شبكة همس الشوق - عرض مشاركة واحدة

8 - 8 - 2015, 11:33 PM

بـــــــــــــــــــــــــــــارت [39]

هتان و يزيد قدروا انهم يطلعوا منها ... بس المساكين مشاري & عساف & طلال انصادوا و اخذوهم الشرطه ع التوقيف........

في المركز حضروا ابائهم .. ما قدروا يساعدوا عيالهم لكن رح يطلعوهم من السجن أقلها ما رح ياخذوهم ع الاحداث مع ذلك لازم يظلوا 24 ساعه بالتوقيف .. إلا مهند جاه ابوه و قدر بطريقته انه يطلعه ...

حاليا بالتوقيف مشاري & نادر .... و طلال > لانه كان مع مهند .... و عساف و معه واحد من اصحاب يزيد ........

داخل السجن ..........

طلال : الحيوان مهند النذل سحب علينااا ...

مشاري : يستاهل من يدوس ببطنه ذا الحقير .. كان كمل جمايله و طلعنا معه ..

طلال : لا اللحين ما يعترف فينا ..

مشاري : جعله الـ ماني بقايل ..

طلال يناظر حوله : وش ذا المكان المخيس ..؟

مشاري : اكيد مخيس و لا قالوا لك السجن فندق 5 نجوم ...

نادر بخوف : ياا عياااال ابوي ذابحني ذابحني...

طلال : طيييير انت الثاني بعد .. خل نطلع و بعدها يصير خير ...

صديق يزيد : انا اول مره انصاد .. صدق ما تعرفون للهجوله انتوا ...

طلال : تعرف تآكل تبن لا نقوم عليك اللحين ...

رد : اصلا ماني بمطول هنا .. اكيد يزيد بيطلعني ...

مشاري : و احنا بينسحب علينا ؟!

: هههه خلوا زعيمكم يطلعكم ...

مشاري : اووووف هتان .. و لا فكر ...

نادر : والله اني خايف من ابوي ...

مشاري : فكناا يا شيخ ...

في بيت ابو خالد .. بغرفة اصايل .. تعبت من كثر ما فكرت .. تفكر بحل لمشكلتهااا .. ما تدري ليه طرى على بالها تدق علييييه ...........

اصايل ياا رب يرد علي ....

دقت حول الـ 5 مرات .. اخيراااا رد ...

: الظاهر اني لازم اغير رقمي ...

اصايل بس سمعت صوته قامت تبكي لا شعورياً ...

: الوووووو .. يا بنت !

اصايل : تكفى .. تكفى .. خليني اشوفك لو من بعيد ...

صلاح : اكيد لأ ...

اصايل : بكره الساعه 7 بالليل بالراشد مول اشوفك هناك اذا كنت حاب تسترجع وظيفتك....

ما اعطته فرصه يتكلم قفلت على طول ....

صلاح انبسط : وظيفتي ؟؟؟! معقوله تقدر ؟! .. لاااا حتى ولو .. إني اقاااابلهااا ! .. ما عمري قابلت بنت و لا رح اقابل .... اجل اقعد عاااطل ؟! هي السبب في طردي من وظيفتي اللي احبهاا .. اذا تقدر ترجعني .........

اندق باب غرفته ......

صلاح : ادخلي يا سميه ....

سميه : كيف عرفت انه انا ....!؟

صلاح : ههه محد يدق الباب بهالبيت غيرك ..

سميه : ادري لاني مؤدبه ... نسيتني انا ليش جيت ... امي تقول تعال اقعد معنا مسوين حلا جديد ودنا تذوقه ....

صلاح : حلا بعد العشا ! .. يا الله من فضلك !

سميه : ههههه عادي حلا تجريبي ..

صلاح : تجربون فينا انتي و سوسن ! يلا اللحين جاي ...

ظلت واقفه ع الباب شوي .......

صلاح : اكييييييييد تبين شي ... المكتبه صح ؟

سميه : تعرف هذا اول اسبوع اداوم فيه محتاجه دفاتر و اغراض للفنيه ....

صلاح : خلاااص خلاااص بكره العصر اوديك ..

سميه ابتسمت : ثااااااانكيو ...

عند نواف بالسيارة .... واقفين عند اشارة ....... نظرها ع الشباك اللي جنبها تفكر بحل ...... نواف يحس انه منتصر ... متحمس للحقيقه اللي اخيرا رح يكتشفهاا .....

نواف : اقولك شي ...

حنان : لا اسكت .. و رجعني البيت ..

نواف : خلني اتكلم ...

حنان : اذا جيت لأهلي فجأه رح يحسبون انه في شي ...

نواف : وش فيك منفعل كذا ؟... لا حول و لا قوة الا بالله خلني اتكلم ...

