السلام عليكم
تاريخ 25 ابريل اللي هو 4 من عام 2012
مايقارب لخمس سنوات من الان
كنت في مستشفى دلة بالرياض لان عندي تامين طبي من الشركة
ابوي لفحص وعلاج مرض السكري وكمان بـ امي في قسم العظام لان عندها هشاشه بالعظام
شفاهم الله وجميع المسلمين
بعد ماخصلنا ركبنا في تاكسي وفيه احد من زملائي بالشركة قد سولف لي عن مطعم الشرفة وبعدها قلت للتاكسي وصلنا على مطعم الشرفة للبوفيه المفتوح والمطعم مشهور ومعروف لاهل الرياض انا ما اعرف وين مكانه وفي اي حي وفي اي شارع .
واخيرا وصلنا
ورحنا لقسم العوائل مع ابوي وامي
وبعدها خذ لك اكل مما لذ وطاب اختر ما شئت وبسعر محدد 39 ريال لكل شخص
وبعد ما اكلنا ولله الحمد
اللهم لك الحمد كما ينبغي لجلال وجهك وعظيم سلطانك
بعمل ترفيه لابوي وامي قبل السفر لجيزان وكان ودي نروح الباحة نزور اقاربنا وربعنا بس كانت اجازتي محدودة
وقلت وين نعمل ترفيه ؟ اهمممممممممممم ؟
اهمممممممممممممم ؟
اهممممممممممممممم؟
وفجاءة ايام الملك عبدالله رحمه الله كان كل اجازة يروح روضة خريم
وقفت تاكسي وقلت روضة خريم وركبنا ووصلنا روضة خريم ولكن بشرط ينتظرنا لحد مانخلص
وبصراحة طلب مبلغ شوي مرتفع واتفاوض معه لحد ما اتفقنا ولله الحمد
بعد ما وصلنا روضة خريم اخذت رقم السائق وقلت له شوي واذا خلصنا من الترفيه وتغيير الجو بنتصل عليك تجي
راح التاكسي واحنا نزلنا
روضة خريم سسسسسسسسسسسسسسسبحان الله على مد النظر ارض خضراء طبيعة حلوة وصوت العصافير
والجو الغائم والهواء الطبيعي البارد نوعا ماء
وقلت لابوي وامي روحوا تمشوا وسولفوا وخذوا راحتكم وانا بجلس هنا شوي وبعد ماتخلصوا من التمشية ارجعوا بنفس الطريق
وهذه الصورة بعد ماصاروا بعيدين هههههههههههههههههه
وبعدها انا مشيت لحد ماوصلت الشبك ومكتوب عليه ممنوع التصوير ورجعت لمكاني وباقي ابوي وامي مارجعوا
وانتظرت شوي الا وهم راجعين وبعدها اتصلت بالتاكسي وجاء لنا ورجعنا الرياض للفندق ونمنا وصحينا لمطار الملك خالد متجهين لمطار الملك عبدالله في جيزان
والحمد لله على السلامة