شبكة همس الشوق - عرض مشاركة واحدة

9 - 11 - 2011, 12:21 PM

البارت 28

في بيت أبوماجد الكل مختبص ويتجهز للعزيمه وطبعا صرخات شهد تخترق المكان بإعتراضاتها الدائمه
:ما ا ا ا ا ا ا ا ابـــــي ما ا ا ا ا ابي
مي معصبه:وبعديـــــن معاك إنتي إلبسي اللي طلعته لك ولا تجننينـــــي
رمت شهد الملابس بعناد:مابيـــــه موب حلو و و وع
حطت إيديها ع راسها بضيق من بنتها:شهد خلاص لاتخليني أدق ع أبوك يجي ياخذك معه تراك صدعتي راسي
راحت شهد للدولاب وفتحته مطنشه حكي أمها:أوريك وش أبي
طلعت فستان أبيض منفوش :هذا
فتحت عيونها بصدمه وراسها بينفجر من بنتها:إنتيـيـيـي را ا ا ا ا ايحه زواج علشان تلبسيييينه
شهد ضمت الفستان لصدرها وصرخت وفيها البكا:ما ا ا ا ابي ما ا ا ابي أبي ألبسه أبي البسه
مي شوي تبكي من بنتها :وبعدين وبعدين معاك
أنا أقوم أطلع أحسن وخليك أحسن كل البنات يضحكون عليك
طلعت وتركتها وقفت شهد قدام المرايه تمسح دموعها فرحانه وبدت تبدا مهمة اللبس ع كيفها مثل ماتبغى
دخلت ع سميه بغرفتها معصبه من بنتها اللي إذا بغت شئ لازم تسويه
سميه واقفه قدام المرايه تعدل لبسها:إيش فيك إنتي وبنتك اللي فجرت آذاننا بصراخها
مي جلست وفتحت شنطة المكياج حقت سميه:الله يهديهابس صدعت راسي لازم اللي تبيه تسويه ذبحتني
سميه رفعت حاجبها:إنتي اللي مدلعتها لين ماصاريهمها أحد
مي توزع كريم الأساس في وجهها:مو أنا أبوها اللي لو قالت أبغى القمرجابه لها
دخلت سديم الغرفه:بنات شرايكم حلو
مي رفعت راسها تناظر فستانها:حلو
سديم تناظر شعرها في المرايه:شرايكم أترك شعري مفكوك وإلا أرفعه
مي:سويه ستريت
سميه:أيوه صح إنتي دايم شعرك كيرلي غيري شوي...(سحبت كرسي التسريحه لها)تعالي تعالي أسويه لك
******
جالسه ع الكرسي قدام المرايه تناظر شعرها اللي قاعده تسرحه لها الكوفير سمعت جوالها يدق وأشرت للخدامه تجيبه لها أخذته وشافت المتصل
حطت مشغول وأرسلت له رساله(بندوري حبيبي أنا مشغوله اللحين مارح أقدر أرد عليك بس راح أتصل فيك الليله أوك قلبي)
حطت الجوال جنبها ورفعت عيونهاللكوفير بغرور وصرامه:لورا بسرعه حركي يدك أففف
هزت راسها لورا وهي متضايقه من عجرفت رنا عليها وغرورها
***************
قرا الرساله وأبتسم وأرسل لها رساله
:أقول يالحبيب وين رحت
حط جواله ع الطاوله بعد ماأرسل وتسند ع وراه:معاك
:وش صار ع بنت مشاري ال...
للحين ناوي تكمل اللي ناويه
رفع جاجبه بإصرار:طبعا وقريب بيصير
ناظره بتفحص:أخاف إنك حبيتها وطحت بغرامها
ضحك بسخريه:الأشكال هذي ماتنحب أنا بس بسوي اللي براسي وأرتاح وأرد لأخوانها الأنذال الصاع صاعين ع
اللي سووه فيني هههههه
ناظره:للحين تذكر ترى مر سنتين ع اللي صار
بندر وعيونه تشع غضب وقهر وإصرار:والله لأعلمهم من أكون لأخليهم مايقدروا يناظروا في وجهي لأخليهم يبوسوا راسي ورجلي بعد
:لا تنسى هم عيال من هذولا عيال مشاري ال....وإنت عارف من مشاري وعياله وخصوصا رعد تراها موهين
بندر رفع حاجبه:لا عارف مين يكونوا ومايهمني لامشاري ولا رعد أهم شئ عندي إني أنزل روسهم في التراب واكسر خشم فيصل اللي رافعه علي
:يابن الحلال تراني حذرتك إنت ناسي اللي سواه رعد في سلمان
بندر:لامانسيت..ولانسيت اللي سووه فيني ......
