شبكة همس الشوق - عرض مشاركة واحدة

4 - 8 - 2015, 03:12 PM

تابع....

عند فيصل و الباقي ... بالشقه طبعا ...
فيصل : حيوووووووان ما يرد ...
عمار : بجرب انا ادق عليه من رقمي ...
دق و دق لكن لا رد ...
فيصل : و انت بعد ما رد عليك ..
نواف : شباب ودكم نطلع للرياض ...
عمار : كيف نطلع و احنا مو متأكدين اصلا اذا كلام عادل صح و لا لا..
فيصل : بس انا متأكد ان حمد مع هتان ..
عمار : طيب يمكن هتان ما راح الرياض ..
نواف : لازم نتأكد ..
عمار : بس كيف ؟
نواف : ما ادري .. شوفوا لكم حل و لا ترى عادي بروح الرياض و ادوره شبر شبر ...
فيصل بنظرات مستغربه و فيها غيره : انت ليش مهتم فيها كذا ؟
نواف : ........ لارد >> طنش السؤال ..
فيصل بعصبيه : جاوبني !
نواف : مو لازم تعرف ...
عمار : وش فيكم انتوا اللحين .. ادري كلكم اعصابكم تعبانه من اللي صار بس هدواا .. انا بدق على عادل و بسأله عن هتان الى ان اتأكد ...
دق عمار و قعد مع عادل تقريبا نص ساعه يستدرجه بالكلام الى ان تأكد اخيرا انهم راحوا للرياض ...
عمار : مشكووور عادل يلا مع السلامه ...
فيصل : هااه بشر ..
عمار : اكيد راحوا للرياض ...
نواف : اجل قوموا خلونا نروح ...
فيصل : ماني طالع معك بطلع مع عمار بسيارته ..
نواف : ليش اطلعوا معي .. انا ما عمري طلعت من هنا بر ..
فيصل : طيب ما يمديك تدبر لنا طيارة .. نوصل اسرع ...
نواف يفكر : ما ادري .. بس يبغالها وقت على بال ما اكلم ابوي .. و نشوف اذا هي فاضيه و لا لا .. بتاخذ وقت ...
فيصل : اشلون يعني تشوف اذا هي فاضيه و لا لا ؟
نواف : طيارتنا الخاصه ..
فيصل : اهااا الله يعز النعمه .. خلاص بطلع مع عمار بسيارته ..
عمار : انا ما اقدر اطلع بسيارتنا للرياض .. سيارة الوالد هذي ..
فيصل بدون نفس : يعني لازم اطلع معه ( يقصد نواف ) ..
نواف : محد اجبرك لا تجي اذا ما ودك .. انا رااايح ...
فيصل : لحظه خلاص بجي بعد كل شي هذا ولد خالتي و امانه عندي .. يلااا عمار اترك سيارتك بمواقف العماره تحت و تعال معنا ..
عمار : لاا اعذروني ما اقدر ... لان الوالد تعبان انت عارف وديناه المستشفى اليوم .. و الاهل ما عندهم احد غيري ..
فيصل : خلااص و لا يهمك .. انتبه لابوك .. يلا مع السلامه ..
عمار رجع بيتهم بعد ما ودعهم .. و نواف & فيصل مشوا للرياض ...

بقى اقل من ساعه ع الوصول للرياض ...
هتان : لا تنسى بعد 30 كلم فيه تفتيش خلنا نشيل اللزقه اللي ع اللوحه ..
مشاري : طيب ...
هتان : هذا بعده نايم ؟ ( يقصد نادر )
مشاري : ايييه شكله ما نام امس ...
هتان يناظر حنان : وين سرحت يا حلوو ..
حنان اخاف اذا ما رديت عليه بس ... : ما سرحت ..
هتان : عجبتك المناظر اللي برى ... ؟
حنان سلكي له اذا ودك تعيشي : ايه ..
هتان : طيب ناظرني انا بعد منظري حلو ههههههه ...
مشاري : هههههههههههه ينعن شكلك ...
حنان : ..............لارد ..
هتان : ههههه المشكله يسفهني .. قلبي الصغير لا يحتمل ..
مشاري : هههههههههههههههههههه آخ يا بطني ..
هتان : ههه انتبه لا تصدم فينا بس نروح في داهيه ..
مشاري : خير تراي سواااق و حريف الظاهر انت ما تعرفني...
