((تكملة الجزء الثالث ))
......../ حمد حمد حمد يايمه قووم عليت قلبي
حمد/ يالله يمه يالله بس خليني خمس دقايق
أم حمد / قووم كذا بتتأخر ولا تجي تهاوش بعدين تقول ليش ما قومتوني
حمد وبكل كسل قام من السرير وأخذله دش سريع وتكشخ وتسبح بالعطر يوم جاء بيطلع من باب البيت شاف منارة المسجد لإنه قريب من بيتهم تذكر أنه ماصلى الفجر رجع وتوضى وصلى يالخيمه وطلع من البيت
.....................
....../ والله أن أبوي خطير عرف وشلون يأدب حمد هههههههههه
أم حمد / أنت ما تستحين تطنزين على أخوك .......ياقلبي عليه لو تشوفينه وهو يروح لدوام الصبح يكسر خاطرك... لو أنك امه كان ماقلتي عنه ذا الكلام
....../ يمه الله يهديك وش كاسر خاطرك زوجي طلال أصغر منه ويروح كل يوم لدوام ولا يكسر خاطر أحد ...والله أنك حركات يمه
ام حمد / أقول لا يكثر وش جاب الصين لطين
ندى بزعل / يمه ما صارت زواج تزوجناه وهذا وهو يحبك ويقدرك تكرهينه [أم حمد تكره طلال لإنها كانت تبغى ندى لعيال أخوانها]
أم حمد / أيه ..ايه خلصنا من هالسالفه
دخلت عليهم الجوهرة وهي ميته ضحك وبعد السلام
الجوهرة / وش ذا الخبر الجديد ....... حمد بقلالة أئدره يتشغل ........والله نكتة الموسم كني أشوفه يصيح الحين إذا أحد صحاه الصباح ويتحسر على أيام السهر والسربته ههههههههههه
ندى واللي أخيراً لقت أحد يتطنز معها على اخوها / ههههههه والله انك صادقه
الجوهرة / بس كيف رضى يشتغل بعد كل هاذا العمر وهو عطالي
ندى / ماحد قالك وش السالفه ؟؟
الجوهرة تحمست / الدعوة فيها سالفه لا ما حد قالي اشجيني ياختي بها اشجيني
ندى / السالفه الله يسلمك ....أن أخوك بباله مشروع بس مامعه راس مال وما فيه غير أبوك يموله ووافق أبوي يموله بس بشرط ....وهو انه يشتغل بشركة أبو خالد رجل نورة سنتيييين وإذا صار مواظب بعمله وقدر يتحمل المسئولية ولا يسوي مشاكل بالشغل راح يعطيه الفلوس ..... يعني أبوك بين قوسين بيربي أخوك من جديد لكن بطريقة جديدة وتمشي معه ......لا وابشرك صار يرجع للبيت مبكر ويحافظ على الصلاة كله عشان رضى أبوي والله أبوي عليه أفكار طلقه .........هههههههه
الجوهرة / الله أبوي بعد كل ذا السنين توه يتحرك
ندى / لاتظلمين أبوي يمكن ما قدر يردع أخوك قبل بس يوم لقى المدخل لإخوك على طول بدى التنفيذ معه
.................
بعد 3 أســــابـــيـــع
......../ الحين انت وش ناقصك من الأغراض ؟؟
......./ ناقصني كثير أنا مادريت أنها شقه حسبت أني بسكن مع أهلك
ندى / الأصل كذا بس أبوي قال أزين عشان تأخذين راحتك بس ماللك دخل انا راح أجيب كل مواعين المطبخ لا تجيبين ولا شوكه هذي هديتي لك ......أنا كم ملاك عندي ؟؟
ملاك / الله لايحرمني منك ندو قولي آمين
ندى / آميين يالله اترك عشان ترتاحين توك راجعه من السوق وانا فاضيه قاعده أقرقر عليك ..... مع السلامه
ملاك / في حفظ الله وأمانته
...................
بـــــعــــد أســــبــــوع
....../ انت رحت تشوف شقتك يالمعرس ؟؟
حمد بضيق / لا ما رحت وانتي وش دخلك ؟؟
...../ لا بس حبيت أسألك عشان ودي أشوفها بعد انا
حمد / أقول خلودوه لا يكثر أنا راعي الشأن ماشفتها وش تبغين انت فيها ومن زين الترتيب ولا الملابس عشان أشوفها
خلود / لا حرااااام عليك ترى ملاك ذوقها حلو أنا ما ادري وشلون كان لبسها حلو وهو رخيص ... صدق اللي ذوقه حلو حلو فقير ولا غني ولا فيه ناس أغنياء ولا بسهم هراديس كنهم مايلقون العيشه
حمد وتحمس للفكرة / خلاص بكرة أبروح ألبس فيها
خلود / يعني نحاسه ليش ماتروح الحين عشان أروح معك
حمد / والله كيفي معرس واتحكم والبيت بكره بيكون زحمه وحوسه ألبس هناك على راحتي وبهدوء يالله تصبحين على خير وراي بكره يوووووووووم طوييييييييييييل ههههههههه
خلود / مستانس المعرس الله يرزقنا بس
حمد / انتي ما تستحين ؟؟
بعدين ليه ما استانس مب معرس بعدين يالله ضفي وجهك كني عظيتك وجه زيادة على اللزوم
قاعدة تتسمعهم وهي ميته قهر وتقول بنفسه [يكذب علي أوريه ذا الخاين الكذاب لعب علي وأنا صدقته]
وراحت ركض للمجلس وقفلت عليها الباب
الموضوع الأصلي :
روايه ما فادني زينه كامله || الكاتب :
البارونة || المصدر :
شبكة همس الشوق
الأعضاء الذين قاموا بتقييم هذا الموضوع : 0
عضويتي
رد: روايه ما فادني زينه كامله 
العرض المتطور
