شبكة همس الشوق - عرض مشاركة واحدة

7 - 8 - 2015, 11:36 PM

بـــــــــــــــــــــــــــــارت [38]

وليد هههههههه عصب .... انا بعد احس جاني النوم خل انام لي شوي قبل الصلاه .....

العصر في بيت اهل نواف ... العنود راحت لأختها تفاتحها بالموضوع ...
العنود دقت الباب : جوووج انت صاحيه ؟؟!
الجوهره : أي حبيبتي ادخلي ...
كانت الجوهره لسا على سريرها و ماسكه الجوال ....
العنود : اووه شكلك رح ترجعي تنامي ...
الجوهره : أي برجع لاني سهرت امس .. كان عندي مكالمه مهمه بخصوص الكليه .. آمريني حبيبتي ...
العنود قعدت جنبها : هممم انا بغيتك في موضوع مهم ..
الجوهره : خير ان شاء الله ...
العنود : اول شي بسألك انتي تحبي احد او في شخص معين في بالك ..؟
الجوهره تفاجئت من سؤالها : ليش تسألي ؟!
العنود : جاوبيني و بقولك ..
الجوهره ترددت .. صعب تقول لها عن خالد : بصراحهه .. لأ ..
العنود ابتسمت : حلوو .. يعني اذا تقدم لك احد ما رح ترفضينه !
الجوهره : اييييييش ! .. اقصد لا لا انا ما خطر لي الزواج اللحين .. رح اكمل دراستي ...
العنود : اش تقولين انتي ؟ شوفي كم صار عمرك اللحين .. عمرك مناسب للزواج .. تبين الصراحه وحده من جماعتنا مي اذا تعرفينها بنت ام اسامه كلمتني ان ودهم يتقدمون لك ...
الجوهره تحاول تستوعب : اش قاعده تقولين انتي ..؟!
العنود : اسامه اخو مي رح يتقدم لك .. الولد ما يعيبه شي و الكل يمدحه .. ليش حتى ما توافقي عليه !؟
الجوهره : قلت لك ابكمل دراستي ... بعدين انتي اش دراك انهم بيتقدمون لي ؟
العنود : اخته مي قالت لي اليوم بالمدرسه و ودها تعرف رايك عشان ما يتفشلون ....
الجوهره : اكيد ما رح اوافق و الولد رح يلاقي غيري .. كثر الله البنات في البلد..
العنود ناظرتها بحده : اناا سمعت عنك كلام ... جوج سمعت ان في شي بينك و بين خالد ... انتي اذا رفضتي اسامه رح تأكدي شكوكي ...
الجوهره ارتبكت : لاااا يا حبيبتي ما في أي شي ... و قلت لك انا برفض عشان دراستي ...
العنود : ما يمنع تكملين دراسه و تتزوجين .. الولد موافق انك تكملي دراسه و ممكن يخطبك و تملكون و الزواج بعد ما تخلصين ...
الجوهره : ههه من جدك نقعد سنه و نص مخطوبين !
العنود : عاادي تتعرفون على بعض خلال سنه .. اش قلتي ؟!
الجوهره الاكيد اني ما ودي اوافق .. بس اختي تحب الانسان اللي احبه .. و شاكه فيني وضعي صعب ... : خلاص حبيبتي عطيني فرصه افكر ...
العنود لازم اعرف قرارها قبل الخميس الجاي حتى ما تكون لخالد أي فرصه يتقدم لها : اوكيه اليوم الاحد عندك يومين لازم اسمع ردك الاربعاء لانهم مستعجلين ..
الجوهره : الله يكتب اللي فيه الخير ...
العنود : اخليك اللحين كملي نومك ..
الجوهره : اوكيه حبيبتي ...
بعد ما طلعت العنود .. طاااااار النوم من عيونهاا ..
الجوهره انا غبيه كيف سمحت لنفسي احب الشخص اللي اختي تحبه و غير كذا اصغر مني .. اش قد اكره نفسي .. كيف وعدت اختي اساعدها بحبها لخالد و اروح احبه من وراهاا .. آه يا ربي ليش خنت اختي كذا ؟! جد جد اني ما استحي و كذبت على العنود .. يا الله كيف كيف بواجهها .. مستحيل اقدر اتزوج خالد لو تنطبق السما ع الارض .. ماني مستعده اخسر العنود .. لازم ادوس على قلبي و اوفق ع العريس يمكن اذا درى خالد بينساني و تكون للعنود فرصه .. لازم اوافق لاني احس بالذنب لازم ........
كلمت الجوري و اتفقت تقابلها عشان تحكي لها على اللي صار .......

نزلت العنود على تحت و قعدت مع امهاا .. حكت لها ان فيه شخص ناوي يتقدم للجوهره امها انبسطت ع الخبر .....
ام نواف : و ايمتا قالت بيجون ؟؟
العنود : خليني اسمع رد الجوهره و بنشوف ...
ام نواف : الظاهر بتروح على خالد ولد عمك ...
العنود تضايقت : ليش هو كان بيخطبهاا ؟!
ام نواف : ما ادري حسيت من كلام امه يوم بالعزيمه ...
العنود : يمه خالد اصغر من الجوهره من جدكم بتوافقون عليه ...!
ام نواف : أي والله نسيت انه اصغر من الجوهره بسنه ..
العنود : فكري فيها يا يمه لو وافقتوا على خالد الناس بتاكلكم بالكلام .. بيقولوا بنتهم محد خطبها و زوجوها لولد عمها و هو اصغر منها ...
ام نواف : والله راح عن بالي كلام الناس .. زين قلتي لي ..
العنود تنهدت براحه : انا احب اختي و ما ابي لها الا السعاده و انا متأكده ان سعادتها مع غير خالد ...
ام نواف : يا بعد عمري يا العنود ...
العنود : فديتك يمه .. يلا انا بطلع ...
ام نواف : وين ؟!
العنود : انا و اصايل و شهد رايحين نتمشى ممكن نروح البحر و بنتعشى برى ...
ام نواف : زين لا تتأخرون وراكم دراسه ..
العنود بابتسامه : خلصت كل واجباتي باخذ راحتي برى ...
ام نواف : ....................

