البارت 3

اتجهه فهد لبيت
ابو احمد ��
وطلب ياسمين
كان ينتظرها بالمجلس
الصغير الشعبي ... ياسمين بعد توتر وضغط
من امها وافقت تنزل له ..
لبست فستان ناعم ورفعت
شعرها الطويل وحطت
قلوس خفيف وشوي مسكرا
وبنفسه يكفي شافني بذيك
الحاله .. دخلت بخجل : السلام عليكم
فهد وقف بُحب لهالانسانه
الي عرفها من يومين بس !
بس يكفي ان دمهم واحد .. قرب منها وبهمس : وعليكم
السلام وسحبها مع يدها لـحضنه
وبهمس : سامحيني ع كل يوم
مر وانا ما كنت بجنبك اوعدك
يا ياسمين بعوضك عن كل
شي فقدتيه بهالحياه انا والله
ما كنت اعرف بموضوع زواج
ابوي الا بيوم وفاه قال لي
ووصاني عليكم .. ياسمين ما تحملت كلامه
وبكت بصوت مسموع .. !
فهد بعد عنها ومسح ع شعرها
بحنيه : انا لازم اروح هالحين
اشوف خواتنا وكيف وضعهم
وباذن الله بـ ارجع اخذك من هنا
ياسمين بخوف : عمي يضغط
علي يقول اطلبي وسكتت بخجل !
فهد رفع راسها بـ اطرافه
اصابعه : ايش تطلبي ؟
دخلت ام احمد : يبيها تطلب
بالورث !
فهد : ما هو ابوي مقسم
الحلال بيننا وحقك بالحفظ
والصون
ياسمين بخجل : والله انا
ما يهمني بس خايفه لا
يطقني ! ولا يضايق امي
فهد : من هالناحية تطمني
عطيته درس صغير واي شي
يستجد علطول تتصلو علي ؟
انا بـ اطلع من هنا لـ الكويت
بـ اشوف نجود وقرب من
ياسمين وبحنيه : لاتبكين
تكفين انتو امانه ابوي
ياسمين مسحت دموعها
بعشوائيه : تمام
ام احمد : يا امك من اصبح
افلح اجل سفرتك لبكرا
فهد بـ احراج : انا بـ اطلع لفندق
وبكرا اسافر
ام احمد : ليش فندق وبيت
اختك موجود وبـ احراج :
ولو انه مو من قد المقام
ياسمين : نام الليله عندنا
بلييز
فهد ما حب يكسر فيها
وهي اول مره تطلبه : ابشري
ام احمد : بـ اجهز لك
فراش بالمجلس ياسمين جلست
بخجل : فهد ممُكن اسالك ؟
فهد ابتسم ع نبره صوتها
الطفولية : امريني انتي ؟
ياسمين : مع مين بـ اعيش هناك ؟؟ فهد ابتسم ع تفكيرها اكيد
خايفه من بتقابل وتنهد :
شوفي الى اللن حنّا حلوين !
بنسكن في بيت ابوي بـحي ****
موجوده امُي لطيفه وما ابي امدحها
كونها امي بس هي انسانه
مره كويسه ومتفهمه ..
انا متاكد بتحبينها كثير !
وفيه اختنا ابتهال اختي
الوحيده من امُ .. مره مسالمة وعايشه حياتها
بهدوء بس لا تتعدين عليها
عشان ما تقلب لك حياتك
هههههه
ياسمين ابتسمت لوصفه
فهد تنهد : وما اعرف عن
نجود ومُيثا باقي ما شفتهم
صراحة .. بس ان شاء الله فيهم
الخير انتي بس تطمني
وارتاحي ياقلبي .. ابتسمت من قلب ع حنان
الاخ الي بـ اقل من يومين
حبته كثثثييير .. !
كان جداً حنون واسلوبه
مره لطيف حستّ بالامان معه ..

عند ابو احمد ��
اتصل ع صديق له وبعد
محاولة وصف واخيراً وصل
له
صديقه ابو صالح : ش جايبك
هنا ؟؟ ابو احمد بحقد : حكى له كل شي
كان ابو صالح اقرب صديق له .. ابو صالح اول شي في باله :
اجل ما وعدتني تزوجني
ياسمين !!! ابو احمد بضيقه : انا ابي
اسلم بعمري من هالمجنون
وانت تفكر بهالبزر !
