شبكة همس الشوق - عرض مشاركة واحدة

4 - 8 - 2015, 03:09 PM

تابع......

فيصل باستغراب : اش فيكم ؟ .. وليد نواافوه الزفت سوى لك شي ؟

نواف : انت الزفت لا تغلط احسن لك ...

فيصل : و اذا غلطت وش بتسوي ..؟

نواف : جرب ...

حنان قاطعتهم بصراخها : خلااااااااص انت و اياه ما صارت ... خلوناا نمشي ...

هم طالعين صادفوا هتان و شلته جايين من برى الساحه الخارجيه .. كانوا يناظروهم و يتبسمون ...

نواف : هذا اللي تهاوشتوا معه ذاك اليوم ؟

حنان : أي هو و تراه غثيث و راعي مشاكل .. انتبه تعلق معه ...

نواف : اذا فيه خير يجي ...

فيصل : تكفى بتسوي لي فيهاا سوبر مان اللحين ...

نواف : و انت وش دخلك ...

حنان اذا بقعد مع هالاثنين طول سنه كامله بنتحر ... ( مشت عنهم ) ..

فيصل : هييييه لحظه وين رايح ..؟

رجعت للفصل و رجع معها فيصل و نواف ....

حنان : صح وش فيه عمار غايب ؟

فيصل قالها السالفه ....

رن الجرس و انتهت الفسحه و جت الحصه الرابعه ... كانت حصة رياضة ...

الاستاذ : السلام عليكم ...

الطلاب : عليكم السلام ...

الاستاذ : معكم الاستاذ اياد و بعطيكم رياضه .. طبعا اليوم ما اعتقد احد جايب لبس الرياضه صح يا شباب ؟

الطلاب : ايييييييه استاااذ ..

الاستاذ : اممم ع العموم خلونا نطلع للملعب و هناك بنتكلم عن الماده ..

اخذ الطلاب و راحوا لملعب الكوره .. و بأثناء ما هم يمشوا ...

حنان بهمس : وناااااااااااااسه .. فيييه رياااضه ..

فيصل : ما اشوف شي يونس .. بس انتبه تدخل بالفريق و الله ما يرحموك و اساسا ما اعتقد انك تعرف تلعب كوره ..

حنان لوت فمها : اووووف صح كلامك ... يا فرحه ما تمت ...

فيصل : ههههه خلك احتياط بس ...

حنان : كيف يعني احتياط ؟!

فيصل : يا ذي المشكله يبي لك شرح مبسط عن الكوره ان شاء الله اذا رجعنا البيت اشرح لك ...

حنان : مع اني مو مره احب الكوره بس شكلي لازم اتعلم عنها ...

فيصل : صح لازم .. اغلب الشباب هنا بمدرستنا بالذات لهم ميول ..

حنان : اهااا شي حلو .. يعني في اهتمامات غير التفحيط ...

فيصل : ههههه ما ادري ليه احسك تتمصخر علينا ..

حنان : ههه ما يندرى ........

وصلوا للملعب قعدوا على مدرجات بسيطه حول الملعب و الملعب مو ذاك الكبر ’حكومي’ و الاستاذ واقف مقابلهم و هو ماسك كوره ....

الاستاذ : يا شبااااب اول شي لازم نختار طقم للفريق ... أي فريق ودكم فيه ؟

واحد من الطلاب : برشلونه اكيد يا استاذ ...

واحد ثاني : انا ما بلبس الا ريال مدريد ..

واحد ثالث : استاذ لا نروح بعيد خلنا ناخذ من الدوري ...

رد على طالب : أي يا استاذ كلامه صدق خلنا ناخذ نادي الاتحاد ..

رد الثالث عليه : اتحاد بعينك والله ما ألبس غير الهلال ..

قاموا بيتهاوشوا ......

الاستاذ : انت و اياااه انا موجود احترموا انفسكم لا اوديكم الاداراة ..

حنان تهمس : يتهاوشون عشان فنيلة نادي سلااامات !

فيصل : اييه يتهاشون هذي ميول لا تستهين فيهاا ..

حنان : ما فهمت و لا ابي افهم ..

فيصل : ههه افضل لك ..

الاستاذ : هدوووووووء .. انا بحدد الطقم اللي بنلبسه .. كلكم اشتروا مانشستر يونايتد ...

واحد من الطلاب : لااااااااا فريق ممخيس ...

