شبكة همس الشوق - عرض مشاركة واحدة

15 - 8 - 2015, 10:06 PM

بـــــــــــــــــــــــــــــارت [60] و الاخير

حنان : آآآآآآه منككككك !

فيصل نام بالغرفه و حنان قعدت بالصاله نامت هناك المره هذي هي نامت بالصاله ههه .. و ظلوا على حالهم للصباااح ..

صحت متأخر شوي .. لقت فيصل جهز نفسه و خلص ...

حنا ~ يا الله تأخرت ! .. المشكله ابي ملابسي وينها ؟!

فيصل ناظرهاا و عرف انها محتاره : ادخلي الغرفه بتلقين ملابسك ..

حنان ما ردت عليه .. دخلت بسكات للغرفه و اخذت ثيابها و راحت للحمام-الله يكرمكم- تاخذ شاور .. و بسرعه بسرعه جهزت نفسهاا للدوام ..

كان قاعد على طاولة الاكل ينتظرهاا ......

فيصل : يالله حبيبتي طلبت فطور لناا ..

حنان ~ حبيبتي ! و فطور ؟! .. لاااا وضعه مو مضبوط و انا ما لازم ارد عليه ...... >> خذت شنطتهاا و جت بتطلع بس الباب مقفل ...

فيصل يناظرهاا : بنطلع مع بعض ...

حنان بدون أي كلمه رجعت و قعدت ع الكنبه تنتظره يخلص فطوره ...

فيصل : تعاالي افطري ...

حنان عصبت : انت تتغااابى .. ناااسي اني زعلانه منك !؟

فيصل : ههههههههه انتي زعلانه مني بكيفك .. بس انا مو زعلان منك ...

حنان : كيف يعني ؟؟؟!

فيصل : انتي ما تبين تكلميني براحتك بس انا بكلمك فهمتي ...؟!

حنان : اوووووووووووف زهققققققت ..

فيصل : انا متأكد .. ميه بالميه ان ودك نرجع زي قبل .. زي ما انا ودي بالضبط ...

حنان : ماني رخيصه للدرجه ذي حتى انسى سواياك ...

فيصل : انا ما قلت رخيصه .. انا طلبت منك السماح .. انتي بس علميني ايش يرضيك ؟

حنان : ابي ارجع شقة وليد ...

فيصل عصب : رجووووووع مااافي .. و لا تناقشيني بذا الموضوع مره ثانيه فهمتي ..؟

حنان صدت عنه ~ اصبر بس لين يرجع وليد من سفرته .. غصباا عنك اروح ...

و انتظرته الى ان افطر .. و طلعوا مع بعض للدوام .... عند بوابة العمارة ......

فيصل : وييييين ؟!

حنان : على السيارة يعني وين ؟

فيصل : لاااا .. بنطلع مشي ..

حنان : ماني بطالعه معك بروح بالسيارة ...

فيصل يعاند : لااا بتطلعين معي .. ( مسكها مع ذراعهاا ) .. امشي معي بلااا فضايح ...

حنان مشت معه و هي معصبه منه و من تصرفاته ..

وصلوا المدرسه ... و للحين محد من الشله وصل .......

ننتقل الى بيت اهل خالد .... صحوا الصباح و الكل كان قاعد ع الفطور .. ما عدا اخوهم فهد ...

خالد : ما شاء الله الكل مجتمع .. شي غريب ...!

ام خالد : لييه ياا يمه ؟!

خالد : بالعاده اصايل و جود ما نشوفهم ..

اصايل : ايييييه نمنا بدري امس .. لاننا فرينااا الاسوواق و تعبنااا حيييييييييييل بس وصلنا حطينا روسنا و نمناا ..

منار : هههههههههههههههه اهم شي الوناسه ..

جود : أي والله ونااسه يا ليتك كنتي معنا ..

منار : معليه مره ثانيه .. بروح انا و جوج و جواره عشان نشتري مقاضي لزواج الحلوه جوج ...

خالد ابتسم : إلاااا اخباااارهااا ؟!

اصايل بنص : الله و اكبر .. بتقنعني انك ما تدري عن اخبارهااا ...!

جود : ههههههههههه و هو كل يوم يكلمهااا !

ام خالد : بنااات عيب اخوكم احترموه ...

اصايل & جود : ههههههههههههههههههههههه ...

خالد : والله ما ادري مين اللي يقعد مع الحب بانصاف الليالي يكلمون ..

اصايل و جود ناظروا بعض و سووا اعمارهم مستحيين .. ^_*

خالد : وين ابوي تأخر ؟

ام خالد : شوي و يجي ... بتروح معه انت للشركه ؟

خالد : ايييه ان شاء الله .. لازم اروح .. و فهد وينه ؟

ام خالد : نااايم ..

خالد : اذا هو ما بيداوم للمدرسه ودي يجي معنا الشركه ...

ام خالد : والله ياا ليت .. اخوك هذا مدري وش جاه .. لا يقعد معنا و لا نشوف وجهه طالع من اول ما يصحا و ما يرجع الا حزة النوم .. و على هالحال ..