حنان عصبت و سكتت .......

نواف : انا ما يهمني اهلك .. اللي يهمني اشوف هويتك و بس ...

حنان : بـ بس هويتي مو في بيتنااا ..

نواف : ايييييييييييييش ؟! اجل وين ؟

حنان : هي .. هي في بيت عمي ..

نواف : وينه في بيت عمك هذا ؟

حنان : ما ادله ...

نواف : واااضح قاعد تصرفني .. انت كذا تخليني اتأكد من شكوكي ...

حنان لازم اخترعي لي شي يقنعه : صدقني هذي الحقيقه .. عمي اخذ الهويه مني حتى ما اروح و اجي على كيفي ...

نواف : شوف انا اليوم حالف اني ما ارجع البيت إلا و انا كاشفك و متأكد .. و دامك ما تدل بيت عمك .. بنرووح بيت امك ابسأل امك بنفسي اذا كلامك صحيح و لا لا ...

حنان هئئئئئ أمااا بيقااابل امي : لااا لا تروح لا تكلم امي ... اقصد .. اقصد امي مستحيل تكلم واحد ما تعرفه اصلا مستحيل تفتح باب البيت بذا الوقت ... بعدين انت وش ناوي علي ؟ والله لو شافتني امي لا تخاف و ما تخليني ارجع معك بتقول اكيد ما جيت إلا و فيه شي و بتقعد قلقانه علي ...

نواف : انا رايح رايح ... الى وصلنا بيتكم نشوف ....

حنان فكري يا حنان فكري .. جوااالي لازم اكلم فيصل يشوف لي صرفه ....

قامت تفتش بخباها ما لقت الجوال ....

حنان هئئئئئئ و ناااسيه الجوال بعد .. نواف سحبني بالغصب ما عطاني فرصه حتى ألبس جاكيتي ...

نواف ناظرهاا و هي مرتبكه : ههههه اكيد تفكرين بحل عشان تصرفيني ..

حنان اصطنعت العصبيه : اقووول احترم نفسك و لا تكلمني بصيغة بنت ...

نواف ابتسم : اللحين نشووووف ..

حنان تكلمت بهمس : اصلا انت منحرف و قاعد تدور عذر لانحرافك فقلت عني اني بنت ...

نواف : وش تقول ؟ .. عيد عيد بصوت أعلى ....

حنان : ما قلت شي ... رجعني البيت ابي اخذ جوالي ..

نواف : امعصي قبل لا اعرف ما رح اوديك أي مكان ...

حنان اوووووف منه وش اسوي معه و اذا عرف اش بيستفيد !

و فعلاً سواااها و راح بيت اهل حنان .... هي استسلمت ما عاد في ببالها شي ممكن ينقذهااا خلصت كل الافكار و جهزت حالها لأسوء شي ممكن يصير ...

و قفوا مقابل بيتهم ... كان عيال الحاره بالشارع يلعبون مع ان الوقت شوي متأخر .....

نواف : هذاك الولد اخو فيصل ؟؟؟

حنان بسرعه : وش دراك !؟

نواف : ههه يعني اخوه !

حنان أم الغباء فيني .. اللحين درى انه اخو فيصل اكيد بيسأله و يستفسر منه عن كل شي ...

نواف : حمد وش اسمه اخ فيصل ؟

حنان : اصلا انت كيف عرفت انه اخوه ...!؟

نواف : حسيت انه يشبه له .. المهم اش اسمه ؟

حنان : وش تبي فيه ؟!

نواف : علمني و لا يكثر ...

حنان : ماني بمعلم ..

نواف : ينعن ام الـ ..........

فتح شباك سيارته .. و صار ينااادي .. وحنان ميته خوووف لا يكشفهاا اخو فيصل ......

نواف : ياااا ولد ...!

حنان ابفهم ذا الحيوان سعد وش عنده بالشارع بذا الوقت .. انا اوريك يا سعد يا الدااااشر .. خل بس اخبي وجهي عنه لعل و عسئ .....

طبعا سعد يوم شاف نواف يناديه راح له .............

سعد : نعم !

نواف : اش اسمك يا بطل ؟

سعد : انا سعد ...

نواف : يا هلا بسعد .. اقول سعد تعرف حمد ولد خالتك ؟

سعد : أي اكيد اعرفه ...

حنان رحت فيهااا رحت فيهاااا .. سعد الزفت بيفضحني .. عز الله رحت فيهااا يا ويلي ويلااااه ......!

نواف فتح باب السيارة و صار يأشر ع حنان : هذا هو صح ؟؟!