في الشقه الكل صحا من النوم ... فيصل ظل بغرفته يذاكر دروسه و يحل واجباته خصوصا انه كان غايب ........
جت حنان بتطلع .....
فيصل : لحظه لا تروووح !
حنان : وش فيه ؟
فيصل : تعال علمني بكل شي اخذتوه اليوم ...
حنان بضيق : يعني لااااااااازم ؟!
فيصل : ايييه لااازم فاتتني اشياء كثير ابي ألحق ..
حنان : اوووووووووف يا ليل الليل ...
فيصل : خلاااص خلاااص بتذليناا اذا ما ودك تعلميني اطلعي خلاااص ..
حنان اكيد وليد برى ودي اقعد معه : والله ؟! عااادي ما تزعل !؟
فيصل شف كيف استانست للدرجه هذي مشتاقه تشوفه : أييي روووحي ..
مشييت و هي مبسووطه بتطلع تشوف وليد .... مسكت مقبض الباب ........
فيصل : و تبيني اصير دكتووور !
حنان تركت المقبض : عاااارفه مالي امل اطلع .. خلاص بعلمك ...
فيصل : لا لا ما احب اقعد معك و انت ما تبي ..
حنان اخذت شنطة كتبها و قعدت جنبه : خلاص و لا كلمه بعلمك يعني بعلمك ..
فيصل ابتسم : اوكيه .. ( ع الاقل احسن من انك تقعدين معه ....)
حنان : طلع اول شي الانجليزي بنمشي ع الجدول ...
فيصل : هذا هو ....
حنان : اليوم اخذنا قاعده ... يبي لها شرح ...
فيصل : انتي فاهمتهاا !
حنان : يب يب فاهمتهاا .. انت بس ركز معي ...
فيصل : كلي معك ...
حنان عطته نظره .....
فيصل : هههههه والله ما اقصد شي ..لا تناظريني كذا !
حنان : اقووول خلنا نخلص بسرعه ....
فيصل فتح الكتاب : ما شاء الله وصلنا لـ Lesson 5 ...
حنان : شفت كيف تحس انه بسرعه ... المهم الدرس اصلا اعاده يعني مراجعه الدو و الدوس و الكويسشين .. انت اقراه اذا ما فهمت شي بعلمك ..
فيصل : طيب اخذتوا شي بكتاب التمارين ..؟
حنان : اييه حلينا كم من سؤال .. عطيني كتابك بحلهم لك و انت راجع الدرس ...
فيصل : اوكيييييه ...
على انه يراجع الدرس !.. هي منسجمه بالكتابه و هو يناظرهاا ....
فيصل سبحااان من خلقك ! كيف ما لاحظتك و انتي طول عمرك معي ؟!
حنان لفت عليه : يااا هوووه لا تنااااظر .. ادرس ...
فيصل : ههه سحرتيني اش اسوي !؟
حنان : لا يكثر بس .. لا اللحين اطلع و اخليك مع نفسك تذاكر ..
فيصل : لا خلاص خلاص بسمع الكلام ...

وليد طلع للصاله .. استغرب محد موجود ....
وليد الظاهر طيور الحب لسا نايمين هههه ......
اخذ جواله و صار يراسل ريهام بالبي بي .. او بالاصح هي ارسلت له ...
ريهام : " وليدوووووووووووه " > ارسلتها فوق العشر مرات ...
وليد عسى ما شر وش تبي ريهام ! : " هلا رهوووم "
ريهام ما بغا يرد : " ويييييييييينك صار لي ساعه ارسل لك –فيس يبكي-"
وليد : " وش فيك كنت نايم .. صاير شي !؟ "
ريهام : " لااا بس حابه اطلع معك اليوم انت وعدتني "
وليد : " اممم اوكي ما عندك مشكله .. وين حابه نطلع ؟ "
ريهام : " يا لبه انت .. خلينا نروح ستاربوكس .. "
وليد : " ابشري من عيوني ما طلبتي شي "
ريهام : " فديييييت عيونك يا روح روحي –قلوب- .. ايمت رح تمرني ؟ "
وليد : " بأي وقت انتي حابه .."
ريهام : " اوك بعد المغرب عشان اجهز حالي اتفقنا ؟ "
وليد : " تم "
ريهام : " –فيس مبسوط- سي يو بيبي "
قفل منهاا ...ما عنده صبر يستنى الى ان يصحا فيصل و حنان .. راح غرفتهم على طول ....... فتح الباب بدفاشه ........
حنان & فيصل لفووا عليه ......
وليد : اوووه تذاااكرون !
فيصل : وش شايف انت .. كيف تدخل كذا ؟!
وليد : ههههه بيتي ...
فيصل معصب منه و مقهور .....
وليد : عادي اقعد اتفرج عليكم ؟
فيصل : الحمدلله و الشكر .. قاعدين نلعب احنا ..
وليد : ياخي ما احب اقعد لحالي برى ..
فيصل : اقلب وجهك بس ..
وليد : محد طلب رايك .. حمووودي حبيبي عادي اقعد معكم ما بزعجكم وعد ..
حنان ياا زييييينه بس قال لي حبيبي .. كيف برفضه كيف !؟ .. عطته ذيك الابتسامه : اكيد عادي خذ راحتك ..
وليد ناظر فيصل المقهور .. ابتسم له و قعد على سرير حنان .......
فيصل : طنش وليد و كمل يلااا ..
حنان : خلاص خلصنا الانجليزي طلع الرياضيات ..عطانا الاستاذ رمضان واجب .......
فيصل : يا شينه ذا الاستاذ ..
حنان : شوووف تراني ماني مره فالح بالرياضيات بس بحاول اشرح لك ..
فيصل : ههه الرياضيات لعبتي اشرح و انا بساعدك ...
حنان : و فيه واجباات يا كثرهااا ..
فيصل : بنتساعد فيهااا ...
وليد حس بطفش تمدد ع السرير و رفع جواله ...
حنان تناظره بنص عين .. سريري ! .. آه يا قلبي ..
فيصل متضايق : اذا مره تعبان روح غرفتك نام على سريرك احسن...
وليد : ياخي هالسرير مريح ...
فيصل مقهور بالكاد ماسك اعصابه : ترى كلها نفس الاسره ...
وليد : عاجبني هذا ...
حنان اللحين بيتهااااوشون .. وش اسوي انااا ...
وليد قام : اصلا قعدتكم تطفش ... تجيب الملل ..
فيصل : محد غصبك تقعد معنا ...
حنان لااا خليك يا وليد اقعد .. من دخل و انا احس اني ماني طبيعيه مستحيه اناظره ياااا ربييييييييييه مرتبكه مره .....
وليد : اصلااا هذاني طالع و بتفتك مني .. و خذوا راحتكم مع بعض ...
حنان وش قاعد يقول ذا ! اكيد ما يقصد شي وش فيني اناا !؟
فيصل : أي اكيد بفتك منك .. ورينا عرض كتافك ..
وليد : هههههه تصدقون اثنينكم لايقين على بععض ...
فيصل و حنان ناظروا بعض باستغراب و صدمه ....
فيصل : وش قصدك يعني ؟!
وليد : هههه ما قصدت شي قاعد امزح معكم ...
حنان يمزح ؟؟؟! ليش احس انه عارف اني بنت .. آه يا ربي لااااا .. معقول يكون عارف ؟!
فيصل : فااارق ...
وليد : تشااااو ..

