شبكة همس الشوق - عرض مشاركة واحدة

#1 4 - 1 - 2022, 05:41 AM

على كل همً طال ليلي وانا قده
احب اشكر اللي كل همً من اسبابه
اجي له وصل ويقدّم لجيّتي صده
واقول السبب ويقول ماعندي اجابه
وانا أدري بخاطرْه وانا ادري بوده
اصير لجسده اقرب من الظل وثيابه

لكن العواذل وقفوا ضدي وضده
وصرنا بكف الوقت خنصر وسبّابه
انا تعداني الملام
ماجاك غير الاحترام
وانته قليل الاهتمام
لا تجرح احساسي
وتحرمني انعاسي
ياجرحي وهمي
منك نشف دمي
ودموعي بكمي
ماعاد لي حيله
ان كان ودك تبتعد
خذني معك انا بعد
بيني انا وانته وعد
ولّا بعد ناسي ؟
لا يابعد ناسي ؟
كل يوم انا انادي
وتصد متمادي
وتقول لي عادي
كلً سرا ليله
ياصاحبي خل العناد
لايلحق الابيض سواد
والنار لا تصبح رماد
ياللين القاسي
ماني انا تايب
انا معك ذايب
لو ماانته بجايب
الا وجع راسي
يالشامخ الراسي
انا معك جداً لطيف
وش تبغي اكثر يالوليف
ذقت الهنا من حد سيف
وان طحت متواسي
ياليتك تواسي
انا عليك اضمى واجوع
من الربوع الى الربوع
لو كان وصلك حب كوع
يااقرب من انفاسي
عندي امل وصلك قريب
تعال ظني لا يخيب
شفني عشانك يالحبيب
موقت اجراسي
ملح الحياه انك معاي
لك عمر راح وعمر جاي
وان كان مالك في هواي
ابعلن افلاسي

الموضوع الأصلي : عندي امل وصلك قريب || الكاتب : حنين الأشواق || المصدر : شبكة همس الشوق