الاستاذ عصب : مين اللي تكلم من تو ...؟

الطلاب سكتوااا

الاستاذ : المان يونايتد عشقي ما ارضى احد يتكلم عليه اللي مو عاجبه ينقل فصل ثاني ...

حنان رجعت تهمس : حتى استاذكم شكله يبي يتهاوش !

فيصل : هههههههه قلت لك ميول ...

نواف كان قاعد جنب حنان : وش تتهامسون فيه ؟

فيصل طل عليه : و انت وش دخلك ؟

نواف طنشه و همس : حمووود اهمس معي زي ما تهمس معه ...

حنان وش يحس فيه ذا : بتوقعني بمشاكل اسمي وليد .....

قاطعهم الاستاذ : اللي هنااااااااااك و لا كلمه ..

كملوا الحصه ورجعوا لفصولهم و بدت الحصه الخامسه ....

نطلع شوي من اجواء المدرسه نروح لدبي المدينه الجميله .. بالتحديد في الفندق اللي مستأجر فيه وليد .... وصلوا الفجر ناموا الى الساعة 10 صباحا... بالفندق صحى وليد راح اخذ شاور و طلع و لازال ماجد نايم ..

وليد : مجوووود يلااا اصحى خلنا ننزل تحت نفطر ..

ماجد صحى و فيه النوم : خلني انااام امس ما نمت زين ...

وليد ابتسم : وش تفكر فيه يومك ما نمت ؟

ماجد : هيييه لا يروح فكرك بعيد .. الاهل قالوا تسهر معنا لانك بتسافر ..

وليد : اصلا ما راح فكري لبعيدد .. ههههه .. يلا قوم عشان نفطر .. ( يناظر ساعته ) اجتماعنا مع الشركه الساعه 2 .. باقي ساعتين .. و احنا لازم نحضر قبل الاجتماع بوقت ..

ماجد يتمغط : طيب طيب فهمنا اللحين اروح اتسبح و ألبس ..

قعد وليد على سريره ينتظر ماجد .. مسك البي بي و قام يشوف المسجات ..

وليد انا مهتم بمسجات عادل ( يقصد هتان ) .. ما شاء الله مرسلي كل هذي ....

هتان " الووو وليد وينك رد "

وليد نفس الرساله مكررها حول 100 مره وش كان يبغا ؟ خل ارسله اشوف ....

وليد " هلا وش بغيت سوري توني اشوف مسجك "

بعد ما ارسل المسج تذكر .....

وليد وش ذا الغباااااااء اللي فيني ! .. اللحين حمد بالمدرسه و انا ارسلت .. يااااااا ربي اكيد رح يدري اني اكذب عليه و اني مو وليد اللي بفصله ..

طلع ماجد من الحمام -الله يكرمكم- ....

ماجد يناظره باستغراب : وش فيك عااابس ؟

وليد : اووووف والله اني غبي... كانت عندي فرصه ذهبيه اسوي مقالب بس ضيعتها ..

ماجد : هههههه اللحين هذا اللي مضايقك ؟

وليد : خلك ساكت ما رح تفهم ...

ماجد : هههههههههههه يا زينك و انت معصب ...

وليد : هييييه ألبس و خلنا نطلع بس ...

ماجد : أمرك ...

نزلوا ع تحت و فطروا و بدأوا يتكلموا بالشغل .......

نرجع للمدرسه ... الحصه الأخيره كان عندهم الاستاذ عبدالعزيز مادة نحو >> تذكرونه اللي في بارت 15!

الاستاذ : اليوم لازم اعطيكم درس لو خفيف ... عشان كذا ابي هدوووء حتى نخلص بسرعه و تطلعون ..

الطلاب : حاااااضر ..

حنان ما ادري ليش احس الوضع مو طبيعي اليوم .. يمكن لان مشاري هادي .. بس هدوءه يخوف .....

قربت الحصه الاخيره على النهاية ..... اندق باب فصلهم ...

الاستاذ : نعم ؟!

الطالب : فيه هنا طالب اسمه وليد الـ .....

مشاري ابتسم بخبث ....

حنان خافت هئئئئئئئئئئئ وش يبي فيني ؟! .. ( لفت على فيصل ) ...

فيصل بهمس : لا تخاف ...

الاستاذ : وش تبي فيه ؟

الطالب : الوكيل يبغاه اللحين و ضروري ...

حنان همست : ليه يبغاني انا وش سويت ؟ ما ابغا اروح اخاف اروح لحالي ...