طلع وليد و هم محتااارين .....
حنان : فيييصل .. تتوقع يدري عني ...؟
فيصل : لاا تخااافين احس ما عنده ساالفه ..
حنان : ان شاء الله ما يكون عارف شي ...
فيصل واضح عليها القلق : خلينا نخلص الدرس ...
كملت حلهاا للواجب و هي تفكر بكلام وليد .....
فيصل يناظرها كيف انها قلقانه ..: ﻻ تسرحين كملي حل ...
حنان تنهدت بتعب : تتوقع وليد لو درى اني بنت فيه امل يحبني ؟
فيصل انزعج من سؤالها بس جاوبها بابتسامه : عادي اذا ما حبك انا موجود ...
حنان اش اللي خلاني اسأل فيصل اصلا...
فيصل ادري ان كلامي مارح يبسطهاا .. ماني عارف اش اسوي معهاا .. اشوفها متضايقه و متعذبه و ماني قادر اساعدها .. آه يا حنان ما كان ودي تذوقي عذاب الحب اللي انا قاعد اذوقه ......
و هو يفكر جته ضربه خفيفه ع خده .....
حنان : شوف مين سرح اللحين ! ..
فيصل يده ع خده : هههه اسف ...(كنت سرحان فيك )

في المستودع المهجور ... بعد ما ابو خالد خلص دوامه راح يتطمن على حالة رائد .... قابل الدكتور هناك ...
ابو خالد : طمني يا دكتور عن حالته ..
د/بندر : ﻻ ابشرك صار اللحين كويس و احسن من قبل بعد .. يقدر يروح و يجي و يمارس نشاطاته اليوميه بكل اريحيه ...
ابو خالد ارتاح : الله يطمنك بالخير .. اجل خلني اروح اكلمه ..
د/بندر : الى هنا انا شغلي انتهى ..
ابو خالد : يعطيك العافيه والله ما قصرت معي ...
د/بندر : الله يعافيك ابعد عن المشاكل و انا اخوك ...
ابو خالد : المشاكل ورانا ورانا .. الله يبعدنا عنهاا ...
ابو بندر : ......................

و بعد ما طلع الدكتور .. راح ابو خالد يشوف رائد اللي كان محبوس في غرفه صغيره مجهزه بسرير خصيصا عشانه ...
رائد : اخيرا جيت يا الشايب ...
ابو خالد : كيف صرت اللحين ؟
رائد : قبل ﻻ اشوف وجهك كنت بخير ... اخلص علينا وش صار على اتفاقنا ...؟
ابو خالد : اول شي احترم نفسك و اعرف انت قاعد تكلم مين ...
رائد : شوف مين يتكلم.. من انت عشان احترمك .. والله ان حطيتكم براسي يا انكم ما تشوفوا خير ...
ابو خالد : و بعدين مع ذا الموضوع ؟؟ قلنا لك خلاص بنسوي اللي تبيه ...

رائد : بنتك المصون وافقت و لا لا ؟
ابو خالد : اهم شي انا وافقت .. و هي اكيد موافقه ..
رائد ابتسم بشر : حلوو ..
ابو خالد رمى اوراق عليه : وقع ...
رائد مستغرب : نعم !
ابو خالد : وقع على انك ما رح تتعرض لنا او تشتكي علينا ...
رائد : هههههااااي منت صااحي يا الشايب ...
ابو خالد : اش فيك ؟ بتلغي الاتفاق !؟
رائد : ابوي قالي انك ذكي و ينخاف منك .. بس انا شايف عكس ذا الكلام تماماً ..
ابو خالد : محد طلب رايكم فيني .. خذ الورقه و وقع و انت ساكت ...
رائد : كل تبن يا العجوز المنتهي .. ماني بموقع الى ان يصير عقد زواجي بإيدي .. تبي تلعب على مين انت ؟
ابو خالد اكيد مو غبي حتى يوقع بس كان عندي أمل : طيب يا رائد بيصير العقد بيدك .. الى ذاك الوقت رح نسمح لك تطلع و تجيب اهلك و تخطبونها رسمي عشان الناس ما تتكلم ... اتمنى انك لما تتطلع ما تتصرف تصرف يجيب لنا مشاكل ...
رائد : شوف معك يوم الى الخميس الجاي رح نجي و نخطبها و بنسوي الملكه على طول و رح اوقع ساعتها على ورقتك هذي و الاسبوع اللي بعده زواجنا حفله ما بين الاهل .. و لا تخاف يا الشايب انا ما ابي الا راس بنتك ما يهمني باللي قاعد يصير بين عايلتنا ..
ابو خالد الحمدلله الولد ما يهمه الا اصايل : كذا احنا متفقين .. اللحين تقدر تروح وين ما ودك ....
جا رائد بيطلع .....
ابو خالد : بس اسمع اياك تتعرض لاصايل لغاية ما تصير زوجتك ..
رائد : هههههه ...... ( ثم طلع )
ابو خالد : الله يستر !

