اخاف اقول له خاين ينجرح بعدين

#1 29 - 5 - 2012, 10:19 PM

تذكر يوم أقولك جسد يحتوي روحين ..

.. وأوعدك ما أخليك وتوعد ما تخليني ..

.. أذكر يومها أشوف بالدنيا بس اثنين ..

.. قلبي اللي يحبك وقلبك اللي يحويني ..

.. بعدها بأيام شفت ايدك تحتضن ايدين ..

.. وانصدمت يوم شفت إنها غير ايديني ..

.. سكت لجل خاطرك وقلت مرحبا بالزين ..

.. مرحبا باللي القلب لجله حيل كاويني ..

.. مر يوم واسبوع وشهر وبعدها شهرين ..

.. وهو لازال مايدري بإني شفته بعيني ..

.. وأخاف إني أقوله له خاين وينجرح بعدين ..

.. وأخاف أسكت وبسكوتي صمتي حيل يشقيني ..

.. واجهته وأنا أبكي والعين تحتضن العين ..

.. سألته : ليه تنساني ؟ وإلا ماكنت تغليني ؟؟

.. سكت ولفّ عني وخبى وجهه بالإيدين ..

.. اللي كانت تحضني وغيرها ما تدفيني ..

.. سحبت وجهه و مسحت الدمع على الخدين ..

.. وقلت له والله أحبك ولو إنك تخليني ..!

.. سكت فتره وقال لي : لازلتي تحبين ؟؟

.. بعد اللي تشوفينه لا زلتي تحبيني ؟؟

.. ابتسمت وقلت أجل ماعرفت للحين ..

.. إني أحبك حيل واللي يرضيك يرضيني ..

.. سكت فتره وأنا أعاود فرحة بقت لسنين ..

.. وتركته وتركت حبه اللي بقى فيني ..

.. وصارت الدمعة إذا هلّت أقول أهلين ..

.. والبسمة هجرتني ونست دربها فيني ..

.. بعدها بأيام سمعت خبر والله شين ..

.. سمعت إنه ماااات وهو يطلب يلاقيني ..

.. ويوم إني رحت .. وصيته لي بورقتين ..

.. الأولى بها اسمي كتب بدمه يغليني ..

.. والثانيه يقول فيها: أبي أوضحلك شيئين ..

.. الأول أحبك حيل وماسكن غيرك شراييني ..

.. والثاني أمانه لا جيتي لأهلي تعزيّن ..

.. لا تنزل دموعك لي طلبتك لاتبكيني ..

.. كل اللي أبيه إنك بالخير لي تدعين ..

.. وإنك بالشهر مره بقبري تزوريني ..

.. واللي أبيك تعرفيه ومهم إنك تعرفين ..

.. اللي شفتيها معي كانت بموتي تبشّرني ..

.. انا اللي خليتك من كيفي عني تبعدين ..

.. لجل ما ينجرح قلبك بلحظة موت تحويني ..

.. تكفين لا تظنين إني خنتك ياالغلا تكفين ..

.. وإذا لازلتي تحبيني دايم بالخير ذكريني ..

.. سكت وقلت : ياليتني ظليت معك يازين ..

.. وشفت الموت ياخذك مني ولاكذا تخليني ..

.. تظنون إني نسيت أو الدمع جف بالعين ؟

.. لا والله إلين اليوم وهو معي يخاويني ..

.. لو تدور الدنيا ولو تمر بعدها سنين ..

.. ما نسيته لو أشوف أحفااادي حواليني ..

~~~~~~~~~~~~

(( fato0oy ))

الموضوع الأصلي : اخاف اقول له خاين ينجرح بعدين || الكاتب : فتى الاحزااان || المصدر : شبكة همس الشوق

المواضيع المتشابهه لموضوع: اخاف اقول له خاين ينجرح بعدين لموضوع: اخاف اقول له خاين ينجرح بعدين
الموضوع	كاتب الموضوع	المنتدى	مشاركات	آخر مشاركة
خاين ضميرك	حنين الأشواق	همس لمقاطع اليوتوب	1	24 - 9 - 2021 10:15 PM
اخاف اقول	شمعة حب	همس الشعر والقوافي	7	18 - 5 - 2013 07:46 PM
اخاف اقول احبك	الصافي	همس الشعر و الشيلات الصوتيه	2	30 - 3 - 2013 01:33 PM
اذكريني بدعوه حسبي على البعد يجرح ولا ينجرح	عابرسبيل	همس عذب الكلام والخواطر المنقوله	33	7 - 12 - 2012 05:23 PM
ماني من الى يضوي ولا يندرى به	حياةروحي	همس للترحيب بالاعضاء الجدد والتعارف	13	21 - 4 - 2012 07:33 PM

الذين يشاهدون محتوى الموضوع الآن : 1 ( الأعضاء 0 والزوار 1)

الأعضاء الذين قاموا بتقييم هذا الموضوع : 0
لم يقوم أحد بتقييم هذا الموضوع

التسجيل مجاني
سجلاتنا تفيد بأنك غير مسجّل ,, يرجى التسجيل اسم العضو كلمة السر تأكيد كلمة السر البريد الإلكتروني تأكيد البريد الإلكتروني تاريخ الميلاد: هل انت موافق على قوانين المنتدى؟