شبكة همس الشوق - عرض مشاركة واحدة

11 - 8 - 2015, 05:40 PM

في المجمع .. شلة هتان لازالوا قاعدين ياكلوا .. الى ان جاهم اتصال من احمد اللي يراقب وليد و ريهام ..
مشاري : ياا عيااال اوووص هذا احمد بحطه سبيكر ..
عساف : يا الله بسرعه رد ..
احمد : الوووو ...
مشاري : هاا احمد وينك ؟
احمد : ابشركم الهدف في المكان اللي خططنا له ..
مشاري : هههههههه يتكلم كنه جاسوس عاايش الدور الاخ ..
عساف : خله يعيش دوره .. المهم أي بوابه ؟
احمد : اوريك يا مشاري بعدين ..
مشاري : هههههه سقهاا بس ...
عساف : ياااخي رد أي بوابة عشان نجيك ..
احمد : البوابه الرئيسية .. بسرعه تعااالوا ..
مشاري : يا الله جايين ....
قفل منه .....
مشاري : شبااااب ألتزوموا بالخطه فهمتوا !؟
عزيز : يااخي لا تخاف حنا ذييابه ..
مشاري : كفوووو .. يا الله يا الذيبان امشوا ..
قاموا الكل الا نادر ..
عساف : منت بجاي ..؟
نادر : لأ ..
عساف : امش يااخي نتونس ..
نادر : دام هتان مو بموجود ماله داعي اروح ..
عساف : ياا ذا الهتان مدري وش عاجبك فيه ..!
نادر : محد طلب رايك .. يا الله رح بس ...
عساف : على هواك ...
و لحقهم عساف .....

من جه ثانيه عند ريهام و وليد ...
وليد : هاا استانستي ..؟
ريهام : يب يب مررررررره استانست .. الله لا يحرمني منك ..
وليد : هههه عسى الوناسه ما تفارق حياتك ..
ريهام : ويااك ياا قلبي ..
وليد : يا الله اللحين برجعك البيت ..
ريهام : اوك ..
جا بيفتح لهاا باب السيارة .. ضرب احمد بيده ع الباب و ما سمح لهم يفتحونه .. ريهام خافت و تخبت ورى ظهر وليد ...
وليد : سلااااااماااات يا الاخ ؟!
احمد : الله يسلمك ..
و في نفس اللحظه جوا بقية الشله ......
مشاري : هلااا هلاا هلاا والله .. تذكرتناا يا الحبيب .. اللي ضحكت عليناا بالبي بي ..
وليد ~ هاذول كلاب هتان .. من وين طلعوا لي .. ما كفاهم انهم ضربوني هنا ذاك اليوم !
عساف : ايييه يااا رااااقل .. أكل الأوط لسانك و لا ايه !؟
وليد : و انت مين بعد ؟!
عساف : و الله ياا حبيبي بدون تعارف لو سمحت !
وليد : نعم ؟! وش تبون ؟
كانوا الشله محوطينهم .. و ريهام ميته خوف ورى ظهر وليد ...
ريهام بهمس : مين هذول انت تعرفهم ؟!
وليد : انتي بس لا تخافي ..
عساف : يااا راااقل .. هو انت بتلعب مع المزز .. ما تديناا بئه !
وليد : اقووول احترم نفسك و اعرف من تكلم ..
عزيز مسك يد ريهاام .. و هي صرخت .. وليد عطاه بوقس ع طول سدحه بالارض ...
الشله كلهم استغربوا وش ذي القوه المفاجئه ...
باسل : انت قدهاا تضربه !؟
وليد : اللي بيقرب على محارمي اذبحه .. يا الله انت و ايااه روحوا ألعبوا بعيد عني ..
حمزه : شف من يتكلم .. شباب خلوناا نعلمه قدره ..
عزيز قام و هو معصب و بيضارب مسكه مشاري : انت يا الكلب يا ابن الكلب تضربني .. اوريك انت ما تعرفني ..
ريهام تهمس : وليد عصب اللي ضربته .. انا خايفه ..
وليد : قلت لك لا تخافين وانتي معي .. ابن امه يمس شعره منك ..
ريهاام شوي و تبكي من الرعبه ...
مشاري : اهداا يااا عزووز مو بكذا ..
عزيز : هدني عليه ذا الكلب ..
مشاري : بهدك بس انت اصبر ..
وليد : وش تبون اللحين ؟
عساف : قلنا لك عطنا المزه اللي معك .. و ما بيجيك شي ..
وليد : والله لو على جثتي الدنياا ماهي بفوضى ..
مشاري : ياا عيال كفكفوا ...
يقصد كفكفوا اكمام اثوابكم عشان نضربه ..........!
أماا وليد فهم هم وش ناويين عليه .. حاول يدخل ريهام جوا السياره عشان ما تتأذى بس مما سمحوا له ..
و يجيك عزيز و يضربه من هنا .. و طب مشاري .. و باقي االشله وراه .. ما مرت خمس دقايق الا و كلهم متسدحين بالارض ... > تذكرون الهوشه الاوليه تذكرون لما ماجد قال لوليد " اللي انا مستغرب منه ليش ما دافعت عن نفسك .. انت قادر تسدح 10 منهم .. و وليد قال له لو ضربتهم ممكن اقتل ... ! "
في الحقيقه وليد متعلم جميع فنون الدفاع عن النفس من صغره .. عشان كذا ماجد كان مستغرب .. بس اليوم كل اللي تعلمه وليد حطه في شلة هتان .. و سدحهم ....
و ما اكتفى بذا الشي راح لـ عزيز .. و مسكه و صار يضربه و يضربه ع وجهه الى ان نزل دم ..و ريهام تناظره بخوف .. وليد عصب عليه لانه حاول يلمس ريهام .......
ريهام : ولييييييييييييد !
وليد وقفه صوتهاا .. ناظر عزيز الغرقان بدمه ... ثم ناظر ريهام .. اللي كانت ترجف خوف ...
ريهام بصوت يرجف : ب بتذبحه !!!!
وليد قام : انا .. انا .. انا بس عصبت ..
ريهام : خلنا نمشي من هنا قبل احد يشوف ..
وليد فتح الباب : اوك .. ياا الله اركبي ...
ريهام ميته خوف ركبت بسرعه ...
و ركب وليد جنبهاا بالسياره .. كانوا ساكتين .......
وليد : آسف على اللي صار ...
ريهام : آ آ انت مالك دخل ..
وليد : هم كانوا متقصديني انا .. و جينا بوقت غلط للمجمع ... و ما قدرت امسك اعصابي ..
ريهام : مـ محد كان يدري عن اللي رح يصير .. بعدين غلطتي انا لاني طلبت منك تجيبني هناا ..
كانت قابضه ايدينهاا بقوه و واضح عليها الخوف ..... بعد ما ابتعدوا عن المكان وقف وليد ع جنب .... استغل اللحظه و مسك يدهااا عشان يحسسها بالامان و يهديها ...
وليد : لااا تخافي و انا معك طيب ؟
ريهام قامت تبكي : اول مره اخاااف كذا .... و انت .. انت كنت مره تخوف !!
وليد : تكفين انسي اللي شفتيه مني .. انا ما تحملت احد يلمسك ..
ريهام تزيد بكي .....
وليد ضمهاا : آسف والله آسف .. دائما اقول ما عاد اضرب احد .. لكن اليوم ما قدرت امسك اعصابي ...
ريهام هديت : خـ خلاص بنسى اللي صار ..
وليد : بوصلك البيت اللحين ..
ريهام : اوك ..