منار : يمممه لا تشغلي بالك .. اللحين فترة مراهقه ..

ام خالد : والله ياا يمه خواتك بعد مراهقات ما سووا زيه ..

منار : بس العيال غييير !

ام خالد : طيب هذا اخوك خالد .. ما كان مثله ابد ...

خالد : اناا رايح اشوفه .. و بقنعه يجي معنا الشركه ...

ام خالد : أي والله حاول فيه .. انا خايفه عليه ..

خالد : لا تقلقي نفسك يا الغاليه ...

و راح له خالد غرفته .. فعلاً لقاه نايم و حاول يصحيه ......

فهد بدون نفس : اووووووووووووف وش تبي انت ؟!

خالد : قوووم اصحااا ..

فهد : ليييييييه اصحاا خلني انام كنت سهران امس ..

خالد : ابيك تجي معي الشركه ..

فهد تلحف من ع وجهه : وش يجيبني .. اقول خلني اناام ..

خالد شال اللحاف : فهد يالله قووووم ...

فهد قعد و هو معصب : وش تبي فيني روووووح كلم حبيبتك و اتركني ..

خالد : هذا كلام تقوله لاخوك الكبير !؟

فهد قام : يا الله ياالله بس اطلع ..

خالد قعد ع السرير : بستناااك ..

فهد اخذ ثيابه و دخل الحمام –الله يكرمكم- ياخذ شاور و يبدل ..

خالد : لا تتأخر بنطلع بسيارتي ...

فهد صرخ من الحمام-الله يكرمكم- : من قاال اني بجي معك .. بروح بيت مهند اكمل نوم هناك ...

خالد : انت اطلع بس و بعدين نتفاهم ..

فهد : ......................

نرجع للمدرسه اكتمل وصول الشله ........

حنان قاعده بعيد عن فيصل .. نواف استغل الشي و راح يكلمهاا ...

نواف : مرحبااا ....

حنان انزعجت منه : خيييييييير !

نواف بهمس : وش فيك امس ادق عليك ما تردين .. خليتني اقلق عليك ..

حنان : كيفي ما ابي ارد عليك ..

نواف : وش فيك تكلميني كذا ؟

حنان : دائما انا اكلمك كذا ..

نواف تنهد : طيب كيفك بعد اللي صار ..

حنان : لااا عااد تذكرني قاعده احاول انسى ..

نواف : فيصل درى عن شي ؟ او سوا لك شي ؟

حنان : لأ ..

نواف : طيب ليه ما تتكلمون مع بعض ؟ .. ماهي بعوايدكم !

حنان : مزااااااااج .. لا تتدخل ...

تركته و مشيت قعدت في مكانهاا .. و طول ما هي كانت تكلم نواف و فيصل عينه عليهاا .. مقهور منهاا و من نواف ..

عمار : يااا هووه وين رحت ؟!

فيصل : معك ..

عمار : يااا ذااا اللييييييييييل ...

فيصل : وش بلاااك أي لييل !؟

عمار : اقصد .. انت و ولد خالتك ما تصالحتوا للحين صح ؟

فيصل تنهد بقوه و تسند ع الجدار ...

عمار : فهمت الجواب .. والله لا اخليكم تتصالحون اليوم و لا ما اكون عمار .. شغل المبزره ذا ما نبيه ..

فيصل ضحك غصب : ههههههههههههههه اللحين هواشنا مبزره !؟

عمار : أي والله مبزره .. كوووويس خلييتك تضحك .. ما نبي كشره مع الصبح ...

و بعدهاا بلحظات دخل الاستاذ و بدأت الحصص ............

نرجع بيت خالد .. لازال ينتظر اخوه بالغرفه .. و كل شوي يناظر ساعة يده لانه تأخر و في اجتماع مهم بالشركه ... و اخيرااا طلع فهد .......

خالد : يا الله يالله عجل تأخرنا ...

فهد : قلت لك ماني برايح ... و اقصر الهرج ...

خالد : ياا اخوي اسمعني و قرر بعدين .. انا اقول دامك بس برى البيت وش رايك تجي تشتغل معنا بالشركه منهاا تتعود على الشغل و تتعلم .. بالاخير حنا اللي بنمسك الشغل ..

فهد بعناد : ما ابي اشتغل اللحين ...

خالد تنهد : حساااافه و انا كنت مستانس و مبسوط و اقول فهد قدهاا و محد بيمسك الشغل الا هو .. يااا انه ابوي بينبسط لو شافك بالشركه .. مو بس ابوي حتى انا كان ودي اقعد معك وقت اكثر بالشركه .. تدري ايش فكرت فيه بعد .. كنت افكر نسويها يوم كذا و ننحاش من الشركه و ابوي ما يدري و نفلهاا .. نخربهاا يعني .. بس شكلك ما تبي .. خلاص ما احب اضغط عليك اللي يريحك ...

