عظم الله أجرك فـ المصاب الأليـم
مات قلب يحبك يحسن الله عزاك

وش بقى غيراقولك عيش عيشة يتيم
البقيه فــ حياتك مات عندي غلاك

كفن الود الاول وادفنه بالصميم
وأهرق الدمع الأحمر لين يغفر خطاك

قول هذا مقدر والقدر ما يديم
واسي نفسك بنفسك يوم حظك رماك

بأيدك انهيت ودك والتصرف غشيم
وأحصد اللي زرعته من تصرف يداك

من كياني نهيتك والله والله العظيم
رجعتي مستحيله مات آسف معاك

من يموت التصافي مات ود الغريم
ولو حيا الود قلبك مات مره ونساك

ما سمعت بزمانك وش يقول الحكيم
شربت الذل عوفه بس موت بضماك

وش علي أن جفيتك وأعتبرتك خصيم
انت ياللي رماني في دروب الهلاك