شبكة همس الشوق - عرض مشاركة واحدة

4 - 8 - 2015, 03:14 PM

بـــــــــــــــــــــــــــــارت [32]

بعد ساعه و نص وصل يزيد و معه شلته .......
نواف و فيصل وصلواا الرياض و اللحين طالعين منها قطعوا 20 كلم برى الرياض ..

باستراحة الشباب .....
يزيد : اووه نايمين ؟؟!
مشاري : ههه لا بس سواقنا هتان تعب و قال بينام له شوي ...
يزيد : بس جبنا غدا ..
مشاري : و لا يهمك اللحين نصحيه ...
يزيد : أي عشان الشله وصلو اللحين رح يدخلوا للاستراحه ...
مشاري : الله يحيهم ...
حنان كملت والله ! .. المكان يقرف احس اني برجع ريحة دخان و قرف اووووف ..
صحا هتان و سلموا ع الشباب الجدد و قعدوا للغدا .... إلا حنان رفضت تاكل معهم ...
حنان مع اني ميته جووووع بس مستحيل اقعد معهم ع سفره وحده ...
يزيد : وش فيك قاعد بزاويه ؟ .. يلا تعال تاكل معنا ..
حنان اشكالكم تسد النفس : شكرا مالي نفس ...
هتان : خله عيال النعمه ما ياكلون من اكلنا ...
شلة يزيد مستغربين كلام هتان ..
واحد منهم : يعني هذا ولد بطارى ...؟؟؟
هتان : ايييه ينعن شكله عليه حظ ... لو شفت العماره اللي ساكن فيهاا
رد عليه : ووووه شي ....!
يزيد : هههه لا تحسدونه ..
هتان : اتركه بخيل علينااا مع اننا اخوياه ..
واحد ثاني : تدري ممكن يفيدنا اذا معه فلوس ...
يزيد ناظر خويه بحده : هيييه مو قدامه ...
ابتسم خويه بخبث و كمل اكل ....
حنان بقهر .. واضح واضح يبون فلوس و يتكلمون عني قدامي و انا ماكله تبن و ساكته .. وينك يا وليد ؟ رح اخلي وليد يدفعهم الثمن واحد واحد ..

خلص يزيد اكله قبل الكل .. غسل و قعد جنب حنان .. و باقي الشباب لسا ع السفره سوالف و ضحك ...
يزيد : وراك زعلان و قاعد بزاويه كنك جيت معهم مغصوب ..؟
حنان اييه جيت مغصوبه ودي اقوله بس عارفه اش رح يصير لي ما رح يخليني هتان في حالي : لا ابد ماني زعلان .. زي ما قالوا ما تعودت اول مره اسافر بر احس بشوية ارهاق لا اكثر ..
يزيد ابتسم : صح الظاهر كنت ما تطلع الا بطيارة .. من جد محظوظ ..
حنان انا وجهي وجه فقر وش محظوظه فيه .. يلا نسلك : اللحين انت اللي بتحسدني !
يزيد : ههه لا ما قصدت ...
حنان ناظرت هتان & مشاري اللي مشغولين بالاكل و السوالف مع شلة يزيد و منسجمين ع الآخر >> لانهم كانوا يسولفوا عن مغامراتهم في التفحيط ..
حنان هذي فرصه اخذ جوال يزيد و ارسل مسج لفيصل : لو سمحت ممكن تسلفني جوالك شوي ..؟
يزيد مستغرب : أمااا ما عندك جوال ..
حنان : لا لا عندي بس نسيته بالبيت ..
يزيد طلع جواله : اوك ما طلبت شي ..
حنان : مشكور والله .. ابطمن الأهل علي ..
يزيد هز راسه برضا ...
حنان تحاول تخبي الجوال بحضنهاا و كتبت لفيصل : " فيصل هذا انا حنان هتان خطفني و وداني استراحه ...... " وقفت شوي و لفت ع يزيد و سألت .........
