عجزت اوصفك يللي الوفاء طبعك
كاتبة الروايه مشغولة البال
في المستشفى
صوت طفل يصيح ....!
خلف : اووه زوجتي ولدت الحمد الله لك يارب
طلعت الدكتوره شافها خلف على طوول راح لها
خلف : بشريني وشلون زوجتي وكيف حال الطفل
الدكتوره: مبروك جتك بنت حلووه تجنن وهم زوجتك بخير
بس ..!
خلف : بس وشوو
الدكتوره : بنتك مريضه في ضهرها كيس دهني اثرعلى اعصاب رجولها
يمكن ماتمشي انت وزوجتك تقربون لبعض؟
خلف : لااله الا الله سبحانك ايه نعم هي بنت عمي
الدكتوره : قبل ماتتزووجون سويتوا تحليل دم
خلف: لا والله يادكتوره ماسوينا
الدكتوره : طيب انت فيك تكسر؟
خلف : لا بس حامل تكسر هم زوجتي حامله
الدكتوره : هذا هو السبب اذا كنت انت حامل وهي حامله
العيال يطلعون مريضين فيهم تكسر او معاقين المفروض سويتوا تحليل في احد من اعيالك مريض ؟
خلف: والله انا ماكنت ادري لا مافي بس ولد واحد فيه تكسرلاكن خفيف
الدكتوره : طيب ماعالجت ولدك؟
خلف: الا عنده مواعيد في مستشفى ثاني طيب يادكتوره
وش الحل لبنتي الحين؟
الدكتوره : انا بكلم افضل دكتور هنا يشوف حالتها
ان شاء الله يقدر يساعدها تقدر تشوف زوجتك احين
عن اذنك
خلف: الله يجازيك بالخير يارب و الله يعافيك الله وياك
راح خلف الى زوجته طق الباب
نجود: ادخل . <الي هي زوجته
خلف : الحمد الله على سلامتك يا ام سعيد
نجود: الله يسلمك يا ابو سعيد
خلف: كيف حالك ان شاء الله بخير الا وين بنتي ؟
نجود : اخذوها الحضانه اتقول الدكتوره يمكن مايطلعوها
والله عورني قلبي عليها ليت فيني ولا فيها
خلف : لاتقولي كذا يا ام سعيد ان شاء الله في عدوانك وبعدين هذي هديه من عند رب العالمين ان شاء الله راح
تطيب باذن الله
يالله انا رايح اشوفها وبرجع لك
نجود : امين يارب طيب الله معاك
راح ابو سعيد شاف بنته عوره قلبه عليها
ابو سعيد : ماشاء الله تبارك الله سبحان الخالق
كانت جميييييييله واااااااجد وبعدين اذن في اذونها
بعد مرور سبع اشهور
راح ابوسعيد وولده سعيد وزوجته يزورها بعد ما سووا للبنت عمليه
وشالو منها الكيس الدهني
في المستشفى
ابو سعيد: السلام عليكم
الدكتور : وعليكم السلام
ابوسعيد : كيف بنتي احين يادكتور ؟
الدكتور : والله مادري وش اقولك بعدها زي ماهي ماتغير شي
الكيس اثر فيها بس قدرت اشيله عنها تقدر تمشي بس ماتطول في المشي تتعب
لازم احد يمسكها ولازم يكون لها كرسي متحرك عشان يساعدها
ابو سعيد : طيب يادكتور مافي حل ثاني يخليها تمشي ؟
الدكتور: الا في بس صعب لازم نسوي لها عمليه في ضهرها في الاعصاب
بس مو مظمونه يمكن تفقد حركتها للابد ويمكن تمشي الله اعلم
ابوسعيد : لاحول ولا قوة الا بالله
ام سعيد : لا يادكتور لا تسوي لها العمليه خلها كذا ربي يساعدها
سعيد : طيب يادكتور نقدر نساعدها اذا سفرناها برا ؟
الدكتور : ايه مثل حالتها يمكن يكون افضل لها تتعالج برا
ابو سعيد في قلبه: اخ بس لو اقدر اسفرها برا والله لااسفرك لاكن
حالتي الماديه ماتسمح لي ....