************
في بيت أبوماجد
نزلت من الدرج تتمخطر في مشيتها ودخلت للصاله
شهقت مي لماشافتها وقامت بسرعه سحبتها معاها برى الصاله
وقفت وهي ماسكتها من إيدها :الله يفشششل إبليسك إنتي وش مسويه في نفسك
ناظرت شهد فستانها الابيض:وش فيه
مي طلعت منديل بتمسح فيه الروج الأحمر اللي حاطته شهد وطالع من أطراف شفاتها:وهالروج اللي موسخه خشتك فيه وشو ها
أبعدت شهد عن إيد أمها:لا لاتمسحينه تعبت وأنا أحطه وآخر شي تمسحينه
مي طيرت عيونها لما انتبة للكحل اللي داعجه عيونها فيه:كحـــــل روحي إغسلي وجهك اللحين الله يفشلك
شهد حاست شفاتها المصبوغه بأحمر بعناد:ما ا ابي كيفي هذاتس حاطة منه وراه ماتمسحينه إنتي بعد
مي:تقارنين نفسك فيني أنا حرمه كبيره وإنتي بزر عيب تحطين
شهد ضربت برجلها الأرض:ما ا ا ابي مارح أمسحه إذا مسحتي حقتس مسحت حقي
قامت مي عنها ماهي قادره تتفاهم مع هالبنت ودخلت
راحت شهد عند البنات ودخلت وعيونها تدور الوجه الجديد بينهم
سكتوا البنات لماشافوها وإنفجرت سميه وأمل ضحك لماشافوها
سديم:شهـهـهـهـد ووجع روحي إمسحي اللي في وجهك
تفشلت من ضحكهم عليها بس ناظرتها بحقران ووقفت نظراتها ع لميس اللي ماسكه ضحكتها
شهقت:إنتـــــي لميـــــس
ناظرتها باستغراب وقالت:أيوه
راحت تسلم عليها:أنا شهوده بنت مي
إبتسمت لميس:هلا شهد
جلست شهد وحاولت تحط رجل ع رجل بس ماعرفت وتربعت
ناظرتها سميه: خير خير وش مجلسك عند الكبار روحي إلعبي مع ريناد وياسر
شهد:وش دخلتس كيفي ماأبي ألعب مع بزارين
أمل:لا يالكبيره
ناظرتها بعناد:غصبن عنتس
دخلت دلال معها كاس عصير وناظرت شهد :بسسم الله الحمن الرحين
ناظرتها شهد:خير شايفتن جني
رفعت حاجبها دلال :إيه جني
دخلت رنا وناظرت شهد بقرف وجلست مع دلال
***********
عند الرجال
دخل رائد بعد ماكان يحاكي فرح في الحديقه وجلس جنب فيصل
فيصل:وش فيك طلعت
رائد إبتسم:جاني إتصال مهم
عادل:إلا وحدة من هالبنات اللي مطيحهن في غرامه
رائد بغرور:وش أسوي إذا أنا حلو ومزيون والبنات يلاحقوني
عادل :إمحق إلا منغشين فيك
مطافيق
فيصل:ومبسوط إنت ووجهك
ياخي متى بتترك هالحركات هذي عنك
رائد ضحك:بدينا
عادل:وين باقي الشباب
رائد:قوموا نروح لهم
طلعوا برى وشافوا عبدالله يحكي في الجوال وبعيدعنه واقفين ماجد وخالد ورعد
راحوا لهم وانضموا لهم
رائد تخبى ورى فيصل لماشاف شهد طالعه:يممه وش هالكائن اللي جاي
فيصل حط إيده ع فمه يكتم ضحكته
رعد عقد حواجبه لماشافها وكبح إبتسامته
ناداها خالد مستانس عليها:تعالي تعالي ياحلوه إنتي
جتهم تمشي بدلع ووقفت عندهم:ننننعم
ماجد مانتبه لها ولماسمع صوتها التفت وتوسعت عيونها بعدم تصديق:وش مسويه إنتي
ماقدر عادل وانفجر ضحك ولف وجهه
عقدت حواجبها وتخصرت :وششش سويييت
ماجد:إنقلعي غسلي وجهك
رائد يهمس لفيصل:من ذي ماشاءالله اللي غطت ع نانسي
ضحك فيصل:هذي شهد
