تكفون مالي غيرها جيبوها
شوفوا مطالب وصلها و رضاها
دوروا عليها بالحشا دوروها
واللي تبي من دنيتي يفداها
الغاليه يا اهل الوفاء ردوها
والله مقدر احتمل فرقاها
صيحوا عليها يا بشر نادوها
لا تتركوني طايح بلياها
بس بهداوء يا بشر كلموها
بشويش لالا تعكروا نصفاها
زعلتها و الحاسدين اغروها
يا هوووه يكفيها ترا ما جاها
غنوا لها ما قلت انا و غنوها
عل و عسى من ماتها يحياها
بالطيب والا بالغصب راضوها
لا تحرموني بردها و دفاها
خلاص يكفيها الزعل جيبوها
والله مقدر احتمل فرقاها