ديوان الشاعر حمد البريدي

#1 14 - 5 - 2023, 10:33 PM

ديوان الشاعر حمد البريدي

الشاعر حمد البريدي نبذة الشاعر حمد البريدي هو حمد البريدي المري، وهو شاعر قطري الجنسية، تخرج في كلية الهندسة، وبدأ مسيرته الشعرية في عام 2006، وفي ذلك الوقت كان يبلغ من عمره تسعة عشر عامًا.غلب على شعره اللمحة التقليدية العاطفية العميقة، هذا بالإضافة إلى انتقاء الألفاظ حديثة الاستخدام في مفردات قصائده الشعرية.من أكثر الشعراء تواجدًا على مواقع التواصل الاجتماعي المختلفة؛ حيث يهتم بالتفاعل مع جمهوره، واستطلاع الآراء المختلقة الدائمة في قصائده الشعرية.المسابقات الشعرية

شارك الشاعر القطري حَمد البريدي في العديد من المسابقات الشعرية العربية، وذلك مثل:

شاعر المليون.حب الوطن.أهم أعماله

من أهم إنجازات الشاعر حَمد البريدي:

الديوان الشعري الصوتي الأول “شحنة شرف” الذي ضم ما يكثر عن ثلاثين قصيدة شعرية.الديوان الشعري الصوتي الثاني “سحايب”، والذي ضم ما يكثر عن ثلاث وعشرين قصيدة شعرية.هذا بالإضافة إلى العديد من القصائد الشعرية الهامة، مثل: المكالمة، سحايب، شفتك بعد غيبة، بين استشارة جرح، غير ذلك الكثير من القصائد.

المصدر: شبكة همس الشوق - من قسم: همس دواوين الشعراء

الموضوع الأصلي :‎ ديوان الشاعر حمد البريدي || الكاتب : نجمة الليل || المصدر : شبكة همس الشوق

14 - 5 - 2023, 10:35 PM

جنــــون

. عنيد !! وآحبك واشوف الغرابيل
لو كنت اجمل وجه .. والطف واسحا .

. عذروب حبي لك !! .. يخليني آميل
وآميل لين القلب عن غيرك .. انحا !! .

. خذوك !! مدري .. خذتهم .. قالوا !! وقيل
واقول .. ( حكي الناس ما منه ربحا ) .

. خليتني .. يا باهي الطرف .. والويل
مشاعري ما بين ( موتى ) و ( جرحى ) .

. موت الخفوق .. أهون .. ولا موتت الحيل
لا وآشقى منهو على الدمع .. اضحى .

. مشكور .. ما تقصر !! ووفيت بالحيل
مرحا !! على هاللي تسويه .. مرحا !! .

. عزاك يا قلبي .. بقطع المواصيل
معاك .. من باقي محبيك .. جرحا .

. الدمع .. بللني .. ولا آبي مناديل
واللي كتبه الوقت .. لابد يمحا !! .

. ولا عاد تنشد عن دموع الرياجيل
يكفيك ( ابن عدوان ) في حب ( وضحى ) .

تووفه الحربي معجب بهذا

14 - 5 - 2023, 10:38 PM

الله يعطيك العافيه على مجهودك الرائع

14 - 5 - 2023, 10:38 PM

جنــــون

لكن على الله والامل غير مقطوع
في شوفت عيونك وفي لمس يمناك

من يوم غبت وكل ليله لي شموع
تذوب لين الفجر حتى تحراك

ابكي بدمع اللي لقى آخيه مصروع
ويصيح كنه يوم اناديك ناداك

فيني لحبك ارض واشجار وفروع
0تشبها بالطيش وآنا اتدفاك

باتقول لي وشفيك باقول موجوع
باتسبني من خاطرك باتفداك

الله خلقني انسان لكن لي طبوع
بس الوكاد انه عطاني ولا اعطاك

اني احس بغيبتك طول ( الاسبوع )
وانك على بالي ولا اقدر انساك !! .

14 - 5 - 2023, 10:39 PM

جنــــون

يقولون المحبه .. ويش وآقول المحبه طيش
( هيام " ) .. ما يعرفه كثر منهو منه يعاني !! .

. بدونه .. ما تحس .. انك بوسط العالمين تعيش
وبه تقدر .. تعيش العمر كله وانت متغاني !! .

. تحس ان فيه حد يهتم .. تحس انك تطير بريش
كلام صدق من واقع .. مهوب فلان وفلاني !! .

. فتنتيني .. يا بنت الناس وقليبي تعلق فيش
وانا توي صغير " خايف لا يحب ويعاني .

. دخليش غطي عيون " هدايبها سرايا جيش
تراى ان مت من عينش .. اثامش وانتي الجاني .

. ابد حطيني في عينش وداريني وانا اداريش
واحطش بين .. مرباط الوريد وبين شرياني .