سعد يناظرها بتفحص : أي هوو .. حمد انت جاي تزورنا البيت ؟؟ طيب فيصل وينه ؟؟؟

نواف يعني صدق اللي قاعد جنبي ولد ؟؟؟؟؟؟!

حنان ما اقدر اخبي وجهي اصلا سعد عرفني يا جعله ....... اللحين لازم اقنع سعد بقصه عن سبب جيتي : لا ماني جاي زياره .. سمعت ان خالتي تقول انك صرت تهيت بالشوارع قلت اجي اشوفك .. و فيصل عصب يوم درى انك للحين بالشارع و كان بيجي بس ما خليته خفت يضربك ...

سعد بعدم اهتمام : اصلا كنت داخل للبيت اللحين ...

حنان : طيب سعود وينه ؟

سعد : راح البقاله ...

حنان اهم شي سعود غبي رح يفضحني لو شافه نواف .. أما سعد مصدق اني ولد من يومه ..... لازم اخلي نواف يتحرك قبل لا يجي سعود ...

نواف مصدوم : أماا انت ولد ؟؟؟!!

حنان : ههه قلنا لك ...

نواف : سعد لحظه لا تروح ..

سعد : هاااااه ..

نواف : حمد ولد و لا بنت ؟

سعد مستغرب السؤال : اكيد ولد ....

نواف مفجوع مو مصدوم و بس ... معقول هو يطلع غلطان و شكه ما كان في محله ....؟!

حنان يا لبئ انت يا سعد قد ما كفختك يومك تقول لي ولد إلا اني مبسوطه فيك اللحين حييييييل زين اللي علموك على اني ولد ....

نواف بصوت غير مسموع : ماااني مصدق !

حنان : سعد لا تقول لامي اني جيت طيب ؟ و لا ترى بقولهم اني صدتك بالشارع تتهاوش مع عيال الجيران ...

سعد : بس انا ما تهاوشت مع احد ..

حنان : مااالي دخل انا كذا بقولهم ...

سعد : خلاص ماني بعلم امي يا الكذاب ..

حنان معليه يا سعد بعدين اتفاهم معك .. اللحين لازم نمشي .....: نواف يلا رجعني البيت ... اظن انك تأكدت .....

نواف حرك السياره و هو لسا يفكر ...

حنان : لا عاد تأذيني بسيرة هويتي و اني بنت .. خلاص اللحين تأكدت ..

نواف بضيقه : بس .....

حنان قاطعته : لا تقعد تبسبس على مخي ... انت خطفتني و جريتني بالشوااارع و تقول اني بنت .. غير الحركات الماصخه اللي سويتها مع انك منت متأكد .. يعني مفروض تعتذر مني .. و تحمد ربك اذا سامحتك بعد.....

هي تهزأ فيه و هو لسا مصدوم .. و مو مصدق اللي صار ....

حنان مبسوطه ... الحمدلله انقذني سعد هالمره ......

نواف بدا يقتنع : طيب .. انا اسف بتسامحني ؟

حنان : افكر .....

نواف ياا حسااافه كنت متأكد انه بنت لكن ..........: اطلب أي شي و اعتبره كاعتذااار ...

حنان : رجعني الشقه هذا طلبي الوحيد ...

نواف : اكيد برجعك ما عاد ابيك دامك ولد ...

حنان ابتسمت ... : احسن شي تسويه ..

نواف : ......................

عند فيصل و هتان ........

فيصل : الحمدلله عدت الليله على خير .... اللحين انت وين رايح ؟

هتان : راجعين الاستراحه ..

فيصل : تستهبل انت ؟؟! .. اقول وقف هنا ...

هتان : لييييه ؟! وش فيه ؟

فيصل : وش فيه ؟؟! .. وراي دوام بكره هذا اللي في ... وقف بسرعه ..

هتان : ماني بموقف و انت بتجي معي للاستراحه ...

فيصل : لااااا .. احلف ! .. قسم بالله لو ما توقف هنا لتكون هذي اخر ساعه تشوفني فيها معك ...

هتان ما تحمل تهديده مو بعد ما رجعوا مع بعض ... : خلااااص انا بوديك البيت ....

وداه للبيت و رجع هتان للاستراحه ..

دخل فيصل و هو كان معتقد ان حنان نايمه .. و هي في الحقيقه للحين ما وصلت ....

فيصل .. دورت البيت كله ماااهي موجوده .. وين راااااحت ( بدا يقلق و يخاف ) .... ماهي معقوله تطلع من البيت لحالهااا .. اصلا ما كان بالبيت إلا هي .. خل ادق عليهااا .....

دق على جوالهاا .. سمع الرنه من داخل الغرفه .. تيقن انها تركت جوالهاا بالبيت ....

فيصل .. ياا ربي مو ناقصك يا حنان .. وين ممكن تكون راحت المجنونه هذي !