حنان : احنا وين بالضبط ؟
يزيد : احنا باستراحة الـ ....... برى الرياض بـ 60 كلم ..
حنان يسس عطاني العنوان : اهاا طيب ...
قعدت تفكر فيها شوي ... لو جا فيصل ما لازم يدخل الاستراحه هنا ناس كثير و اصلا ما رح يقدر عليهم اخاف يصير له شي لزوووم اطلع له برى خلاص تم ...
كملت كتابة مسجها لفيصل : " فيصل هذا انا حنان هتان خطفني و وداني استراحه الـ ...... برى الرياض بـ 60 كلم هذا الجوال سرقته انتبه تدق عليه انا عارفه انك بالشرقيه اللحين بستناك ....... " .. رجعت مره ثانيه و سألت يزيد ...
حنان : يزيد ..
يزيد : عيونه ...
حنان عمى بعيونك .. طنشي : امم .. كم ناخذ وقت من الشرقيه للرياض ..؟
يزيد استغرب : اللحين انت جاي بر و ما تعرف كم اخذتوا وقت ...!!
حنان : لأنووو ..
يزيد مسك يدها بالتحديد معصمها و يأشر ع الساعه : هذي مو ساعه .. كيف ما حسبت ؟!
حنان سحبت يدها : كـ كنت نااااااااااايم ...
يزيد : هههه طيب طيب .. تاخذوا 4 ساعات من الشرقيه للرياض ..
حنان : ماله داعي التفسلف كان جاوبت ع طول ..
يزيد يده ع شعرهاا : احب أتفلسف ع اللي زيك ..
حنان ابعدت يده .. يعني مضطره اتحمل ذي الاشكال 4 ساعات اووووف ..
و ارسلت لفيصل .. " فيصل هذا انا حنان هتان خطفني و وداني استراحه الـ ...... برى الرياض بـ 60 كلم هذا الجوال سرقته انتبه تدق عليه انا عارفه انك بالشرقيه اللحين بستناك 4 ساعات ثم بشوف لي طريقه اهرب فيها على برى و رح استناك هناك ....... "
ثم ارسال ..... و رجعت له الجوال ...
يزيد : ما اسرع خلصت !
حنان : ارسلت مسج لاني لو بتكلم بطول ...
يزيد : عاادي كان اخذت راحتك ...
حنان : لا لا مسج احسن ...
يزيد : طيب ممكن تسجل رقمك بجوالي ؟ عشان نتواصل مع بعض ...
حنان ما بقى الا انت اعطيه رقمي : للاسف ماني حافظ رقمي ...
يزيد : مره غريب في احد مو حافظ رقمه ...!!
حنان : أي انااا ...
يزيد : ههههه غريب و fun في نفس الوقت .. ما علينا ( صارت ملامحه اكثر جديه ) .. انا بخاطري سؤال ودي اسألك اياه ...
حنان الله يستر وش سؤاله : وشوو ؟
يزيد : اش علاقتك بهتان ؟؟؟
حنان قصده الحيوان هتان زين انه مو سؤال يخوف : اش قصدك من السؤال !؟
يزيد : لا بس اشوفه مهتم لك كثير ...
حنان لازم اصرفه : عاادي اصحاب >> قالتها بدون نفس ..
يزيد مفكرني صدقته .. قروبهم مره غريب .....

بسيارة نواف ...... وصل المسج لفيصل ...
فيصل بفرح : لقييييييييييييته .. حمد لقيته .. ارسلي عنوانه ..
نواف : كيف ارسل عنوانه ؟
فيصل : يقول انه سرق الجوال و ارسلي ..
نواف : طيب وينه اللحين ؟
فيصل : طلعوا برى الرياض بـ 60 كلم .. و هم اللحين باستراحة الـ ...........
نواف : اوكيه فهمت بنسأل أي احد عن المكان و رح نوصل له ...
فيصل بقلق : ان شاء الله بس تكفى اسرع ..
نواف : اككثر من كذا سرعه !