. ما انا اتكلم ولا اعذرب .. واقدر لهجتش واغليش
لو ان حكاش لي كله !! ( اكو شمسه ) و ( انا كاني ) .

. لكن لا وصلت الدعوى .. على ايش وما ادري ايش
انا اقول انتفاهم .. حتى يفهم كلنا .. الثاني !! .

. تقولين انت تنطق ( اش ) .. وأقول وزعلتي ليش !!
أنا مري .. والى سولفت هذي هرجة لساني .

. كذا يعجبش يا مرحب .. مهو يعجبش .. وش لي فيش
ترى عيب " علي .. اني اجنب سلم جداني .

. إلى ابطيتي علي .. أسال وأقول اشتقت لش وابغيش
وآقول حكاي من جدي .. ما انا اتصنع ولا داني .

. اقلد حكي .. ما هو لي .. لا والله ما اقلد .. ليش !!
وانا افخر في .. خوالي كلهم .. وافخر بعماني .

. إذا غيري يغير لهجته !! عفوا " .. انا يا اخيش !!
اموت ولا اغير لهجتي .. دام الله احياني .

14 - 5 - 2023, 10:41 PM

جنــــون

يا طير حظك لا بغيت تطير ما اضناك المطير
تنطح صلافيح الهوى من هيبتك وتعوقها !!

وش لك بالارض العابسه والظلم والحظ االفقير
بيض الليالي رخت ارشاها .. وقفت نوقها !!

ما فيك لا برقع ولا لك وكر ولا لك جرير
والله لو اني اياك لآشق السحب وآفوقها !!

لا ضاق صدري .. رحت بلحالي وحثيت المسير
وان ضاق صدرك توكر بروس الجبال وفوقها

شامخ ولك هيبه .. ولك سطوه ولك عزم خطير
واليا نويت الصيده الجزله .. قدرت تبوقها !!

اشبهك في غيك وغيك غير واحساسك عسير
بس اختلف وياك .. فالقدره وفي منطوقها

لا جعت مالي غير مالي .. بين زادي والحصير
ولا انت مخلابك .. يقطع صيدتك وعروقها !!

يا ليت لي جنحانك اللي لو بغت وادي عسير
ما ردها منه سوى منشي السحب وبروقها

يا طير .. شفني والله اني من عنا الدنيا كسير
وكسرة جناح العزم .. ما تثنى الطموح بعوقها

سيف القهر مبطي وهو ما فارق اطراف الجفير
وانا علي مرفوق نفس ٍ خاطري .. مرفوقها

احاول اجمع ما بقى لي من امل .. باحساس غير
واكبح جموح النفس .. لو نفسي ذبحها شوقها

انا ادري اني ماني بحاكم بلد ولا أمير !!
لكني آجاري كبار الناس .. واسلب ذوقها

أملك من الاحساس والقدره وتحديد المصير
ما يكفي انه يحل ازمات العرب ووثوقها

لكن حدود العقل والحريه وشوف البصير
كنها تقول الابتعاد احيان .. من منطوقها

ياليت مالي قلب يشعر ويتضايق ثم يغير
ما كان وجهي شحبته الاقنعه وطروقها

عيبي خلقت من الوفا .. بس الزمن ما فيه خير
مثلي مثل ناس ٍ تعيش .. وما توفي حقوقهايمنع

14 - 5 - 2023, 10:43 PM

جنــــون

يمنعانثني ليل المشاعر واتعب الملتاع قافه !!
فوق مرقاب الشعور اللي احاسيسي تهبه !! .

. تنبري لي مهرة الاحساس وكفوف العسافه !!
(حس شاعر ) .. تحطبه دنياه .. واللهفه تشبه .

. القصيد احساس واللي دون ما احساس .. آفه
شعر لكن لو يسمى ( شعر ) محد " يستحبه !! .

. والحلا فالمرء ما يسمو على قمة عفافه !!
و( عفة الانسان ) جذابه وهذا آهم سبه .

. يا مسوي في حياتي .. من بعد شفتك ( أضافه )
يا ملبسني (( غلاك )) من الجفا والبعد جبه .

. هاتني .. لا !! ودني لك .. وأخذني لابعد مسافه
وأبحر بقلب يحبك مووت !! وأحذر كل غبه !! .

. واسقني من ( ماء الغرام ) .. اللي على جالك ضفافه
والوعد يا نور عيني .. بين مجراه ومصبه .

. يا عيون الظبي .. كانه ما على نفسك كلافه
نظرة عيونك عذاب .. وصاحبك حظه لعب به .

. (المياعه) و(العذوبه) .. و(العياره) و(الطرافه) !!
تجتمع فيك وتفرق .. في مساءات الاحبه .

. في شفاتك .. لذة المنجا .. ونكهات الجوافه
وخدك اللي كنه .. ( كتلة ثلج) شفي مِنه .. حٌُبه .