فيصل : اوووش لحد يسمعك .. بعدين لا تخاف هذا الوكيل يمكن بيسألك عن شوية معلومات ..

حنان : معلوماااااات ! انا ما اعرف عن وليد أي شي ..

الاستاذ : وين الطالب وليد ؟؟؟

حنان رفعت يدها بتردد : آ آ أناا ..

الاستاذ يناظر ساعته : ما بقى شي عن الحصه خلاص خذ اغراضك و روح ..

حنان : لا عادي بترك اغراضي و برجع لها بعدين ...

فيصل : اذا دق الجرس انا باخذ اغراضك استناني قدام غرفة الوكيل ....

حنان : اوك ..

قامت بخوف و مشت لمحت مشاري مبتسم .....

حنان كأن مشاري يبتسم ! لا اكييييد يتهيأ لي من الخوف .....

طلعت من الصف مع الطالب اللي ناداها ...

حنان : وش يبي فيني الوكيل ؟

الطالب هز كتوفه : ما ادري ...

حنان : طيب انت وش اسمك ؟

الطالب : انا محمد ..

حنان : و النعم فيك ..

محمد : ينعم بحالك .. ( ههه مسكين اللحين وقته يتعرف ما يدري اش بيصير له ...)

اخذها الى ان قربوا للبوابة الداخليه للمدرسه متجهين للساحه الخارجيه .. و هي بدأت تشك ..... و في نفس الوقت تهدي نفس و تطمن حالها انه ما في شي ......

حنان : هييييه يا محمد وين رايحين ؟ صحيح ما اعرف وينها غرفة الوكيل بس ما اظنها برى المدرسه !

محمد : الوكيل مو في مكتبه الوكيل برى ..

حنان بخوف : و ليه برى ؟! وش يسوي ؟

محمد : لا تسألني انا ما ادري عن شي ..

حنان ما رح اطلع للساحه الخارجيه مستحيل اخاااف موووت .. برجع لفصلي و اللي فيها فيهااا ...

لفت و رجعت .....

محمد : لحظه وين رااااااايح !؟

حنان : الوكيل بشوفه بوقت ثاني .. ما رح اموت اذا ما شفته اليوم ...

محمد هذا بيتعبني معه لو يمشي و هو ساكت كان خلصت مهمتي بنجاح : اقوووول تعااال بس ...

حنان كملت مشي و ما ردت عليه ... لحقها و مسكها من ذراعهااا ...

حنان تناظره بخوف : اترك ...

محمد : امشي معي ..

حنان بصراخ : ماني براااااااااايح ... بتغصبني انت ؟

محمد : اذا اضطريت أي ..

حنان لااا الوضع ما يطمن دام السالفه غصب والله ما اروح لو ايش : اترك ايدي احسن لك ...

محمد بطناش سحبها غصب و صار يمشي ...

حنان : قسم بالله لا اصرخ اللحين ...

محمد : اصرخ محد بيسمعك ... الدور الارضي مافيه فصول ما فيه الا المعامل و المستودع و الادارة و غرفة المدير و هاذيل كلهم فاضيه اليوم اربعاء كل اللي بالادارة يطلعوا من الحصه السادسه ...

حنان : يعني انت تكذب علي الوكيل ما يبغاني ؟!

محمد : و اذا كنت اكذب ...!

حنان تحاول تسحب يدها بكل قوتها و هو ماسكه بعد بقوته ما قدرت عليه ..

حنان تصارخ : اترررررركني وش تبي فيني ؟

محمد : انا ما ابي منك شي ... الزعيم يبغاك ...

حنان مين الزعيم ( قعدت تتذكر ) هئئئئئئئئئئئئئئئئئئئئئئ هتاااااااااااااااااااااان ......

حنان : وش يبي فيني هتان .. بياخذني للرياض .. هيييه تكفى خلني هذا بيخطفني ( بدت الدموع تتجمع ) والله العظيم لو ما تخليني لو اديكم بداهيه انت و هتان و اللي معه ...

محمد ما كنه يسمع طنش و اخذهااا لـ هتان ...وصلوااا للساحه الخارجيه كان هتان و معه نادر قاعدين بمخبأهم .. هتان مجهز المنوم بغرشة مويه يعني ذوبه بالماي عشان حنان تشربه ...

محمد ينااادي و هو لا زال يجر حنان : نااااااااااااادر هتاااااااااان ...