ماجد:سلمي ع خالك رعد وروحي غسلي وجهك
ناظرت شهد رعد وقربت منه سلمت عليه وراحت داخل
***********
طلعوا للسوق بعد حنت وزن ريم ع لميس ورغد إلابتشتري للبيبي لبس من اللحين كانت مره متحمسه
وقفوا عند محل دخلته ريم ورغد ولميس وقفوا ينتظرونها
صادفوا رعد ونادته رغد
رعد:رغد شعندكم
رغد:إختك ريم وحنتها
إبتسم لماعرف :هههه من اللحين
طلعت ريم من المحل :رعد
رعد يطالع الأكياس اللي معاها:الله كل هذا ع كذا يارغد مايحتاج تشتري شئ
رغد:أكيد
لميس لمحت شخص كأنهاتعرفه"يو و و و هذا بدر"
رعد لاحظ لميس والتفت يشوف وش تطالع شاف بدر وحس بنيران تشتعل داخله
قرب من لميس ورغد وريم مشغولات يطالعون اللي في الأكياس
حست لميس بأحد يقرب منها والتفتت شافت رعد بوجهها رجعت ع ورى تلقائي
وخافت لماشافت نظراته الحاده لها "يووو شكله شافني أطالع بدر....وأناليه خايفه منه بالطقاق اللي يطقه هذا بيصير خطيبي"إبتسمت داخلها ع الكلمه ونظراتها غصب راحت لبدر
كان بيحكي بس قطعت عليهم ريم:يالله نمشي
مشوا ولميس حمدت ربها إنهم مشوا لا يحسوا بشئ
***************
كانوا عندهم أم ماجد وبناتها
البنات كانوا جالسين برى في الحديقه من جهة المسبح يسولفوا
جت عندهم مي وجلست معاهم
سميه:بنات شرايكم بكره نطلع للملاهي
ريم:أيوه صح من زمان مارحنا
سديم:أوك نتفق مع البنات ونطلع
طلعت سميه جوالها:ميسو جوالك معاك
لميس:لا بغرفتي..
سميه :أبغى ملاحظات حلوه
قامت لميس:بروح أجيبه
راحت غرفتها وأخذت الجوال معاها نزلت
طلعت من الباب وانصدمت لماشافت الشباب برى رجعت ع ورى بسرعه
رائد بعفويه :الله هالقمر هذا يقربلي
رعد عصصب:رائـــــد استح ع وجهك
رائد بمزح:وشو أقول الحق
دخل رعد داخل معصب وشاف لميس واقفه وحاطه إيدها ع قلبها
رعد زادت غضبه:لميـــــس
شهقت من صوته اللي فزعها
************
قرب منها وعيونه العسليه تشع غضب تكلم وهو راص ع أسنانه يكتم غضبه:حططي شئ ع راسك لما يكون عندنا أحد ولا تدخلي وتخرجي ع كيفك ...ماله داعي ترزي نفسك ع كل من هب ودب لأن مستحيييييل يفكرفيك أحد ..فالزمي حدودك أحسن لك إنتي في بيت محترم فاحترمي اللي فيه..
كانت تسمع سمومه اللي ينفثها عليها وتحرقها وهي مصدومه...ماكان قصدها شئ من اللي يقوله ولاعمرها فكرت فيه ولاجا ع بالها ..
غمضت عيونها لماسمعت ضربت الباب بقوه خلفه ...
فتحت عيونها ع صوت رغد:لميس ليه واقفه
إبتسمت:مافي شئ بس الشباب برى وأنا بطلع.. وأنتظرهم يروحوا
رغد راحت للباب وفتحته وطلت من فتحته:مافيه أحد شكلهم طلعوا...تعالي نطلع
*****************
من ذاك اليوم اللي تفتحت فيه جروحها ونزفت ضعفها ووحدتها وكره الكل لها ...ماخرجت من غرفتها ولا طل أحد عليها كالعاده...
ناظرت صينية الأكل اللي قدامها ونفسها مسدوده عن الأكل...
شالتها وفتحت باب غرفتها وطلعتها فوق الطاوله اللي جنب بابها...