هتان : لا يكثر بس ... يلا اصفط على جنب وشيل اللزقه .. و صحي التبن اللي جنبك ...
مشاري : اوووكيه ... يا التبن قوووووم ..
نادر يصحصح : هااه وصلنااا ؟
مشاري : باقي شوي ...انزل شيل اللزقه من ع اللوحه بسرعه ..
نادر : طيب طيب ...
نزل نادر ......
هتان : مشاري ناولني سيجاره من عندك ...
مشاري : ابشر ...
مسك السيجاره و بدا يدخن و يعيش جوه .. ثم عطى حنان ...
هتان : هيييه خذ ...
حنان لفت و مستغربه : وش اخذ ؟
هتان : امسك السيجاره .. رح تنبسط صدقني ...
حنان : لا لا انا ما ادخن ..
هتان يلعب بشعرها : عن المخكره و يلا امسك ...
حنان تبعد يده و بعصبيه : قلت ما ادخن و لا ابي ادخن و لا اعرف ادخن اصلا ..
هتان ابتسم : تبي اعلمك ؟ ترى بسيطه ..
حنان بدييت اخاف منه اكثر آخرتها ادخن : لااا شكرا ما ابي اتعلم .. ( ثم لفت وجهها )
هتان عض شفته السفليه بقهر لف وجهها عليه و حط السيجاره بفمها غصب و بحركه سريعه : رح تحبهاا صدقني ...
حنان ابعدت السيجاره من فمها و رمتها و قامت تكح : كح كح كح .. الله كح .. لا ...كح يوفقك ..
مشاري لف عليهم و هو الثاني كان يدخن بعد : وجهه صار احمر .. عسى مو بصاير له شي نبتلش بعدين ...
هتان : ما رح يصير له شي كلها نص سيجاره ..
مشاري : و انت مصر تخربه ...
هتان : هئ هو مخترب مخترب الله لا يعوق بشر ...
حنان تكح .. و ش قصده اني مخترب .. وش بيصير لي ؟ .. بس نوصل بس ينفتح الباب ما رح تشوفون الا غباري ...
رجع نادر بعد ما شال اللزقه .....
مشاري : تأخرت يا ابو ..
نادر : وش اسوي لك اللزقه اللي انت حاطها مره قويه ..
مشاري : قووويه .. إلا انت ماش ما عندك قوه ..
نادر : تكفى يا القوي .. سرهاا و امش ..
هتان : يااا عيااال كلموا يزيد يستقبلنا قربنا نوصل ..
مشاري : اقولك تعال سوق بدالي عشان اقدر اكلم يزيد ..
حنان تتسائل .. من هذا يزيد بعد ؟
هتان : ورى ما تكلمت يوم صفطنا قبل شوي ..
مشاري : ورى ما تكلمت انت .. راح عن بالي يزيد ..
هتان : لااا ياااشييييخ ! ومن بيدلنا بالرياض .. المهم وقف ع جنب خلنا نخلص ...
نزل هتان و صار يسوق السياره و رجع مشاري ع ورى مكان هتان ..
مشاري : سلااام وليد(حنان) .. عسى ما اضايقك بس ...
حنان : ........ لا رد
هتان : اقووول خلك من خويي و كلم يزيد .. اخلص عليناا ..
مشاري : سلمناا بس ترى ما اكلناه ...
و راسل يزيد ع البي بي .. و اتفق معهم يقابلهم عند مخرج 10 ...
هتان : هااه وش صار ؟
مشاري : كله تمام وصف لي كل شي .. اذا دخلنا الرياض خلنا نتبادل ..
هتان : اوووكيه ...
نادر : يا ولد الشله تعدوووووك ؟
هتان : اشوفك صحصحت اللحين ...
نادر : ههههه اييييه بس ما اشوف سيارات الشباب ورانا ..
مشاري : من كثر ما تبادلنا اسبقوناا ...
نادر : ولو .. حط رجلك ع البنزين و ادعس لا يردك الا الاول ...
هتان : هههه وين تعزيزك من اول ...
طبعا داس بنزين بأقصى سرعه .. و حنان ميته رعبه من السرعه الجنونيه ...
مشاري : اخوووص يا الولد ماسح الطبلون هااه ..
هتان بفخر : اييه عشان يعرفون مين الزعيم هتان .. نادر صور الطبلون و ارسل الصور للشباب خلنا نوريهم عداد السرعه و هو على اخرر شي ..