قعد ع الكنبه بقلق .. وصله مسج sms من وليد ....

فيصل غريب مرسل لي وش عنده ؟!

ارسل له : " مرحبا .. ترى حمد طلع مع نواف لا تقلق .."

فيصل قرا المسج و انصدم : حنان و نوااااف ! .. البنت اكيد جنت طالعه لحالها بذا الوقت معه .. خصوصا ان نواف ما يريح و نظرات الشك بعيونه الله يستر ! .. ما امدى تركتها بالبيت شوي إلا و تسوي بلاوي .. اوريك يا حنان اوريك ..

بعد 5 دقايق وصلت حنان الشقه و هي متوقعه ان ما فيه احد بالبيت .. دخلت و هي مبسوطه و تضحك لأنها انتصرت على نواف و خلاص استسلم و تأكد انها ولد .....

حنان : هههههه النظرات اللي على وجهه هههه ما كان مصدق .. هههه اخيرا ارتحت ....

فيصل سمع ضحكاتها عصب و انقهر و فكر بأسوء شي حصل .. وقف عند مدخل الباب هي ما انتبهت عليه و استرسلت بالضحك ...

حنان يمه فيصل معصب ! : هئئئئئئئ فيييصل ! .. متى .. متى جيت ؟

مسكها مع ذراعها و سحبهاا للصاله و رماهاا ع الكنبه بعنف و رفع يده عليها كان بيضربها لولا انها غطت ع وجهها بخوف .. و في آخر لحظه مسك نفسه و ما ضربهاا ..

حنان ابعدت ايدينها عن وجهه و تناظر فيصل بخوف : تبي تضربني ؟!

فيصل : وين كنتي ؟

حنان : كنت .. كنت ( اقول له على اللي صار و لا ماله داعي .. )

فيصل بصراخ : تكلمي !

حنان يمه لو قلت له ان نواف اخذني غصب عني اخاف يسوي له شي ....

فيصل بنفاذ صبر : يعني ما رح تعترفين انك كنتي مع نواف !

حنان : هذا انت تعرف ... بس مين قال لك !؟

فيصل شد بشعرهاا : حناااانووه لا تصدقين نفسك انك ولد و تطلعي و تجي على كيفك .. تراك لسا بنت ...

حنان : آه طيب طيب والله ما كنت ابطلع معه ... بس هو ........

فيصل تركها : هو ايييش !؟

حنان زي ما توقعت ما اقدر اقول له : انو .. هو .. أصر علي نطلع .. و .. و انا ما كان .. عندي أي سبب للرفض .. بعدين لا تنسى انا بالنسبه له ولد ..

فيصل : و .. وين رحتوا ؟؟

حنان : يعني .. للكورنيش و جينا .. و ما صارت أي مشاكل ..

فيصل : ايييه شفتك يوم جيتي مره مبسوووطه .. لو كنت عارف انك رح تنبسطي كذا كان طلعتك بنفسي ...

حنان : لا تفهمني غلط انا ما كنت مبسوطه لاني طلعت معه .. كنت افكر بشي ثاني عشان كذا .....

فيصل : و يصير اعرف اش كنتي تفكري فيه ؟

حنان : ياخي مو لازم كل شي تعرفه حتى افكاري الخاصه لازم تعرفها !

فيصل : ما بتقولي كيفك ما اجبرتك .. اهم شي ان نواف ما غلط معك ...

حنان : محد غلط مع الثاني ... ( تثاوبت ) يلا لازم اروح انام مره تعبت .. ( آه تعبت نفسيا من خوفي لا يكتشفني نواف .. الحمدلله عدت على خير و انتهت مشكلتي معه .. ان شاء الله بس يكون صدق سعد )

فيصل : أي روحي روحي .. تصبحي على خير ..

حنان : و انت من اهله .... ( لحظه اش دراه اني كنت مع نواف ؟! .. اوووف مالي خلق اسئله اللحين .. لااا و كان بيضربني بعد .. قايله جينات ابوه تسري بدمه .... )

ظل فيصل يفكر باللي صار ... و اصلا ليش وليد ارسل مسج و قال له ! .. و نواف اش معنى ما جا إلا لما صارت حنان لحالها بالبيت ؟! اصلا اش دراه انها لحالها ؟ معقوله جا بالصدفه ؟ .. فيه اشياء بدت تصير غريبه بالنسبه لفيصل ...

وليد وصل ريهام لبيتهم بعد ما تمشوا .. ثم راح لبيت صديقه ماجد ... كان يستناه برى بسيارته ....

ماجد : هلا وليد ..

وليد : هلا فيك .. يلااا اركب ..