. ويوم غبت بدون سبه .. لجل حكي وما خلافه
قمت اناظر في عيون الناس.. لا كني مشبه .

. والزمن ماهو بري من ظلم وقته .. او جفافه
قاسي وقاسي كثير .. ونبه اللي ما تنبه !! .

. ليه تبعد .. عن عيوني يا عيوني يا حسافه
جرح قلبي من غلاتك .. من سواك يعرف طبه .

. لا تخلي بيني وبينك .. من الجفواا مسافه
ودامني مديت ( فنجال المحبه ) لا تكبه !! .

. ودي بوصلك .. وهجرك صرت اكرهه واخافه
وجعل ما ياتي لهجرك بعد ذا اللي صار سبه .

. لا تخلي صاحبك يمشي .. والى من حد شافه
قال .. يا عزي لحاله .. والله ان عاده يحبه !! .

14 - 5 - 2023, 10:45 PM

جنــــون

يا قلبي اشغيت المدامع ولا لوم
حزن ذبح الاشواق فعيون صاحبك !!

ان جيت لك مهموم وإن رحت مهموم
أعاتب الايام ولا اعاتبك !!

امشي معا الطرقات .. والدرب مزحوم
والناس منكبها على راس منكبك

شقي وقت .. وباقي احلامي نجوم
والهم خيل ن بين الاظلاع له دبك

شاري سهر .. والليل بايع له النوم
اقراك يا حلم خذاا الحال واكتبك

مرات احسك .. شي كايد ومعدوم
ومرات اقول فخاطري ياااه مقربك !!

حاربتني .. لين امتلى صدري سهوم
وانا آتأمل فيك .. وشلون أحاربك !!

مشاعري يا حزن ما تقبل السوم !!
ليه اتعقبني وانا ما آتعقبك

إن كان بك للدمع نيات وعزوم
تعال حاسبني .. وعقبه باحاسبك

مابه أمل يا حزن نفرح ولو يوم
ابك الحياه البائسه يا حزن ابك !!

ماني الوحيد اللي من الوقت مظلوم
لكن انا اللي في حناياه يشربك

مكره غلا لا شك ماني بملزوم
اكذب على نفسي وانا عكس مذهبك

يا صاحبي يا الحزن .. يا جعلك القوم
صرت الرفيق .. ومطلبي صار مطلبك !!

وإما وصلت لغايتي عشت محروم
والى حرموني غايتي مات صاحبك .

14 - 5 - 2023, 10:46 PM

جنــــون

. صفين رمشه صف جيش وحرايب
كنها جيوش الفرس في مجابه الروم .

. ياما علشانه شعبت الركايب
ما همني منقود ربعي ولا اللوم .

. لا شك دونه .. بالمحبه طلايب
دونه بني عمه .. على الحايم تحوم .

. فإن مت .. من حبي فسود الذوايب
فالموت حق وكل نفس لها يوم .

. لا شك .. انا باجيه ماني بهايب
وما قدر الله للفتى جاه ( مقسوم )

14 - 5 - 2023, 10:55 PM

جنــــون

إلا رفيق ٍ يجبر الكسر .. وعلى الشده عضيد
هذا منى قلبي عـلى الدنيا وهذا مطمعه

أضحك لو أن الضيقه اللي في الحنايا تستزيد
لين أقهر الضيقه وأخليها تفارق فـ السعه !

لا خانك الوقت الردي " وما للحديد إلا الحديد "
اللي شراك أهده وفـا .. واللي خذل عهدك بعه

تمشي المقادير بـ هوى الراضي وتلعب بـ العنيد
صدق اللي قال ان طاعك " الوقت الردي " ولا طعه !

العمر بـ أيامه قطار .. وراكب ٍ سكة حديد
وتمر لحظاته مابين المحزنه و الممتعه

كل الحياه دروس والدنيا عبر والمستفيد !!
اللي خذا من ( جمله الدنيا ) دروس ٍ تنفعه

المواضيع المتشابهه لموضوع: ديوان الشاعر حمد البريدي لموضوع: ديوان الشاعر حمد البريدي
الموضوع	كاتب الموضوع	المنتدى	مشاركات	آخر مشاركة
ديوان ونبذه عن الشاعر فهد المساعد	حنين الأشواق	همس دواوين الشعراء	65	7 - 5 - 2022 08:09 PM
ديوان ونبذه عن الشاعر تركي الميزاني	همس الشوق	همس دواوين الشعراء	18	15 - 2 - 2022 12:57 AM
ديوان الشاعر محمد عويضه بالحارث	النورسيه	همس دواوين الشعراء	8	11 - 1 - 2022 10:01 PM
ديوان الشاعر ضيدان بن قضعان	دلع الشوق	همس دواوين الشعراء	12	27 - 9 - 2021 01:33 AM
ديوان و نبذه عن الشاعر سعد علوش	همس الشوق	همس دواوين الشعراء	16	27 - 9 - 2021 01:31 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع