شبكة همس الشوق - عرض مشاركة واحدة

11 - 8 - 2015, 05:47 PM

كانوا هم نفسهم قروب البنات المغامرات اللي حبوا يحضروا الحفل ....
شهد : اللحين دخلناا .. بس ما نعرف الحفل وين ...!
اصايل : معليكم قلت لكم مخططه لكل شي انا .. شوفوا الفندق هذا اعرفه زين .. فيه صاله تحت هذي اكيد اللي فيهاا الحفل ..و بالدور الثاني فيه غرف .. الحلو انك تقدرين تطلين من الدور الثاني على اللي تحت و تشوفين كل شي .. يعني ما علينا الا نطلع فوق و نناظرهم براحتنا ..
شهد : حلووو اناا عن نفسي بصور بعد ..
اصايل بحماس : سووا كل شي يخطر ببالكم ... يا الله جاهزين ياا بنات ؟
الكل : جاااااهزين ...!
اصايل : يا الله مشينااا ...
جود : العنود ..! وش فيك يا الله ؟
العنود : ء ء يا الله معكم ...
كانوا بيصعدون في الاصنصير .. لكن وقفهم حارس امن ...
الحارس : على وين يا آنسات ...؟
اصايل بارتباك : حنا .. حناا تبع اهل الحفل ...
الحارس مستغرب : الحفل رجال فقط !
اصايل : ايييه بس حنا بنصعد فوق .. دقيقه اوريك البطاقه ... ( طلعت كرت الحفل من شنطته ) .. شوف حنا من المعزومين بس الرجال تحت و الحريم فوق ...
الحارس اقتنع : اهاا دام كذاا .. تفضلواا .. و عذرا على الازعاج ...
اصايل : شكرااا ...
و مشواا عنه بعيد شوي .. ثم تنهدوا برااحه بعدين ضحكوااا ...
شهد : هههههههه يااا بنت اللذين .. قسم بالله محد قدك ما شاااء الله عليك ..
اصايل : هههههههه ادري لولا الله ثم خططي كان ضعتوا ...
جود : أنااا ارتعبت ياا بنااات احس ما عاد فيني اكمل ..
اصايل : هههههههههههههههههه دام اختك معك لا تخافي .. يا الله خلوناا نصعد بالاصنصير ..
العنود : بنااات .. ما ابي نطول اوكي ..
اصايل : وش بلاااك انتي .. حناا نبي نستانس افرديهاا شوي ..
العنود : لااا جد بديت اخاف ..
اصايل سحبتهاا من يدهاا : امشي امشي قال اخاف قال ...

نرجع لقاعة الحفل .. بالحمام –الله يكرمكم – غسلت حنان وجههاا ...
حنان : احم احم .. >> تجرب صوتهاا صار فيه بحه من ألم حلقها ..
فيصل : هاا كيفك اللحين ؟
حنان : صوتي تغير ... الظاهر حلقي ملتهب مره ...
فيصل : هذا عذر كويس .. نقدر نرجع الشقه لانك تعبان ..
حنان : لااا عادي بتحمل ...
فيصل فجأه ضمهاا و همس : انتي تعبانه .. و ابيك ترتاحين .. ليش تسوين كل هذا عشان وليد !؟ ارحمي حالي ...
حنان : وش تسوي انت اللحين ؟ اتركني .. كح كح ...
دخل واحد من المعازيم الحمام – الله يكرمكم - .. وقف مصدوم اول شي .. فيصل بعد عن حنان بسرعه .. و حاول يصرف الموضوع ...
فيصل : هـ هلااا تفضل ...
الرجال ناظرهم نظره كرهواا انفسهم بسببهاا ... غسل ايدينه و طلع ...
حنان تضايقت : اووووووووف شفت كيف ناظرناا.. اللحين بيفكر اننا شباب منحرفين ..
فيصل : ما يهمني يفكر باللي يفكر فيه .. اهم شي انت .. تكفى خلناا نرجع الشقه والله عشانك ...
حنان بعناد : لأاا ماني براجع .. و لا عاد تزعجني .. بقعد للنهايه .. كح كح كح ..... >> تركته و طلعت .......