في بيت اصايل ..... كانت بغرفتها تجهز نفسهاا للطلعه ... دخلت عليها امهاا ..
ام خالد : اشوفك قاعده تجهزي نفسك ...!
اصايل : أي يمه عندنا طلعه انا و البنات ...
ام خالد : يا ذي الطلعات اللي ما تخلص ... انا ابيك بموضوع مهم .. اجلي طلعتك شوي ...
اصايل : يممممه بلييييييز عنوووده 5 دقايق و بتكون قدام البيت .. عااد اليوم نبي نفلهااا مره متحمسين للطلعه ...
ام خالد البنت مبسوطه حيل ما ودي اخرب وناستها بالطلعه و اقولها على رائد ... : خلاص حبيبتي اذا رجعتي نتكلم .. المشكله انتي يا نايمه يا طالعه من البيت ما يمدينا نكلمك ...
اصايل : هههه فديتك يمه هذي حال الدنياا ..
دق جوااالهاااا ...
اصايل : يلااا هذي عنووده انا لازم اطلع ..
ام خالد : اوك حبيبتي بس لا تتأخروا ..
اصايل : ان شاء الله يا احلى ام ..
ام خالد : الله معك يا اصايل ..
اصايل طلعت بعجله وعطت امها بوسه ع الطاير : سي يااا ماااااميشكو ..
امها ضحكت على هبالهاا ..

طلعوا البنات ع البحر للتمشيه ....
اصايل : الجو روووعه يا بنااات ..
العنود : اييه مرره .. و غير كذا احس اني مبسوطه اليوم ...
اصايل تغمز لها : وش اللي باسطك علمينا ..
العنود : ماني بعلمتك خليك موتي حره ...
اصايل : كاااك كاااك ليش احتر يا حضرة الوزيره ...!
العنود : فديتني و احلى وزيره ...
شهد : صحيح يا جود ليه جيتي ؟ ما عندك مدرسه ؟
جود : تكفووون انتوا اللي ما عندكم مدرسه ...
شهد : هههههههه لا ااحنا كباار ..
جود : قال ايش كبااار ! .. ليه احسها طرده غير مباشره ..
اصايل : محد طردك يا بنت شهوده تبيك تتفوقين ..
شهد ابتسمت : ايييه صح ..
جود تناظر حولها : التوفيق من الله ...
شهد : أي اكيد ...
اصايل اش فيهاا جود ماهي طبيعيه : جود انتي فيك شي ؟
جود : هاااه ... لا لا ..
اصايل : مدري احسك تدورين بين العالم .. انتي مستنيه احد ؟
جود : لااا ماني مستنيه ...
شهد : صبااايااا انا حابه اشتري آيس كريم و ودي حد يجي معي ..
اصايل : هههه بذا البرد ..
شهد : يا اختي مره مشتهيه ..
العنود : و انا بعد مشتهيه .. خلاص ابجي معك ودي بـ آيس كريم شوكلت يمي لذيذ ..
شهد : و انتوا ايش حابين ؟
اصايل : انا ابي فانيلا ..
جود : انا فراوله ..
شهد : اووووووكيه يلا عنووده ...
العنود : يلااا ...
بعد ما راحوااا .......
اصايل : جود وش فيه ؟
جود بخوف مسكت اصايل من ذراعها : اصاايل قاعد يلاحقني ...
اصايل خافت : ميييييييييين !؟
جود : هذا هذا مشعل ..
اصايل : انا مو قلت لك اتركيه ..
جود : والله تركته من بعد كلامك انا وعدتك .. بس هو أصر يشوفني و انا رفضت و ما عاد كلمته .. لاحقني لما رحت المدرسه كنت مفكره انه يتهيئ لي .. بس انا متأكده اني شفته .....
اصايل : و اللحين هو لحقنا الى هنا ؟؟؟
جود : اعتقد .. كأني شفته ...
اصايل كنت متوقعه .. اكيد انه جاي من طرف رائد ... : انتي خليك معي لا تفارقيني .. المشكله نسيت اكلم تركي يجي يحرسنا ... امشي خلينا نروح مع البنات أفضل ....
ودتهاا اصايل للبنات ....
اصايل : انا بكلم تلفون مهم .. انتوا استنوني هنا ..
العنود : اووووكيه ..

ابتعدت عنهم شوي .. و كلمت تركي ....
اصايل : تركي انت وين ..؟
تركي : هلا طال عمرك انا بالشركه ...
اصايل : بسرعه تعال للبحر ...
تركي : بس انا مشغول ...
اصايل : تركي انت مفروض تحرسنا هذي اهم شغله ... يلاااا تعااااال فيه احد يلاحقنا ...
تركي : ان شاء الله بجي .. دقايق و اكون عندك ...
اصايل : اقول تركي ... اش صار على رائد ؟ .. بشرني و قول لي انه مات ...
تركي يا ربي وش اقول لها اللحين ! : بصراحه .. معليش اذا وصلت اقول لك ..
اصايل : اوك بسرعه لا تتأخر ...
تركي : ان شاء الله ...

و هي راجعه للبنات .. مرت من جنبه ......
: هلا و غلا هلا يا حلووه هلا يا قمر ...
اصايل مسكت ع قلبها من الخوف : خير من انت ؟
: انا واحد من الناس ...
اصايل : ابعد عن طريقي و لا تكلمني .. قدام الناس و قاعد يغازل اللي استحوا ماتوا ...
: عسل والله عسل .. يا لبه هالوجه يا لبه هالصوت ....
اصايل مشت عنه ... وين شايفه ذا الآدمي !؟ مو غريب علي ...
وصلت للبناااات ....
اصايل : هااا بنات خلصتوا ...
العنود : يييس خذي ...
اصايل : يمي فانيلا .. ديليشيز ..
العنود : عووافي ..
اصايل : ع قلبك ...
جود كانت تاكل و مرتبكه و تناظر اصايل بنظرات غريبه.. راحت اصايل جنبهاا ..
اصايل بهمس : وش فيك ؟
جود : الولد .. الولد اللي كلمك ....
اصايل : اش فيه ؟ ..... ( سكتت شوي ثم ) .. ليكوووووووووووون .......
جود : أي هذا مشعل ...
اصايل : عرفت اللحين وين شفته .. بزواج اختي ..
جود : كنت متأكده انه لاحقنا ...
اصايل : تطمني .. انا كلمت تركي و هو اللحين جاي بالطريق .. بس العنود و شهد لا تخليهم يحسوا بشي ...
جود : طيب ...
بعد كم من دقيقه وصل تركي و صار يراقبهم .. اما مشعل اختفى ما عاد شافوه .. و كملوا يومهم طبيعي .... و موضوع رائد اجلت اصايل سؤالها لتركي الى بعدين ..

