عقبال ياماخذ فؤادي مية عام

#1 2 - 6 - 2025, 11:24 PM

عقبال ياماخذ فؤادي مية عام ..

.. ضيعتني منك وانا ما اهتديتك

لا ..ما نسيتك كيف بانساك ما دام ..
.. ذكرى الفراق تهزني لو نسيتك

حبك قدر وانا على دين الاسلام ..
.. مكتوب في وجه الجبين ورضيتك

لك في الضمير الود والحشمه اتوام ..
.. ولي في ضميرك مثل ما انا بغيتك

ولك منزل في نايف القلب وخيام ..
.. وذود الغلا ترعاه ولا شكيتك

يفطر عليك القلب ومفارقك صام ..
.. والله لونك شوك سدره كليتك

القلب طير لادعي للهوى حام ..
.. والا انت وكره من كثر ماهويتك

كن العيون من النظر عقبك ايتام ..
.. وكني ماريت الا انت من يوم ريتك

وكنك معي وانا فقدتك من اعوام ..
.. مع الخيال القاك كني لقيتك

من صعب وصلك ما تهنيتك احلام ..
.. وان جابتك فزيت شوق ومحيتك

يعني وصالك صعب واهدافي اوهام ..
.. يعني زرعتك للقدر ماجنيتك

صبرك يقولون العرب كل الايام ..
.. يوم عليك ويوم لاجاك جيتك

ويا قلب ياللي ورثك اجروح وآلام ..
.. بليتني ماهو بانا اللي بليتك

ولعتني من عادني في الهوى خام ..
.. واسرفت بي وانا خطامك عطيتك

طعتك وزبدة طاعتك هم وهيام ..
.. مالله كتب لي واستخرت وعصيتك

لوللقلوب اسواق بايع وسوام ..
.. لابدلك وان جيتني ماشريتك

والا انت ياللي جيش عينيك مقدام ..
.. لا اقنعت منك والرجا مارجيتك

كني سجين بين..افراج ..واعدام ..
.. وكنك سجن وانا بنفسي بنيتك

تنبيك عن حالي محاصيل الالهام ..
.. وتخبرك نظراتي نهار التقيتك

عقب الوصال اللي على عين من لام ..
.. قدهو يكفيني عن الوصل صيتك

وقدني الى مريت بالشارع العام ..
.. لديت من ما في الضمير ودعيتك

ادري ان صوتي ماقطع عشرة اقدام ..
.. وادري بي اعود الى من نصيتك

ياشينها يامحني راس الابهام ..
.. ماقدر على شوفك وانا عند بيتك

الاعمار ما تضمن وانا اخاف الاحكام ..
.. ارثيك خاف اودعك ما رثيتك

ناطق العبيدي معجب بهذا

الموضوع الأصلي : عقبال ياماخذ فؤادي مية عام || الكاتب : حنين الأشواق || المصدر : شبكة همس الشوق

4 - 6 - 2025, 11:21 AM

خاطره رائعه بكل ماتحتويه
من جمال الاحساس والمشاعر
سيدتي انتقاء مميز من انسانة مميزة
راقت لي كثيرا وراق لي المكوث بين طياتها
تحيه لك من القلب

المواضيع المتشابهه لموضوع: عقبال ياماخذ فؤادي مية عام لموضوع: عقبال ياماخذ فؤادي مية عام
الموضوع	كاتب الموضوع	المنتدى	مشاركات	آخر مشاركة
نعومة الورد الف مبروك الالفية الاولى عقبال المليون	همس الشوق	همس للتهاني و اهداءات	5	17 - 7 - 2022 05:45 AM
ياماخذ الطيب	حنين الأشواق	قسم الأغاني العربية	3	5 - 5 - 2022 12:12 PM
فوايد حب الرشاد	نبضه امل	همس للطب والصحه	4	10 - 1 - 2022 12:35 AM
بعيد رغم انك فى فؤادى	حنين الأشواق	همس الشعر والقوافي	2	6 - 1 - 2022 02:16 PM
شيلة ياماخذ قلبي مني	همسة الشوق	همس الشعر و الشيلات الصوتيه	6	2 - 3 - 2017 05:51 AM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