حنان تصارخ و تترجى فيه يتركهااا ... جاا هتان و نادر ..

هتان : براااااافو عليك يا حمووودي والله انك قدهاا والله انك شنب ..

محمد : آفااا عليك تحت امرك احنا .. هاك امسكه و لا بيهرب ..

هتان مسكها من ذراعها : تهرب مني ؟! ليه تهرب و احنا اصحاب ؟

حنان تحاول قد ما تقدر انها ما تبكي : وش وش تبي انت ؟

هتان : لااه لاااه لاااه نسيت بنطلع للرياض اليوم ....

حنان شهقت : هئئئئئئئئئ من صدقك ما ابغا اروح ..

هتان : بس انت قلت موافق ...

حنان ما لازم اناقشه لازم اشوف لي صرفه و اهرب و لا بياخذوني غصب ... ما بروح معكم لو على جثتي ...

محمد : يلاا انا برجع لفصلي ألحق اخذ اغراضي قبل لا يدق الجرس ..

نادر : اوووكيه مشكووور ...

بعد ما راح و اختفى عن انظارهم .. حنان لازالت تقاوم ..

هتان : نادر جيب الغرشه ...

راح نادر لمكانهم يجيب منه المويه اللي فيها منوم ...

هتان : يا حبيب قلبي بتنبسط بالرياض صدقيني .. و لا تصير عنيف ههههه ...

حنان : اتركني يا حيوووووان ماني برايح ...

هتان : انا حيوان ؟! .. تمووون يا الخوي تموون ..

رفعت ذراعها اللي ماسكها هتان .. و عضت يده بقوه صرخ معها هتان ... و فك ذراعها و هي حطت رجولهاا ..

نادر توه يستوعب : وش فيه ؟

هتان : يااا الثووووور ألحقه لا يهرب ..

نادر ألتفت ورى لقاها تهرب و حط رجوله وراهاا ..

حنان تركض و دموعها تطيح غصبا عنها .. ركضت الى ان وصلت للبوابه هناك قدر نادر يلحقهاا و مسكها قبل لا تدخل .. و اكيد هي تقاوم .. هتان لحقهم و معه المويه ...

هتان : اشرب هذي ...

حنان لفت وجهها : ماني بشارب شي خلني اروح .. ما ابي اطلع معكم ..

هتان : نادر خلنا ناخذه من هنا اللحين بيدق الجرس ..

اخذوهاا غصب لمكانهم .. رماهاا ع الارض و قعد جنبهاا ... فتح المويه ..

هتان : اشرب ...

حنان : ماااااا بشرب ..

هتان : ناادر امسك وجهه لازم يشرب المويه و لا بننفضح ..

نادر : ابشر ...

حنان : اتـ اتـرك و و وجـ وجهي ...

و شربت المويه وكلهاا بالغصب .....

هتان يناظر عضة حنان اللي بيده : مين حضرتك عشان تعضني .. انا مرره متسامح معك بس بوريك ..

حنان ما تحملت و بكت : خـ خلني ارووح .. والله ما اعلم عليكم احد بس لا تاخذوني الرياض تكفووون ...

هتان : تسمي نفسك رجال و تبكي ..! معليك بنعلمك ع المرجله .. صدقني رح تشكرنا بعدين ..

حنان وصلت لمرحلة بتقوله انها بنت .. بس تراجعت خافت لا درى انهاا بنت ما يتركها خير شر ...

نادر : الظاهر الجرس دق اشوف الطلاب طلعوا ..

هتان : لازم ناخذه ع السيارة قبل لا يطلع فيصل ..

حنان : لأ الله يخليكم .. لآ .. تا.. خذو .. نــ ... ( غلبهاا النعاس مفعول المنوم بدا ) ..

نادر يناظرها : وش صار له ..؟

هتان : يا الدلخ هذا المنوم .. يلا خلنا ناخذه للسيارة و نستنا مشاري هناك ..

اخذوهاا للسيارة .. رموهاا ورى و قعد معهاا نادر ...

هتان : خله منسدح مانبي احد يشوفه معنا ..

نادر : اوكيه ..

داخل المدرسه .. انتهت الحصص و طلعوا الطلاب ...

فيصل بقلق : هييه نواف خذ اغراض وليد معك انا بروح غرفة الوكيل ..

نواف : استناني خلنا نروح مع بعض ..