ابو صالح : اخطبها من اخوها
ابو احمد بسخرية : اخطب اخطب
وشوف ايش بيصير لك
اقول لك مجنون مجنون
جابني هنا وهددني وضربني
ومشى وتركني بروحي !
ذا تصرفات واحد صاحي !
ابو صالح تنهد بقلة حيله
وقهر !!! اُف لو ملكت عليها من زمان
كان هي هالحين زوجتي !
ابو احمد : الله ياخدها ما
شفت من وراها الا المصايب
ابو صالح بخبث : مصايب !
والورث يـ رجال ؟؟ وندم بسرعه
ع كلمته وتذكيره
ابو احمد بتذكر : اييييه
اهم شي
ابو صالح بخبث : خذ توكيل منها
تخلق اي كذبة وسجل
البيت بـ اسمك لاتنسى انه
من حلال ابوها وبـ اسمها
وبعدين طالب بالورث
تكون ضمت حقك لو شوي !
لايطردك فهد منه .. ابو احمد : والله انك ***** ما فكرت فيها
ابو صالح : ما عليك انا معك
وبنفسـه " انا لازم املك عليها
قبل لا ياخذ الورث هالـ **** اوه بنت محمد الـ **** كم مليون بحسابها ؟
كم ارض او xxxx بـ اسمها !
ابو احمد : اقدر اطلب بالورث ؟
ابو صالح : بيكون فهد عارف
ويمكن يجبرها تسحب الوكالة
انت اضمن بيتكم وبعدين
اطلبها بالطيب يمكن توافق !! في الرياض ��
شادن : السلام عليكم
ام فهد : هلا هلا وعليكم
السلام
شادن بتوتر نزلت
شنطتها وجلست : امريني
يا خاله ؟؟؟ ام فهد : ما يأمر عليك عدو
ياقلبي من غير مقدمات
انا طلبتك عشان موضوعين !
شادن بتوتر : امري ؟
ام فهد : الاول موضوع زواجكم
اكيد بيتأجل كثير
شادن بتسرع : اكيد يالغاليه
اصلاً ما فكرت فيه والله .. ام فهد : الله يكملك بعقلك
يا بنيتي .. ثاني موضوع
وهو المهم فهد وبتنهيده :
فهد حملة ابوه مسوؤلية كبيره
وانا ادري فيه ولدي مهما
يتعب مستحيل يشكي لي
يختف يضايقني بس انا
حاسّه فيه وبـجدية : تكفين
يا امك اتصلي عليه دايم
شوفي اخر اخباره يمكن
محتاج يشاور احد او يفضفض
لا احد خليك دايم قريبه منه
انتي زوجته !
شادن بخجل : ان شاء الله
يا خاله ان شاء الله ..
ام فهد : ابتهال تنتظرك فوق
بس قلت اوصل لك هالكلمتين
لان فهد فعلاً محتاجك هالفتره ..

فهد انسدح بتعب كان
يوم طويل مره وغمض
عيونه وبنفسه اول وحده
وكذا حياته كيف نجود ومُيثا !
كان بينام ودق جواله
فهد اُف مييين ذا بعد !
رفع جواله وابتسم ع
الاسم " روحي "
فهد بشوق : هلا هلا
شصاير بالدنيا شادن
بنفسها داقه علي .. !
شادن بخجل : فههد
فهد: عمري هالصوت والله
شخبارك
شادن : الحمدلله تمام .. فهد بتعب : وانا بخير
شادن ضحكت بخجل : والله كنت بـ اقول
وبجدية : شفت اختك ؟
فهد الي كان محتاج احد
يحكى له الي صار عدل
جلسته : اوه شفتها تجنن
شادن بحماس : جدد !