ماجد : عسى ما شر .. دقيت علي و قلت تبيني ضروري ..

وليد : خلينا نروح لأقرب كافي و نتكلم ...

ماجد : اوك انا بعد حاب اسئلك عن آخر محادثه اللي بالبي بي ....

وليد : هههه هاذيك .. طيب بنتكلم ..

وصلوا بعد ربع ساعه .. و اثنينهم كانوا ساكتين بالسيارة ..

وليد : اش تحب تشرب ؟

ماجد : عادي أي شي .. المهم تكلم وش السالفه ؟

وليد ابتسم : اخيرا يا ماجد اخيرا ...

ماجد : اخيرا ايش !؟

وليد : بتخلص منهاا .. ماني مصدق .. فرصه وجت لعندي ..

ماجد : انت قصدك بنت عمك !

وليد : ايييه ريهام ما غيرهاا ..

ماجد : كيف .. فهمني ..

وليد : حمد خوينا يحبهاا .. و انا قلت لريهام .. ان شاء الله تحبه و افتك منها ..

ماجد : أمااا حمد يحبهااا .. هههه اش هذا !؟

وليد : ادري منت مصدق .. ههه و لا انا ..

ماجد : تعال هنا انت قلت لي انك تحب .. و طرى على بالي ريهام ... و الظاهر اللحين من كلامك انها ماهي ريهام انت كنت تقصد احد ثاني ؟

وليد : اييه يمكن ..

ماجد : وليد ترااي ما احب الألغاز .. تكلم بسرعه من هي ...

وليد : وحده انت ما تعرفها ... اذا جا الوقت المناسب رح اقولك عليهاا ...

ماجد : ههه مين هذي اللي خلت وليد اللعاب يحبهاا .. خاطري اعرف من هي ...

وليد ابتسم : كل شي بوقته حلو ...

ماجد : تدري الصدمه الاكبر انك طلعت ما تحب بنت عمك ...

وليد : مين قال اني ما احبهاا ..

ماجد مستغرب : اجل ؟؟؟

وليد : احبها عادي .. بس مو حب زواج ... هي غاليه بالنسبه لي و لها معزه بقلبي .. لكن احس لو تزوجتها ما رح اكون مبسوط ...

ماجد : هممم فهمت عليك ..

وليد : صح بقولك قبل لا انسى .. انا يوم الثلاثاء رح اسافر دبي ...

ماجد : مره ثانيه ؟؟؟!

وليد : اش اسوي .. انا تركت الدراسه عشان دبي .. مضطر اني اسافر .. على الاربعاء بالليل ان شاء الله راجع ...

ماجد : خلاص ابجي معك ..

وليد : لا انا ما قلت لك عشان تجي معي انت اهتم بدراستك .. كل اللي ابيه منك بعد ما ترجع من المدرسه تفتح الايميل و تشوف الاوراق اللي برسلهم لك .. بكذا رح نشتغل مع بعض ..

ماجد : انت شايف ان كذا اسهل يعني ؟

وليد : اكيد .. مستحيل اخرب عليك دراستك ..

ماجد : اوك زي ما تحب ...

طول القعده كان جوال وليد يرن مسج بي بي ...

ماجد : منت حاب تشوف جوالك .. ترى ازعجنا ..

وليد : هههه طيب اللحين اشوفه .... هذا مسج من ريهام .. تبي رقم حمد ..

ماجد : هههههههه ما شاء الله العلاقه تطورت بسرعه ...

وليد ابتسم : قلت لك ممكن تحبه .. اهم شي سعادتها ..

رد عليبها و اعطاها رقم البن و رقم جوال حنان ..

وليد : " ريهاام لا تكلمينه حتى اقول لك .."

ريهام : " هذا و انا متحمسه تبيني أأجل ليه طيب ؟ –فيس يبكي-"

وليد : " خليني اقول له اول اني اعطيتك رقمه .. بعدين كلميه اتفقنا ؟ "

ريهام : " ياااا ربي وش بيصبرني .. طيب بس حاول تكلمه بسرعه "

وليد : " اووكيه .. بس انتي بهذي السرعه حبيتيه ؟ -فيس يستفهم- "

ريهام : " هههه لا مو حب .. كنت متحمسه ابي اسأله ليش حبني و اش عجبه فيني بس "

وليد : " اممم كذا الموضوع .. اوكيه اوعدك بكره اكلمه "

ريهام : " اجل بنتظر ردك .. يلا سي يو ....."

قفل منها و كمل سوالف مع ماجد ......

وصل نواف البيت مهموم و متضايق ...

