مجموع الأوسمة: 18

البارت 79

تراجع عنها وهو ياخذ اكسجين وريحة عطرها الهادي تنعش روحه قال لها : "ليه العطر ..وانتِ انفاسك "
دخون"
حس فيها وهي ترتجف ماحب يحرجها اكثر مسك يدها : تعالي خلينا نمشي شوي هنا
رجع فك يدها في محاولة منه ينقذ نفسه من هذا القرب زوجته وحلاله لكن راح يصبر هو صبور بما فيه الكفاية ..!
وقف لما وصلوا في الحوش الخلفي ناظر فيها وهي توقف لما حست فيه واقفه حاضنه نفسه باقي لابسه عبايتها وطرحتها .،؟
علي/ريم انا إن شاء الله الصباح برجع الرياض انا وعيالي امي وابوي بيقعدون معكم هنا ...! اسبوع ان شاء الله ونرجع عندي كم شغله اخلصها..!وعلشان تكوني في الصورة اكثر مثل ماتعرفي انا متزوج وعندي عيال ان شاء الله ماراح اقصر مع كل وحدة فيكم ..!
ريم ماتدري ليش ضاق صدرها لما قال بيسافر وعند زوجته معقوله انها من ذحين تغار ويحق لها تغار ..!
اليوم فتحت حساب خزامى الانستقرام وشافت انها نزلت صورة له في حسابها شافت كمية اللايكات اللي على صورة والتعليقات عورها قلبها ماتدري ليش..!
رفعت عيونها له وهي تقول بكل برود الله يحفظكم ..!
علي/امين وذحين تعالي معي المجلس ابوي يبغى يسلم عليش واعرفش على عيالي.،!
ريم وهي ترجع لورا وهي تشوف يده الممدوه لها قالت : لا مااقدر الله يخليك..!
علي وهو يقرب منها معها حق ترفض ولا كان ناوي اصلا يخليها تشوف احد منهم خاصة الفترة ذي بس الى متى بتكون معزولة عن اهله محتار بس ابوه قال له انه يبغاها ضروري
علي وهو يمسك يدها : ريم ترى والله مو ناوي اجبرش على شي مرة بس ابوي هو طلبش ولا تخافي انا معش.،!
ماخلا لها فرصة ترد وهو يتحرك معها .،؟
وصلت لباب المجلس وهي تشوف احذيه رجاليه في المدخل واصواتهم مرتفعة ضحكهم واصل لها بوضوح ..!اذا دخلت ذحين ايش راح تكون ردة فعلهم خاصة عياله وانا ماخذه ابوهم ..!
زوجة الأب مستحيل تنحب ابد مهما سوت.،! هي شايله هم المواجهه معهم مهما قررت تنعزل عنهم لابد انها راح تواجهم بيوم.!
بس المواجهة صارت سريعة بدون ماتستعد لها..!
ناظرت فيه بنظرات لها استعطاف انه يعتقها من المواجهه ذي...!
فك يدها وهو يتخطاها ويفتح باب المجلس وهو يرحب فيها تفضلي ياريم الله يحييش
كذا ببساطة قالها ووقف جنب باب يناظر فيها.،!
دخلت المجلس ذا اللي من زمان تدخله بس علشان تنظفه تدخله وهو فاضي بدون رجال وكانت تحس بوحشه منه اجل كيف ذحين وهو يضم خمس رجال كلهم محارم لها الخامس زوجها ..؟
ماتدري كيف دخلت وهي تناظر فيهم
اول من شافت الشايب يقوم لها وبعده زوجته سمعته وهو يرحب بها ..!
الجد(محمد) : يامرحبا ببنت منصور يالله حيها
وهو يتقدم خطوتين يمد يده لها شافها تمد يدها له شاف في وجها نظرت الأنكسار اوجعه قلبه عليها وهو حاس فيها مكسورة لا أب ولا اخ ولا سند تعمد يناديها ببنت منصور تكريم لها البنت ماتعتزي إلا بأبوها .،!
فك يدها اللي ترجف وهو يقول لها هذي عمتش هيلة تقول انها ماقد شافتش تعبانه الف سلامه عليش .،؟
تقدمت تسلم على أم زوجها سبحان الله كل العائلة يشبهون بعض بشكل كبير كأنها تشوف احمد زوج اختها الله يرحمه .،!
بادلتها السلام وهي تقول الله يحييش بيننا .،!
انتبهت ليد عمها اللي يأشر على اولاد شباب.؟
ذا محمد سميي ولد رجلش البكر زوج الدكتورة اشواق.
رفعت عيونها له تشوفه يالله حست قلبها ينخلع من ملامح وجهه الغاضب كأنها قاتلة له احد .!
مدت يدها له وهو يناظر فيها بتقييم اخيرآ مد اطراف اصابعه .؟!
الله يعينش ياأشواق ..!
وذا احمد زوج ندى .،!
رفعت عيونها له وهي تشوف فيه اشياء كثيرة من ابوه ابتسم ابتسامه صغيرة وهو يمد يده ويقول الله يحييش بيننا .؟
وذا فارس زوج خزامى.،! رفعت عيونها له سبحان من اعطاه الجمال نسخة من جدته هيله بياض بشرته عيونه الواسعه خشمه الطويل كمية وساامة فيه .؟
نظراته كلها كانت احتقار لها مد لها طرف اصابعه.
وعنده ولد اسمه عبدالله وبنت وحده اسمها اميرة .
كانت تبغى تخرج خلاص ماعاد تقدر تتحمل.!
سمعت ابو زوجها وهو يقول تعالي اجلسي جنب زوجش.؟
اصعب مواجهه حست انها بتطيح وهي تشوف نظرات عيال زوجها لها.،!جلست جنب زوجها بمسافة وهي تناظر في الأرض تستاهل اللي جاها ليش وافقت تجي.