بعد ما طلع هتان من العماره .. كان منقهر و معصب من فيصل .. صار يشوت أي شي قدامه .. لغاية ما وصل لسيارته ... بس ركب فيها انهار بكي .. و هو يردد لييييش ليييييييش ؟!
ما طلعه من حالته إلا صوت رنة الجوال ... مسح دموعه بسرعه و رد ...
هتان : الووو ..
مشاري : وينك انت ؟
هتان : وش بغيت ؟
مشاري : حنا بالمستشفى .. عزووز منصاب ..
هتان : ليييش ؟ سويتوا حادث ..؟
مشاري : ليته حااادث بس !
هتان : خلصني وش صاار معكم ؟!
مشاري : تفقعت وجيهناا .. النذل ذاك الولد طلع من نفس نوعية راجح .. سدح اخوياك كلهم ..
هتان : آآآفاا يااا ذا العلم .. و يسدحكم !؟
مشاري : ليتك كنت معنا كان سدحك انت بعد .. انت و خطتك ذي المادري وش تبي ...
هتان : اقووول لو كنت معكم يخسي يصفقني .. كان ذبحته الحيوان .. إلا انتوا خكر محد يعتمد عليكم ..
مشاري : عن المهايط و ياا الله تعال المستشفى .. احتمال يتنوم الليليه .. و اهله يقولون بيرفعون قضيه ..
هتان : أي قضيه انت و اياه و احنا ما نعرف حتى اسم الولد ..
مشاري : اهم شي نعرف بيته ..
هتان : ما نبي مشاكل فكنا انت و اياه .. انا جايكم اللحين نتفاهم ..
و راح لهم المستشفى و حكوا له كل اللي صار .. هتان ما كان معهم اصلا .. لكن اقنعهم ان ما يكبروا الموضوع و ماله داعي الشرطه .. خصوصا ان اصابة عزيز ماهي ذاك الزود ... و طلع من المستشفى بيومه ....