اي بالله احبك
اي بالله احبـك وقاسيـت فرقـاك
والصبر في بعـدك يقطًـع فـؤادي
انا هقيت البعـد يجبرنـي انسـاك
ولا هقيت الشوق يزعـج رقـادي
لا سالمٍ منـك ولا عشـت دنيـاك
متعلـقٍ مابيـن جمـر وبــرادي
لو كان فيدي مبطي القلـب خـلاك
مير الحقيقه مايجـي فـي مـرادي
القلب يطلب فزعة الصبـر لطْـراك
يخاف دمع العيـن عنـد العبـادي
اسج عنهم واسرج الخيـل ويـاك
وان صوتوْ مانيـب يـم المنـادي
واسوق رجلي لك ليا قالـوا هنـاك
ولازلت بـاذل للوصـال اجتهـادي
ولا تدري كم زعلت غيرك لعيْنـاك
وكم شلت من شانك حمولٍ شـدادي
وتقول اكيد اني مع الوقت بسـلاك
وأقول طال البعد .. وتقول عـادي
ماقول غير الله حسيبـك ومـولاك
ومنه العوض فالمقبـلات الجـدادي
بأذنه تجيني تطوي الليـل بضيـاك
اللي ليا جانـي كئيـب وسـوادي
وان كان مانعك الحيى جعلي افـداك
وان كان ماعندك عذر واستنـادي
تعال .. واترك بسمتك تحضن شفاك
وارجع تـراك اشقيتنـي فالبعـادي
او 
لمشاركة اصدقائك!
عضويتي
اي بالله احبك 
العرض العادي
