شبكة همس الشوق - عرض مشاركة واحدة

11 - 8 - 2015, 05:01 PM

بـــــــــــــــــــــــــــــارت [46]

راحت غرفتهاا عشان تحط لبس بناااتي و عباه .. حتى تبدل اذا وصلت حارتهم ... و هي ترتب و تضبط اغراضهاا ........
: يااا ليتك ماااا تروووح ...
حنان لفت عليه : اييييييييش ؟!
: ابيك تقعد معنا انا جاي عشانك ..
حنان يدهاا ع صدرها : هذا انت !
نواف : يب يب حبيبك ...
حنان : وش بغيت ي النشبه ؟؟
نواف بهمس : قلت لك ﻻ تروحي ياا حبيبتي .. هذا و انا تارك اهلي بأول العيد و جااي عشان اشوفك ..
حنان سكرت الشنطه اللي بيدها : مااالت عليك محد طلب منك تجي تشوفني ... بطل حركات النشبه ذي ترى والله بديت اتضايق ..
نواف : وش اسوي و انا اعششق اﻻنسانه اللي قدامي ...
حنان : بلا عشق بلا كلاااام فااضي ...
نواف واقف ع الباب مقفل الممر بذراعه .. حنان تبي تمر مو عارفه ..
حنان : بعد عن طريقي خل اروح ...
نواف : و ان قلت مافي روحه ...
حنان رفعت حاجب : نعم !!!.. من حضرتك تمنعني ؟!
كانت واقفه مقابله بالضبط قرب منها و همس بإذنهااا ............
نواف : انا زوجك المستقبلي ...
حنان رجعت ورى : هييييييه اتخسي ما بقى اﻻ انت ...
نواف حز بخاطره : ليه وش فيني انا ... وش فرقت فيه عن فيصل ..؟!
حنان المشكله انه يفكر اني احب فيصل ! : اقول تراااي تأخرت و انت ازعجتني بذا الموضوع ... ياااخي ريحني ...
نواف ابتسم ثم بحركه سريعه ضمهااا لصدره بقوووه .. لدرجة ما استوعبت الموقف ... و بعدين ........
حنان تدفه : ياااا هووووووه بعد عني ...
نواف بعد و مسكهاا من كتوفهاا : هذي هدية العيد مني لك ...من زمان كان خاطري اسويهاا بس قلت بالعيد احسن ..
حنان عطته كف : الله ﻻ يجيبهاا من هدايا اللي زي كذا ... حقير استغلالي .... ان عدت هالحركه مره ثانيه والله ما اسكت لك لا اعلم فيصل يتصرف معك ..
نواف يده ع الكف و مبتسم : يااا هالكف دووووخني و ذوبني اكثر ماا انا ذااايب ....تكفين علميه ابيه يعرف اني احبك كود انه يتركك عشاني ...
حنان ضربت برجلها ع اﻻرض بقوه و قهر و عصبيه منه ... ثم دفته بقوه حتى يبعد عن طريقها .. و مرت من جنبه و راحت و هي تسب فيه و تدعي عليه ....
نواف : ههههههه ي بعد كلي ... صبرك علي ﻻ اخليك تحبيني بالطيب او بالغصب ...و هذا فيصل عندي و لا شي ...

تأخرت على فيصل لدرجة عصب و هو ينتظر ....
فيصل : وش ذا ياا حنان كل هذا عشان كم من غرض ..
حنان : معليش كنت ادور على شغله ...
فيصل : يا الله اجل امشي .. يكفي اننا تأخرنا على امي و امك ...
حنان : طيب بس ﻻ تنسى توديني مكان ابدل فيه ...
فيصل : ابشششري ...
طبعاً راحوا مشي ....و بطريق كانوا سوالف ......
فيصل : اقووول حنان .. التخييم اللي بكره فكري في قرارك مره ثانيه احنا ما ﻻزم نروح ...
حنان : كم مرررره تكلمنا بذا الموضوع ..؟ انا اشوف انه عادي ما فيهاا شي .. ( بعدين اذا ما رحت وليد ما رح يروح بيكسر خاطري .. ما ادري ليش بس احس وليد يهتم لي مع انه يدري اني ولد بس ...... والله مدري وش قصته معي بالضبط ..)
فيصل : اجل ﻻ صار شي ﻻ تجين عندي تتبكبكين ...
حنان : هههه اوكيييه اخر واحد بفكر اجيه انت ...
فيصل : ﻻ خلاااص تعااالي .. اصلااا ما عندك غيري ..
حنان : اي طيب طيب ... ( تضيع السالفه ) ما تحس ان شكلنا غلط طالعين بصباحية العيد رايحيين بيتناا مشي .. كان خليت سواق وليد يوصلناا .. ياا خي فيك عنااد ...
فيصل : ههه المشي زييين و صحي ...
حنان : دااااائما دائما تسلك لنفسك ...