سمعت أصوات غريبه تنبعث من الدور التحتي ...راحت للدرابزين وطلت من عنده
ماشافت شئ والأصوات لسى تسمعها ميزت الأصوات وكانت أصوات أنثويه وضحك
فجـــــأه ...
طلعوا عليها ثلاث بنات منهم إختها مرام شافوها وبعدت بسرعه وهي خايفه
إبتسموا بخبث وهم يناظروا بعض ع الفكره الخبيثه اللي تشاركوا التفكيرفيها...
صعدت مرام فوق عندها وع فمها ابتسامه خبيثه وشافتها واقفه عند غرفتها ولماشافتها انكمشت ع نفسهابخوف
راحت لها ومسكت يدها وسحبتها معاها لتحت..
كانت تمشي معاها مجبره وموحاسه بشئ غيرالرعب اللي تملكها لدرجة إنها ماقاومت ولاتكلمت لسانها لصق في سقف فمها ... زاد خوفها لماشافت صاحبات إختها يضحكوا بخباثه وقربت منها وحده فيهم...
مسكت طرف قميصها الكحلي الطويل بقرف وإشمئزاز:هذي هي تولين...عن جد عن جد بيئه
مررره شكلهاold fashion
ضحكوا بشماته وقربت منها الثانيه تتأملها من إصبع رجلها لشعرها اللي لامته بربطه بقرف وكأنها بضاعه فاسده قدامها
سحبت ربطة شعرها وإنتثر شعرها الواصل لنص فخذها بحيويه كان شكله روعه وأبهرهم لدرجة القهر والغيره
طلعت مرام مقص لماشافت صاحباتها مبهورات بشعر تولين
وبحركه سريعـــــه قصتـــــه وطـــــاح شعرها ع الأرض والكل إنصـــــدم
إنقهرت مرام لما أخطأت ماقصته كله وصل لين تحت كتفها بشوي لأنها أسرعت قبل تنتبه لهاتولين
أماتولين كانت واقفه مصدومه تطالع شعرها اللي إنتثر ع الأرض كانت دموعها متحجره في عيونها غصاتها خانقتها خنق
مافيه أقسى من شعور الذل والإهانه
كانت تسمع ضحكاتهم المستهتره فيها...كلماتهم اللي تقتل قبل تجرح ...
وهي واقفه قدامهم وجامده في مكانها لاهي قادره تبعد عنهم ولا توقفهم عند حدهم..
الضعف والخوف اللي زرعوه فيها من صغرها وكبر معاها وكل دقيقه يكبر ويملكها هو المتحكم فيها
شهقت وإنقتلت كل ذرة إحساس فيها....روحها ذابت وحرقت كل مافيها لماسمعت اللي قالوه
هذي بنت ### مالها أصل هذي نتيجة #### أمها......
هذي بنت###مالها أصل
هذي نتيجة####أمها.....
هذي بنت###مالها أصل
هذي نتيجة####أمها.....
مسكتها مرام من شعرها ورمتها ع الأرض وهي لازالت ماسكه شعرها داستها برجلها وصاحباتها ضحكهم مالي الجو ورجولهم دايستها بكل إحتقار وذل
قربت مرام المقص من شعر تولين بتقصه هالمره كله
شهقت تولين وهي تتمنى الموت ولا إحساس الذل والتحقير اللي يقتلها قتل وهي تشوف رجولهم دايستها بقوه وعيونها متعلقه بالمقص طلع صوتها المخنوق:لاااااا
ضحكت مرام ورفستها برجلهابقوه وهي تسحب شعرها للمقص
:مــــــــــــــــــــــــــــــرا ا ا ا ا ا ا ا ا ا ا ا ا ا ا ا ا ا ا ا ا ا ا ا ام
*****************
كانت تتمشى في الحديقه لابسه بنطلون أسود وبلوزه طويله بربري
ولامه شعرها بشباصه
الجو كان مرره روووعه جنان منظر الحدائق اللي برى جذا ا اب
راحت للورد الجوري الأحمراللي أغراها شكله مرره
راحت له وقطفت وحده وقربتها من أنفها تستنشق عبيرها
وأناملها الناعمه تداعب أوراقها
تحس بانتعاش وراحه ونشاط هاليوم ماتدري ليه يمكن من تأثير الجو...