فيصل : اييه لازم اساعده ..
نواف : بنساعده لا تخاف ...
فيصل باحباط : بس هو يحسبنا بالشرقيه ما يدري اننا وصلنا الرياض ...
قاله فيصل عن كل شي مكتوب بمسج حنان ...
نواف : يعني بيقعد داخل الاستراحه 4 ساعات ...
فيصل : اييه .. كيف اقوله اننا بالرياض ...؟؟؟
نواف : ارسل لنفس الرقم باللي بقوله لك ...
فيصل : اوكيه قول ....
ارسل لحنان : " مرحبا انا قريب وليد .. ممكن تقوله اني انا صرت بالرياض توني وصلت و ان شاء الله اشوفه عن قريب .." ....... ثم ارساااال ..
فيصل يناظر شاشة جواله يقرا مسج حنان كل شوي .....
نواف : وريني المسج اللي ارسله حمد ..
فيصل : هااه .. لااا ماله داعي ... قلت لك كل اللي قاله بالمسج ...
نواف : ما تدري يمكن اقرا شي انت ما انتبهت له ..
فيصل : يعني انت تستغبيني و لا ايش ؟!!
نواف : على هونك انا ما قلت كذا
فيصل يصرف : اصلا .. اصلا مسحت المسج ...
نواف بدا يشك : مسحته ! هاا ...
فيصل بعصبيه : اييييه مسحته عندك شي ..
نواف ودي اعرف ليه ما يبيني اقرا المسج : طيب طيب ما قلنا شي ..
فيصل الله يهديك يا حنان كان كتبتي بالمسج حمد مو حنان ...

وصل المسج لـ يزيد .. ما كان قاعد جنب حنان هالمره ... كان برى بحوش الاستراحه و معه واحد من شلته .....
يزيد : اقول يا الزفت رح نادي لي وليد ...
: عدل ألفاظك يا الطعس ..
يزيد : هههه كلنا بالهوا سوا رح ناده و لا يكثر ...
راااح لداخل الاستراحه و نادى حنان .. بس هتان ما سمح لها تروح ...
هتان : خليك اللي يبيك يجيك ...
: كيفكم انا قلت لكم ... ( وراااح ) ....
مشاري : وش فيك يا هتان خله يروح .. مانبيهم يحسوا على شي ..
هتان : صاحي انت اخليه يروح .. هذا يبيها من الله تبيه يهرب ..
مشاري : انا براقبه من بعيد لا تخاف ما بتركه ..
هتان : طيب على مسؤوليتك و ان صار شي بتروح فيهاا ترى ..
مشاري : ايييه ما بيصير ... يلا انت قوووووم ...
حنان يا ترى وش يبي يزيد مني بعد ؟؟؟؟؟
طلعت تشوفه و مشاري وراهم بعيد شوي .... اول ما طلعت للحوش تتلفت بخوف ...
حنان هاذول اللي شفناهم يوم جيناا .. شوف كيف يناظروني .. لدرجة احس ممكن يهجم علي واحد منهم بأي لحظه .. يمممه ألحقيني اشكالهم رعب ..
واحد ناداهاا و هو يترنح و ماسك قاروره : ي الحبيب ... ودك تشرب معنااا ؟
حنان هئئئئئ وش يبي ذا .. ( لفت ع ورى تشوف مشاري كأنها تبيه يساعدهاا .. بس مشاري ما كنه لا يسمع و لا يشوف ) ..
شافها يزيد كان واقف قريب من البوابة فناداها : ولييييييييييد اناا هناا تعاااال ..
حنان وجهها اصفر من الخوف و تتنفس بسرعه : نعم ! وش بغيت ؟
يزيد : اووه اكيد خفت من هالاشكال ..
حنان هزت راسه بمعنى أي ..
يزيد ابتسم لها : طنشهم و لا ترد عليهم .. اذا ما رديت ما بيسووا لك شي ..
