رومانسيات اجدادنا وه بس ياحبيلهم يهبلون وبالصور

#1 4 - 1 - 2011, 11:56 PM

(( رومانسيات الاولين ))

.

.
.
ياحبيلهم ورومانسياتهم
صح انه بسيطه لكن باخلاص وبدون تصنع على الفطره بكل مافيها من طبيعه وبراءه
تكشخ ام صالح لابو صالح وتلبس له ذاكـ المقطع السنع ( مقطع يعني فستان بوقتهم ) طبعا من صلاة الفجر وهي مرتزتن لابو صالح
.

.
.

تحمس القهوه وتشب الضو ( النار ) في بيتهم الطين صح طين بس ونيس ومجهزه فطوره طبعا وقتها الفطور خبز وشاهي والا روب من بقرتهم
الله يحفظها اللي اخذتن نص البيت تقديرا واحتراما لها لانها هي راس المال(البقره)

.
يجي ابو صالح من المسجد الفجر وتهلي فيه ام صالح ياهلا بخلف امي وابوي وشلونك عساك طيب
يرد ابو صالح الله يسلمتس ام صالح حمدلله بخير مادام اني اشوفتس فانا بخير
ماشاء الله وش عندتس اليوم متزينه لابستن مقطعن جديد
ترد ام صالح بكل عفويه وحياء ابد يابو صالح قلت اوريك هالثوب توي شاريته بس وش رايك يهبل علي ؟
يرد ابو صالح : اي والله ماشاء الله انتي نور بيتنا يام صالح وش حنا بدونتس انتي كل شي
يتقهون وتصب له ويضحكون بكل طيبه وعفويه ويقوم ابو صالح يالله انا بروح ادور رزقي مسكين وقتها اما فلاح والا حمال والا صبي
يعني راضين بحياتهم واللي ربي كاتب لهم
ام صالح : وش تبي اسوي لك غداء يابو صالح ؟
طبعا هي تخطط لليل من الصبح وانتم عارفين وش اقصد
يرد ابو صالح : اللي تبين يام صالح رزيزه <<<يعني رز ولا مريقيقه <<< يعني رز ولا مطيزيزات <<< يعني مطازيز
اي سم ابشر الله يستر عليك وترجع لنا سالم
يطلع ابو صالح ورى رزقه عاد هو وحظه يلقى ولا يجي يسحب رجليه وام صالح في بيت الطين لحالها لاحنيس ولاونيس وخوف لامن ولا امان
ولا كهرباء ولا اتصالات بس يجمعهم حب عذري طاهر مهوب حب اليوم الله يخلف تحبك اسبوع وتمل وتدور غيرك
يجي ابو صالح بعز القوايل حر وحاله وام صالح مجهزه له غداه يتغدى وينام تحت رحمة الله لامكيفات ولا مراوح وراضين مايتشكون
الحين لو يطفى الكهرب خمس دقايق طفشت وقالت بموت مقدر اتحمل مافيه صبر ولا عزيمه ولا تحمل ولا تقدير ظروف
.
.
يجي بالليل وترقى للسطح ام صالح او (الطايه ) على قولتهم <<< نرقى يعني تطلع وتفرش فراش ابو صالح عشان يبرد وتطيبه وتبخره عاد وش بخورهم هاك الوقت ( جاوني ) حق الجن بس على قدهم
ياحبيلهم والله من يحصل عود بخور بوقتهم
طبعا زي ماقلت لكم مخططه من الصبح لهالوقت وحاسبه له حساب
من الصبح وهي تحط ديرم على براطمها (الديرم ) روج الاولين
.

.
وكحل القديم الحجري هذاك اللي اذا حطته شوي ويقوم يصب على وجهها وتصير توحش وحركات ياحليلهم
.
.

.
.
تناديه ابو صالح ترى فراشك مفروش تسان تبي تنام وهي مستانسه وقتها
يجي ابو صالح ويطيح بفراشه وتغطيه بالشرشف عاد الحين يبدأ تميلح العجوز ماتدري وش تسوي
تبي شي يابو صالح قبل اروح ؟ يرد على نياته .. هاه لامابي تبين تنامين انتي ؟ ايه بنام وش اسوي ودي اسولف معك بس اخاف انك تعيبان
وماتقدر <<< بدت تخش بالعميق
ابوصالح : تعالي وش رايتس تنامين بجنبي اليوم <<< على نياتهم يلمح
تدخل ام صالح معه بالفراش ويتغطون سوا وماتسمع الا ضحكهم لا يشوفون شي ظلام وكل واحد لابس ثوبه شوي وهم خالصين
وتقوم ام صالح من فجر الله مهبب ريحها ابو صالح البارحه وهي تضحك ومزينه فطوره واذا شافته هلا ابونا هلا بزين الرجال
جلس وقاموا يتقهون بكل براءه
الله على حياتهم طيبه وبراءه مافيه تشكي ولا زوجي سوا ولا راح ولا مايسوي لي ولا ماعطاني فلوس ولا ماسافر بي
ولا ماوداني للمول الفلاني او شرى لي بلاك بيري او لاب توب
المقصد من الموضوع حبايبي اننا نعيش حياتنا بدون تكلف نعيشها حسب ظروفنا ومانكلف الزوج فوق طاقنه
الحياة مو فلوس الحياة تفاهم وحب وموده وتألف بين روحين وصدقو لو تألفتو حياتكم بتكون روعه وتعيشونها زي الاحلام المهم تتفاهمون تقدرون بعضكم كل واحد يسمع للثاني يحترم رأيه معاناته طلباته
الحياة الزوجيه مهوب للتفريخ والولاده بزر ورا بزر كننا ارانب وبالاخير مانعرف كيف نربيهم التربيه الصحيحه اوحتى نحسسهم بالحنان والحب والدف
وبس
.
تحياتو
وهــ بس وهـــ

مما أعجبني وبقوة

الموضوع الأصلي : رومانسيات اجدادنا وه بس ياحبيلهم يهبلون وبالصور || الكاتب : عاشق الرومانسية مودي || المصدر : شبكة همس الشوق

المواضيع المتشابهه لموضوع: رومانسيات اجدادنا وه بس ياحبيلهم يهبلون وبالصور لموضوع: رومانسيات اجدادنا وه بس ياحبيلهم يهبلون وبالصور
الموضوع	كاتب الموضوع	المنتدى	مشاركات	آخر مشاركة
رومانسيات زوجية	عاشق الليل	همس للحياة الزوجية	4	4 - 4 - 2020 12:35 PM
حلى جلد النمر وبالصور كمان	همسة الشوق	همس مطبخ حواء	7	28 - 11 - 2015 02:26 PM
لست بحاجة لاشخاص يهتمون بي فتره مؤقته	انيقه	همس عذب الكلام والخواطر المنقوله	2	24 - 1 - 2014 02:44 PM
رومانسيات	الزهرة البيضاء	همس للصور والغرائب	11	15 - 4 - 2012 01:51 PM
زياء للاطف ل يدلبو يهبلون	ابن الجزائر	همس للاسره والطفل	4	19 - 2 - 2012 07:58 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