شبكة همس الشوق - عرض مشاركة واحدة - ما غرام يشرح الصدر طاريه و إلا صدود و عمرنا ما عشقنا للكاتبة صدود كاملة

24 - 12 - 2021, 08:15 PM

البارت التاسع عشر,,,

الليل

و هذا الباب المفتوح

و أضواء القمر البسام

قال حبيبي

سأجيء الليلة في الأحلام!

المرحوم غازي القصيبي,,,

هديل اخذت الجوال من يده واعادت طلب الرقم الوارد..
أول مارد الجهة الثانية..
هديل\ايتها الوقحة كيف تكلمين رجلا متزوجاً..هو يحب زوجته ولن يهتم لكي ابداً..
اياكي ان تكلميه مرة أخرى..هل فهمتي..؟
ماكس\ههههههههههههههههههههههههههه اوه يا الهي هههههههههههههههههههههههههه
هديل\يا خطافة الرجال ضفي وجهك..>>بالعربي
....\يالبى الصوت اللي وحشني..شهر ماسمعت حسك..
هديل شهقة بقوة ورمت الجوال على ماكس..
ماكس\نعم ههههههههههههههههههه لقد شكت بي ظنت اني اخون صوفي..
غازي\لقد عذبتني ماكس لن اسامحك..
ماكس\المعذرة هههههههههههههههههه
غازي\ابعد الهاتف عنها اياك ان تغفل عنها أبداً...
ماكس\بكل تأكيد..الى اللقاء..

قفل وناظر حوالينه يدور على هديل..
بس هي كانت بعيدة عنه تمشي باتجاه الاسطبلات..
توجه للقصر يدور على صوفي..
كانت جالسة على السرير توها مخلصة مكالمتها مع منسق العروض..
جلس جنبها\هل أنتي حقاً مقتنعة لهذه الفكرة..؟؟
صوفي بحماس\بكل تأكيد..لن يخطر على بال أحد اني سأصمم ملابس ل الريف..
فانا دوماً أصمم الأزياء الفخمة..
ماكس\هل تحتاجين الى المساعدة؟؟
صوفي\شكرا لك سيصل طاقم عملي قريباً..
ماكس\ماذا؟؟
صوفي\طلبت طاقم العمل ان يأتوا الى هنا كي نقوم بالتصميم الصحيح..
فتواجدنا هنا بالريف سيساعدنا كثيراً..
ماكس\هل تعنين هنا بالمزرعة..؟؟
صوفي\سأستئذن من السيد ان لم يوافق ساتخذ من منزلك ورشة للعمل حتى انتهي..
ماكس\وماذا لو لم أوافق أنا..؟؟
صوفي\لاتنسى بانه منزلي أنا أيضاً..
ماكس بسخرية\حقاً؟؟
صوفي\لن أسمح لك ان تقوم باثارة أعصابي فأنا سعيدة بما سأنجزه..
ماكس\حسناً أريد النوم قليلاً هل لكي أن تبتعدي عن السرير..؟؟
صوفي\لا هذا سريري فلتنم على أريكتك الغالية..
ماكس حط يده على كتفها وقربها منه\قررت أن أترك تلك الاريكة الليلة..
صوفي\خبر مفرح..اذن ستغادر المكان..
ماكس\أبداً..بل قررت هجر الاريكة والنوم على السرير..
صوفي بعدته عنها\لقد قمت بخداع ماريا طوااال هذه المدة كانت تعتقد باننا تصافينا وانني عدت اليك..
ولكن الان حان الوقت لتعرف الحقيقة فانا لم أعد اليك ولن افعل..
ماكس يتمدد على السرير\اخرجي اريد النوم..سنتشاجر فيما بعد..
صوفي بقهر\أكرهك..ساذهب للبحث عن ملهمتي القزمة..
ماكس\اياكي أن تضايقيها..فهي صغيرتي المدللة..
صوفي بصراخ\أكرهك وأكرهها أكرهكما..
قفلت الباب وراها بقوووة وماكس يضحك بصوت عالي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كانت واقفة عند السياج وتراقب المهرة الصغيرة تركض ورى امها...
تحاول تتناسى الكلام اللي قاله لها ع الجوال..وماتفكر فيه..
كل اللي يبيه انه يضايقني ان كان قريب أو بعيد..
هذا الشهر مر علي وكنت مرتاحة نفسياً..
ماكنت شادة اعصابي طول اليوم وافكر وش بيكون أمره الجاي أو متى تجيني الضربة..
أتمنى لو يظل على طول بعيد بعييييييييييييييييد ولا يرجع..
صوفي قررت تساعدني على الهرب..
بس اذا أنا هربت وين أروح من يساعدني..
أنا ما اعرف البلد ولا اعرف كيف أتصرف..
ماجابني لهنا الا لأنه متاكد اني ما اقدر اهرب او ابعد عن هالمكان..
أخاف أهرب وأضيع..
أهون ذيب واحد ينهشني..ولا الف كلب يقطعني..
أظل هنا واكون بأمان..
ابتسمت بسخرية على حالها..
الله يا الأمان الموجود..مسلمة بين مئة كافر..
ناظرت ل السماء..
يارب أحرسني بعينك اللي ما تنام.

مصيري أهرب منه وأرجع لهلي ولابيقدر ياخذني مرة ثانية..
تردد على خاطرها كلامه..
يالبى الصوت اللي وحشني..شهر ماسمعت حسك..
عسى تستوحشلك أسنان الكلاب يا حقير..
عساك القهر اللي بقلبي على حالي..
عساك تنحرق بالشوووق لغاليك مثل ما احرقني الشوق للغالي..