حنان : ليش انت مخليهم هنااا ؟
يزيد : قاطين معنا بالاستراحه ... تبي اقولهم يمشوا ..؟
حنان : ياا ليت ..
يزيد : ابشر رح اكلمهم ..
حنان : صحيح انت وش كنت تبغا مني ...؟
يزيد عطاها الجوال : الظاهر ان هذا الرقم اللي ارسلت له من شوي ..
حنان شافت الرقم : أي هوو .. ( قامت تقرا المسج ابتسمت مع اني قلت له لا يرسل على هالرقم .. ثم تنهدت ) الحمد لله ..
يزيد : مين هذا ؟؟؟؟
حنان : هذا هذا واحد من اصدقاي ...
مشاري لما لمح جوال ... خاف لا تكون بتكلم احد .. و قرب عليهم شوي حتى يسمع كلامهم ...
يزيد : غرييييبه انت قلت بتكلم الاهل و تطمنهم مو اصدقاك ..
( قطع على مشاري واحد جا بيمر .. و مشاري كان واقف قدامه .. تناجر معه شوي ... فما امداه يسمع باقي محادثة حنان و يزيد ...)
حنان ارتبكت : لااا ارسلت لهم و ارسلت لهذا بعد ..
يزيد سلك : اهاا ..
حنان غريبه ليش ناداني على برى كان يمديه يقولي ع المسج قدام العالم و داخل .. بس تصرفه هذا انقذني ...
و هي بعمق تفكيرهاا و ماسكه الجوال .. حست باليد البارده اللي تعانق وجهها ... حست بقشعريره بجسمها ... شهقت من الخوف و رجفت.. ثم تراجعت على ورى ..
حنان : سلاااااامااااااات !!!
يزيد ابتسم : أنت .............
بعد ما خلص هواشه لف وشاف المنظر .. فقاطعهم مشاري على طول .. لما شاف ان يزيد ناوي على شر ....
مشاري : وليييييييييييد ... تعاااال بسرعه الزعيم يبغاك ...
حنان لفت بخوف : ان .. ان شاء الله ..
يزيد رجع السيجاره بفمه : ههههههه كنت متوقع .....

مشاري سحبها من يدهااا ...
حنان : اتركني ما بهرب ...
مشاري بعصبيه : اصبر بس الى ان نوصل ..
حنان انصدمت : وين نوصل ...؟ ( تتلفت حولها ) .. تعديناا مكان الشباب وين بتاخذني ؟؟؟؟
مشى معها الى مطبخ الاستراحه .. فتح الباب و رماهاا بقوووه على داخل .. الى ان طاحت بالارض حتى انها ضربت رجلها بالجدار بقوه ..
حنان ماسكها ع رجلها و تتألم : آآآي رجـ رجلي ليييييش سويت كذا ؟؟؟؟
مشاري رد عليها بكف علّم ع خدهاا الايمن : آه يا الحقير .. كم مره حذرتك ؟؟! .. (صرخ ) كم مرررررره ؟!
حنان دموعها ع خدهاا .. يمممه يخوف كيف يتجرأ يضربني : وش .. انا .. سويت ؟؟!
مشاري عطاها كف ثاني ع خدها الايسر : وش سويت هااه ؟؟ وش سويت يا الحيواااان ؟؟ .. انت مفكرنا اغبياء تضحك علينا انت و لا ايش .. من حضرتك ؟؟؟! ..
حنان تمسح دموعهاا : جعل يدك الكسر ....
مشاري راح لهاا و شد بشعرهاا الى ان وقفت : عيد عيد ما سمعت كان في امك خير عيدهااا ..
حنان : اتـ اتركني ما سويت شي ....
مشاري رماهاا ع الجدار و خنقهاا و هي تحاول تبعد ايدينه : مييييين كنت تكلم بالجوال ؟؟؟ بسرعه اعترف ...
حنان هئئئئئئ شاف جوال يزيد معي : صـ صدقني ما كنت اكلم احد .. هو وراني بي سي بجواله بس ...
مشاري : ما ادري كأني سمعت يزيد قالك " كلم الاهل " .. انا سمعته يقول كذا ...
حنان لازم اصرفه : هو يقصد .. هو يقصد اهله ...
طبعا كانت تشاهق بكي ...
مشاري يفكر شوي : ممكن يكون كلامك صح ...
حنان صرخت : اتركني ! ..
مشاري ناظرها من فوق لتحت باشمئزاز : انت اللحين رجااال ؟؟! تشاهق و تبكي .. حشا منت برجال ...
ثم تركهاا .. انرمت ع الارض تحاول تجمع نفَسهاا .. خنقها بقوه ..
حنان بنفس مقطوع : حتى .. الرجال .. يتألمون .. و يبكون ....
مشاري : بتسوي في امهاا فاهم علي ..
( في شي في داخله حاقد عليها وده يقعد من اليوم لبكره يضرب فيها ..)
مشاري نزل لمستواها و شد بشعرهاا : ليش ما تضربني ؟ ليش ما تدافع عن نفسك ؟ خلك رجاااااال .. اللي يضربك اضربه ليش انت كذا ؟؟؟
حنان : ما ابي اضرب احد اترك شعري ...
مشاري : اذا تبيني اتركك اضربني دااااافع عن نفسك يلااا وريني ..
( لحظه نتكلم حن حالة مشاري في هذي اللحظه .. عنده مفهوم مترسخ في عقله الرجال ما يرضى ينضرب و يدافع عن نفسه مهما كان ضعيف .. وده يتأكد هي ولد ولااااا .....)
حنان وان ضربتك ما يفيد انا بنت و لو ضربت ما كني ضربت .. استسلمت له و مسحت دموعها : اذا ودك تضربني اضرب .. انا ما عاد يهمني ...
مشاري عصب و رمااهاا ثم نفض يده كأنها شي قذر : انت انسان ما تشرف و حرام ينقال لك رجال ...
حنان تناظر الارض : ............... و لا رد
مشاري : انقلع غسل وجهك بسرعه .. ابيك تطلع قدام هتان طبيعي .. و ان كان فيك خير علمه باللي صار ...
حنان بقلة حيله .. سمعت الكلام غسلت وجههاا .. مع ذلك علامات الكفوف ما راحت أي احد كان رح يلاحظهاا ...

في نفس الوقت و قبل لا تغرب شمس الاربعاء .. في بيت اصايل .. كانت تجهز نفسها للطلعه .. دق جوالها ...
اصايل : هلا شهوده ..
شهد : هلا حبيبتي اشتقت لك ..
اصايل : ههه ما امدى غبت ..
شهد : لا صراحه خفت عليك لما اختفيتي ذاك اليوم انا و العنود كنا قلقانين عليك ..
اصايل : حبيبااتي .. سوري خليتكم تقلقوا .. انا ما فيني شي ...
شهد : طيب ودي اشوفك .. رح أمرك بعد شوي ...
اصايل : لااا انا مو بالبيت .. عندي مشوار مهم اليوم ..
شهد : اهاا .. حسافه كان ودي اشوفك ..
اصايل : هههه لا تزعلي بكره العزيمه ان شاء الله اشوفك ..
شهد : اييه صح ان شاء الله ..
قفلت منهاا .. و طلعت من البيت .. بسيارة تركي اللي كان مستنيهاا ..
اصايل : اجل مسكتوه ؟
تركي : أي مسكناه ..
اصايل : و سويتوا له اللازم ؟
تركي : و اكثر من اللازم زي ما تحبي بالضبط ...
اصايل ابتسمت بخبث : وااه شي حلوووو .. و متحمسه اشوف ردة فعله لما يشوفني .. يلا يلا حرك مره مستعجله ..
تركي : حاضر طالع عمرك ..
اصايل : إلا قول لي ناصر سواقنا الاولي وينه ؟؟؟ كان مره مفيد لي ..
تركي : انتقل لقسم ثاني بالشركه ...
اصايل : هممم .. انت تكفيني يا تركي ..
تركي ابتسم : هذا شرف لي طالع عمرك ..
وصلوا لمكان بعيد شوي عن المدينه .. بدقه مستودع بضائع مهجور .. فتح لها الباب و نزلت ...
اصايل تنهدت : اشتقت للمكان ...
ثم دخلت للمستودع اللي كان حوله كم من حارس .......
كان معصوب العنين .. ايدينه مربوطه و رجلينه مربوطه و وجهه كله دم من الضرب ... و مرمي ع اﻷرض ...
اصايل قعدت على كرسي مقابيله : اناااا جييييييييييت ...
سمع الصوت و عرفهاا : انتي ي الحقيره كنت متوقع ...
اصايل : ﻻه ﻻه انا حقيره ؟! اذا انا حقيره انت اش تطلع ؟ ..
: فكيني و انا اوريك ....
اصايل عطتهم اشارة بمعنى اضربوه .. و لقى له كم من كف و داسوه برجولهم .... كان يتألم و ينزف ...
اصايل بدلع : بيبي ما ودك اني اسامحك ... ما ودك اني اتركك تروح ... اعتذر لي و ترجاني .. و بوس رجولي و انا اوعدك رح افكر اسمح لك تروح ... شو قلت يا رائد ؟؟؟
رائد : اتخسين والله ما اذل نفسي لمره .. و حقيره زيك ...
اصايل عصبت : انت و اياه شيلوا اللي ع عيونه ... خلوه يشوفني و انا اتكلم ...
شالوهاا طلبعاا ... قامت من كرسيها تتقدم باتجاهه خطوه خطوه .. الى ان وصلت له .. داست برجلها ع راسه بقهر و بقوه ...
رائد : ي بنت الكلب ...
اصايل دعست بقوه : محد كلب غيرك ... انت ما تعرفني ... والله ما ارحمك .... مين حضرتك حتى تتجرأ تمد يدك علي ...
رائد : بردها لك يا حقيره بردهاا ..
اصايل : هههههااااي .. هذا اذا طلعت و انت حي من هالمكان ..
رجعت قعدت على كرسيهااا ...
اصايل : تركي عطني ....
تركي طلع سكين : تفضلي طالع عمرك ...
اصايل تمسح ع السكين بخفه وتناظر رائد : همممم اش رايك يا تركي اقتله ...؟
تركي : اللي ودك فيه يصير ..
اصايل ابتسمت بشر : ما تخيب ظني ابد يا تركي ...
تركي رد الابتسامه : شكراا ..

عند حنان .. لازالت بالمطبخ تغسل وجههاا .. مشاري واقف يستناها و يناظرها يحاول يفهم شعوره .. كان ماسك على قلبه ...
مشاري ليش انقهرت لما يزيد لمس خده ؟! .. ليش ليش حسيت كأنه ......
حنان خلصت لفت عليه : انا .. انا خلصت ..
مشاري انقطعت افكاره : امش قدامي ...
فتح الباب و دفشهاا على برى ....
حنان : طيب لا تدف ...
مشاري : لا تناااافخ و لا جازت لك الكفوف اللي من شوي ..
حنان حطت يدها ع خدها و ناظرته بحقد : ما كان لك حق تضربني ...
مشاري دفشهاا : امش و لا تكثر كلااااااام ...
خافت فسكتت منه .. مشوا و وصلوا للمكان اللي فيه الكل ... قعدت بعيد عنهم .. بس هتان ما تركهاا ...
هتان : وش فيه الحلو زعلااااان ؟
حنان ضمت رجولها لصدرها : ما فيني شي ...
هتان مسك وجهها : وش هذااا ؟
حنان بعدت يده : كم مره اقولك لا تلمسني !
هتان طنش : ليش وجهك احمر ؟
مشاري كان قريب منهم و سمع هتان يوم يسألها : تقووول وجهه احمر ؟
هتان : اييه شووف .. كأنه متهاوش مع احد ...
