يا عــــــذابي لا فقدت اللـي قتلنـي بالعيـــون
العيـــون اللي حياتــــــي مـا تعيـش بدونهـا
غسلينـي بالدمـــــوع وكفنينــــــي بالجفـون
وادفنيني في العيـــــون الســـود وإلا نونهـا
اكتبيني في حياتك قيس عشــــــاق الجنـون
وأكتبك في القلب{ ليلى } عــــــذبـت مجنونهـا
الحشا لك شجرتن وعروق قلبي لك غصون
يا بعد صـــــوت الطيور اللي تجــر لحونهـا
دونيني حلمك اللي مـا تخيبهـا الظنـــــــون
آه يا بعــــض النفوس اللي تخيـب ظنونهـا
كم على شانك تحملت الخناجـــر والطعـون
بس وقـف والامــــانـه سلمـت مامـــــونهـا
والتجارب علمتني بالمحبـه وش تكــــــون
قبــــــــل احبـك ذوقتنـــي موتهـا وطعونهـا
وأجبرتني ما تعدى همست الصوت الحنون
لـو حياتــــــي بعـــــدهـا وإلامماتـي دونهـا
والـــوداع أخير من حـــــب يعيشنـي بـدون
كلمتن لأهــــل الهـوا ما ينعـرف مضمونهـا
وأشعليني شمعـــت العشــاق للـي يشعلـون
شمعتن ما تنطفى لي في ســـــواد عيونهـا
عضويتي
شمعة العشاق 
..’’ 
العرض العادي