شكبرها
فهد يكتم ضحكته : يمكن
ثلاث اربع سنوات
شادن بضحكة : جد
فهد : ههههه والله ما ادري
بس بعمرك تقريباً
شادن : كانت تعرف عن وفاة
عمي ؟
فهد بألم : للاسف لا
ومره بكت وزعلت لما عرفت
شادن : لاحول ولا قوه الا
بالله
وكملو سواليفهم ما بين
حماس فهد وفرحت ان الي
تشاركه هالحديث هي اغلى
واقرب انسانه لـقلبه .. !
في صباح جديد ��
ابو احمد : صبحكم الله
بالخير
ام احمد : صباح النور
وكان معها صينه فطور
ابو احمد : لمين ؟
ام احمد : لـفهد نايم
بالمجلس .. ابو احمد : اوه كيف تنازل
ونام ولد محمد
نزلت ياسمين وبحده :
اذا نسيت اذكرك هذا البيت
من حلال ابوه .. واخذت الفطور واتجهت
لـ المجلس
حصلت فهد نايم بعمق .. نزلت الفطور وبهمس :
فهد فهد
فهد الي كان مو مرتاح
بالنومة فتح عيونه بشويش : هلا
ياسمين بخجل : الساعه ظ،ظ¢
وهذا الفطور
فهد جلس وبنعاس :
ياقلبي كفلتي ع عمرك افطر
وانا طالع
ياسمين : شدعوه يلا يلا
قوم
فهد اتجهه لدورات المياه (
اكرمكم الله )
ياسمين اخذت الفراش ورتبت
المكان البسيط .. طلع فهد وصلى الظهر
وجلس يفطر بهدوء
دخلت ياسمين وبحزن :
بتروح ؟
فهد : تعالي تعالي افطري
معي
ياسمين بخجل : افطرت مع
امي
فهد : عشاني ؟
جلست بخجل
فهد : ياقلبي اصبري هاليومين
بـ اشوف نجود وبعدين ميثا
واخذكم كلكم مع بعض .. ياسمين : ان شاء الله .. فهد بهمس : انتبهي من ابو
احمد لا يقنعك بـ اي شي !
انا هددته وما ادري فهم ولا
لا الي ابيه منك تنتبهين واي شي
يستجد تتصلين علي علطول
ياسمين : ان شاء الله ..
بعد الفطور ودع اخته
واتجهه لـ المطار ✈ï¸ڈ

في ارض الكويت
الحبيبه ���� â‌¤ï¸ڈ في الجهراء تحديداً
في بيت راقي جداً
تسكن فيه بنتين متقربات
من العمر ... نجود نشاط : صباح
الخير
مرام بنفسها مستغربه
من نشاطها ع ان لها يومين
تحاول ان تخفي حزنها
وتتظاهر ان الوضع عادي !
مرام : صباح النور
نجود : اليوم ملكة
بنت ام وليد بنروح صح ؟
مرام : نروح ! تستهبلين انتي !
ابوك ما له كم يوم متوفي
نجود : اوه لاتبدين لي بكلامك
ابوي لما كان عايش ما ردى
عني ليش احزن واجلس
بالبيت عشانه !
مرام : كم مره جا هنا
ويبي يعتذر منك وما طلعتي
له !
وتذكري ان كل هالحلال
الي عايشه فيه منه هو بيت
هو سفارات هو مصروف
كل شي منه !! نجود : ع باله بيعوضني
كذا
مرام : انا تعبت من الكلام
معك بهالموضوع نقاش عقيم !
وصعدت لغرفتها
جلست نجود بحزن
قلبها يعاتبها ليش ما جلستي
معه ليش ما نمتي بحضنه
ليش احرمتي نفسك هالنعمه !
من كان عمري ظ¤ سنوات
وامي تحرضني ضده !
كبرت وانا اكره ليش عياله
فهد وابتهال عايشين معه
قريبين منه وانا هنا ما درا
عني !
وعقلها كان يقول لا تبكين
ما يستاهل الدموع ظ¢ظ¢
ما يدري عندك كان بس يدفع
لك فلوس ويبي طلباتك المادية
فقط .. !
وتذكرت امها لما كانت تبكي
عند جدها وتدعي ع محمد " الله لا يسامحة طلقني وتركني
انا وهالبنت ش اسوي فيها
كيف اربيها بروحي !
