شبكة همس الشوق - عرض مشاركة واحدة

#1 23 - 11 - 2020, 07:41 PM

ياقلب فضفض على الأوراق

يا قلب فضفض على الأوراق واكتب له
أبيــات ,, يمكن يجي صدفه.. ويقراها
.
انزف من إحساسك الصادق ورتب له
فوضى مشاعر .. مُحبه .. ضاع معناها
.
سيّل حروف الوله والشوق واسكب له
{ من دلتك ,, لين .. عينه .. ينتثر ماها
.
تراه متجاهل .. أوجـاعــك .. وطايب له
ما يدري انه ملك دنيـــاك وأفنــاهــا ..!
.
ما وفــّر إلا جـــروح ,,, وكبد مندبله
وآهات تملا الفضا .. و الضيق يملاها
.
جفت غصون المحبه في رجا وبله
من يوم لــمّ الثمر ما مر وأسقاها
.
واليوم يا قلب جانا البرد واحطب له
ما من يباس المحبه .. غير ذكراها
.
انثر مشاعر غلا على طرف حبله
وان كان ما لمها خلاص .. ما ابغاها
.
ما عاد فيني أفكر فيه .. وارقب له
لو قمت أعيد السوالف ..وآتطراها
.
ما أبيه يقرا القصيد بدون يحسب له
أبيه يقرا [ الحقيقه ] يوم .. يلقاها !
.
وأبي يحس إني اصدق قلب يكذب له
اشهد معه ضد نفسي ,, وآتبلاها
.
وأبي يحس إني أكثر من تعذب له
وأبي يحس ابـ عنا نفسي وما جاها
.
ما بعد قلبه ..سكن قلبي و لا قبله
ولا همني مع رضاه .. الناس ورضاها
.
هو اكثر انسان .. يجرحني .. و انا اهرب له
وعيوني أوفى العيون .. وغدره أبكاها

‏

المصدر: شبكة همس الشوق - من قسم: همس الشعر والقوافي

الموضوع الأصلي :‎ ياقلب فضفض على ال وراق || الكاتب : حنين الأشواق || المصدر : شبكة همس الشوق