و وصلوا البيت سلموا على اهلهم .. و قضووا كل مشااغلهم من ذبايح و الى آخره .... و صكوهاا نوووومه من الظهر الى بعد صلااة العصر ثم اجتمعوا العائلة الحلوة بالصاله .....
فيصل : وين سعد و سعود ؟
ام فيصل : بعدهم نااايمين ...
ام حنان : هههه يا انهم تطاااقوا مع حنان ...
فيصل : ههههههه هذي سوالف حنان ما تتركها .. وش لك تروحين لهم اتركيهم في حالهم ...
حنان : ﻻااااا ! .. اتركهم هااا !... تخيل سعوودوه المصرقع يسلم علي و يقول لي كل عام و انت بخير يا ولد خالتي و بنت حلال .... وش شااايفني هو و وجهه !
الكل :ههههههههههههههههههه ...
فيصل : يعني هذا هم .. ما تعودتي عليهم ...
حنان بعصبيه : ياا اخي يقهرووووني انا بنت وش زيني ....
طلع سعود من الغرفه توه صاااحي ...
ام فيصل : سعوووود روح توضأ و صلي العصر راحت عليك الصلاه ...
سعود : ان شاء الله يمه ...
حنان : هئ هذا هو جااا .. اخوك الدلخ ...
سعود سمعها : انااا دلخ يااا ورع ... ياا ولد احترم نفسك ...
حنان وقفت تهدد : قسم بالله ان جيت .. ﻻ اتوطئ ببطنك ...
سعود : وخر عني بس .. شين و قوي عين ...
حنان تبي تروح تصفقه مسكها فيصل صرخت على سعود : انااا شينه ي التبن يا حيوان يااانت ...
أماا هو عطااهاا طناش و راح يتوضأ ....
فيصل : اهدي ياا حنان مو كذا !
ام حنان : حنوو من جدك تحطين عقلك بعقله.. !
حنان : اي من جدي .. ليه ما يحترمني .. و مو معترف ابد اني بنت ﻻ هو و ﻻ اخوه ...
ام فيصل : ياا حبيبتي وش عليك منهم سوالف بزران بس اذا هم مضايقينك للدرجه هذي انا أأدبهم لك ...
حنان هدت : ﻻاا ياا خالتي ماله داعي ... انا اوريهم اثنينهم ...
فيصل : اصلا هو ما يقول كذا إلا لانك تعصبي .. طنشيهم و بتشوفين ..
حنان : معليه معليه انا اعرف كيف اسكتهم ...
جت بتمشي لغرفتهااا .........
ام حنان : على وين ياا بنتي ؟؟؟!
حنان : بوري هاﻻثنين سعد و سعود .. ان ماا خليتهم يخقون علي ما اكون حنان ...
ام حنان باستغراب : اش بتسوين يعني ؟!
حنان ابتسمت بخبث : تشووووفون ...
كلهم ما كااانوا فاااهمين شي ....