نواف معقول يعني ! معقول في الاخير طلع ولد ... كل اللي سويته ع الفاضي و تعلقت بوهم ... كيف انا منحرج من نفسي ... لا لا يمكن اخو فيصل يكذب او متفق معه .. مستحيل اخو فيصل ما كان يدري اننا جايين .. و اول ما شافه قال هذا حمد .. و الولد صغير مستحيل يكذب ..

رمى نفسه على سريره بضيق و تعب .. كان متفشل من نفسه بعد ما كان واثق ..... اندق جواله كان خالد مره قلقان عليه .........

نواف : الووو ..

خالد : هلا نواف .. انت وينك اللحين ؟

نواف تنهد بتعب : انا بالبيت ...

خالد : انت فيك شي ؟

نواف : فيني اشياء يا خالد مو شي ...

خالد : خير ان شاء الله .. اش اللي حصل ؟

نواف : تخيل يا خالد .. حمد طلع صدق ولد ..

خالد : من الاول قايلين لك انه ولد .. بس اش الطاري و كيف تأكدت ؟

نواف : طلعت معه و رحنا بيت اهله و شافه اخ فيصل الصغير و اكد لي انه ولد .. هذا اللي صار ...

خالد : شفت قلنا لك ... بس انت الله يهديك ...

نواف : ادري .. انا غبي ..يااخي مره متفشل .. كيف كنت افكر كذا ...

خالد : خلاص انسى اللي صار و لا تفكر كثير و افتح صفحه جديده ..

نواف : تعتقد بالسهوله هذي ؟! كيف بقابل حمد بالمدرسه كيف بناظره بعد اللي صار و شكي فيه ..

خالد : قلت لك انسى مافي حل ثاني .. و حمد اكيد رح يسامحك ..

نواف : والله ما يندرى .. خلاص يا خالد الموضوع هذا يرفع ضغطي .. انا لازم انام ..

خالد : طيب بس انتبه لصحتك و لا تفكر كثير اللي راح راح .. فكر بالجاي .. و تصبح على خير ..

نواف : ان شاء الله .. و انت من اهل الخير ...

في استراحة شلة هتان .. بعد ما وصْل فيصل رجع للاستراحه يتناقشون بخصوص اللي انصادوا .... كان المتواجدين في الاستراحه بذاك الوقت يزيد & فهد & اثنين من اصحاب يزيد و باقي شلة هتان اللي ما حضروا التفحيط لانهم عرفوا عنه متأخر ... بالاضافه لهتان ..

يزيد : اسمعوا يا شباب انا اقدر اطلع صديقي و اخوياكم بطريقتي ..

هتان : والله تقدر ؟!

يزيد : اييه اقدر دام عندي واسطه .. خلوني اسوي اتصالاتي .. و ما بتجي الساعه 1 الا و اخوياكم عندكم هنا ...

هتان : والله انك كفووو يا الذيب ...

يزيد : واجبنا يا الحبيب ..

طلع يزيد برى يسوي اتصالاته على قولته ...

هتان : قسم بالله خويكم ذا يستاهل انه يكون ملك الهجوله ..

صديق يزيد : تدري انه ما عمره انصاد .. و تدري انه يهجول من 3 متوسط ..

هتان زي فيصل يعني .. لو فيصل استمر كان اكيد صار احسن من يزيد هذا بس اش نقول ....: ما شاء الله عليه ..

فهد : اقول ماله داعي يطلعون من السجن خلهم ..

هتان : انت شب ولا كلمه يا الجبااان ..

فهد : عشان ما جيت معكم ! .. زين اني ما جيت و لا كنت اللحين معهم بحوش الغنم ...

عبدالرحيم : طيب انطم اخويانا و نبي نساعدهم .. و لا عشان مهند ولد خالك طلع نترك الباقي ...

هتان : أماا جد طلع ؟

عبدالرحيم : اييه طلع بواسطه ... و سحب على اللي معه ..

هتان : ينعن ابو الجحده يا شيخ ..!

فهد : مهند وقع نفسه بمشكله و طلع منها .. ماهو بمجبور يطلع الثانيين ..

هتان بعصبيه : على تبن يا الورع .. دامك مع الشله تطلعهم غصبا عنك حالهم من حالك ..

فهد سكت ما وده يتناقش معه اكثر ......

عزيز بيغير الموضوع : عبيييد .. انت كيف انحشت منهم ...؟

عبدالرحيم : ابد لاني كنت على طرف الطريق .. يمديني انحاش ..

عزيز : والله كويس اني ما حضرت ..

عبدالرحيم : هههه أي والله ...

فهد : عن اذنكم برجع البيت ...

هتان عطاه نظره و ما رد عليه ....

عزيز : طيب مع السلامه ..

بعد ما طلع فهد رجع يزيد بأخبار تفرحهم .. بعد مكالمته ....