نادر : اللحين اصوره ...
حنان مسكت ذراع مشاري من الخوف و ناظرته بعيون غرقانه : تـ تكفى قول له يخفف .. بمووت من خوفي ...
مشاري ضاع بعيونها اللي تلمع من الدموع .. ملامحها .. ايدهاا اللي ماسكه ثوبه بخفه .. سكت يتأملها مو عارف اش يقول ...
حنان تهز ثوبه و ماسكه دمعتها : يعني صـ صعبه عليك تقوله يهدي السرعه شوي ...
كان صوت الاغاني بالسيارة عاليه .. محد يسمع محادثتهم .. هتان انتبه ان فيه شي يصير بينهم بس ما اهتم ...
مشاري ما يدري ليه استحى من نظراتها و لف وجهه عنها ...
حنان : عديم الفايدة ..
سمعها بس طنشها كانت افكاره مشوشه فيه احاسيس مو فاهمها ...

الساعة 4:30 عصرا ... اخيرا وصلوا الرياض .. اجتمعت سياراتهم في المكان المتفق عليه مخرج 10 و هناك قابلوا يزيد ... نزل هتان من سيارته يسلم عليه و كان مره مبسوط بشوفته .. مع انه اول مره يقابله بس معجب في تفحيطه و اسلوبه في السياقه اللي يعتبره ابداع .. و طبعا نزل عساف و حمزه و عزيز سواق كل سياره ...
هتان : مبسوط والله اني شفتك يا يزيد و لا نقول ملك الهجوله ..
يزيد : ههه انا اللي مبسوط اكثر .. نادني باللي يريحك ...
هتان : اوك يا ملك الهجوله .. تراي انا و الشله متحمسين للتحدي .. اذا ودك نروح اللحين ...
عساف : أي والله متحمسين ..
عزيز : اصلا جينا للرياض عشان هالتحدي ...
حمزه : و انا بعد ابي اتحدى ..
يزيد : يا شباااب مقدر حماسكم .. بس للاسف ماا نقدر اليوم .. انتوا متى بترجعوا للشرقيه ؟
هتان : اليوم بالليل لازم نرجع ..
يزيد : ليه ما تناموا الليله هنا و بكره يصير التحدي ..
عساف : و ليه ماا يصير اليوم ؟
يزيد : سالفة تحدي اليوم انتشرت بالقروبات و البلاك بيري .. عشان كذا الدوريات متشدده اليوم وين ما بنروح بنلاقيهاا .. و احسن مكان للتفحيط تلقاهم مرابطين فيه اللحين ...
هتان : أمممااا وش ذا الحظ ... يعني بنرجع للشرقيه .. و جينا للرياض ع الفاضي ..
يزيد : قلتلكم بكره ...
هتان : ما عندنا مكان نقعد فيه و احنا ماشاء الله كثير جايين بـ 4 سيارات ..
يزيد : المكان انا عندي .. فيه استراحه كبيره برى الرياض بشوي .. لنا احنا و الشباب .. تقدرون تباتون فيها ..هااه وش قلتوا ؟
هتان : وش رايك يا عساف ؟
عساف : والله انا اقول خلنا نشوف الاستراحه اذا ناسبتنا قعدنا فيها ..
هتان : و انتوا ؟
عزيز : أي شي بتسوونه انا معكم ..
حمزه : و انا معكم ..
هتان : خلاااص على قولة عساف بنشوف الاستراحه اذا ناسبتنا بنبات ان شاء الله ...
يزيد : حلو ويلا انا بمشي قدامكم و انتوا ألحقوني .. و انتبهوا تضيعوا انتوا عارفين زحمة الرياض ...
هتان : معليك احنا راعين خطوط .. ما بنضيعك ... يلااا كل واحد على سيارته .....
رجع هتان للسيارة و حكى لهم باللي صار .....
حنان يعني اللحين بنروح استراحه ؟؟؟؟ و الأدهى ببات مع شباااااااااب ؟؟؟؟؟؟! لاااا مستحيل اتحمل ... وش اسوي وش اسوي ....صح لقيتها .. اذا قدرت اسرق جوال .. رح اقدر اكلم فيصل و اقوله على مكاني ... رح احاول اسرق من مشاري .. اكيد جواله بمخباه ...
