16 - 7 - 2023, 06:55 AM
|
| |
|
كلمات يشبهك قلبي أصيل هميم
 
يشبهْك قلبي..كنّـك إلقلبي مخلوق
وعْيوني لا شافتـْك / وجهي تِـضَيـّا
في الأرض مايشبهني غيرك ولايْلوق
وامن الفـضا ما مثـلك إلاّ الـثـريـّا
من ياسر القلب وْيجي له على الذوق
مـن غـيـرك اللي لا تِـلـَقـّاه حـَيـّا
متوَسـّد ضـْلوعي وممشاك لِعروق
وْما بين أحاسيسي وروحي إتـّفَيّا
إنت إختصَرت الناس شَكلٍ ومنطوق
ما في البشر حَدّ بْـجمـالك تِـهَـيـّا
وش عاد شوفة مبسمِك والمحيّا
أهواك..كلمة لوهي تنقاس بالشوق
حتى خيـالك لـو بـيـحصيـها عَـيـّا
مستوطِن أعماقي لِأخِر مدى الموق
وْمن سابع أرض أهواك لين الثريّا
معلومات الاغنية:
كلمات : أنور المشيري
الحان : سلطان السيف
غناء : أصيل هميم
توزيع ومكس : عثمان عبود
إشراف عام : أنور المشيري
إنتاج : ياس
الموضوع الأصلي :
كلمات يشبهك قلبي صيل هميم || الكاتب :
همسه الشوق || المصدر :
شبكة همس الشوق |
عضويتي
العرض العادي