في الشقه بعد جيت نواف بساعتين جا ماجد و ظلوا معه بالشقه للعصر و طبعا في فترة الظهر ناااموا .... صحا وليد اوﻻ و وراه بعد ربع ساعه صحاا نواف .. طلع للصاله و هو يتمغط .....
وليد : يا هلاااا ياا هلاااا ... الظاهر النومه بسرير حمد مريحه ..هههه..
نواف تنهد ثم سرح لبعيييييد ~ آخ بس نايم و متخيلهااا جنبي ..ي جعلك تكوني لي ي ححنااان ي جعل من يااخذك مني ما يتهنا بك ♡ ...
وليد : ياا هييييه .. ترااك صحيت مو بنايم ...
نواف قعد : اووووف ياااخي ما تخلي الواحد يعيش جوه ...
وليد : ههههههه عيش جوك برااحتك ي الحبيب بس دخلني لجوك هذا ...
نواف : اووووص اووووص من زينك ادخلك بجوي ان دخلت خربت ابوه > ما عجبه كلااام وليد ^^
طلع مااااجد صحا من وقت و صلى صلاته ثم طلع لهم..> كان نايم على سرير فيصل .....
ماجد : ياا شباااب صليتوا العصر ؟
وليد : الحمد لله ..
نواف : و اناا بعد صليت ...
وليد كان قاعد ع اللاب توب ...
ماجد : ايش ياا وليد .. عندك شغل ؟
وليد : ﻻاا ابد مو ذاك الشغل ..
ماجد : و لووو اذا ودك اساعدك قول لي ..
نواف : وش جووووكم .. عيد و شغل .. مو بصاحيين !
وليد : هههه وش نسوي هذي حياة رجاااال اﻻعمال > شدد على الكلمه ..
نواف : كنك تلمح لشي ..
وليد > no thing: ﻻ شيء ...
نواف : ايييهه احسب ..
ماجد : و انتوا كل شي تقلبوه هواااش !
وليد : سلااامة قلبك ي حبيبي محد تهااوش ...
نواف : اووووف على جوكم ذا الملل .. لو قاعد ببيتنا اصرف لي ...
وليد : روووح محد مسكك تقعد عندي ...
نواف : والله مو بعشاان خشتك ... ( المشكله ماا ادري اذا حنان رح ترجع للشقه و لا لا .. )
ماجد : اتركوا عنكم .. و خلوناا نروح نجهز المخيم اللي بنخيم فيه بكره ..
نواف استانس : آه يااا زييييييين طلعااات البر خاااصه مع الحباايب ..
وليد بنظرة استغراب : انت باﻻيام اﻻخيره صاير وضعك مو طبيعي ..
نواف : وش فيه وضعي ؟؟
وليد : يعني ... صاير تتكلم عن الحب كثير و تسرح كثير .. ﻻاا و صاير تجيناا الشقه كثير هذا اذا مو كل يوم تجي ...
نواف : عاادي ما اشوف انه في شي غريب ...
ماجد : اﻻ غريب و نص... حتى انا بعد ملاااحظ عليك مو بس وليد ..
نواف : ياا عييااال مااافي شي وش بيكون يعني ...
وليد : لو فييه بنت عايشه عندي بالشقه كان قلت انك عشقانهاا و تجي عشاانها ...
نواف : ههههههههههههههههههههههههههههههاااااااي ...
وليد : ما ورى هالضحكه اﻻ مصيبه ...
نواف : هههههههههههههههههههههه وش مصيبته ؟!
وليد و ماجد يناظروا بعض و كأنهم يفكروا بنفس الشي ....
ماجد يضيع السالفه : ماا علينااا .. خلوووناا نروح للبر نشوف المخيم و التجهيزات هناك ..
وليد : اي يا الله ...

في الشارع مقابل العمارة اللي فيهاا الشقه .. كان هتان واقف بسيارته و معه مشاري ....
مشاري : ي ليييييل النكبه ليه جايبنااا هنااا ؟؟؟! حتى بيوم العيد ما ارتحناا من فيصل !
هتان : اسكت بس خلني ارااقب ...
مشاري : وش ترااقب انت ..؟
هتان : ي الثووور ياا اللي ما تفهم ماني بقايل لك ان فيصل بيسحب علي يوم العيد و بيقعد بالبيت مع اهله !
مشاري : و طيب ؟؟!
هتان : ابتأكد هو صاادق و ﻻ يصرفني ..
مشاري : والله ما الثور اﻻ انت يعني بيت فيصل ما تعرفه .. اللي فيه اهله اللي هناااك بحارتنا .. بالشقه ذي عايش مع شباب ...
هتان ضرب ع جبهته : ايييييي والله اوووووووووم الغباااء ...
مشاري : هههههه ياا ان مخك منتهي من لما خاويت فصييل ...
هتان : انطم بس ...
مشاري : ههههههههههااي احب اللي يصرفون مثلك و شرواك ...
هتان : ي التبن مسووي تطقطق علي .. ترى بنتضارب هنا ..
مشاري : هههه ﻻ خلاص بعد ذبايح اليوم ما فيني حيل ..
هتان : أجل أكرمنا بسكووتك ...
مشاري : بسكت بس بالأول ليش واقف خلينا نمشي ...
هتان : ماااني متأكد فيصل هنا و ﻻ هناك ..
مشاري : و بعدين ؟؟؟؟!!
هتان : ي اخي ﻻ تقعد تحن علي و تغثني اصبر نشوف ....
شااافوا الثلاثي وليد & ماجد & نواف طاالعين من العمارة .......
مشاري : شوف هاذيلا اخوياااه طلعوا و هو مو معهم تأكدت اللحين ؟ ...
هتان : دقيقه .. طيب فيصل عايش بالشقه مع ذا اللي اسمه وليد ولد خالته يمكن قعدوا بالبيت ...
مشاري : والله ما اظن انهم بالشقه اظنه في بيتهم .. بس انت الله يهديك ..
هتان : اوك اوك خل نشوف هاذول وين ناويين يروحون ....
مشاري : وش عليك منهم ..!
هتان : كذا احساس ودني ألحقهم ..
مشاري : إلا من اللقافه ... قال احساس !
هتان : تعرف تآكل تبن ! .. كيفي ابي ألحقهم ..
مشاري يتأفف مو عاجبه الوضع ....... و طبعاً لحقوهم .....