فيصل طلع و لحقه نواف و معهم اغراض حنان .. و كان مشاري وراهم بس بدون ما ينتبهوا ... وصلوا لغرفة الوكيل كان الباب مسكر ..

فيصل : تتوقع هم الى اللحين داخل ؟

نواف : اكيد و لا وين بيروحوا !

فيصل : ودي ادخل اشوف وش السالفه ...

نواف : ليه ملقوووف ؟!

فيصل : اللقافه تسري بدمك انت .. و لا وش جابك معي ؟

نواف : ابشوف وليد عشان اوصله للبيت بسيارتي ..

فيصل : يااا سلااااام و انا وين رحت ..؟

نواف ابتسم : ليه انت معك سيارة ؟

فيصل : ما لك دخل ..

مشاري و هو يراقبهم .. ابفهم وش عليه يتهاوشون .. هههه اهم شي انهم دروج محد حس و بيستنون قدام غرفة الوكيل اغبى من كذا ما شفت .. لازم اروح اللحين تأخرت ...

بالسيارة عند هتان ...

نادر : عادي اسأل سؤال ؟

هتان : قووول ..

نادر : ما تحس انه بنت ؟

هتان : قعدت ورى تتأمله انت و لا اييش !

نادر : هههه لا بس يوم يبكي ..

هتان : ههههههه احب نوعيته اللي نص بنت نص ولد ..

نادر : اهاا ....

هتان : وينه مشاااري تأخر ..؟

نادر : يمكن انشغل بشي ...

هتان : احنا مستعجلين و هو ينشغل .. المنوم مدري كم بيقعد مفعوله .. ان شاء الله ما يصحى الا و احنا بالرياض ..

نادر : هااا هذا هو مشاري جاا ...

فتح مشاري الباب و ركب و هو يضحك ...

مشاري : سلااااام شباااب ..

هتان : وينك ياخي تأخرت ..

مشاري : هذاني جيت .. المهم البضاعه موجوده ..؟

هتان : أي ورى ..

مشاري لف ع ورى : يااا حراااام وش ذي الدموع .. اكيد كنتوا قاسيين معه !

هتان : ههههههههههه شف يدي وش سوى ..

مشاري يشوف يده : اووووف عضك ؟

هتان : و كان بيهرب بعد ..

مشاري : اوووخص و الله انه مو بسهل و انا احسبه على نياته ..

هتان : هيييه ليش كنت تضحك يوم جيت ...

مشاري : ههههه ذكرتني .. فيصل و خويهم الجديد يستنون قدام غرفة الوكيل على بالهم ان وليد داخل ههههه..

هتان : ههههههههههههههههههههااااي أمااا .. الوكيل طلع من الحصه الخامسسه لبيته هههه ..

مشاري : ههههه اييييه .. يلا حرك ..

هتان : دقيقه ... نادر لف على ورى و شوف سيارات الشله كلها جاهزه ..

نادر لف يشوف و يعد عدد السيارات : أي جاهزه ورانا سيارتين ..

هتان : تمام يلااا نمشي و بسم الله ..

مشاري : لحظه عسااف ما جا ..

هتان : اتفقت معه نتقابل عند المحطه اللي جنب مدرستهم ..

مشاري : اوك يلاا حرررك ...

نرجع لفيصل & نواف داخل المدرسه قدام غرفة الوكيل ...

فيصل : المدرسه فضت و هو الى اللحين ما طلع ...

نواف : ياخي دق باب الغرفه و شوف ...

فيصل : انت ما تعرف الوكيل يخوووف ..

نواف : اوووه تخاااف ؟! هههه منت برجال ..

فيصل : انتبه لكلامك .. انا رجال و ارجل منك ..

نواف : خلك على جنب يا الرجال انا بدق و اشوف ...

دق الباب مره و مرتين و ثلاث .. مافي رد ..

نواف : انتوا وكيلكم متعود انه ما يرد كذا ؟!

فيصل بدا يقلق و يستغرب راح للباب .. فتحه مقفل و صار يهز فيه ...

فيصل : غريييييييييييب .. الظاهر محد بالمكتب ..

نواف مستغرب : كيف يعني ؟ وين وليد(حنان) ؟

فيصل : عسى ما يكون صار له شي ...

ثم مشى بركض ....

نواف بصراخ : وين راااااايح ؟

فيصل : بدوره بالمدرسه ...

نواف حط يده ع راسه : ليكون صار له شي وجه فيصل ما يبشر بخير ..