من جهه ثانيه و بأحد المطاعم الراقيهه .. الجوهره تقابلت مع الجوري ..... حكت لها الجوهره عن موضوع العريس ...
الجوهره : تكفين ألحقيني بالحل ... انا ما ابي اتزوج اللحين و بنفس الوقت ما ابي اختي تشك فيني ...
الجوري : وش تشك !؟ المفروض تعترفين لها و خلاص .. لان شكها في محله ...
الجوهره : هذا و انا حاسسه بالذنب انتي تزيديني بعد !
الجوري : ليش تحسي بالذنب انتي تحبينه و هو يحبك اختك مكانها غلط بينكم ...
الجوهره : مو وقت ذا الكلام .. اللحين اش اسوي مع هذا اللي اسمه اسامه !؟
الجوري : اذا انتي ما تبينه لا توافقي .. و معليك من اختك ..
الجوهره : جوووواره ! افهميني .. هذي اختي ...
الجوري : و هذي حياااتك ...
الجوهره تنهدت بتعب : طيب خلاص بستخير و اشوف .. المهم منار ..
الجوري : اش فيهاا !؟
الجوهره : ماني مرتاحه .. ودي اروح بيتهم ودي اشوفهاا ...
الجوري : ههه تستهبلين .. البنت مسافره اللحين ...
الجوهره : على بالك صدقتهااا .. احساسي يقولي انها صرفتناا ذاك اليوم ..
الجوري : وليييييه يعني !؟
الجوهره : مجرد احساس .. خلينا نمرهاا متى ما فضينا ...
الجوري : ليش لأ نمرهاا ...
الجوهره : .........................

في الشقه ... خلصوا مذاكره و حل الواجبات و طلعوا قعدوا بالصاله وليد كان كعادته يا اما يشتغل ع اللاب او يطقطق ع البي بي و هالمره ع اللاب .. ما بقى شي على اذان المغرب ...
وليد : آخ يا ظهري تعبت من كثر الشغل ....
حنان تناظره بحيا : سلامتك ( يا قلبي فيني و لا فيك ) ...
وليد : الله يسلمك حبيبي ...
حنان حبيبي ! .. آه يا زين الكلمه ...
فيصل البنت ذايبه معه ع الاخير خوفي لا يلاحظ عليها و يقوم يشك ...
وليد : يلا ابروح اجهز نفسي ...
حنان : لييييش بتطلع !؟
وليد : أيه بروح مع بنت عمي لستار بوكس لاني وعدتها اطلعها ..
تغير وجهه حنان من جاب طاريهاا ... عفست وجهها بضيق ....
وليد ابتسم على شكلها : ودك تجي معنا ؟
حنان يا ليت ودي اشوف صدق يحبها و لا لا ؟! : جد والله اقدر !
وليد : ههههههههههه أي عادي ..
فيصل يا الله منك يا حنان بتفضحي نفسك بنفسك ...
حنان وش فيه يضحك .. يلااا عادي زين اشوف ضحكته يا حلووهاا بس ...: لا لا ما رح اجي صعبه ...
وليد : لييش صعبه بالعكس ما فيها شي !
فيصل : لا فيهاا .. كيف بيقعد معك انت و خطيبتك .. ما تجي انت ما تغار على محارمك ؟!
وليد : امممم في وجهة نظر بالموضوع ...
فيصل وش فيه ذا مررره غرييييب ..
حنان : كلام فيصل صحيح .. عيب اجي اقعد معكم .. اذا انت عندك عادي هي ممكن تتضايق ...
وليد : انا كان قصدي تجي معنا بس تقعد لحالك و انا و هي لحالنا ...
حنان ايييه و اراقبكم و اموووت قهر و اكل تبن بمكاني .. معليييش : لا لا ما ودي اجي ....
وليد : اوك .. اللي يريحك .. ( بعد لحظة صمت ) اقول حمووود انت تحب بنت عمي صدق !؟
حنان انصدمت : هااااااااه !!!!
وليد : انت ذاك اليوم .. انا سألتك اذا تحبها و قلت لي أي .. و سألتني اذا انا مستعد اتركها عشانك ...
فيصل مو فاهم شي و ينتظر جواب حنان ......
حنان ايييييييه تذكرت كان كل قصدي انه يترك بنت عمه عشان كذا قلت له اني احبها ....: اتمنى تتركها عشاني ...
وليد : يعني تحبهااا ؟!!!
فيصل وش يتكلمون عنه احد يفهمني !!!!!
حنان اذا بيتركها بقوله اني احبها بسوي أي شي المهم يكون وليد لي انا و بس : أي احبهاا اتركها عشاني ...
وليد ابتسم : اوكي ...
حنان تفاجئت برده : كيف يعني اوكي ..؟
وليد : بكلمهاا اني بتركها لان صديقي يحبها ...
حنان هئئئئئئئئئئئ من جده ذا بيسويها ما توقعت يوافق بسرعه توقعته يحبهاا : اكيد انت تمزح !
فيصل بيموت من غيظه لانه مو فاهم شي ....
وليد : لا والله ما امزح ... اذا انت تبيها بتركها ...
حنان : انت مو تحبهااا ؟! كيف تتركها بسهوله ؟!
وليد : عادي .. بلاقي غيرهاا ...
حنان وش مفهوم الحب بالنسبه له .. ليش احس ان جوابه يقهرني ....؟؟؟!
وليد : عن اذنكم .....
راح غرفته يجهز نفسه ... حنان مصدومه من جوابه مصدومه من اللي دار بينهم ... جا فيصل قعد جنبهااا ...
فيصل : وش ذا الكلام اللي كان يقوله وليد من تو ؟
حنان : مو لازم تعرف ...
فيصل بهمس : شايفتني رجل كرسي انا .. فهميني !
حنان : يوووووه .. يعني لازم تعرف كل شي ..؟!
فيصل : اكيد قولي ...
حنان : ذاك اليوم لما قال لي ان ريهام خطيبته انا عصبت و انفعلت .. هو قال لي لتكون تحبهاا قلت له و اذا احبها بتتركها عشاني ! بس هذا اللي صار ...
فيصل : انتي مجنوونه تخيلي يتركها عشانك .. و يكلمها على اساس انك تحبيهاا ...
حنان : ههه لااا ما رح يسويها ...
فيصل : وش دراك ؟!
حنان : ماااااا ادري .. ما فكرت انه ممكن يسويهاا حتى انا متفاجئه ..
فيصل : يا الله !.. إلا توقعي نفسك في مشاكل ...
حنان : بعد هذا اللي صار .. انا وش مدريني ...
فيصل : خلااص خلينا ننتظر و نشوف .....
دق جواله كانت مكالمه من هتان ....
فيصل : عن اذنك شوي بروح الغرفه ....
حنان : خذ راحتك ....

