الى المستقبل المظلم او المنور
..بتمشي له ب ايمان او بدون ايمان
تبي ترجع مثل ماكنت ماتقدر
ﻷن الوقت مايرجع مثل ماكان
وﻻن طينيتك ماتنقلب جوهر
تصير ازمان ﻻكن ماتصير ازمان
في بعض اﻻحيان اذا الأخطاء تتكرر
عشان تذكرك فيها بعض الأحيان
اذاك انسان ﻻتحلم بشي اكثر
ترا جدا عظيم انك تكون أنسان
لغتنا من قبل ﻻنوفي ونغدر
شف شلون ربطت خيانة والاخوان
وغريزتنا اذا البيبان تتسكر
نحسب ان كل حاجة من وراء البيبان
صديق الشوف شوفه اعشوشب المحجر
من اسرافك معي بقصة الحرمان
تسامحك المشاعر من قبل تشعر
وﻻ عمري سالتك من هو الغلطان
شف وش كثر المحبه يالصبا لندر
تسوي الذنب وانا اسالك الغفران
تعودت الجروح وما طلبت أكثر
جروحك زود دام العمر في نقصان
من يحسب ان غيره ﻻربح يخسر
تراه اللي ولو يربح بقا الخسران
فإذا ماتعرف اﻷبيض من اﻷخضر
دخيلك ﻻتجي وتلون الألوان
لو ان اﻷرض ترقص والسماء تمطر
بينظرها الحزن من زاوية الأحزان
تذكرني ما دام الذاكرة تذكر
انا في وجه ابوك من أسود النسيان
ادع لي كل ما صليت يا اﻷطهر
أكون اغبى أكون أقسى قدر الإمكان
يا تأجيل المحتم لي متى نصبر
اذا الضحكة بمال ترا الدمع بالمجان
متى بأنصاع وﻻ كيف أبتحرر
وش تفرق دامني المسجون والسجان
ياثقل الخطوة اللي قبلها تعثر
ياليت المشي ماله شغل في الكتمان
يافوضاي الكبيرة قلي وش يفيد أكبر
مادامني نصف بور ونصف إستيطان
وصلت لمرحلة ما أقدر أعبر
انا كل الكﻻم اللي بدون لسان
بعض اﻷفعال تبطن عكس ماتظهر
عناق الخوف هوعناق الإطمئنان
أعذر اللي جحد من قبل يتعذر
ﻷن كل الجحود بسبه الاحساان