الدنيا ساعة بساعة تتـــبدل....فيسع ترحل في المقام تعر الـدار
يا عاشقها حبها راه ايهبـل....وتعمي على المحاين والتكثـار
كان القفل يصد للتل ايكيــل....ويملي الظرف على الجمال اللي قـدار
والماعون انساه كيلو راه ابطل...عاد امسرجي في الشكاير بالقنطـار
والمشينة تنقلو ماكان ايبـل...من الفاقو يوزنوها في لقـار
عاد القفل مع جراير يتماهــل...كل يوم مع الملح والحلفا خوطـار
واحد قصد الخاشة صابح بكر.....ويكرد في الملح منو دار جـدار
واحد في شبكتو فيها خمـل.....وقناقو شنطي عطية منـو دار
واجد رافد مطرقو بيه اينسل.....الكسوة راحت والمعيشة بالتنتـار
احليل القليل جريو ما يصفى.....فرج عنو يا الوحيد القهــار
مانيش فراس في الدنيا نطلب...وانا خايف قا من هذيك الـــدار
واللي عندو راه حالو تهول.....قادي قلبوعلى جال التكثــار
ايشاور في اماغو ما يصنع....والغنيا دارت قرابة للتقشـــار
ويلا مات العلوش يغضب ما ياكل...يصبح ساري بيه راكب فوق حمار
ما يصبحش في فراشو متلمد..يعبد في ربي الوحيد القهــــــار
والصلاة المفروض عنا راح ابطل..عند عموم الناس منسي لا تفكار
وامسلم بالاك كاين من لا يستهل...اللي قايم دينوعلى اجميع لشوار
السعيد مسكين بكلام ايمثل....يسقرب في الوقت ما هوشي نعار
والدنيا مهيش حاجة يا قافل...ما شفتش منين طلقها حيــــدار
تبكي في اعقابو ادموعها تهطل..ما شل بيك يا عزوج النــــار
وامزح يا حبيبنا مرة بطل....قال أهل الديثورغيثو باللي صار
سوى علال يتقلــــقل....واللي ما عندوش ول في التكثار