مشاري كان مشغول بالسوالف مع هتان .... حنان استغلت الفرصه ... قربت يدها من مخباه شوي شوي و كانت خايفه طبعا .. دخلت يدها بمخباه بهدووووووء و حطت يدها ع الجوال .. ابتسمت و جت بتطلعه انصدمت بمشاري اللي يناظرها .. ما كانت تدري ان مشاري حاس و عارف هي اش قاعده تسوي ... مسك يدهااا ...
مشاري : نسيت شي في مخباي ؟؟؟
حنان بخوف : لآ .. أنا .. بس .. كنت ......
هتان : وش فيكم ؟
مشاري : خويك يا الحبيب الظاهر كان يبي يسرق جوالي .. شكله مو حاب ينبسط معناا ...
هتان : لاه وش ذا الكلام .. ولييييييييييييييييد ما ودك تجي معنا يعني ؟
حنان : قلت لك من اول ما ابي اجي .. و انت اخذتني غصب ..
هتان : يعني لازم اغير طريقة معاملتي معك ؟؟ .. اسمع اللحين اذا وصلنا للاستراحه انتبه تسوي شي منا و لا منا .. و انتبه تقول للناس اللي هناك انك جاي غصب و تعلمهم باللي صار معك .. انت ما ودك تنخطف مره ثانيه صح ... و ودك اني ارجعك البيت معافى صح .. اسمع الكلام و خلك طبيعي بالاستراحه ( صرخ ) فاااااااااااااااااااااااهم ؟
حنان ارتعبت : فـ فهمت ...

في سيارة نواف ... قطعوا 200 كلم يعني ساعتين ... و طول طريقهم كانوا ساكتين .... الى ان .......
نواف : ممكن سؤال ..؟
فيصل : وش بغيت ..
نواف : ليه ولد خالتك ما معه بطاقة احوال ...؟
فيصل ارتبك ما توقع ذا السؤال : مـ مين قال ان ما عنده ...
نواف : لاني طلبت منه يوريني بطاقته رفض استنتجت ان ما عنده ..
فيصل : إلا عنده بس ما ياخذها معه ع الأغلب .. لآن .. لآن صورته اللي بالبطاقه مو عاجبته ما يحب احد يشوفها ..
نواف : اهااا ..
فيصل : و ليه انت تبي تشوف بطاقته ..؟!
نواف : لا بس ابتعرف عليه اكثر ...
فيصل : ممكن اقولك شي ...
نواف : قول ..
فيصل : معليش بس انا احس انك انسان مو طبيعي ...
نواف بقق عيونه : اييييييييييييييييش ؟!
فيصل : أي صدق .. مفكر اني ماني ملاحظ .. اهتمامك بحمد مع انه ولد ..
نواف : لا تفسر الامور على هواك .. انا عندي اسبابي اللي خلتني اهتم له ..
فيصل : علمنا باسبابك يمكن نعذرك ...
نواف : رح تعرف بس مو اللحين .. و على فكره انت بعد انسان مو طبيعي .. على بالك ماني ملاحظ غيرتك عليه ...
فيصل : هااه .. هههه .. أي غيره .. هو ولد خالتي و بس .. يعني اكيد رايح اخاف عليه ...
نواف سلك له : ايييه اكيد ...

نرجع لهتان .. اخيراا وصلوا الاستراحه اللي تبعد عن الرياض 60 كلم ..
نزل هتان من سيارته و فتح لها الباب ...
هتان : يلا انزل و خلك معي لا تغيب عن عيني و لا لحظه فهمت ؟
حنان : ط طيب ...
دخلوا الاستراحه .. كان في ناس غريبه قاعدين بحوش الاستراحه .. و الوضع بداخل الاستراحه ما كان تدخين و بس .. كان تدخين و تحشيش و شراب و انواع المخدرات .. شلة هتان نفسهم انصدموا ...
حنان من وطت رجلي المكان و انا احس بقشعريره وش ذا المكان البارد يخووووف ... ( تناظر الناس الموجوده ) .. و اشكالهم تخوف قسم بالله هتان ارحم لي منهم ...( تخبت ورى ظهر هتان ) ...
وصولوا لمكانهم و قعدوا و قعد معهم يزيد ...... وكان القاعدين في ذيك اللحظات كل الشله اللي هم ~ هتان & مشاري & نادر و ~ عساف & طلال & فهد & مهند و ~ عزيز & عبدالرحيم & احمد و ~ حمزه & باسل ....
يزيد : تو ما نورت الاستراحه ...
هتان : منوره باهلها ...