الجد : ما عليك يا بنيتي
العمر قدامك تشوفين نصيبك
ام نجود : من بياخذ مطلقه
ومعها بنت وبصرخة : مييين
يايبه مين !
وقفت نجود وهي تتنسى
مواقف كثير امها كانت
بس تسب وتدعي ع ابوها !!! عند مرام ��
جلست بغرفتها وبحيره
كيف اقدر انتبهه لـ هالبنت
اُف يالله ع الاقل ابوها
كان يسال عن كل تصرفاتها
ودايم منتبهه لها بس انا
بروحي كيف اقدر !
حتى كلامي ما تسمعه
والي براسها تسوية !! عند فهد ��
وصل بعد صلاه العصر
اتجهه لـ فندق واخذ
شور سريع وتجهز
بـيروح لـ عنوان اخته
الثالثه نجود ..

وصل فهد العنوان ��
تنهد وهو يشوف البيت
الحمدلله ان شاء الله
ابوي مو مقصر معها .. رن الجرس
وفتحت له الشغاله
فهد : ام نجود موجوده ؟؟ الشغاله بصدمة : ام نجود
فهد يتاكد من العنوان :
ايه ايه ؟؟؟ الشغاله : في موت قبل اربعه
سنه
فهد : اييشش !!! ماتت
الشغاله : ايوه من اربع سنه
ماتت وقبل اسبوع مات
ابو نجود
فهد : لاحول ولا قوه الا
بالله تنهد : مين عايش هنا ؟؟ الشغاله : نجود ومرام
فهد : مين مرام ؟؟ الشغاله : خاله نجود
فهد : اها طيب بـ اشوفها
ضروري
الشغاله : اقول لها واتجهت
داخل
فهد تنهد اُف الله يصبر قلبها
فقدت امها وابوها !
عند مرام كانت
نازله من الدرج ��
مرام : مين عند الباب ؟
الشغاله : واحد يقول ابي
مدام مرام ضروري
مرام بنفسه غريبه من !
اتجهت لـ الصالة واخذت
حجابها وطلعت له
مرام : تفضل مين معي ؟
فهد : عندي موضوع ضروري
اذا ممكن داخل نتكلم ؟؟ مرام تنهد : تفضل
دخل وهو منزل راسه
بخجل .. مرام كانت محجبه فقط
بس مره كانت خجلانه
يدخل رجال غريب خصوصاً
ما في احد بهالبيت !
فهد : معك فهد محمد الـ **** مرام بصدمة : اخ نجود
فهد بـ احراج : ايوه
مرام : تفضل
فهد : نجود عنده علم بوفاته ؟
مرام : ايوه سمعنا الله يرحمه
ويغفر له
فهد : امين ، ابوي قبل لا يتوفى
وصاني بـ خواتي وانا والله
والله ما كنت اعرف انه متزوج
انصدمت لما قال لي .. !
مرام : مُمكن تتكلم بوضوح ؟
فهد تنهد : وصيه ابوي كلنا
نعيش بنفس البيت بالرياض
انا رحت لـ ياسمين ووافقت
وبـ اشوف نجود وميثا
مرام بقلة حيلة : اوه طلبك
صعب مره
فهد : اذكرك وصيه ابوي
مو طلبي انا
مرام : شوف انت اخوها
وما اخبي عليك نجود نفسيتها
جداً تعبانه انا ادري فيها مره
زعلانه ع وفاه الوالد بس تكابر
وتتظاهر مو مهتمه !
فهد بصدمة : مو مهتمه شفيها
ذي ابوها ابوها الي توفى !
مرام : كانت علاقتها جداً
سيئة بـ ابوها ونادر ما تشوفه
انا ما احط اللوم عليها كانت
طفله بس اختي الله يهديها
كرهتها فيه
فهد : الله يرحمها
مرام : كبرت نجود وهي تكره
وتلومه بـ اي خطا يصير
انا لو عندي اب ما صار كذا
حاول ابوك كثير يرضيها
بس هي للاسف ما ترد
لدرجة مره قال لها اخذك
لـ الرياض تعيشي في بيتي
هناك ورفضت ... !!! فهد تنهد : لاحول ولا قوه
الا بالله يعني مشوارنا طويل
مرام : وطويل جداً
فهد : شوفي انتي خالتها
يمكن تسمع منك اقنعيها
توافق وتشوف العيشه هناك
احتراماً لـ وصية ابوي
تعيش مع خواتها وانا قريب
منهم والي تامر فيه انا
بالخدمة
مرام : والله ما اعرف بس الافضل
انها تسمع هالقرار منك انت ...