خلص ماجد شغله من قدام البوابة الرئيسيه و عطا التعليمات للامن الخارجي انهم ينظمون المكان برى و لا يسمحون لأي شخص عادي يدخل ... و هو راجع صادف نفس الحارس اللي صادفوه البنات ...
الحارس : عفواا ياا ماجد ...
ماجد : هلااا ..
الحارس : بغيت اعلمك ان السيدات اللي عزمتوهم للحفل وصلوا و اعتقد انهم فوق اللحين ....
ماجد بصدمه : أي سيدات ؟!
الحارس : مجموعه من البنات قبل عدة دقايق قالوا انهم معزومين ع الحفل ..
ماجد : حفلنا رجال و بس ... ما فيه حريم ..
الحارس : والله انا ما ادري هم وروني كرت الدعوه و سمحت لهم يطلعون ..
ماجد : طيب طيب انا بتصرف .. من وين راحوا ؟
الحارس : من هناا ..
ماجد : اوكيه يعطيك العافيه ..
الحارس : الله يعافيك ..

فوق بالدور الثاني .. لان الاضواء خافته بالقاعه تحت .. و فوق شبه ظلام ... كانوا يقدرون ياخذون راحتهم و يناظرون المعازيم قد ما يبون .. و يصورون بعد اذا بغوا بس بدون فلاش ^ ...
اول ما وصلوا ....
جود تناظر القاعه : واااااااااااو ياا كبرهاا ما شاء الله ..
شهد : من جد مره حلوه و طريقة حفلتهم مره ناايس ..
اصايل تطل من سور الدرج : بناااات شوفواا نواف و خالد هناك ...
راحوا الكل جنبهاا يطلون معهاا ....
شهد ناظرت باهتمام : وييييين ؟!
اصايل : هنااك شوفيهم .. اعتقد ان هذا اللي معهم هو اللي اسمه وليد لانه اكشخ واحد و تحسونه رزه ..
جود : اييه صح انا بعد قلت ...
العنود كانت جنب شهد همست لها : هاا شفتي الحب ؟ > تقصد نواف اخوهاا ..
شهد ابتسمت : ايييه بس .. ما عدت احبه ...
العنود : نصااابه .. اذا ما تحبينه لا تناظرينه ...
شهد : ههههه طيب ...
لحظات و شافوا حنان و فيصل جوا و قعدوا على نفس طاولة نواف و خالد ..
شهد ناظرت حنان بقهر و تقرف : هذا الولد ....... ( سكتت ) ..
العنود : قلتي شي ؟
شهد : هاا لا لا ما قلت ..
اصايل : بنااااات شوفوا الولد اللي قعد جنب خالد من تو .. مرررررره كيوووووت .. >> تقصد حنان ..
العنود عينهاا على خالد : ما همني الا اللي جنبه ...
اصايل سمعتهاا و حزنت عليهاا خصوصا انها الى اللحين ما تدري ان عريس اختهاا خالد .. و كرهت نفسهاا لانها ما قالت لهاا ...
جود : مين هذاك اللي جنب الولد الكيوت !؟ >> تقصد فيصل ..
اصايل غمزت لها : ايييييش عجبك !
جود : هههه لااا بس اسأل .. ( همست ) صحيح شكله حلو بس مستحيل احب غيره ..
اصايل بهمس : شعووولي هااا ..!
جود عضت شفايفهاا من الحياا ..: خلااااص ..
اصايل : ههههههههههههههه ...
شهد كل نظرهاا كان على حنان .. ودهاا تتهاوش معهاا ودهاا تذبحهاا .. مع انهاا ما تدري ان حنان بنت لكن تحس بغيره قاتله منهااا ..
و كانوا البنات مستمتعين و يضكون و يعلقون على الناس الرايحه و الجايه و يصورون الى ان ...........
......1 : يااا سلااااام والله و كنت صادق .. فيييه مزز هناا !
البنات انفجعوا و لفواا عليهم ......
......2 : شفت والله اني قايل لك اني قزيتهم ...
......3 : و ليش بالظلام يااا حلوااات ؟ .. ياا كثرهاا الغرف هنا ...
البناات ارتعبوا و كلهم تخبوا ورى اصايل .. و اصايل تكلمت و ردت عليهم ..
اصايل : خير انت و اياه .. اذا ما فارقتوا من هنا .. بنصرخ و نلم كل اللي بالفندق عليكم ..
......1 : اوء تروعت بصراحه .. ياا بعدي محد بيسمعك و صوت الموسيقى عالي .. صح ياا شباب !؟
الشباب : صحيييين .. يا الله قدامناا ..
اصايل طلعت جوالها بتدق على أي احد .. اخذ الجوال منهاا بسرعه .....

انتــــــــــهى البــــــــارت