طاحت مراسيل الوله عند بابـــك
ارجع وتلقى فالحروف التفاصيــل
تلقى ثراي اللي يحن لسحابــــك
صابه جفاف ولا انتشى بالهماليــل
تلقى الوفا تلقى الهوى اللي سما بك
تلقى الالم ينساب مثل المواويـــل
الشوق ياخذني لحضرة جنابــــك
والدمع طاح ولا لقى له مناديـــل
حبيب عمري كيف ابقوى عذابــك
وكيف اتصبر فالليال المقابيــــل
ودي أسولف جعل يسلم شبابـــك
واقول احبك والمحبه غرابيــــل
يا سارقٍ قلبي وقلبي رضى بـــك
ليت العذاب يروح لا روّح الليـــل
خذني معك لو صفحةٍ في كتابـــك
او ضمني وسط العيون المظاليــل
تدري وش اللي هزني في غيابــك
انك بعيد وما تجيك المراسيــــل