

مشاري : لا لا خله اذا اخذناه معنا سوي اللي تبيه بعدين ما نبي نلفت انتباهه او يحس على شي ..

هتان : ايييه معك حق ... على فكره انا بستأذن قبل الحصه بربع ساعه و بستنى وليد في هالمكان ... نااادر قبل لا تروح قول لخويك بعدين يجيب وليد هنا ..

نادر : ان شاء الله بقوله ..

فطروا و خلصوا و راحوا للحمامات -الله يكرمكم- .. فيصل اخذ الجوال من نواف و دخل يكلم .. نواف و حنان قاعدين برى يستنونه عند المغاسل ..

نواف : تصدق اني مبسوووط ...

حنان بسخريه : لااا ماني مصدق ...

نواف : ههههه ع الاقل اسألني ليه !

حنان : ما يهمني ..

نواف تنهد : طيب سولف معي تكلم معي زي كأننا اصحاب ...

حنان بدون نفس : مابي اسولف ...

نواف : انت زعلان مني على اللي امس ؟

حنان بغباء : ليش صار شي امس ؟!

نواف بدا يعصب : و بعدين معك والله نرفزتني ..

حنان : لا تكلمني طيب ...

نواف : هييييييه لتكون صدقت نفسك .. انتبه ترفع خشمك علي ..

حنان : انا ما سويت و لا قلت شي .. انت إلا تبي تسوي مشكله معي ..

نواف : معليه بالأخير بكتشف حقيقتك و ساعتها ما برحمك يا حلوه ..

كانت متكتفه و متسنده ع المغاسل .. و نواف جنبها .. لفت عليه بعصبيه مع خوف ..

حنان : احترم نفسك .. انا رجال و عن الف رجال ...

نواف ابتسم : صدق ؟ بالله صدق ؟ انت رجال .. طلبتك احلف !

حنان تصرف : قاعد تتمصخر علي صح ؟ الى متى بتقعد شاك فيني .. وش تبي اسوي لك عشان تصدقني ؟

نواف : لا تسوي شي بس وريني هويتك ..

حنان سكتت و طنشته .. و هو لا زال يشوف نفسه منتصر و شكه كل ما له يزيد عن انها بنت ...

عند فيصل داخل الحمام -الله يكرمكم- ......

فيصل ليه ما يرد .. يعني شاف الرقم غريب طنش ...

رجع دق مره ثانيه .. برضو مافي رد .....

فيصل رح ارسله مسج يمكن يرد ..." عمار هذا انا فيصل رد ضروووووووري "

و رجع دق مره ثانيه ..... هالمره رد ..

فيصل اخيرا : الوووو عمااااار ..

عمار : هلا فيصل .. انت مو بالمدرسه ؟

فيصل : إلا بس اكلمك بالخش .. تعال هنا ليه ما داومت اليوم ؟ ليكون شلة هتان سووا لك شي امس ؟

عمار : انت تعرف ان شلة هتان اخر شي ممكن اغيب عشانهم ...

فيصل : اجل وش فيك ؟ مو من عوايدك !

عمار : لا و لا شي .. الوالد تعب علينا و اخذته للمستشفى .. انا اللحين معه بالمستشفى ...

فيصل : سلاااامته ما يشوف شر .. عسى الموضوع مو خطير ..

عمار : لا انت عارف الكلى ...

فيصل : الله يشفيه ...

عمار : آميييين يا رب ..

فيصل : سلم عليه و تحمد له بالسلامه ..

عمار : ان شاء الله ..

فيصل : يلااا مع السلامه ..

عمار : ...........

قفل منه ثم طلع من الحمام -الله يكرمكم- .. شاف العلاقة بين حنان و نواف متوترة ...

يتبع........