لاتملين الشعر أنا القصيده
صاغها من لوعة ايامي زماني
المعاني من غرابيلي جديده
من عذابي لحنوا حلو الأغاني
كلما ونيت ردوها نشيده
واسمع جروحي تصيح بصوت ثاني
حرفي المجروح سامرهم يعيده
كلما ودعت موجوع لفاني
مع جميع الناس وافكاري وحيده
شالوا الحاني وأنا شلت المعاني
زلت الأيام وأحلامي بعيده
والغريب يعذبه طول الثواني
الحزن لى ضاق في صدري شديده
ابتسم لين يغبطني من لقاني
ياحبيبة شعري وغالي خريده
ياشتياق الروح ياداعي حناني
ياعروس في خيالاتي فريده
زفها ركب الغرام إلى مكاني
انت والأيام في وجهي عنيده
والليالي سارية والعمر فاني
شعر / خالد الفيصل
تقبلوا ودي