دخل الغرفه و هو متضايق من شاف هتان يتصل بك ...
فيصل : الووو ...
هتان : هلا بأحلى صوت .. هلا بخويي ..
فيصل : خلصني اش بغيت ؟
هتان : اليوم فيه طلعه شبابيه للاستراحه .. و ودي انك تجي معي ...
فيصل : مستحيل .. أي اوامر ثانيه .. ؟
هتان : وش اللي مستحيل انت المفروض خويي !
فيصل : انا خويك بوقت الدراسه بس .. بغير اوقات الدراسه انا ما اعرفك .. نسيت اقولك على ذا الشي ...
هتان : يا سلااااام على كيفك هو ... لا ياا حبيبي متى ما بغيتك تجي .. هذا اتفاقنا من اول .. على كيفك تحط شروط !؟
فيصل : اسمع ماني طااايق اقعد معك خلقه .. و يا الله متحملك وقت الدوام تبي يومي كله اقضيه معك .. وش ذا الاتفاق ؟!
هتان : ياخي لو بكيفي كنت خليتك تعيش معي و ما افارقك 24 ساعه ..
فيصل : هذا اللي ناقص .. الزبده ماني جاي و لا تزعجني .. انا وراي دراسه بكره ...
هتان : والله ما بنتأخر على الساعه 9 و نص 10 كذا ارجعك البيت .. امش نستانس بلوت و بلاستيشن و شباب جدد ..
فيصل : ارحمني ما ابي اطلع معك ..
هتان : لاااا حوووووول .. خلينا نتفق مره ثانيه .. اطلع معي هذي الطلعه بس و بعدها بنفذ شرطك اننا نصير اصحاب وقت الدوام و بس و بعد الدوام ما اعرفك ...
فيصل تنهد بتعب : اكيد ذا الكلاااااام ...؟
هتان : اكيييدين وافق انت بس و من بكره ما نصير نتقابل الا بالدوام و كل اللي تبيه بيصير ...
فيصل والله ماهي بشينه : اوك بطلع معك اليوم بس .. و كلامك هذا من بكره يتنفذ ...
هتان : اجل تم .. بعد صلاة المغرب بمرك البيت ..
فيصل : مو بيتنا القديم .. انا بالعماره ..
هتان : اييه اعرفها خلاص بجيك ...
فيصل : اووكيه ...
ثم قفل منه و رمى جواله على سريره .. كان معصب .....
فيصل اووووف من هالــ هتان .. كيف بقدر اتحمله بعد اللي سواه .. كيف بقدر اخاويه مره ثانيه مع اني قطعت وعد على نفسي ... يا صبر الارض بس !

أما هتان كان مع مشاري بالسياره .....
هتان : يلا رجعني البيت عشان بمر فصووولي بسيارتي ...
مشاري : عادي نمره بسيارتي وش فيها وش زينهاا !
هتان : على تبن انت و سيارتك المخيسه ... ( ابتسم ) ابمره بسيارتي عشان يقعد جنبي انا و هو لحالنا ....
مشاري : هههههههه اشوفك مبسووووط ...
هتان : ياخي بطير من كثر ماني مبسووووط ..
مشاري : الله يديمهااا ...
هتان : بس القهر .. انه ما رح يطلع معي الا اليوم .. انت سمعتني و انا اكلمه ..
مشاري : اييه سمعت .. غيرتوا اتفاقكم .. بتصيروا اصحاب بوقت الدوام بس ..!
هتان : شي يقهر صح !؟
مشاري : وش تسوي بعد ... انسى ذا الاتفاق و فكر بطلعة الليله ...
هتان : أي والله معك حق .. اخيرا بحس ان ايام زمان رجعت ...
مشاري : انتوا زمان كنتوا كثير تطلعوا مع بعض !؟
هتان : يعني مو مره .. اكثر شي كان فيصل يطلع مع هيثم ...
مشاري : اييييه هيثم الله يرحمه ...
هتان : اتركك منه و قول لي .. مين بيكون بالاستراحه ؟
مشاري : شلتنا المصون .. و ترى يزيد جا من الرياض ... بيكون حاضر .. و طلال و اخوياه بعد ...
هتان : لااا زيييين .. محد نافعنا بقطة الاستراحه إلا ذا اللي اسمه فهد و قريبه مهند ...
مشاري : ههه و انت الصادق ....
هتان : يلا يلا وصلني البيت عشان بعد الصلاه على طول امره ...
مشاري آه يا هتان من زمااان ما شفتك مبسوط كذا : ابششششر ...