مشاري مجهز التصريفه : لااا وين يتهاوش ذا .. تلقاه من البرد صار وجهه احمر .. تعرف الاجواء بالليل تصير ابرد ..
هتان صدق : اهااا .. أي والله انك صادق ...
مشاري الحمدلله صدقني ...
هتان : ي الحب تبي اعطيك جاكيتي تدفى !؟
حنان تربعت : لأ ...
هتان : ليش اعطيك الجاكيت تعال بحضني والله تدفى هههه ...
مشاري : ههههههههههههه قوووويه ..
حنان خزته .. و سكتت ما ردت ...
دخل يزيد للاستراحه ....
يزيد : شبااااب احنا بنستأذن نبي نرجع .. و انتوا خذوا راحتكم بالاستراحه ..
هتان : تو بدري خلوهاا سهره اليوم ..
يزيد : لا اكيد ودكم ترتاحون ... بكره نستانس مع بعض ..
هتان : ايييي و لا تنسى التحدي ..
يزيد : الميدان يا حميدان ما بنسى ... يلااا يا عيااال خلوناا نمشي ( يقصد شلته ) ...
طلعوا شلة يزيد و يزيد معهم .. و الاشخاص الغريبين اللي كانوا بالحوش بعد راحوااا بعد ما كلمهم يزيد ... كان مشاري & هتان & حنان قاعدين زي قروب لحالهم .. جا لهم عساف ...
عساف : اخيرااااا فضا الجو شوي ...
هتان : اشوفك انسجمت مع هذا اللي اسمه سلطان ...
عساف : هههه أي عنده مغامرات ياخي ودك تقعد و تسمع له ...
هتان : عيني بعينك .. ما كنت تشبكه ؟؟
عساف : هههههههههه الولد جميل بس ( ناظر حنان اللي ما كانت معهم ) مو اجمل من وليد ....
هتان : هيييه خلك مع سلطان بس ... ابو كرش و يتكلم ..
عساف : يا المخفه ليه مزعل خويك .. اذا بتزعله عطني اياه ...
هتان ابتسسم : وليد مو زعلان بس مشتاق لأهله ..
مشاري يناظرهاا .. و يناظر علامات الكفوف للحظه كره نفسه لانه سواها ..
عساف : اييه هين ... اقووول ليه ما ترد علي بالبي بي ...؟
هتان : اوووه ذكرتني .. خدمتي للأسف خلصت اليوم الفجر ..>> يعني الى هاللحظه ما شاف رسالة وليد يوم نسى وراسله و هو بالمدرسه تذكرتوا الموقف ؟؟؟؟
عساف : ايييه و انا اقول ليه ما ترد .. توقعت انها خلصت ...

حنان تناظر ساعتها ..اتوقع ما باقي وقت كثير على وصول فيصل .. لازم اطلع على برى .. بس كيف .... ( قعدت لحظات تفكر ) .. بس لقيتهاااا ...
حنان : هتاان ..
هتان لف مصدوم : انت قلت اسمي ... شبااااب سمعتوه و لا انا سامع غلط ..
مشاري : ههه وش فيك منت مصدق ...!
عساف : بالهون لا تموووت عليناا بس ..
هتان : اول مره يقول اسمي .. آه يا زين اسمي على لسانه .. آمرني يا الخفوق وش بغيت ؟
حنان اووووف هذا و انا ولد لو درى اني بنت اش كان قال و اش كان حكى .. ترددت تقوله : اش .. رايك .. نطلع برى ...؟
هتان عض شفته السفليه و هو يبتسم : ودك نقعدد لحالنااا ..؟
حنان نظراته ما تريح بس لازم اطلع و اعطيه جوه : أي نقعد لحالنا ..
هتان : اكييييد بنطلع لعيون الحب .. بس .....
عساف : ههه غيرت رايك اذا ما بتطلع معه انا بطلع ...