مرام : والله ما اعرف بس الافضل
انها تسمع هالقرار منك انت
لان انا ممكن بنص الحديث
تطلع وتتركني بـ اخر الفترات
انا ما اقدر افرض كلمتي عليها !
فهد تنهد : تمام خلاص انا
اكلمها
مرام بهمس : يحبذا تضغط
عليها شوي صح انا ما اعرفكم
بس يكفيّ سمعة ابوكم الطيبه
وانا صراحة خايفه عليها
هنا عايشه بروحها
فهد : ما عليك عندي بس
ناديها لي لو سمحتي
مرام : ان شاء الله .. فهد بنفسه لازم اتعامل
معها بشوية قسوه واضح
ان الحنان ما ينفع معها
ولا ابوي ما طلعت له .. !
فوق عند نجود ��
مرام دخلت من غير
مقدمات : اخوك فهد تحت
ينتظرك وطلعت ما تبي تعطيها
مجال ترفض او تفكر .. !
مرام بصدمة : اييش !! فهههد ش جايبه هنا ؟
ولا تذكر ان عنده اخته
هه ينسى اني انزل له
ورجعت تقرا كتابها
شوي دخلت الشغاله : مدام مرام تـ
قاطعتها بحدة :
قولي لها مو نازله
له ... تحت بنفس الوقت
مرام : انا اعرفها مستحيل
تنزل
فهد : اذا ما تبي تنزل
انا اصعد لها وقف
واتجهه لدرج وصادف
الشغاله : وين غرفه نجود ؟
الشغاله اشرت له
واتجهه بها
طق الباب بخفه
نجود بصرخة : ما تفهمو
مستحيل انزل له قولو
له يطلع برا يوفر وقته ... مرام بنفسها الله يستر
نجود ما تحترم احد وهو
واضح مو متساهل مثل
ابوه .. !! فتح الباب فهد وبقوه : مين قايل لك مشغول ؟؟ نجود توترت من وجوده ودخلت
المفاجئ : نعم خييير داخل
علي كدا !
فهد بحده : ما احب الانتظار
قلت اختصر الوقت واصعد
لك
مرام سحبت الروب ولبسته
وبحده : شنو تبي ؟؟ خلصني
فهد : جاي اخذك معي للرياض
مرام بصدمة : هه تحلم اروح
هناك
فهد : لو لاحظتي انا ما اشاورك
انا ابلغك .. مرام : ووصلك ردي تفضل .. فهد بذكا : شوفي الطلب مو
مني انا !
ابوي الله يرحمه وصاني كدا
نجود بسخرية مُولمة : ابوي
فهد : من الاخر المصروف
بيتوقف وكل شي بيتوقف
نجود بحده : بـاذن مين ؟؟ انا اصلاً بـ اوكل لي محامي
واخذ حقي من الورث
فهد بسخرية : مو هدا موضوعنا
الورث .. !
وبكذب : ابوي كاتب شرط
ما يتوزع الورث الا بعد ما
نسكن مع بعض ظ¦ شهور
طول هالفتره ما في ولا مصروف
ولا ريال غير الي يعيشو هناك
لهم مصررف !! اذا ما تبين تجين اجلسي
هنا وانتظري ظ¦ شهور
من غير مصروف ولا سفرات
حتى خالتك مو موظفه هه .. !
ولا تجين معي لرياض نسكن
ست شهور مع بعض كل شخص
عليه من نفسه وبعد المده
كل واحد ياخذ فلوسه ويروح
وين ما يبي وانتي فكري
وبكيفك ووقف : معك يوم
تفكرين وتقررين ونزل رقمه
بكرا بمثل هالوقت انتظر ردك
لا تتأخرين كثير قلت لك
ما احب الانتظار انا
وطلع وهو مبتسم ع كذبته ...

انتهى