يزيد : خلاااص .. الموضوع حليته .. بعد ساعه بيطلعون ..

هتان ماهو مصدق : قل قسم !

يزيد : ههه والله العظيم ..

هتان : ياخي تستاهل احب فوق راسك ...

يزيد : ههههههههه على هونك ما سويت شي ..

هتان : كيف ما سويت .. والله انك ملك هجوله بحق و حقيقه .. اخوياك محظوظين فيك ....

يزيد : هههه تسلم ما تقصر ..

في بيت اهل حنان ... ام فيصل ما جاها نوم شي غريب .... فطلعت الصاله .. ام حنان لاحظت هالشي ثم لحقتها .. خايفه تكون اختها مريضه او فيها شي ...

ام حنان : مهاا اش فيك ؟

ام فيصل : هلا ناديه .. ليه قمتي ؟ انا مافيني شي يا قلبي حبيت اقعد مع نفسي شوي ..

ام حنان : علي ذا الحكي .. انتي من اليوم و انتي منتي طبيعيه .. قولي لي و انا اختك علميني باللي في خاطرك ...

ام فيصل تنهدت بضيق : سعد .. سعد اليوم سألني عن ابوه .. ما عرفت اش ارد عليه ... يسألني ليه ابوهم بعيد عنهم ليه ما يجي يشوفهم ! صرفته مع اني متأكده انه رح يجي و يسألني مره ثانيه .. و قاعده افكر اش بقول له ...

ام حنان : اللحين هذا اللي شاغل بالك ! .. عيالك صاروا كبار .. علميهم ان ابوهم تخلى عنهم و قال انه ما يبيهم ..

ام فيصل : لا يا ناديه هم لسا صغار .. يكفي ان فيصل هو الوحيد اللي يعرف ..

ام حنان : ما ادري اش اقولك .. بسببي انا انجبرتي تتزوجي ذاك الرجال اللي ما عنده لا ذمه و لا ضمير ..

ام فيصل : وش ذا الحكي اللي تقولينه .. انتي مالك دخل .. هذا كان نصيبي ..

ام حنان : لاني يومها استعجلت بالزواج من عبدالله .. و رفض ابوي يزوجني قبلك .. و جاب لك عبدالله ابو فيصل عريس اللي اصلا كان متزوج و عنده عيال .. مع ذلك وافقتي عليه و تزوجتيه عشاني .. كله بسببي انا و عبدالله .. كنا انانيين ...

ام فيصل : يا ندووي لا تقولي كذا انتي سألتيني يومها اكثر من مره اذا انا جد موافقه عليه و اكدت لك اني موافقه .. ماني ندمانه يا ناديه صدقيني .. صاار عندي فيصل و سعود و سعد هم اغلى ما املك و ما ابي أي شي ثاني من الدنيا .. و طلاقي من ابوهم كان احسن شي صار بعد عذابي معه .. سعد وقتها كان عمره 3 سنين ما يذكر كيف كان ابوه يعاملنا و كيف كان يضربنا .. المسكين فيصل هو اكثر واحد تعذب ..

ام حنان : ايييه ايااام الله لا يعيدها .. الحمدلله اللي افتكيتي منه ..

ام فيصل : افتكيت أي .. بس لازم عيالي يتعرفون على اخوانهم من ابوهم عاجلا او آجلا ...

ام حنان : زوجته الاوليه تكرهك و تبين عيالك يتعرفون على عيالهاا .. هي لما درت ان زوجها متزوجك عليها بالسر سوت مصيبه .. خليك بعيده عنهم احسن لك من وجع الراس ...

ام فيصل : الظاهر هذا اللي لازم اسويه ...

ام حنان : يلا حبيبتي قومي نامي .. عشان تقعدين عيالك الصبح للمدرسه ..

ام فيصل : ان شاء الله .. انتي روحي و انا بقعد شوي ثم بدخل ..

ام حنان : طيب ....

بعد مرور ساعه .. فعلاً طلعوا الشله من التوقيف .. و توجهوا على طول للاستراحه .. اول ما دخلوا قابلوهم بتصفيق و تصفير و سلام حااار > مدري ليه ههه .....

هتان : هلاااا بكم يا الغوالي .. تو ما نورت الاستراحه ...

مشاري : هلا بك زود .. كنا نظن اننا بنبات في السجن الليله ..

هتان : خويناا يزيد ما قصر طلعكم منهاا ..

عساف : أي والله تفاجئت يوم جا العسكري و قال اسامينا و طلعنا .. صراحه بغا يغمى علي من الفرحه ...

هتان : هههههه يقولون السجن للرجاجيل ...

مشاري : ايييه اشوفك مره رجااال حطيت النحشه بس سمعت بالشرطه ..