مشاري بفضول : مين الناس اللي برى ؟
يزيد : هاذول اللي قاطين معنا بالاستراحه .. اللحين مودهم مخترب محد يكلمهم ...
مشاري مع اني ما فهمت بس سلك : اهاا ..طيب ..
يزيد : بعد شوي بيجون اخوياي بعرفكم عليهم .. ( ناظر حنان ) ..الا هذا الحلو مين ما عرفتونا ...
هتان : ههه هذا خويي اسمه وليد ..
يزيد : اووه .. وش بلاه كنه خايف ..
هتان : لا ابد بس اول مره يطلع للرياض ..
يزيد ضحك بخبث : هههههههههه بيتعود ...
حنان خافت من نظراته و ضحكاته لدرجة حست هتان أأمن لها ..
يزيد يتعمد يكلمها : انت وليد ايش ..و اش ترجع ؟
حنان وش دخله يسأل ما ودي ارد عليه ..
هتان عطاها نظره .. خلتها ترد ..
حنان : آ اسمي وليد الـ .........
يزيد بصدمه : أماا انت وليد الـ ......
هتان : انت تعرفه ؟
يزيد : كيف ما اعرفه و ابوه الله يرحمه كان من كبار رجال الاعمال ..
هتان يناظرها : صددددق ! وش جابك بمدرستنا مع عيال الفقر ؟
حنان طلع يعرف وليد وش هالمصيبه .. المسكين وليد ابوه ميت : قـ قصه طووويله ما احب احـ احكيهاا ..
طبعا فهد كان قاعد و يسمع كل شي ..
فهد باستغراب .. و يقول انه وليد ؟؟؟ وليد صديق خالد كيف ما اعرفه .. هذا الولد كذاب هذا مو وليد .. ليش يقول انه وليد ؟؟؟!
حنان اووووف الغرفه كلهاا سجاير و انا ما اتحمل .. اصلا حدي تعبااانه و ابي ع الاقل اغسل وجهي ... ( حطت ايدينها ع وجهها ثم مسحت ع وجهها بخفه من التعب و الارهاق ) ..
هتان : فيك شي ؟
حنان : تعباان ..
هتان حط ذراعه ع رقبتهاا : آآه انا تعبان اكثر منك .. تجي ننام ؟
حنان فتحت عيونها ع وسعهم و ابعدت ذراعه عنها ثم رجعت ورى للجداار : آ آيييييييش ؟؟؟!
هتان : هههههههههههههههههههههه ...
مشاري : ضحكنا معك ...
يزيد ناظر حنان كانت معصبه : هههه وش قلت لخويك الى ان عصب ..
هتان رجع ذراعه ع رقبتهاا : سر بيني و بينه ....
مشاري : تكفى يا ابو الاسرار ..
يزيد : اسمعوا يا شباب انا بروح اقابل اخوياي و بجيبهم معي و بنجيب معنا غدا اكيد جوعانين ...
عساف : آخ بطني .. ميت جووووع ...
يزيد : ههه و لا يهمك غداكم عليناا ..
مشاري : ما تقصروا والله ..
يزيد : انا رايح انتوا خلكم هنا لا تتكلموا مع اللي برى اوك ..
هتان : اوووك ..
بعد ما راح ....
مشاري : والله انه طيب ...
عساف : اللحين هذا ملك الهجوله ؟ ودي اتحداه اليوم بس آخ يا القهر ما استنفرت الدوريات الا اليوم ...
هتان : تراه و لا شي انا احسن منه ...
مشاري : بديناا بشوفة الحال ...
هتان : ماهي شوفة حال قد ما هي ثقه ..
عساف : اخووص يا الثقه .. خلك ساكت بس لا اكسر راسك بالميدان ..
هتان : قد الكلام انت ؟
عساف : و قدوووود ..
هتان : ههههه نشوووف ...
مشاري : اوووف فكوناا انت و اياه .. متحمس اشوف اصحاب يزيد .. شفت يزيد الولد حليوو ..
هتان : انا ما عجبني ..
مشاري : ليييييييش ؟
هتان : ما ادري .. نظراته لهذا ( يضرب ع ظهرهاا بمزح ) .. و كلامه معه يغث ...
مشاري : ههههههههههههه تغااار يعني ..
حنان بصدمه : وش يغااااار ؟ انا ولد ..
مشاري & هتان : هههههههههههههههههههههههههههههههه ...