وبغريزة اسلامية رحيييمة أسكنها الله قلوب المسلمين ..
همست بضعف..
أستغفر الله العلي العظيم..
عسى ربي يسامحك ..
ويصبرني..

رفت بعينها رافضة نزول الدمعة ’’’
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛

كان يمشي با الشارع متوجه للجامعة اللي يدرس فيها..
لما دق جواله وكانت غادة هي المتصلة..
هادي\هلا والله وارحبي..
غادة\ههههههههههه هلا فيك..هاو انت يو ار يا برذر؟؟
هادي\هههههههههههههههههههه الحمدلله بخير يا العنقليزي عندك فن..
غادة\وت از ذا الجو عندكم؟؟
هادي مبسوط معها\جو رهييييب تمنيتك معي..
غادة بمحبة\افا عليك تتمناني عندك ولا اجيك..بس انت كلم الوالد وخلص الفيزا
والحجز وانا عندك..
هادي\لا ياختي وش لي بالعناء خليك عند امك..
غادة\يالبى أمي وطاريها..
غادة بصرخة\اااي اي طيب طيب اصبري..هادي عسوولتك تبيك..اااي خلاص خذيه..
الجدة\قالت لبى امي وانا لا قليلة الادب..
هادي\ههههههههههههههههههه يافديتك يا عسولتي أنتي.واشلونك يومه؟؟
الجدة\يا الله ان تحيي الصوت وراعيه..انا بخير يا الغالي..
أنت طمني عنك وش مسوي في غربتك؟؟
هادي\الحمدلله يومه أنا بخير..ودراستي ماهي صعبة الله يعيني عليها..
الجدة\والله فقدناك ياولد ماخلصت مدرسة؟؟
هادي\لعلك ماتفقدي غالي..ههههههههه وبعدين وش خلصت توني بديت..
الجدة\لك شهر وزوود ماخلصت يا الكذوووب؟؟؟
هادي\والله ماخلصت أصلاً هذا الشهر راح وانا ارتب لدراستي..
الجدة\الله يسهلها عليك>>بعصبية..طسي لا بالعصا بين جنوبك..
هادي\ههههههههههههههههه وش فيك معصبة؟؟
الجدة\هذي اللي ماتستحي تقول فاتورة ومدري وشهو..
هادي\يوووه وغادة صادقة يومه..أنا اول ما اوصل السكن باكلمكم سكايب..
الجدة\منهو عليه سكيب ذا؟؟منهو ولده؟؟
هادي\هههههههههههههههههههههه يومه ماهو ولد احد..
أنا باكلمك على الكمبيوتر خلي غادة تشبكه عندك زين..؟
الجدة\كلمني فيذا..
ما امداها تكمل كلامها الا وغادة ساحبة الجوال من اذونها ومقفلة بوجه هادي..
الجدة بغضب\يا الغبراء وش تخطفين التلفون وانا اكلم يا اللي ماتستحين؟؟
غادة شردت من العصا ومن جدتها..
غادة\يومه الفاتوووورة على حسابي تبين تفلسيني..
الجدة\هاتي سكيب بيكلمني هادي عليه هاتيه يا الغبراء..
غادة\هههههههههههههههه تقصدين سكايب بي..أبشري اجيبه الحين..
بس ابعدي عصاتك منااااك خلينا نتفاهم..
الجدة\أمك يا حسين تشرطين علي ؟؟
غادة\بنتك يا حسين تعزوت العجوز خلني اشرد أحسن لي..
علي\وش فيكم على حسين؟؟
الجدة\امسكها امسكها الغبراء ناوولني اياها بذا العصا على ظهرها..
علي\افا يومه البنت وراها زواج لاتعوقينها علينا..
الجدة\متى بتهج وتفكني من المحارش..
غادة\لا تشيلي هم يومه ماني طالعة من بيت أبوووووووي..
علي\الا على بيت زوووووووووجها..
غادة\اللي ماهو عاجبه وجودي بالبيت يتجاهلني ليوم الممات..
ولايلتفت لي ويسال عني..
علي بعصبية\لاتقولي كلام اكبر من الموقف وتندمي عليه..
غادة بقهر\هذا وماعندك غيري أخت..أجل لو هديل عايشة لليوم وش كنت بتسوي؟؟
بيكون مصيبة ثنتين بنات في البيت..
علي بصراخ\غادة..
غادة بعبرة\بسك صراخ..أنا مو مضايقتك في البيت..ما اذيتك..ليش ما انت طايقني ليييش؟؟
علي\لانك غبية ومو راضية تفهمي راكان طلبك وانتي بدون اي سبب مقنع رفضتيه..
الجدة بغضب\وشهو رفضتي راكان يا الغبراء؟؟
غادة\ايه رفضته لاني ما ابيه ما ابييييييييييه مو غصب اتزوجه..
الجدة\تتزوجينه وانتي ماتشوفي الطريق..
علي\هدي شوي يومه..
غادة\ليش تهدي مو هذا اللي حضرتك تبيه؟؟
الجدة\اعقبي ولاترفعين حسك على اخووك..
غادة\أخوي ماهو مقدرني ولا ماخذ اللي بخاطري بس يبي يقهرني..
علي\غادة لاتحديني على أقصاي وانقلعي الحين من قدامي..
غادة\بانقلع يا ولد أبوي..بس لو تقطعني مارضيت براكان..
طلعت الدرج وهي معصبة ومقهووورة من ها الموضوع اللي مو راضي يتقفل..
بينما الجدة مسكت علي بالتحقيق ومتى خطبها راكان وليش ردوه ومن سمح لهم ..
وانتهى التحقيق بتصميم الجدة على مزع اذون غادة وتزويجها لراكان..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