بعدها طلعت البنت من المستشفى وسموها فاطمه وكانوا كلهم يهتمون فيها واجد
وبعدها جابت نجود عليها ريهام و ندى وكبروا دخلت ريهام المدرسه
حاولت نجود تدخل فاطمه المدرسه لاكن ولا مدرسه قبلتها يخافون عليها بعدها
صارت فاطمه تدرس مع اختها ريهام في البيت تقراء وتكتب وتعلمت اشوي اشوي
لين ما خلصت سادس والحين العطله اذا فتحت المدرسه راح تروح ريهام اولا متوسط
ندى راح تروح ثاني بتدائي الحين بعرفكم على عائلة ابو سعيد : طبعا ابو سعيد الي هو خلف طيوب لاكن مزاجي وعصبي
متقاعد من العسكريه حالته الماديه ضعيفه عمره 49 سنه عنده ثلاث اولاد و ثلاث بنات كل همه راحت اولاده
ام سعيد : الي هي نجود زوجته طيوووبه وحبووبه ولكل يحبها شرحه وحنوونه حبووبه همها اولادها عمرها 42سنه
سعيد :الاكبر من الاولاد عمره 29 سنه طيوب محترم وسيم ابيض شعره اسود ناعم لاكن دايما يحلقه عشان شغله
طلع على ابوه يشتغل عسكري المهم عيونه بنيه خشمه طويل فيه عضلات لاكن فيه كرشه طوله وسط
الي يمشي معاه سيده يمشي سيده الي يلف ويدور يلف ويدور معاه متزوج عنده ولد اسمه خلف
حليو وزوجته مها ملقوفه أي شي تسمعه على طول اتقول له حتى لو كان تافه عمرها 20 سنه
شعرها اسودصغير عيونها سود جميييييله لاكن خشمها متين هههه اشوي المهم طولها وسط
مو دوبه ولا ضعيفه حلووو متنها وبيضه
وليد : هذا الوسط وعمره 26 سنه طيووب محترم وحبووب وحنووون لاكن عصبي عيونه سوده اسمر طويل فيه
عضلات خشمه طويل هم وسيم لاكن شعره خشن
مودب ولا ضعيف حلوو متنه
توه متزوج له شهر زوجته مروى طيووبه وحبووبه لاكنها مصاالح بث هههههههههههه
ضعيفه طويله شعرها طويل لين ضهرها لونه بني عيونها وساع لونهم سود خشمها وسط لا طويل ولا صغير
جميله
جاسم : الاصغر من الاولاد طبعا عمره 22 سنه طيووب مرح حنوووون الكل يحبه
عيونه بنيه شعره خشن لونه بني هم فيه عضلات طويل ومتنه عدل وسط اسمر وخشمه طويل جمييل
محترم يحب ينكت لاكن اذا عصب يصير واحد ثاااني
نرووح للبنوتاااااات
فاطمه :الي هي البطله اكبر وحده من البنات عمرها 18 سنه تحب الرسم
عيونها وساع وسود خشمها طويل بيضه شعرها خشن يوصل لين كتوفها
لونه اسود طولها وسط متنها هم وسط لا دوبه ولا ضعيفه
تعشق شي اسمه دراسه طيوووبه حبووووبه مرحه وجمييييييله تجنن
ريهام : الاوسط عمرها 13 سنه طيوووبه لاكن بسرعه تعصب مرجووجه
عيونها سود وساع شعرها طويل اشوي ويتعدى ضهرها لونه بني خشن
طولها وسط وضعيفه وبيضه
مرحه بس عنيده لاكن حنوووونه وحلوووه
ندى : اصغر وحده عمرها 9 سنوات نحيييسه مرجوووجه دلووعه حنطيه
شعرها بني يجي نص ضهرها عيونها سود صغار خشمها معتدل وسط
وطولها وسط وضعيفه واجد لاكن طيووبه حبووووبه بس كسووله وجمييله هههههههههههه
في البيت
طق طق الباب غرفة فاطمه
فاطمه : دخل
ندى : قومي حطوا الغدى
فاطمه : يالله جايه
ندى : شسوي الله جالسه ترسمي رسمي لي
فاطمه : بعد الغدى يالله نروح
طلعوا من الرغرفه راحوا يتغدوا
فاطمه : السلام عليكم
كلهم : وعليكم السلام
جاسم : يالله يايمه وربي جايع حدي ريحته تشهي
ام سعيد : هههههه يالله عليكم بالعافيه سموا يمه
كلهم : بسم الله وبدوا ياكلووا
في المطبخ
مها كانت تتغدى مع مروى
مها: اقول مروى ماكنه الغدى ماصخ
مروى : ايه نسيتي انو خالتي يرتفع معها الضغط لازم ماتكثر من الملح
مها : أي صح كح كح غصيت هاتي مويه
مروى : بسم الله عليك خذي مويه
نرجع لصاله
كانوا يتغدون ويسالفون ويضحكون
فاطمه : يمه
ام سعيد : هلا حبيبتي
فاطمه : ابي ادرس متوسط حاولي تدخليني أي مدرسه
ام سعيد : حاولت تعبت مافي ولا وحده قبلتك
فاطمه : تكفين يمه حاولي احين مره ثانيه والله نفسي ادرس
ام سعيد : ان شاء الله يابنتي مايصير خاطرك الا طيب
فاطمه بفرحه : تسسسلمين يااحلى ام في الدنيا كلها
ريهام : شرايك اول مدرسه هي مدرستي تشوفي كنهم يقبلوك عشان
افحط فيك على الفصحه ونتي جالسه على الكرسي ونااااسه
كلهم هههههههههههههههههههههههههههه
فاطمه : لا والله شنو سياره تلعبين فيني
سعيد : لالا كلشي ولا اختي اذا قبلوها مدرستك اهتمي فيها زين
ندى : وليد صب لي مويه
وليد : مافي اول عطيني بوسه في خدي
ندى : ماابي صب لي موي
وليد : هههههههههه طيب خذي
جاسم: فطووم
فاطمه : هلا
جاسم : ابيك ترسمي لي طير مو لي ولد خالي يبيه
فاطمه : ان شاء الله
بعد ماخلصووا الغدى الي طلع ولي راح غرفته
جاسم : اف مليت من الجامعه مادري متى اشتغل وفتك
اصلا بطلع منها واانا راسب راسب عارف نفسي
رن الجووال ترررن ترررن
يتبع
آخر تعديل عديمة الاحساس يوم
25 - 5 - 2013 في 03:26 AM.
او 
لمشاركة اصدقائك!
عضويتي
العرض العادي