عساف : ههه مسكين يا وليد .. كسرت خاطري ...
حنان والله ماني فاهمه شي .. و ما يهمني ابي اطلع من هنا بأي طريقه ..
هتان : ابي انااااااااااااااااااااام ...
مشاري : تمدد و نام ..
هتان : و هذاا من يقعد معه ( يقصد حنان ) ...
مشاري : معليك انا براقبه ...
هتان تمدد بمكانه و صكهاا نومه ع طول ... و بعد ما نام .. حنان قاامت ..
مشاري : هييييه على وين ان شاء الله ...
حنان هئئئئئ خوفني لفت عليه : ابروح للحمام -الله يكرمكم- ...
مشاري : اقعد مافي روحه ...
حنان : تكفى والله ضروري ...
مشاري : مالي خلق اروح معك ...
فهد : مشاري عادي انا اروح معه ...
مشاري بدون اهتمام : طيب روح بس على مسؤوليتك ترجعه معك ..
فهد باستغراب : ليه هو بيهرب ..؟
مشاري : يسويها .. المهم رجعه معك و لا هتان بيذبحك ..
فهد : ياا ويلي برجعه لا يهمك ...
حنان تنهدت .. انقذني هذا الولد .... بس ليش يبي يجي معي ؟! .. عادي عادي يمكن هو بعد يبي الحمام -الله يكرمكم- ..

عند فيصل و نواف .. باقي اقل من ساعه على وصولهم ...
نواف : انا تعبت اش رايك تجي تكمل السياقه بدالي .. ما بقى شي و نوصل ..
فيصل : لااا انا ما اسوق ...
نواف : غررررريب ...
فيصل : و لا غريب و لا شي .. واحد فقير زيي و يتيم من وين لي سيارة او احد يعلمني ...
نواف : انت يتيم ! ما كنت ادري ...
فيصل : و هذاك دريت ...
نواف : و حمد وين ابوه ؟
فيصل : هو بعد يتيم ..
نواف : جد ما كنت ادري ..
فيصل : مو مهم ..
نواف : طيب قول لي اذا وصلنا الرياض اش نسوي ؟
فيصل : انا بعد ما ادري ...
دق جوال نواف كان الشرطي اللي تواصلوا معه من قبل ... رد ع طول ..
نواف : هلاا ..
الشرطي : هلا فيك .. كلمتك بخصوص السيارة اللي وصفت لي اياهاا ..
نواف : ايييه وش صار عليها ؟
الشرطي : لقيناها طالعه من الرياض ...
نواف بصدمه : طلعت من الرياااااض ؟؟؟
الشرطي : أي و اخر الاخبار اللي جتنا انها ابتعدت عن الرياض مسافة 40 كلم .. يمكن ابتعدت اكثر بس ما وصلنا خبر للحين ..
نواف : اهاا طيب .. اذا وصلك أي جديد لا تردد و علمني ..
الشرطي : اكيد ان شاء الله ...
نواف : يلاا مشكور و يعطيك العافيه ...
قفل منه .. فيصل يناظر نواف باهتمام مع خوف ...
فيصل : وش قالك ؟؟؟
حكى له نواااف كل شي ....
فيصل : هتااان وين ناوي يروح ؟؟؟؟
نواف : علمي علمك انا مستغرب بعد ...
فيصل : وش نسوي اللحين ؟
نواف : اللحين خلنا ندخل الرياض ثم نطلع منها مسافة 40 كلم .. يمكن نلاحظ شي هناك .. و ان شاء الله الشرطي يساعدنا بعد ...
فيصل : انا قلقان ماني مرتاح .. خلني بس امسك هذا هتان ...
نواف : انا بعد حقدت عليه ...

نرجع للاستراحه ..كانت عند المغاسل .. تغسل وجهها من التعب .. و هو كان واقف وراها و متكتف .... ينتظرهاا تخلص .. و بعد ما خلصت جت بتمشي .. حط يده ع كتفهاا ..
فهد : وييييين ؟
حنان بارتباك : كيف يـ يعني وين ؟! برجع لمكاننا ..
فهد : قبل لا ترجع ودي اسألك سؤال ..
حنان بدت تخاف : خير ان شاء الله ..
فهد : انت ليه كذبت ؟
حنان وش يقول هذا : كذبت في وشو بالضبط ؟؟؟!!