في بيت حنان و اهلهاا .. راحت غرفتها .. تزينت ع الاخير .. فردت شعرها المتموج و ضبطته ... و حطت مكياج طلعت روووووووووعه .. لكن ما لقت فستان كشخه تلبسه ... فتحت باب غرفتها شوي و نادت .......
حنان : يمممممممممممه ...!
ام حنان استغربت مناداة حنان لها .. فراحت لها ركض .....
حنان سحبت امها لداخل و سكرت الباب وراهم ..............
ام حنان : وش فيك يا بنتي ؟ ( لفت عليهاا ثم شهقت ) ...
حنان : بسم الله عليك يمه ..
ام حنان ابتسمت : مين هذي القمر اللي قدامي !
حنان باحراج : بنتك يعني مين ...
ام حنان : اسم الله عليك وين مخبيه ذا الجمال كله ؟! وش ذا الزين كله ؟! و لا حتى بملكتك كنتي كذا ...
حنان : يمممه خلاااااص بموت من الاحراج ...
ام حنان : ههه بعد عمري .. والله و طلعتي تعرفي تضبطي مكياجك يا بنت امك ...
حنان : هههههه اييييه اعرف قد مره قلت اني ما اعرف ..
ام حنان : اجل ورى ما سويتي كذا يوم ملكتك .. ؟
حنان لان زواجي من فيصل كان على ورق .. لاني ما احب فيصل كزوج .. لاني ما كنت فرحانه يوم ملكتي : مااا ادري يمكن كنت مستعجله ... المهم يعني مره شكلي حلو ...
ام حنان : هههههههه أي يا حبيبتي تهبلين ما شاء الله عليك .. منتي بسهله ..
حنان : قلت لك ان ما خليتهم يخقون ...
ام حنان : هههه اجل ليه مناديتني .. تبين نصايح ؟ > على بالها ان حنان تبي فيصل هو اللي يخق ^^...
حنان : لاااااا وش نصايحه ؟! .. ابي فستاني ما لقيته .. هذاك الفستان اللي حضرت فيه زواج ريناد بنت جيراننا .. اللي قبل سنتين .. ذكرتيه ؟
ام حنان : اييييييييييه ذكرته .. بس خوفي يكون الفستان صار قصير عليك .. هو خلقه قصير ...
حنان : عادي عادي .. انا ابيه وينه فيه ؟
ام حنان : و انتي من يومك ما تعرفي تطلعي شي لنفسك ...
حنان تحك راسها : هه هه هه .. وش اسوي هذا انا ...
طلعت لها الفستان .. بعد بحث هههه ...
حنان ضمت الفستان لصدرهاا ثم تنهدت ~ هذا الفستان اللي اعطتني اايااه سميه .. و حلفت علي إلا اخذه ذاك اليوم .. ياااااه يا سميه ليش صار كذا !؟
طبعا سرحت الاخت و امها قلقت ......
ام حنان : يا بنتي فيك شي ؟
حنان : لا يمه مافي شي .. اللحين ببدل ..
ام حنان : اجل ابطلع و بعد دقيقتين راجعه ابي اشوف شكلك قبل الكل ..
حنان : اوك ي الغاليه ما طلبتي شي ....
و لبسته طبعا .. طلعت شي خياااااال رووووعه .. فستان قصير لون اصفر و اسود .. ثم جت امها تشوف شكلهاا ..