هتان : معذور معي الحب فيصل ما اقدر اخليه يدخل السجن لو على جثتي ..

مشاري : هههه اقول خلك ساكت احسن ..

طلال : وين فهد ؟

هتان : الجبان رجع بيتهم لااا و قااال خلوهم بالسجن ..

طلال : أماا وش يحس فيه !؟ هو مهند ما فيهم خير ...

هتان : ههه من اول ما حبيتهم ..

عساف : اتركك منهم و خلونا نسوي حفله مصغره بمناسبة طلوعنا من السجن ...

هتان : يلاا ليش لأ .. و على حساب المساجين ههههههه ..

مشاري : كااااااااك مع نفسك مفروض انت الزعيم انت اللي تسوي لنا حفله ..

هتان : ما عندي طفران ..

عساف : ما لنا إلا نقط .. بسرعه يدكم ع القطه و اللي ما عنده يرجع بيته ..

مشاري : اووووه يا الزعيم كنه يقصدك هههههههه !

هتان : رجعه ماني براجع .. و شسمه ابحتفل معكم من فوق خشم عساف ..

مشاري : بديناا اللحين ..

يزيد : يا شبااب هدوا شوي .. بما انكم طلعتوا من السجن بالسلامه .. احنا لازم نرجع الرياض ...

هتان : انت مو قايل بكره ..

يزيد : ياخي طلع عندي شغل لازم اسويه ..

هتان : همم دام كذا ما نقدر نضغط عليك ..

يزيد : ع العموم مشكورين ما تقصروا ..و صراحه استانسنا بالشرقيه .. لولا ان الشرطه خربت علينا بس استانسنا و فحطنا شوي ..

هتان : اهم شي استانستوا .. و لازم تجونا مره ثانيه ..

يزيد : ان شاء الله و انتوا بعد مرونا الرياض ..

هتان : اذا قدرنا ابشر ..

يزيد : يلااا يا شلتي خلونا نمشي ....

اخذ اصحابه و حركوا للرياض ..... اما الباقي ظلوا بالاستراحه ...

عساف : وين القطه يا عيااال !؟

هتان : استريح محد يبي ..

نادر : انا لازم ارجع البيت ...

هتان : تو بدري ..

نادر : الشايب اللحين معصب مني .. الله العالم وش بيسوي فينا لاني دخلته مخافر ...

هتان : معليك بيعصب شوي ثم بيهدا ..

نادر : الله يسمع منك .. بس ابي احد يوصلني ...

عزيز : امش معي انا راجع بعد ...

هتان : وش ذا الملل كلكم بتمشون ؟!

مشاري : انا قاعد ..

عساف : اقول خلونا نمشي .. لان بكره مدارس و شسمها الحفله نأجلها للخميس وش رايكم ؟

هتان : ههه اول مره تقول شي مفيد في حياتك ...

عساف : ع الاقل ازين من الاغبياء اللي ما لهم أي فايده ..

مشاري : ياخي ما تطفشون من كثر التناجر ... خلاص كلنا بنمشي ..

و طبعا الكل راح لبيته ...

نجي لبيت نادر صارت له مشكله مع ابوه .. اول ما دخل البيت الكل كان نايم .. ابوه ما توقع انه رح يطلع من السجن لانه بنفسه راح و الضابط قال له لازم توقيف 24 ساعه ... سمع صوت الباب ينفتح استغرب مين ممكن يكون .. طلع يشوف لقاه نادر ...

ابو نادر : تعال هنا يا الكلب .. تعال يا السربوت يا الداشر اخرتها تدخلني مراكز شرطه ..!

نادر بخوف : يباا هذا صديقي .. والله ما كنت ادري انهم بييسوون كذا ..

ابو نادر بالعقال قام يضرب فيه و يضرب .. سمعت امه صوت صراخ و ضرب طلعت على طول فزعة لابنهاا .. قدرت انها توقف ابوه مؤقتا ..

ابو نادر : ولدك هذا ماهو متربي .. انا اعلمك فيه .. ما خربه إلا الدشير اللي مخاويهم .. من بكره انا رايح اسحب ملفه و بنقله لمدرسه ثانيه ..

نادر : لا يباا تكفى ......

ام نادر قاطعته : اسكت انت و اسمع كلام ابوك .. و لا تبيه يذبحك .. انت ما شفته يومه رجع من المخفر كيف كان معصب .. انت غلطت و تحمل نتايج غلطتك ..

نادر بس انا ما ابي انقل مدرسه ثااانيه .. ابي اقعد مع هتان .. لييييش ينقلوني ليييييييييييش !

ما كان نادر يقدر يسوي شي ... اكيد ابوه ما رح يخليه بنفس المدرسه ......

يتبع....