فهد مسكها مع ذراعها بقوه و عصبيه : كذبت في اسمك يا شيخ .. انت مو وليد انت منتحل شخصية وليد .. وليد اعرفه صديق اخوي و كم مره شفته في بيتنا و بعزايمنا لا يمكن تكون هو ...
حنان شهقت : هئئئئئئئئئئئ كذااااااب ..(بدت تتوتر) قـ قصدي إلا انا هو وش فيك انت ؟ ليش تقول كذا يمكن يمكن تشابه اسماء ..
فهد : لااا يا حبيبي مو تشابه اسماء في العالم مافي الا تاجر واحد من قبلية وليد .. لا تحاول تلعب علي مهما قلت ما بصدقك .. لييييييش كذبت و قلت انك وليد ؟
حنان يا ربي من بين كل الناس تقابلت مع واحد يعرف وليد .. اش اسوي آآه راسي بينفجر تفكري وقف : اللحين وش تبي ؟
فهد : جاوبني بس ليش تقول انك وليد ؟
حنان : اذا ودك تعرف اسأل وليد نفسه ...
فهد استغرب : يعني وليد عاااااارف ..!!
حنان : الله يخليك لا احد يدري عن هالموضوع .. تكفى طلبتك مو عشاني عشان وليد ...
فهد : ما تهمني لا انت و لا وليد ..
حنان ما فهت ذا الآدمي وش يبي مني : يعني بتقول لهم عني ؟؟
فهد تنهد : اسمع كلامي و ما بعلم احد ...
حنان حتى هو يبي يستغلني : اسمع كلامك في ايش بالضبط ؟
فهد ابتسم : مع الوقت بتعررف ...
جا بيطلع نادته .....
حنان : لحظه انت اش اسمك ؟؟
فهد لف عليها : اسمي فهد ...
حنان : طيب يا فهد ممكن تعطيني جوالك .. بكلم ولد خالتي بس ....
فهد بتفكير : و انت وين جوالك ؟؟
حنان : آ نـ نسيته بالبيت من العجله ...
فهد جا بيعطيها الجوال .. فاجأهم مشاري بدخوله ...
حنان هئئئئئئئ وش جابه اللحين ؟ رحت فيهاااا ...
مشاري يناظر يد فهد يومه يمد لها الجوال : اوووه ليه تعطيه جوالك ؟
فهد : يقول يبي يكلم ولد خالته لانه نسى جواله بالبيت ...
حنان رجعت يدها ما عاد بتاخذ الجوال .. و خايفه من ردت فعل مشاري ..
مشاري : انا اقول ليش تأخرتواا .. خلااص روح انت يا فهد .. انا بعطيه جوالي ..
فهد : اييه بعد احسن ...
ثم طلع من الحمام -الله يكرمكم - ... مشاري يناظرها بنظرات كلهاا شر ..
حنان بخوف : مـ ما عاد اعيدهاا والله ..
مشاري مسك ذراعها بقوه لدرجة غرس اصابعه .. و قرب لاذنه و قعد يصارخ : انت وش كنت ناوي تسوي هاااااه ؟ وش فهمك هتان قبل لا ننزل .. ودك تموت الليله ؟
حنان تجمعت الدموع بعيونها : خـ خلاص ما بسوي شي بس اتركني ..
مشاري دفشها ع الجدار و مسكها من ياقتها كأنه يخنقها : شووووف لا تحسبني امشيهاا زي هتان تراك ما تعرفني ...
حنان طاحت دمعتها ألم و خوف : بـ بـ بتموتني !!!
مشاري عينه بعينها .. وقف يناظر العيون .. نفس الاحساس رجع له وش هالعيون ماهي عيون ولد انشهد ......
تركهاا و سحبهاا على برى ...
مشاري : لو ايش ما يصير ما اخليك تطلع لحالك مره ثانيه .. حيوااان لازم تتأدب ... >> قالها الكلام من ورى قلبه ...
حنان الله لا يوفقك لا انت و لا هتان .. كانت فرصه اكلم فيصل و اعلمه بمكاني بس ضاعت .. و انا ضعت .... لا لا ما بستسلم لازم ألاقي أي جوال و بأي طريقه .. طبعا اذا تركني مشاري في حالي .......

بعد ساعه و نص وصل يزيد و معه شلته .......
نواف و فيصل وصلواا الرياض و اللحين طالعين منها قطعوا 20 كلم برى الرياض ..

انتــــهى البــــارت