مسـاء الشعور اللي ضـوى و اعتراني
و الاّ الغياب و لهفتي لآ وصـلتك
و الاّ الوله و الاّ الشعر و الأغاني
و الاّ الحنين وضيقتي لا ذكرتك
في مسـرح ..عيونك تضج الأماني
تعبت أنادي و يصفع الصوت صمتك
أفز و ارجع ..و أتحسس مكاني
و ألقاك حلم في عيوني رسمتك
جيتك سحابة شعر.. تلهم بناني
جيت و على خد الصحايف مطرتك
أزرع حروفي في ريـاضك معاني
بيني و بينك تنتشـي لا عرفتك
جيتك و هذا الشـوق راسم حناني
لوحة مشاعر في ضلوعي ..نقشتك
تعـال و اسمع وش تقول الثواني
يا ما انتظرتك و انتظرتك وشفتك
واقفوا و أنا اسأل حظي اللي عصاني
وشلون تضوي دنيتي ..لا فقـدتك
إرجع ..و رجّع فرحي اللي نساني
شف كمّ يا ليت بمفرداتي كتبتك
سؤال .. ثاير تحت صمت المحآاني
بالله قل لي حبيبي .. وحشـتك
تضيـق بغيابك صدور المـواني
يا ما على مرسى الليالي سهرتك
جيتك و بأيدي ورد يا ما بكاني
و دايم يـواسـي دمعـتي لا ذكرتك
بحـر الرجـاوي فوق شطّك رماني
مـدّ الكـفوف وصـب فيني عشقتك
خـذني حنين و لهفة إنسان عاني
خـذني زمن يرقد على حجـر وقتك
خذني ترى..يا ما غرامك خذاني
و يا ما على جذع انتظاري حفرتك
جيتك و ما ادري كنّي إنسـان ثانـي
طـال الفـراق و كن توي عرفتك
جيتك و أنـا ما جيت واقـف مكاني
طيفك حضنّي واحسـب أني وصلتك