إبتعدت عن الورد تتمشى لأول مره في كل حدائق القصر تفاجأت من أماكن كثيره عجبتها لأول مره تشوفها كان فيه شلالات كثيره أشكالها روعه بإضاءات ملونه تضيف للمكان سحر جذاب والورد بأشكال وألوان مختلفه أكثر شئ عجبها لأنه طبعا عشقها
طلعت جوالها وردت وهي تتمشى:هالو
هند:السلام عليكم
لميس:أهلين وعليكم السلام...كيفك وحشتيني مووت
ضحكت هند:اللـــــه ع الرواقه الجو عامل عمايله
ضحكت لميس بعذوبه:مررهFabulous ‎
هند:هههههه
لميس: إممم إيش هالصوت إنتي طالعه
هند بفرح:يب بدوري حلف مانجلس في البيت والجو في هالروعه وطلعنا نتمشى
إبتسمت لميس من قلب لماسمعت إسمه
هند:هيـيـيــيـي سمعت إسم الحبيب وراحت في خرايطها
ضحكت لميس ع مصطلحات صاحبتها اللي ماتفهم نصها:هههههههههههههههههههه
سكتت فجأه لماشافت اللي قدامها....
****************
جالسين في الحديقه يتقهووا وسوالف وضحك مبسوطين لآخر درجه
سديم كشرت بقرف وهي تشوف شهد تدخل لسانها جوا الكوب تلحس الشوكلت اللي ذابت داخله :اللـــــه يقررررفك ياحماره ...قومي غسلي واتركي اللي في يدك أقرفتينا
رفعت حاجبها شهد وهي تبعد الكوب عن فمها:وش دخلتس أنا كيفي آكل بالطريقه اللي تعجبن غمضي عيونتس ولا تناظريني ماغير تبحلقينهن بي
سحبت مي منها الكوب وقالت لهابصرامه:شهـــــد قومي غسلي وجهك وإيديك بسرعه
كشرت شهد وهي تناظرسديم وسحبت منديل تمسح فيه فمها وخدودها من الشوكلت
مي:قومـــــي غسلي في المويه يالله يروح وغيري ملابسك بسرعه
قامت شهد معصبه لأن الكل إستلمها وضربت كتف سديم
وهربت
صرخت فيها سديم وهي ماسكه كتفها اللي آلمها:و و و و و و وجـــــع
دخل ماجد البيت معصب:
و و و وجعيـــــن..
قصـــــري لسانك فضحتينا
ناظرته بقهر ولاردت
باس راس أمه وجلس جنبها وصب له قهوه رشف منها وقال:
راكان يسلم عليكم
جمدت إيدها ع الجوال اللي كانت منشغله فيه بصدمه وإرتجفت كل خليه في جسمها وقلبها زادت خفقاته
أم ماجد:الله يسلمه متى كلمك
ماجد وعيونه ألقت نظره ع إخته ثم ناظر أمه :أمس وصل في الليل
رفعت راسها بصدمه تناظره ثم نزلت عيونهابسرعه وقلبها تحسه يغوص داخل ضلوعها إمتلت عيونها بالدموع وهي تحاربها
إختها كانت حاسة بألمها وصدمتها ناظرت أخوها ماجد لقته منزل راسه منشغل يحرك الفنجان في إيده ويسمع حكي أمه
ماقدرت تتحمل ألمها وتقاوم دموعها تبغى تفرغ كل اللي فيها بسرعه قبلا لاتنفجر ألم
قامت بهدوء ودخلت جوا ركضت لغرفتها ورمت نفسها ع سريرها واطلقت العنان لدموعها وشهقاتها
حست بإيد تمسح ع شعرها وزاد بكاها
سديم:سوسو حبيبتي خلاص إهدي
سميه بين شهقاتها:غـ...صب عـ..ني والله...ليـ ـ ـه رجع ليـ ـ ـ ـ ـه يبغى يذبحـ ــ ــني
سديم رفعتها وضمتها بحنيه ودموعها تنزل :سوسو حبيبتي خلاص مايستاهل تبكي علشانه بيعيه مثل ماباعك لاتتعبي نفسك تكفين
حركت راسها بلا بين شهقاتها كانت سديم عارفه إن إختها للحين تحبه وتموت فيه وماقدرت طول السنين تنساه
سميه :قلبي .....قلبـ ـ ـي يآلمنـ ـ ـي
ضمتها بقوه وهي تسمي عليها وتحاول تهديها لين نامت في حضنها
***************