ثم مشى هو بعد يدور لها مع فيصل .. داروا المدرسه كلها ما لقوهاا .. و المدرسه صارت فاضيه تماما ما فيها احد ...

نواف : اوووووف تعبت يعني وين راح ...

فيصل : انا خايف يكون هتان سوى له شي ..

نواف : مين هتان ؟

فيصل : اللي تهاوشنا معهم .. هتان خطف حمد قبل كذا ...

نواف فتح عيونه ع وسعهم : هئئئئئئ وش تقول انت ؟ متى صار ذا الكلام ؟

فيصل : مو وقت احكي لك اللي صار لازم نلقاه ..

نواف : امش خلنا نسأل الحارس .. ان كان طلع بنعرف ...

فيصل : صح صح اصلا المدرسه ما ظل احد فيها ..

راحواا للحارس .. كان يجهز المفاتيح عشان يقفل المدرسه ...

الحارس : انت و اياه لسا بالمدرسه .. كنت بقفلها و انتوا داخل ..

فيصل : اقووول ... ( سكت ثم لف على نواف ) .. هو ما يعرف حمد كيف بنسأله عنه ...

نواف : خلني انا اتصرف .. لو سمحت ما شفت طالب .. نحيف شعره للكتف و لابس جاكيت اسود طلع من المدرسه ؟

الحارس : تستهبل معي انت .. المدرسه فوق الـ 500 طالب تبيني اتذكر لك واحد بهذي المواصفات ...

نواف : طيب طيب .. الوكيل اكيد تعرفه ؟

الحارس : أي وش فيه ؟

نواف : شفته طلع ؟

الحارس : أي طلع من زمان تقريبا الساعه 10 ..

نواف لف على فيصل : وش قااااعد يصير ؟

فيصل يحاول يستوعب الصدمه : يعني هذاك الولد يكذب ...

الحارس : وش فيكم يا طلاب ...؟

فيصل : نواااف امش خلينا نفهم الموضوع ..

سحبوا ع الحارس اللي ما كان فاهم شي و لا همه اصلا و طلعوا برى المدرسه ...

نواف : فهمني !!

فيصل : انا متأكد انه هتان خطفه ..

نواف : هذا الهتان والله ان سوى له شي لا يلوم الا نفسه ..

فيصل : وش نسوي اللحين المدرسه فضت و برى المدرسه فاضي .. كيف بنلقاه ..؟

نواف : خلنا نبلغ الشرطه ....

فيصل : لا لا ما نقدر .. لا تنسى ان حمد داخل للمدرسه باسم وليد لو بلغنا بينفضح خويك و بيروح فيها حمد بتزوير ...

نواف : انا ما يهمني اهم شي نلقاه ..

فيصل حط ايدينه على عيونه : كله بسببي كله خطأي ما قدرت اني احميه ..

نواف : مو وقت تلوم نفسك فكر كيف نلقاه ...

فيصل بصراخ : وش تبيني اسوي ؟

نواف : تعال بسيارتي .. و خلنا نروح كل الاماكن اللي تتوقع اننا ممكن نلاقيه فيها ...

فيصل : اوووكيه ...( حناااان تكفين انتبهي يكشفوك .. لو كشفك هتان و الله ما يخليك لا هو و لا شلته .. لييييييييش صار كذا لييييييش ! )

نروح لسيارة هتان .. وصلوا للمحطه المتفق عليها ... نزل عساف من سيارته و راح لشباك هتان ..

عساف : هلااا بالزعيم ..

هتان ابتسم : هلااا فيك ... جاهزين للطلعه ؟

عساف : اكيييييد جاهزين .. ( غمز له ) الحلو معك ؟

هتان : و الطلعه بتصير بدونه !

عساف : ههههه أي والله ما بتصير ..

هتان : مين جا معك ...؟

عساف : طلال و مهند و فهد ...

هتان : طلال ينبلع بس مهند و فهد يا شينهم ليه جبتهم ؟

عساف : هههههه يا رجااال كلنا نبي نستانس ..

هتان : طيب طيب يلا حرك خلنا نمسك الخط ..

عساف : يلااا .. تسابقني ع الخط ؟

هتان : متعديك من اللحين ..

عساف : هههههه نشوف ..

راح ركب سيارته و مشوا ع الخط السريع طالعين للرياض ..

انتـــــــهى البـــــــــارت