مشاري : وش فيك يا هتان ..؟
هتان تنهد : اخاف عليه من البرد .. انت ما شفت وجهه ...!
مشاري & عساف : هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههه
حنان مستتغربه .. و تأكدت ان هتان مو طبيعي و بدت تخاف منه .. تمنت لو انها ما طلبت منه هالشي ...
هتان : اضحكوا يا مال السلال اضحكوا ..
عساف : ههههه بالله من جدك .. ههههه وش تحس فيه ؟؟ ..
مشاري : ههههه اطلعوا لا تشيل هم ... هههه الى برد حضنك موجود و لا هههههههههههههه ...
هتان : وليد قوووم معليك منهم ...
حنان غيرت رايها لانها خافت : لااا خلاااص ما عاد ودي ..
هتان ناظرهم بحقد : عجبكم اللحين .. هون ما يبي يطلع ..
مشاري : و ليش ؟؟.. انت بتاخذ رايه ؟! .. اذا طقت بمخك اسحبه من يده و روح ...
عساف : آه يا الشرير يا مشاري ما هقيتك كذا ...
مشاري : هههههه ما احب الدلع ...
هتان : تدرون مشاري صادق عنده وجهة نظر ...
حنان هئئئئئئئئئئ ليكون بيصدقه و يسويهاا..
هتان مسك يدها و سحبهاا غصب ...
حنان استاهل انا اللي جبتها لنفسي .. من كثر ما خفت اليوم احس قلبي تجمد و ما عاد يقوى يخاف .. محتاجه فيصل محتاجته ينقذني باسرع وقت تكفى يا فيصل بسرعه تعاااااال ...

نروح شوي عند فهد .. اللي كان قاعد مع طلال و مهند ..
مهند : وش فيك ؟ شكل الطلعه ما عجبتك ..
فهد : لا بالعكس غيرت جو .. ع الاقل احسن من مقابل وجه اخوي ...
طلال : يا ليت لو اعرف اش بينك و بين اخوك ...
فهد عطاه نظره .. و عصب ...
طلال : خلاااص خلاااص بلاها هالنظره انسى اللي قلته ..
مهند حط يده ع كتف فهد : خلنااا نستانس و ننبسط قد ما نقدر هذي اول سفره شبابيه لنا ..
فهد : أي بستانس بس اللحين لازم نروح فندق .. مستحيل انام بذا الخياس ..
طلال : هههه اللحين الاستراحه صارت خياااس ؟؟؟
فهد : شوف القرف .. عن نفسي مستحيل انام هنا ودك تجي معي حياك الله ما ودك ما يهم ...
طلال : لااا بقعد مع الشباب متعود انا ع الاستراحات ..
فهد بدون نفس : فكه ..
طلال : اوووف صاير ثقيل دم ..
فهد : ماهي بثقالتك ...
مهند : خلااص انت و اياه ..
فهد : انت بتجي معي صح ؟
مهند : ما اقدر اتركك لحالك بعد كل شي انت ولد خالي ..
فهد : كفووو هذي الناس .. مو بهذا ( و يأشر على طلال ) ..
طلال : والله انا ماني من قرايبينك بعدين قلت لك جيت عشان استانس مع الشباب ..
مهند : خلااص اقعد يا طليطل .. بس المشكله يا فهد ما معنا سيارة جينا مع عساف ..
فهد : همممم .. تكفى طلووول كلمه يوصلنا لأقرب فندق فخم .. هو صديقك اكثر شي ... و حتى لو يبينا نحجز له بنحجز له و كل مصاريف الحجز على حسابنا ..
طلال : اللحين عرفتوا قيمتي هاا ...
فهد : لا تتفلسف و يلا قوله ...
طلال : هههه بما ان كل المصاريف عليك .. ابشر رح يوافق و يتشرط بعد ..
فهد : ماهي بمشكله اهم شي ما انام وسط ذا الخياس ...
طلال كلم عساف و على قولته وافق على طول ...

يتبع........