كل القصايد تنحني عند رجليك
وأجيبها لك يا بعد كل غالي
أحيا على قربك وصوتك وطاريك
ودي بشوفك كل لحظه قبالي
والله أحبك حب ياقلب مغليك
ويزود حبك مع مرور الليالي
أحلف برب البيت مانيب ناسيك
وشلون أبنسى دنيتي وراس مالي
ودي أحطك في عيوني وأغطيك
وودي أنا اللي بس أشوفك لحالي
وماودي عيون الخلايق تراعيك
أخاف تلقى لك حبيبا ً بدالي
حتى الهوى لامر من بين أياديك
أقول هذا وش يبي في حلالي
أنا بمنامي ياهوى القلب أناديك
صورتك دايم ماتفارق خيالي
أن غبت عن عيني بقلبي ألاقيك
وأن رحت عن قلبي فيا عزتالي
تبي الصراحه ما أقدر أبعد وأخليك
ينساني الله لا نسيتك يا غالي
الموضوع الأصلي :
كل القصايد تنحني عند رجليك || الكاتب :
عاشق الرومانسية مودي || المصدر :
شبكة همس الشوق
عضويتي
كل القصايد تنحني عند رجليك 
العرض العادي