ام حنان : واااااااااو .. مره مره تهبلين ما شاء الله عليك .. حصني نفسك يا بنتي .. خصوصا بعد شوي الجيران بيجونا للمعايده ..
حنان تهز راسها : أي طيب طيب .. اللحين ابي هذا سعودوه النذل وينه ..
ام حنان : الظاهر انه مع اخوه سعد بغرفة فيصل يلعبون بلاستيشن .. من طلعتوا انتي و فيصل نقلنا التلفزيون لغرفة فيصل تعرفين غرفة سعد و سعود قريبه من غرفتي انا و خالتك و احيانا يسهرون بالليل ع البلاستيشن ذا و احنا ننزعج .. فنقلناه لغرفة فيصل ..
حنان : اييه عاادي من يومهم ازعاج .. هاذول المفروض تقلعينهم بالحوش ..
ام حنان : ههههههه .. الله يهديك ...
طلعت للصاله كان فيصل قاعد مع امه سوالف .. طاح نظره عليهاا انصدم مين هذي البنت اللي قدامه ! .. ما شال عينه عنها ابد .. معقول هذي حنان ؟! .. بقق عيونه فيها اختفت الكلمات من ع لسانه .. امه تناديه و هو مو معها خير شر .....
حنان تتصنع العصبيه : وش فيك تناظرني انت ؟
فيصل بارتباك : هـ هااا .. انتي .. حنان !
حنان : لااااااا ظلهاا .. وش شايف انت !؟
فيصل : وش ذا الزين كله ؟! ( لف على امه ) يممممه هذي حرمتي !؟
حنان ~ حرمة عليك عيشتك .. اشوف فصييييل صدق نفسه...
ام فيصل : هههه ايه يا وليدي هذي حرمتك .. ما شاء الله وش سويتي بولدي يا حنان .. من شافك ضاعت علومه ..
حنان ضحكت بدلع > تتمصخر : ههههههاااي ... ( عقدت حجاجها بعصبيه و نظرها على فيصل ) اوريك اش بسوي بإخوانك السملق ذول ..
فيصل مو مع كلامها ابد : ليش ما قد شفتك من قبل كااشخه كذا وﻻ حتى بيوم زواجنا ...؟!
حنان تخصرت : كييييييييفي ! ( أقفت بتروح غرفة اخوانه ) ..
ام فيصل : ههههه بنتك مرجوجه ..
ام حنان : ههه اي والله .. من ناحية الرجه محد احسن منها ..
ام فيصل : يا ذي الحنان .. كل ذا عشان تقهر سعود و سعد !
ام حنان : اندري عنهااا !
ام فيصل لفت على ولدهاا : هااا يا فيصل وين وصلت ؟
فيصل كان مفهي ما انتبه ان امه تكلمه .....
ام حنان : هههههههههههه مسكين ياا فيصل .. الظاهر سحر حنان جا عليك ...
فيصل ما استوعب : هااااه ...!
ام حنان : ههههههههه سلاامتك حبيبي كمل سرحانك ....
ام فيصل : هههههههه ياا زينهم والله لايقين على بعض ..
ام حنان : ههه أي والله ..
فيصل : اقول خالتي .. ليه ما عمري شفت حنان لابسه كذا او كاشخه زي كذا ؟!
ام حنان : لا هي تلبس وقت الاعراس بس .. ما تحب انكم تشوفونها متكشخه .. اذا صار عندنا زواج تكشخت و حطت عباتهاا و طلعت على طول قبل لا احد منكم يشوفها..
فيصل : طيب ليش كل هذا ؟!
ام حنان : اظن انها تستحي .. بس فيه تطورات من تزوجتوا احسهاا صارت بنوته شوي .. قبل الزواج كانت ولد ..
فيصل : هههههههههههههه ( اجل لو شفتيها بالشقه ) ..
ام فيصل ابتسمت : الله يسعدكم يا ولدي ..
فيصل كان يفكر ~ لو كنت شايف حنان بذا المنظر من قبل كنت اكيد طحت في غرامهاا من زمان ..آه يااا حنااااااان ..!
ام حنان : هههه فيصل تفكر فيها !؟
فيصل بارتباك : هااه .. لااا .. عن اذنكم شوي ...
ام فيصل و ام حنان قعدوا يضحكوا على شكله واضح انه خاااااق ع الاخير ....
ثم لحق حنان لغرفته اللي كانوا اخوانه يلعبوا فيها .....

بس قبل وصول فيصل بدقايق .. حنان دخلت عليهم الغرفه ... محد عطاها وجه ﻻنهم منسجمين مع اللعبه ...
حنان بدلع : هااااااااي ...
اﻻوﻻد :........... ﻻ رد ...
حنان ~ اجل تنطنشوني ي التسلاب انا اوريكم ....
و راحت وقفت قدام التلفزيون .....
سعود بصرااااخ : يا حيوووووانه وخري ...
سعد : هيييييه عمئ خربتي اللعبه ...
حنان ابتسمت و ﻻ ردت ....
سعود و سعد يناظروا بعض باستغراب .. تو استوعب شكل اﻻنسانه اللي واقفه قدامهم ..
سعد : انتي مين ؟
سعود : بسم الله ﻻ تكون جنيه ...
سعد انفجع : هئئئئئئئئ ..
سعود : لا تخاف لا تخاف بس اقرا المعوذات و بتختفي ...
حنان بققت عيونها : سلاااااامات انت و ايااااه .. جنيه بعينك ياا جعلك الماني بقايله .. اجل انا جنيه ؟!
سعد بخوف : سعووود الجنيه عصبت علينا .. قريت المعوذات و ما اختفت ... > سعد من نوعية الناس اللي تصدق بسرعه ههه ...
سعود : ههههههههههههههههه> كان يدري انها حنان بس يبي يقهرها ...
حنان عصبت .. و ضربت كل واحد منهم على راسه : عرفتني يا التبن انت و اياه ...
سعد شوي و يبكي : سعوووود ضربتني ..
سعود كاتم الضحكه على شكل اخوه مبين مترووووع ...
سعد : سعوووود صوتها يشبه صوت حمد ..
حنان عصبت و صرخت : هيييييييييييه يا غبي انا حناان .. لا تبكي علينا ..
سعد : لا تكذبين .. حنان شينه انتي حلوه ..
حنان وش اسوي فيه اضحك و لا اعصب .. : انا حنان عجبك و لا ما عجبك مشكلتك يا روح ماما ...
سعود : هههههههههههههههه سعد لا تخاف صدق هذي حنان ..
حنان ضربت سعود مره ثانيه ع راسه :هاا كيف شفت شكلي ..؟ عرفت اني بنت ؟ و حلوه بعد ..
سعود : ميييين قال انك حلوه .. الشين شين ...
حنان : لااااااه .. اشوف صار عندك لسااان ..
دخل فيصل و هم يتهاوشون ........
فيصل : كالعاده .. تتناجرون هااا ...
حنان : وش جابك انت ؟!
فيصل : جيت لاني ابيك بسالفه ..
حنان باستغراب : أناا ؟! .. وش سالفته ؟؟!
فيصل نظره على اخوانه : اطلعوا بسرعه ...
سعد : ليييييييييييش نبي نلعب !
سعود العاقل يعني اني .. مسك يد اخوه و سحبه معه على برى ... فيصل ابتسم لسعود و لعب بشعره لما مر من جنبه ..
حنان تكتفت : وش صاااير ..؟!
فيصل سكر باب الغرفه : ماا صاير شي ..
حنان رفعت حاجب : اقصد اش بغيت ؟!
فيصل : ......................

وليد و شلته بعد طلعوا من الشقه .. راحوا بسيارة نواف متوجهين للبر مكان المخيم اللي جهزوه .. و هتان بذاك الوقت صار عنده فضول او لقافه انه يلحقهم يبي يعرف وين رايحين .. كان متوقع انهم متفقين مع فيصل و بيتقابلون بمكان و هذا السبب الرئيسي اللي خلاه يلحقهم ...
بسيارة هتان ...........
هتان : شكلهم ناويين على بر ..
مشاري : أي هذا طريق البر ..
هتان ~ يعني احساسي في محله اكيد فيصل سبقهم هناك و هم رايحيين يقابلونه .. ان طلع احساسي صدق ما برحمك يا فيصل ليش انك كذبت علي ...
مشاري : شكلهم بيوقفون بالمحطه ..
هتان ابتسم بخبث و يحك ذقنه : هممممم ..
مشاري يناظره : ما ورى ذي التعابير الا مصيبه ...
هتان : هههههههه و لا مصيبه و لا شي .. بس خطرت لي فكره ..
مشاري : الله يستر .. اطربني ....
هتان : انا من شفت خويهم ذا اللي نزل طرت على بالي ذي الفكره .. هذا الولد ما يعرفنا و لا نعرفه .. ابيك تحط لثمه و تروح للبقاله تصكع فيه على انك ما شفته .. و حاول تسحب منه كلام عشان تعرف على وين هم ناويين يطلعوا و كم بيكون عددهم ..
مشاري : ياااخي واضحه .. رايحيين للبر .. ليش اتعب نفسي و اسوي كل هذا ؟! خل نلحقهم و بس ..
هتان : اوووووف انت ما منك رجا ..
مشاري : اذا مو بعاجبك انزل انت ..
هتان : خلاااص خلااااص .. اسكت ..

في نفس الوقت بسيارة نواف .. طبعا اللي نزل للبقاله ماجد ... ظل وليد و نواف بالسيارة ..
وليد : اقول نواف .. من قبل كان ودي اسألك ذا السؤال ..لكن ما لقيت الوقت المناسب ...
نواف : اسأل ...!
وليد : اش في بينك و بين حمد ؟ .. لا تفكر اني غبي انا ملاحظ تصرفاتك معه مو طبيعيه ..
نواف ببرود : ههه وش قصدك ؟! مافي شي بيننا .. اش بيكون يعني ؟
وليد : والله هذا اللي حاب اعرفه .. غير كذا جياتك على الشقه بعد شي غريب ..
نواف : اخوياي و جاي اشوفهم وش الغريب ..!
وليد : لااااا في شي غريب .. حتى اسلوبك مع حمد و كلامك معه و نظراتك مفكرني ما انتبه .. ي حبيبي ما تمشي علي ..
نواف : ههههه كيفك لا تصدقني .. فسر زي ما تحب ما يهمني ..
وليد مستغرب : مهما طال الزمن مردي اعرف .. ما في شي يتخبى عني ..
نواف : ههه بالتوفيق ...

نرجع لسيارة هتان مره ثانيه ..طول الوقت كانوا يتكلمون ......
مشاري : تدري ... عندي فضول ذابحني .. خاطري اعرف ليش حبيت فيصل كذا و متعلق فيه ..
هتان تنهد : يعني ودك تعرف !
مشاري : هو اكيد ودي كانك بغيت تحكي .. ما قد حكيت لي السبب ولا مره ...
هتان : بما ان احنا قاعدين و ما ورانا شي .. ابحكي لك السالفه بس اوعدني الكلاام اللي بقوله يكون بيني و بينك و ما يطلع لأحد ...
مشاري : وعد .. وعد رجال .. تطمن و قول ...
هتان : هذا الله يسلمك بدت القصه بعد ما تخرجت من ابتدائي .. اهلي انقلوا لحارتنا اللي اللحين و انقلوني للمدرسه اللي فيها فيصل ﻻن هذي اقرب مدرسه لبيتنا الجديد ..
مشاري : و كيف قابلت فيصل ؟!
هتان : وراك مطفوق .. صبرك و بقولك كل شي .. اول يوم داومت و انا مهموم ماااره ﻻني ما اعرف احد .... و قعدت منعزل بفصلي ...
مشاري : طيب فيصل ما كان في نفس فصلك ؟؟!
هتان : ﻻ للاسف ما كان .. المهم بالفسحه جيت ابشتري من المقصف .. و انا نازل بالدرج قابلوني شله الله لا يوريك ... و انشبوا لي ..
مشاري : تعرفهم انت ؟
هتان : انا جديد وقتها اش عرفني فيهم ..
مشاري : اقصد اللحين اذا تعرفهم و ودك نصفقهم ...
هتان : ههههه ﻻ ما يحتاج انا كنت اول متوسط و هم ثالث ... اللحين تخرجوا من الثانويه ...
مشاري : اهاا .. طيب و بعدين وش صار ؟؟!
هتان : بس ما خلوني امر و طااحوا فيني سب و انا وقتها ما رديت عليهم ﻻنهم كثار حول الخمسه اذا مو اكثر .. و واحد منهم كان يدفف فيني انقهر ﻻني ما رديت ..
مشاري باستغراب : انت اش مسوي لهم يااخي حتى نشبوا لك كذا ...؟!
هتان : يااخي والله اني ماا سويت شي كان هذا اول يوم دوام لي .. ما امدى اكون عداوات ...
مشاري : ايييه و اش صااار بعدين .. كيف تصرفت معهم ..؟
هتان : ابد ما كنت ناوي اسوي شي كنت مستسلم ...
مشاري مصدوم : أمااا من جدك ! ما توقعتها منك ...
هتان : وش تبيني اسوي هم كثار و انا لحالي حتى لو بتهاوش معهم لحالي ما بقدر ...
مشاري : ابي اعرف كيف تعرفت على فيصل .. وش دخل ذي القصه ..
هتان : ابد ما فيك صبر انت و راسك .. يومهاا ي المطفوق فيصل كان وراي انا ما انتبهت يومه جا .. صرخ على هذوﻻك الشله ... يااخي لو شفته كان واثق و متحديهم ...
مشاري : أمااا فيصل .! فيصل ما غيره ...
هتان : اي هو ما غيره .. و متذكر اش قال لهم بعد .. سبهم سب مسح فيهم الارض ... كانوا بيتضاربون لولا ان الوكيل مر من هناك و افترقوا ... انا مشيت و فيصل لحقني .. و قال لي " شكلك طالب جديد " قلت له اي قال " توقعت ﻻنك تمشي لحالك " بعدين قال " لا يهمونك ذول الدشير تراهم كذا اللي يشوفونه لحاله و جديد يفردون عضلاتهم قدامه لكن ان رديت عليهم و بينت انك قوي ما رح تلاقي أجبن منهم " ...
مشاري : اجل اكيد بعدين تعرفتوا و صرتوا اصحاب ...
هتان : ﻻ ما تعرفنا و ﻻ شي ما امدى قال ذي الكلمتين حتى جا صديقه هيثم ناداه من بعيد .. بس فيصل سمع صوته فز له على طول و نسى انه قاعد يكلمني ... زعلت لكن حسيت انه عادي لانه مايعرفني .. و لانه ما يعرفني دافع عني .. عكس الطلاب الثانيين يوم مروا و لا كأنهم شايفين شي ...
مشاري : و بعدين وش صار .. كيف صرتوا اصحاب ..؟
هتان : صبرك يا ابن اللذين ... قعدت اسبوعين اراقب فيصل .. كان طول الوقت تقريبا مع صديقه هيثم مبسوطين و فالينها .. قسم بالله حسدت هذا اللي اسمه هيثم .. حسدته من قلب .. شفت اسلوب فيصل معه .. قلت في نفسي ان بغيت اخاوي احد ما بلااااقي احسن من فيصل .. بعدين تشجعت و رحت تعرفت على فيصل و طلبت اكون صديقه .. توقعت انه يرفض بس بالعكس قبل صداقتي و هو مبسوط ....( تنهد بقوه ) .. آه على ذيك اﻻيام بس ...
مشاري : وش ذا الحزن كله .. للدرجه ذي حنيت !
هتان : اسكت بس ما غيير فتحت جروووح ..
مشاري : افأ و انا ولد ابوي ! .. وش جروحه ..؟!
هتان بضيق : انسى ...
مشاري : ليش صاااك الحزن .. عندك انا مثلا ما اجي بمقام فيصل ...!
هتان : ﻻ والله ما تجي .. اتخسي تجي ...
مشاري : افاا ياا ذا العلم ..هذا قدري عندك ؟!
هتان بعصبيه : ي اخي ﻻ تزودها علي والله ماني بناقص .. انت اكثر واحد تعرف غلااا فيصل في قلبي ...
مشاري : اوك اوك ... كنت امزح معك وراك انفجرت ..
هتان : خلاص انتهى الموضوع ...

سكتوااا شوي ثم ........
مشاري : ههه قعدت اقكر في كلامك .. والله قصتك قصه ... ﻻنه دافع عنك تعلقت فيه !
هتان : تدري الشرهه مو بعليك الشرهه ع اللي يسولف لك عن اللي بقلبه .. و ﻻ انت ثور ما تفهم ...
مشاري : هههه خلاااص والله اسف ما قصدت ..
هتان عطاه نظره : ما عندك سالفه ..
مشاري : عندي بعد سؤال واحد عادي اسأل و لا مليت من قرقي ؟!
هتان : يعني جت على هذي .. اسأل اسأل ... بس لا يكون نفس السؤال اللي ازعجت اهلي فيه..
مشاري : بصراحه اي نفسه .. انت قلت لي على كل شي اﻻ السبب اللي خلاكم تفترقون انت و فيصل .. فضولي بيذبحني اذا ما علمتني ...
هتان : جعلك تنذبح مشكلتك اذا انت ملقوف .. اللي صار سالفه بيني و بين فيصل انت اش حشرك بيننا ... !
مشاري : بااقي تكه وحده و تفصل علي .. ﻻ ابوها من سالفه .. خلااص ما ابي اعرف .. كذا كويس ؟!
هتان : اييييه كووووووويس .. ي زينك و انت ساكت ...
مشاري : طيب يا الله حرك شلة فيصل مشوا ...
هتان حرك و هو متضااايق و كملوا مطاردتهم .....

في بيت اهل حنان .. في غرفة فيصل ....
حنان : بتقعد واقف كذا تناظرني ..! اذا ما عندك سالفه ابطلع ..
فيصل تسند ع الباب : وش فيهاا اذا قعدت اناظرك .. حرام اكحل عيني بشوفة زوجتي !
حنان عصبت بس مسكت نفسها حتى لا تصارخ عليه و يسمعونها : وش بغيت اخلص ؟! تراك بديت تنرفزني .. و نظراتك ماني مرتاحتلها ..
فيصل يقرب منها و هي ترجع : حنان ....
حنان خافت : وش فيك ؟! .. طيب لا تقرب ..
فيص طنش : اكتشفت اني اموووت فيك ..
حنان باستغراب : وش جاب ذا الطاري !؟
فيصل : انا احبك اييه بس ما كنت ادري اني اموت فيك .. فهمتي !
حنان بخوف من نظراته : ط طيب فهمناا .. لا تقرب مني ..
فيصل : تكفيييييييين ......
حنان رجعت الى ان صدمت بالجدار ..: قلت لا تقرب .. فيييييييييييصل !
فيصل حجزها بين ايديه : لييييييش ما اقرب على زوجتي ؟! .. ليش تمنعيني عنك ؟ بأي قانون هذا ان الزوج ما يقرب على زوجته ...
حنان نظرها للارض : بس ... بس انا مو زوجتك ...
فيصل و كأن الكلمه طعنته بصدره : حناااان ارفعي وجهك و ناظريني ..
حنان ما رفعت وجهها .. ما انتظر كثير و رفع وجهها باطراف انامله : قلت ناظريني ..
حنان باين على وجهها العصبيه : وش بغيت ؟!
فيصل : لا تقولي مره ثانيه انك مو زوجتي .. انتي زوجتي غصبا عن اللي ما يرضى .. و عشان اثبت لك

يتبع.........