فهد : لحظه لحظه ..! انت صادق بالكلام اللي تقوله ؟

خالد : ايييه صاادق اكيد ما اكذب ..

فهد : يعني بنفلهاا مع بعض ؟!

خالد : اكيد اكييد ..

فهد متردد : طييييب .. بس انا .. يعني انا عندي دراسه ..

خالد : معليك ما بيضر اذا عندك اختبارات لا تجي الشركه ... شوف هذا ماجد يشتغل و يدرس في نفس الوقت و انتوا في نفس العمر ..

فهد بعد تفكير : خلااااص اوووكيه بسمع كلامك و اجي ..

خالد ابتسم : حلووو ..

طبعا خالد فكر بمكر عشان بس اخوه يكون جنبه و يبعده عن شلته .. و ما يضيع وقته ع الفاضي .. مشكلة فهد وده يقضي وقت مع اخوه بس ما يعرف كيف ..و انحلت مشكلته بدهاء اخوه ..

في المدرسه .... وقت الفسحه .... جاا نايف للصف ....

هتان : هلااا نيووف ..

نايف : هلااا بك ..

هتان : لا تقعد خلنا نروح نشوف مشاري .. قال بيجي مع ابوه وقت الفسحه ..

نايف : ايييه و انا جاي شفته مع ابوه عند غرفة الوكيل ...

هتان : أمااا اجل امش امش ...

سمعت حنان كلامهم مع بعض .. لفت على نواف ........

حنان بهمس : صدق مشاري انطرد ؟!

نواف : أي صدق .. ما عاد اخليه يطب المدرسه هذي مره ثانيه ...

حنان تنهدت براحه : الحمد لله فكه منه ..

نواف : انا اذا قلت شي اسويه ..

حنان : اقووول لا يكثر بس ...

نواف : آفااااا ....!

حنان قامت ....

نواف : ويييين ؟!

حنان : بشتري فطور ..

نواف : بجي معك ..

حنان : ما ابي احد يجي معي ابي اروح لحالي ..

نواف : مو بصاحي ..

حنان : ليييه مااهي صعبه اروح لحالي .. بعدين اقدر اهرب ما رح يصير لي شي ..

نواف : كيفك جرب ...

رااحت حنان... فيصل مستغرب ..

فيصل : ليش ما رحت معه ؟

نواف : هو ما يبيني اروح .. بعدين هو رجال مو بصاير له شي ..

فيصل ما عرف اش يرد ...

عمار : وش رايك نلحقه شكلك قلقان عليه ..

فيصل : خله شوي و نلحقه ..

عمار : اوكيه اللي يريحك ..

وصلوا عند باب غرفة الوكيل .. كان مشاري قاعد ينتظر برى ......

هتان : بشر !

مشاري : ما ادري انا فهمت ابوي كل شي و قلت له يكلم الوكيل يتراجعون عن قرار نقلي .. عسى الوالد يقدر بس يقنعهم ...

هتان : ان شاء الله بيقدر .. معليك هم يتعاطفون مع اولياء الامور ..

مشاري : ويييييين .. استاذ ابراهيم وجه وجه واحد يتعاطف ؟

هتان : ههههههههههههه ما ابي احطمك .. بس صدقت في هذي ...

بعد لحظات .. طلع ابو مشاري من غرفة الوكيل .......

مشاري بلهفه : بششششششر يبااا !

ابو مشاري : ما رضى يقول كلموا المدير ..

مشاري ضرب فخذه بقوه : يننننننعن شكله .. كنت عااارف ..

ابو مشاري : امش ياا ابوك نكلم المدير ..

مشاري : يا الله عساااه يوافق ..

هتان : بجي معك ..

مشاري : اوك تعال ..

نايف لمح شي : ي عياال انتم روحوا اناا عندي شغله بسويها و اجيكم ...

هتان : لا تتأخر ..

نايف : ماني متأخر .. دقايق بس ..

راح نايف و هتان لحق مشاري ........

مشاري : وينه نايف ؟

هتان : عنده شغله بيسويها و يجي ...

مشاري : اهااا ..

في الحقيقه نايف لمح حنان رايحه المقصف .. حنان وقفت بعيد شوي عن الزحمه .. تنتظر ممكن يفتحون لها مجال تشتري ...

حنان ~ اووووف اول مره اشتري لنفسي بالعاده فيصل يشتري لي او احد من الشله .. و شلون اللحين ؟!!

واحد من الطلاب .....: يااا حلوووو ما تبينا نشتري لك ..؟

حنان عطته نظره ....

رد ثاني : والله ببلاش بس قول تم ...

حنان ~ وش قصده ذا بعد ؟! .. خل ابعد عنهم شوي ...

قاموا يضحكون على شكلهاا مع بعض .. و حنان تناظرهم بقهر .... تراجعت على ورى شوي و ضربت بواحد ......

......... : جييييييييييييت و ربي جااااااابك ...

حنان انفجعت : هئئئئئئئئئئئئئئئئئئئئئئ انتوا ....