طلع فيصل و هو متضاااايق .... قعد مقابل حنان و تنهد بتعععب ...
حنان : سلاااماااات !
فيصل : ايش ؟
حنان : ليه متضايق ؟ في احد صار له شي لا قدر الله !؟
فيصل : لا لا ... تذكر الولد اللي غبت اليوم عشانه ؟
حنان : أي وش فيه ؟
فيصل : طلب مني مساعده مره ثانيه ...
حنان : مع اني ماني عارفه وش سالفته ! .. بس انت ليش متضايق ؟
فيصل : ما ودي اروح ..
حنان : خلاااص قول له ما اقدر ..
فيصل يا ليتها بهالبساطه بس ...: لا صعبه ...
حنان : ما عرفنا لك !
فيصل : خلااص انسى ...
طلع وليد من غرفته كاااشخ ع الاخير ... مرررررررره رزه بالغترة و الثوب .. حنان فهت يوم شافته ....
فيصل نظره على حنان .. واضح الاخت خقت عليه ! ...
وليد : وش فيكم ؟
فيصل : و لا شي ....
حنان : ما شاء الله .. طالع مره كشخه ...
وليد غمز لها : عجبتك صح !؟
حنان : واااااااااو تجنن ...
فيصل يناظرهاا باستغراااب ... البنت نست حااالهااا .....
وليد : ههههههه ادري ...
فيصل حس بغيره : حتى انا لو لبست نفس وليد اكيد بطلع اجنن >> شدد ع الكلمه ^^
وليد ابتسم : لا تحاول ما رح تكون احلى مني ...
فيصل : يا شين شوفة الحااال ..
وليد : من حقي وش زيني هههههههههههههههه ..
فيصل : استغفر الله بس ....
اذن المغرب .......
وليد : يلا انا لازم اطلع ...
حنان : اوووف يعني بقعد بالبيت لحالي ...
وليد : ليييش و فيصل وينه !؟
حنان : هذا بعد عنده مشوار بيطلع ...
وليد : هممم اذا ودك بألغي موعدي عشانك ترى ما عندي مانع ...
حنان أمااا من جده ذا .. يعني انا مهمه عنده .. يعني ريهام ما تهمه ! .. لا لا وش اقول انا .. تلقينه اللحين بيضحك علي و يقول امزح : هههه اكيد تمزح ..
وليد قعد جنبها و حط ذراعه ع رقبتهاا و ناظر عيونهاا : لاااا ما امزح ...
فيصل بينفجر من غيظه و قهره .. فتح عيونه ع وسعهم عشان يستوعب الموقف .......
حنان وش ذا قريب مني حيل ورجعت تلاقت عيوناا .. وش ذي العيون .. لأ ابعد لا تسمع دقات قلبي تكفى ابعد شوي ....ارتبكت و توترت : هاااه .. لا لا ماله داعي انت وعدت البنت ...
فيصل قبض ايدينه بقوه .. وش اسوي عشان ابعده عنهاا وش اسوي ... احس اني حيط قدامهم .. كيف البنت اللي احبها و زوجتي قاعده مع واحد و قدامي كيييييييييييف ؟!
حنان لفت ع فيصل : فيــ ......... ( يمه عيونها تقدح شرااار .. اكيد عصب من حركة وليد )
فيصل من بين اسنانه : وليد منت ناوي تمشي يعني ؟!
وليد : خلني اقعد مع حموودي شوي ...
فيصل يحاول يبتسم غصب عشان ما يشك وليد : ههه طيب ابعد عنه ...
وليد باستغراب : لييييييييييش !؟
فيصل : بس لانه متضايق منك ..
وليد ناظر حنان : انت متضايق مني شي ؟
حنان : هاااا .. ( ناظرت فيصل اللي منتهي من العصبيه و القهر ) .. بس .. شوي ...
وليد : هههه يعني منت متضايق مني ...
فيصل من عصبيته قال : تراك قريب منه حيل .. لاااااااا احسن بعد اش رايك تبوسه .....!!
وليد بدون مقدمات باسهاا مع خدهااا ... : و احلى بوووووسه لأحلى حموووودي ...
فيصل وقف من عصبيته و طب على وليد و عطاااه ذااك البوكس ....
وليد عصب : هيييييييه وش فيك !؟
فيصل : انت حيوان ما تستحي على دمك جعلك الـ ........
حنان صرخت : فيييييييييييصل !
وليد يده على مكان الضربه : ابفهم وش اللي خلاه يعصب ... تراه ولد زيه زيي ...
فيصل : كييييييفي انا ما ارضى عليه كيفي ياخي ..
وليد : كيفك ؟! .. حلاال عليك انت بس !
فيصل : نعم ؟! فهمني وش قصدك ؟
وليد : سلااامتك ... ( ناظر حنان اللي منزله راسه للارض من الاحراج ) .. حموود مع السلامه اشوفك بعدين ...
حنان رفعت راسها : مـ مع السلامه ...
بعد ما رااااااااااح ......
حنان : اش فيك انت بتفضحنااا !؟
فيصل : تبيني اشوفه يسوي حركته الماصخه و اسكت له ؟؟؟!
حنان : اووووووف .. هو قال ان احنا اولاد عاادي ..
فيصل : لاااا يااا شيخه .. صح اولاد بس ما نسوي ذي الحركات .. لا يضحك عليك ...
حنان : بس ولوو انت تخليه يشك ...
فيصل : مستحيل اسكت له فهمتي .. و لا عجبك اللي سواااه !؟
حنان عصبت : فييييييييييييييصل وش ذا الكلام ؟!
فيصل : والله هذا اللي انا شفته .. من عيونك و خجلك .. كنتي مبسوطه ..
حنان : و ان كنت ... ماااااالك دخل فاااااااهم مالك دخل ...
فيصل صرخ : اوووووووه ..
ثم طلع من البيت ......
حنان وش فيه ذا .. المفروض انه يجاري الوضع ..المفروض انه ما يخلي وليد يشك ... بس حركة وليد ( غطت على عيونها من الاحراج ) ياااا ربي اش اقول بس .. اول مره احس اني مستانسه .. اول مره قلبي يدق كذا .. وش سويت فيني يا وليد ! ( تذكرت رياهم ) آآآآف لو تترك الحيه ريهااموه بس كان احنا بخير .....

