غابت نجوم الليل والحزن مـا غـاب
في خاطـري يبغـى سـؤال وإجابـه
دوَرت في ذهني شواريـد وأغـراب
والمشكلـه ذهنـي يعيـش الكـآبـه
كني أدوَر وسـط صفحـات وكتـاب
عـدة حـروف(ن) كلبوهـا تشـابـه
وآخر نتيجه في خوى الراس ترتـاب
إن الخطـا لـو راح يبقـى صوابـه
وأيقنت بأن العلم لو عاش مـا شـاب
يبقى علـى طـول السنيـن بشبابـه
وإن الخطا أحيان من دافـع إعجـاب
ملـمـوس وألاَ يمكنـنَـه كـتـابـه
لكن من إللي من خطا الذنب ما تـاب
كل(ن) يفتش وش لقى فـي زهابـه ؟
يلقـى عبـاره مالهـا أيَـة أسبـاب
تضفي على وجـه المعـارف غرابـه
نرضى نلوم الغير ولا نقبـل إعتـاب
كـن الخطـا ممنـوع منَـا إقترابـه
من طق باب النـاس طقولـه البـاب
ومن شاف عيب الناس يستـر ثيابـه
ومن عاب صاحب فارقه عدة أصحاب
يلقـى عيوبـه حاظـره فـي غيابـه
وإن كنت بين الناس يحسب لك إحساب
أصغر خطا يفـرض عليـك الرقابـه
من موجز أفكاري تحدثـت بإسهـاب
أبريت فكري مـن طـواري عذابـه
والحمـد لله ماعلـى جالهـا أجنـاب
بيـن الرفيـق وبيـن ربـع وقرابـه
ابيات اعجبتني ورصعتها لكم بث لعيونكم الحلوة
او 
لمشاركة اصدقائك!
عضويتي
العرض العادي