طلع فيصل من البيت و هو متضااايق حييييييل من اللي صاااار ...
فيصل ياا اني مقهورر .. ودي اصفق أي احد ألقاه قدامي ... ابفهم وش عاااجبهااا فيه .. اش نااااقصني عنه ؟ انا متأكد لو انا اللي سويت هالحركه كان قلبت الدنيا علي و قومتها و ما قعدتها ...! لنا الله بس ! .. بما انه اذن ابصلي ثم .. ثم بروح مع ابليس >> طبعا يقصد هتان ^~
و فعلاً بعد الصلاه .. طلع من المسجد كان هتان متكي على سيارته برى مستنيه ......
فيصل لما شاف هتان ~ تعوذ من ابليس ههه .......
هتان : هلاااا فيييييصل ...
فيصل : انت ما صليت !؟
هتان : إلا بمسجد حارتنا خلص قبل مسجدكم وجيتك على طول ...
فيصل بنظرة اللي ماني مصدق ..: طيب طيب ... ( لف وجهه وقال) .. وش ذا الحماس اللي عنده ؟!
هتان فتح له الباب : حيااااااك ...
فيصل تنهد بضيق : وش اللي حااادني !؟
هتان : قلت شي ؟؟؟؟!
فيصل : لا ابد اكلم نفسي ...
ركبوا السياره ........
هتان : و ليش تكلم نفسك و انا موجود .. افتح لي قلبك ...
فيصل : خلي الليله تعدي على خير بس ... قال افتح له قلبي هئ ..
هتان : فيصل انسى الماضي و خلينا نبدا من جديد ...
فيصل : تراي ماااني رايق ابد لسخافاتك و جاي معك لاني مغصوب .. لولا ولد خالتي قسم بالله ما تشوف خشتي معك ...
هتان : يااا شينك .. إلى شلت بقلبك شلت ...
فيصل : زين دامك تعرف .....
هتان : و ان عرفت .. بظل وراك حتى يلين قلبك ...
فيصل : ريحناا بس ....
هتان : احمد ربك اني متحمل اسلوبك ذا .. كل اللي كلموني بطريقتك نسّيتهم اساميهم ...
فيصل : ههه و بتقدر تنسيني اسمي ؟! .. فيك خير يلااا ...
هتان : انا عارف انك تحاول تستفزني .. بس خلاص ما عاد يهمني .. هذاك اول .. اللحين بكتفي بوجودك معي و بس ....
فيصل يقهرني اسلوبه و يسوي نفسه بريء ما كأنه سوى شي بالماضي ... كيف انا متحمل و قاعد معه ما ادري .......!
المهم وصلوا للاستراحه ... الكل كان حاضر من قبل المغرب .... و هم كانوا آخر الواصلين ....
هتان : السلاااااااااام يا شباااااااااااب ...
الكل : عليكم السلام ......
هتان : فيصل شلتنا السلاتيح و تعرفهم بس بعرفك على هذا يزيد و هاذيل اللي معه اصحابه ... أي صح و هذا فهد و صديقه مهند .. و هذا طلال صديق عساف تعرف عليه بمدرسته الجديده ..
فيصل سلم عليهم : هلا فيكم ...
ثم قعد فيصل و قعد هتان جنبه .... طبعا الاستراحه قعده ارضيه للبلوت و كيذاااا ......
فيصل كان نظره على فهد ... اللحين هذا اخو خالد ؟! اش جابه مع شلة هالدشيييير ؟؟!
هتان يناظر اللي يناظره فيصل : لااااا تقولي ان الولد عاجبك !
فيصل عطاه نظره : تفكرني زيك ؟!
هتان : اشوى على بالي ....
فيصل وش يحس فيه ذا الهتان .. صبرني يا رب ...
هتان : قوم نلعب معهم بلوت ...
فيصل : ألعب انت مالي نفس ...
يزيد : اقووول هتان .. خويك اللي جبته للرياض وينه ؟
هتان : قصدك وليد(حنان) ؟؟؟
يزيد : أي هو ما اشوفه جا ...
هتان : مشغول مع اهله ما يقدر يجي ...
يزيد : ايييه اهله ..
هتان : متى انت راجع للرياض ؟
فيصل اجل ذا الحقير خويهم من الرياض ! يعني يوم خطفوها كان موجود !؟
يزيد : بكره بحول الله ...
هتان : بذي السرعه !!
يزيد : هههه ساااحب على مدرستي و هجيت للشرقيه لزووم ارجع ..
مشاري : يلااا يا عيااال اللي قد تحدي البلوت يجي ...
يزيد : ودي اهجول ما ودي ألعب بلوت ...
عساف : والله يا يزيد ؟! ..
يزيد : أي والله ..
عساف بحماس : امش قداااااااام ..
يزيد : يلاااا ...
هتان و مشاري يناظرون بعض مستغربين ......
مشاري : هههه ما عمرنا سويناها بالليل ..
يزيد : أمااا .. وش جوكم انتوا ؟!
هتان : ههههههه والله و انا اخوك حنا نسويها بعد ما نطلع من المدرسه عشان الجمهور .. ما تصلح الهجوله بدونهم ...
عساف : اقووول خلنا نغير الروتين .. و اذاا على الجمهور ارسل بقروبات البلاك بيري و بيجونك ...
مشاري : تصدقون فكره والله ...
هتان متردد : صراحهه ما ادري ...
فيصل بهمس : هييييه انت اذا ناوي تفحط لا تاخذني معك .. احنا ما اتفقنا كذا ..
هتان : و انت إلا تخرب وناستي ترى ما عندي إلا هاليوم انبسط فيك .. مستكثره علي !
فيصل و هو اذا قال كلمه خلااااص .. متندم ليش اني سمعت كلام هتان الزفت و جيت ....
هتان : خلاااص شباب انا موافق نطلع ...بس كم واحد بيتحدى بسيارته ..؟
يزيد : اكيد انا و بيعززوا لي اخوياي ...
عساف : و انا بعد طالع بسيارتي بكسركم كلكم هههههه ..
هتان : اقول يا الدبي خلك بالبرغر احسن ما تصلح لك الهجوله ..
عساف : لا تخليني اجي لا اتوطئ ببطنك ...
هتان : ههههه اتخسي .. الزبده مين بعد بيطلع بسيارته ؟

طلال : هاا فهد ناوي تتحدى ؟؟
فهد : لأ ..
مهند : ياا شبااااب انا بطلع بسيارتي ...
هتان : و هذا واحد ثاني ...
مهند بهمس : فهيييد انت لازم تجي معي ...
فهد : ماني بجاي ...
مهند : ياا شينك ياااخي خلاص باخذ طلال ...
و اتفقوا مع بعض يطلعوا بعد صلاة العشاء على بال ما يتجمعوا الناس ..... و فيصل يا فيصل مقهووور ما توقع ان الوضع بيصير تفحيط ...

يتبع........